حب ودموع
هتموت من التعب من كتر الشغل وهكذا بقيت الايام بتتحجج بالشغل مرة ومره انها تعبانه وعايزة تنام او مره خارجه مع صحابها اللي اتعرفت عليهم وهكذا لحد ماأخذت في يوم قرار المواجهه وقبل ماتنفذه تلاقي مسدج مبعوتلها من النفس الرقم اللي اخدته من بسمه وهو رقم سلمي وفيه صور لسلمي مع عمر ولبسه فستان سواريه وهو بدله والمره التانيه كانوا بهدوم خروج بس متخده وهو مش واخد باله وبعتالها تقولها
مطلعش بيغفلني انا كان بيغفلك انت يامغفله ولا اقول انت اللي رخيصه وحدفتي نفسك عليه لما كان جاي يتقدملي وبيحبني انا بس انت ياعقربه اللي اجبرتيه
شاطرة ياسلمي عرفتي ترجعيه ليكي الف مبروك هو فعلا انا كنت هكلمك اقولك ان احنا فسخنا وانه فعلا بيحبك حافظي عليه
وانهارت في العياط وصلت البيت وكلمت بسمة وهي منهارة
ايه يارو ... ايه دا مالك بتعيطي كده ليه ايه اللي حصل
بسمة اللي هقولهلك دا تقوليه لخوكي بالحرف تمام
طيب حاضر بس ممكن تهدي بس الاول
اخدت نفس ومسحت دموعها وحاولت تتماسك ماشي انا هديت اهو اسمعيني بقا
وحكيت لها علي كل الخطط قد ايه هي استغلت طيبته وانه عمره ماهيبوظ علاقتهم سوا واللي قلته لسلمي عشان متفكرش تكلمه تاني واللي سمعته بالصدفة لما كانت رايحه ليه الشركة
وقوليله ميقلقش مش هيشوف وشي تاني خلاص انا طلبت نقلي الفرع هنا وبعد المشروع اللي هقدمه بعد بكره هتثبت وهستقر في اسكندرية والف مبروك ليه هو سلمي
لا طبعا انت مش هتعملي كده مهما كان اللي عملتيه مينفعش تروحي تقعدي لوحدك وانا مش هقوله حاجه وانت هترجعي وتعيشي وسطنا عادي
بسمة بالله عليكي تنفذي اللي قولت ليكي عشان انت كده بتصعبي الأمور عليا وانا مش نقصه انا كنت هعمل حاجه اسوء من كده واترجعت في آخر لحظة فعشان خاطري لو ليا خاطر عندك توافقي
ماشي رحمة بس اعملي حسابك اني جيالك ومش همشي ولا اسيبك غير بعد اسبوعين تلاتة سته الله اعلم
انت مش زعلانه عشان اللي عملته في اخوكي
لا انت اللي مكبرة الموضوع عمر مأجبرش علي حاجه هو اللي عمل كده بنفسه
ايا كان ربنا يصلح حاله اهم حاجه تقوليله تمام
حاضر
بعد ما خلصت المكالمه مع بسمة رمت نفسها علي السرير وقاعدة تعيط لحد مانامت ولما صحيت تاني يوم عشان تروح الشغل كانت تعبانه جدا واتصلت استأذنت منهم في اجازة مرضي وفضلت طول اليوم بتعيط وتشوف صورهم وصوره مع سلمي وفي نفس الوقت الموبايل مبطلش رن من عمر وتوقعت ان سلمي حكيتله كل حاجه وتاني يوم كان اليوم اللي هتقدم في مشروعها وراحت وقدمته وعجب الناس جدا لدرجة انهم رقوها وراحت تشوف مكتبها اللي هتبقي فيه الرسمي عشان هي كانت قاعدة علي واحد احطياتي وبما انها اترقت وكمان اتثبتت في اسكندرية جابولها مكتب الجديد بس كان في حد قاعد عليه ومديها ضهره وفي بوكيه ورد محطوط علي المكتب
مين حضرتك قاعد علي كرسي بتاعي ليه
ايه ياسيادة المديرة
بصدمة عاا ايه اللي جابك هنا
جاي اشوف سيادة مديرة القسم بتتقل عليا ليه ومش بترد
هي هي بسمة مقلتلكش
قلتلي علي ايه .. اه افتكرت الموضوع الأهبل اللي انت كنتي بتعملي والخطة الهبلة انك تتثبتي هنا في اسكندرية لا مقلتليش
بطل هزار بقا عمر واتكلم بجد جاي ليه
عرفت ان خطيبتي حبيبتي النهارده هتقدم مشروع مهم جدا فاقولت لازم ابقي موجود واحضره من أوله لاخره
ايه دا انت كنت موجود انا مشوفتكش
لا منا كنت ورا الباب الازاز دا
وبعدين ايه خطيبتك دي انت تقريبا غلطان في العنوان
في ايه مالك ياحبيبتي انتي من الصدمه السلوك ضربت عندك مش احنا اتخطبنا ودبلتي اهي في ايدك
اه قصدك دي طب افتح ايدك كده ثواني وخلعت الدبله وحطتها في ايده
ايه دا
خدها بيعها وجيب بيها دبلة لسلمي
دبلة ايه وسلمي مين
اسكت مش احنا سيبنا بعض
ايه دا بجد امتي دا ومحدش قالي ليه
معلش ابقي خلي سلمي تقولك بقا ماهي عندها كل الجديد
رحمة اتكلمي عدل بقا قوليلي في ايه
امشي ياعمر انت مش منحقك تعرف حاجه عارف ليه لان برغم اللي انا عملته دا بس اللي انت عملته يعتبر خيانه وانا ممكن اسامح في كل حاجه الا
خيانة ايه ماتحكي ايه اللي حصل انا مش فاهم حاجه بجد
راحت اخدت تليفونها ووريته الرسالة
محصلش والله دي كدابة وهعرفها قيمتها الرخيصة دي لما ارجع واللي حصل ان كان عندنا خطوبة واحد زميلنا في الشركة وكلنا كنا متصورين بس هي قصة الصورة حتي بصي وراها الصورة الاصلية والصورة التانيه كنا مخلصين شغل متأخر ومكنش ينفع اخليها تروح لوحدها فاعزمت عليها اني اروحها وهي مرفضتش
وانا المفروض دلوقتي اعمل ايه اخدك بالحضن واقولك خلاص كل حاجه تمام
لا لا خلي الحضن دا بعدين
دا انت الاستزراف ايه معاك طب ممكن تاخد بقا سكه وتمشي
طب بحبك
استغفر الله العظيم يارب مش قفلنا الموضوع دا وخلاص
طب انا اسف بقا خلاص مكنش ينفع اخدها واوصلها عارف وخصوصا ان كان ممكن نتخطب اعمل ايه طيب انا عزمت وهي زي ماتكون صدقت اسف بقا
طب وبالنسبة للي سمعته في الشركة يوم ماكنت جيالك
انتي اللي عبيطه ومشيتي لو كنتي كملتي للأخر كنتي عرفتي انك بعد ما مشيتي قولتلها انها كانت مجرد اعجاب بشخصيتها مش اكتر واني واقع في شخص تاني كده دبلته في أيدي ومسك ايديها ولبسها الدبلة تاني معدتش تتقلع دي لحد ماتتحط في الايد التانية سامعه
مش سامعة اوي يعني بس تمام
اه علي فكرة كتب الكتاب أتقدم بقا اخر الاسبوع وكل حاجه مستنية العروسة
ايه دا كل دا حصل امتي
انتي كنتي متفقة معايا علي شهر وانا في الشهر دا عرفت قيمتك في حياتي كبيرة قد ايه فامقدرتش استني اكتر من كده الصراحة وقررت اعملهالك مفاجأة بس في ناس كانوا مخطتين قال ايه لمفجأة تانيه عمرها متحصل انتي فاهمه
وانا هعمل ايه في الشغل اللي هنا
لا تقلقي ظبط كل حاجه مع المدير هيبدل مكانك بمكان المدير بتاع فرع القاهرة
لا لا مظبط كل حاجه الله عليك بجد
عيب عليكي يلا بقا هنحتفل النهاردة هنا في اسكندرية بسيادة مديرة القسم
انت بجد مبسوط ليا
ايه هو مش باين عليا ولا ايه
لا باين عليك واكتر مني كمان يعني انت مش متضايق عشاني بكبر في
انتي عبيطة يابت انتي نجاحك من نجاحي وهقعد بقا كدا اتفشخر بيكي قدام الناس وهو في حد طبيعي يكره النجاح لشريكة حياته دا انا ادعمك جدا لحد ما تنجحي اكتر واكتر
شكرا من كل قلبي انت احسن اختيار انا اخترته في حياتي وبشكر ربنا عليك
وراحوا احتفلوا سوا ورجعوا علي القاهرة وعدا الاسبوع بسرعه بين تجهيزتهم وبين الفرحه اللي كانوا فيها
بارك الله لكما وبارك عليكما وجمع بينكما في خير
زعريط ملأت المكان والكل بيبارك ومن الزحمة مش عارف يشوفها واخيرا وصلها ووقفوا بعيد عن الناس
مبروك عليا هذا الجمر انت كل مرة هتحلوي كده
خطر عليا
بصت في الأرض
علي فكره في حضن كنت قولت عليه بعدين عارفه
امتي دا مش فاكره حاجه
مش مهم تفتكري علي فكرة وحضنها علي فكره انا عايزة اقولك حاجه انا اكتشفت ان طول الوقت دا كنت بفكر فيكي بس عامل مش واخد بالي او بستهبل كنت بتعامل معاكي علي اساس انك زي بسمه اوان مجبر اني احبك علشان انت حباني بس اكتشفت ان في الاخر محدش بيجبر علي حاجه انا اللي كنت حابب دا وعلي هوايا مكنتش مقتنع اني بحبك او هحبك بس لما حسيت انك هتروح من ايدي مقدرتش كنت هتجنن واستوعبت كل الكلام اللي كنتي بتقوليهولي اخر مرة لما
كنا سوا وانك كنتي بتودعيني اتهبلت ولما عرفت من بسمة اللي عملتيه متديقتش ولو واحد في المية عشان انا عارف رحمة وكويس جدا وعارف انك كنتي ندمانه اوي وانك اكيد مش هتكرري اللي حصل مهما كان تاني وعرفت انك عندك عرض تاني يوم فاستغليته وجيتلك علي طول بحبك اوي واوعي تعملي كده تاني
علي فكره انا بقا مش بحبك
لا بجد بعد كل دا يبقي دا ردك
اه دا مجرد اعجاب ممكن انت بقا تحوله لحب انت وشطارتك
لا تقلقي زي ما خليتك اول مره تعترفي هخليكي تحبيني وتعرفي تاني عادي جدا
اهم حاجه ثقتك في نفسك
طبعا يابنتي
عمر الانانية كانت هتخليني اوصل لحاجه يمكن عشان رجعت وندمت ربنا سامحني ومعقبنيش ببعده عني الحب عطاء وأنت أو الشخص دا فعلا من نصيبك منغير أي خطط أو مجهود هيبقي معاكي لأن
different_flower
