حب ودموع
المحتويات
كل التفاصيل دي يلا حاسب عشان نمشي
وطلبوا الحساب وركبوا العربيه وهي كانت سانده علي الشباك وسرحانه قام مشغلها اغنية اللمبي
كلوا كلوا كوم وزعلك انت كوم انا عندي الدنيا تزعل ولا تزعل انت يوم
لفتله وكانت كاتمه ضحكتها بالعافيه وهو ركن العربيه في حته ونزل جاب بوكيه ورد وشغلها الاغنيه تاني
ايه أظن أنه كده خلاص بقا اترضيتي ومية ميه ولا ايه
قاعدة تضحكلا كده تمام اوي انا كده راضيه عنك
اسف بجد حقك عليا
خلاص ولا يهمك ... انا بقا اللي اسفه جدا عشان نكدت وبوظت الخروجه والمفاجأة وكل حاجه
عادي يارورو انت طول عمرك بومه مش حاجه جديده عليكي
اتلم ها اتلم وقعدت تضرب فيه
خلاص خلاص ايدك تقيله
بجد شكرا جدا على كل اللي بتعمله عشاني مش عارفه اقولك ايه غير اني هحاول اعمل كل حاجة عشان متجيش في يوم من الايام وتكون ندمان انك جيت واتقدمتلي وهحاول علي قد ما اقدر اخليك فرحان وفخور اني خطيبتك
بس يابت ياهبله احنا من أمتي وبينا شكر أو اي حاجه من دي وبعدين انا مش بعمل حاجه كفايه اوي أنكوا كلكوا معايا وانا هعمل كل حاجه عشان احبك زي ما انتي بتحبيني
اهم حاجه عندي متقلهليش غير لما تكون فعلا حسسها
اوعدك
بابا رحمة كان بيرن علي فون عمر
عمي حبيبي احنا خلاص جاين اهو في الطريق
وبعد فتره وصلوا تحت البيت
يلا باي متنسيش بكره هننزل ننقي الشبكه نامي بدري عشان تعرفي تصحي عشان عارف امك وامي بيحبوا يروحوا الصبح
حرام كده علي فكره انتوا ظلمين يعني يوم اجازتي الوحيد اللي بحب أسهر فيه واصحي العصر هتنيموني فيه بدري وتصحوني كمان بدري
بدري دا اللي هو بعد صلاة الجمعة كده
ايوه انتوا ظلمه
بس يابت مش انت كنتي معانا فوق معرضيش ليه ولا بتخافي من خالتي
طبعا بخاف احنا هنهزر دا انت بتخاف منها لما بتقلب
طب اتفضلي اطلعي يلا عشان متقلبش علينا بجد يلا باي
باي اشوفك بكره اه صح انا هغير صورة البروفايل وأحط صور قراية الفاتحه وانت كمان اعمل كده عشان ميبقاش شكل وحش
لا لا بلاش خليها علي الخطوبة علي طول نبقي ننزل
فهمت أنه عشان خاطر سلمي زعلت بس حاولت متبينش تمام براحتك يلا باي
ونزلوا واشتروا الدهب وكانت بتختار حاجات مش كتير وبسيطه بس هو أجبرها تشتري كل اللي هي بتحبه وبعدها راحوا اتغدوا كلهم سوا وتاني يوم وصلها لشلغها وراح شغله وفي وقت البريك
الو ازيك ياعمورة
ايه يارحوم هاجي اخدك اهو عشان ناكل بس عايزين ننجز عشان كل مره مبنلحقش ناكل ومش عايز اتأخر انا عندي شغل كتير لسه
طب ممكن تعدي علي محل كرسبي كريم تجيب من هناك دوناتس بما انك مستعجل اوي كده
حرام عليكي لسه هلف كل اللفة دي واجيلك
عشان خاطري لو سمحت نفسي فيه اوي وبعدين انا هيجيلك انا كده كده استأذنت من المدير ساعتين
استغفر الله العظيم يارب حاضر
شكرا ياعمور متحرمش منك واسفه علي تعبك معايا
العفو ياختي اقفلي يلا
وبعد ربع ساعه كانت وصلت تحت الشركه اللي بيشتغل فيها
عموره ايه بقيت فين
خلاص بجيب الاوردر وجاي لك اهو
طب انا جيت عندك الشركه هطلع استناك فوق
تمام وانا ربعيه وهبقي عندك
طلعت فوق ووسألت علي مكتب سلمي ودخلت علي طول
هاي ياسوسو وراحت قاعدة علي الكرسي اللي قدمها
ايه دا انتي تعرفيني
طبعا خطيبي حكالي عنك كتير طبعا وقد ايه انتي كنتي متعلقه بيه بس هنعمل ايه بقا خطبني في الاخر وسابك اصل انا وهو لايقين
ثواني بس خطيبك مين وانت بتتكلمي عن ايه
ايه دا ياحرام هو عموره مقلكيش ان هو اول امبارح كان بيقرأ فتحتي وجيبنا الشبكه والخطوبه اخر الاسبوع تؤتؤتؤ اتصدقي صعبتي عليا اخص عليه بجد هو ازاي ميقولكيش ولا يعزمك بس ملحوقه انا اهو جايه اعزمك بنفسي شوفتي بقا
دا مقلب صح انتي بتهزري وبعدين انت مين
الله ما قولت خطيبته اكيد أنت عرفاني انا رحمة بنت خالته اللي بنخرج سوا علي طول
ايه دا هو أنت اللي كان بيقولي أنكوا زي الأخوات
شوفتي بقا سبحان الله طلع بيحبني وبيغفلك وخلاص هبقي خطيبته متزعليش بقا هنعمل ايه هما الرجاله كده
اتفضلي اطلعي برة مش عايزة اشوفك في مكتبي اتجمعت الدموع في عنيها بره بره
يعني هخرج من الجنه حاضر خارجه بس قبل اما اخرج حابه اقولك ان عمر خط احمر متحاوليش بقا تقربي منه تاني تمام ياحلوة
وسابتها وخرجت وهي مبتسمه عشان نفذت الخطة اللي كانت جايه علشانها واول اما خرجت شافت عمر في وشها
ايه دا رحمة ايه اللي جابك هنا انا فكرتك في مكتبي
اه منا توهت ومكنتش عارفه مكتبك فكنت بسأل ولقيت سلمي جوه فاسأتلها
انت قولتيلها علي خطوبتنا
ها لا طبعا تعرف عني كده اكيد مش هبقي ناوية اكسر قلبها امال فين مكتبك صحيح انا كنت جيته زمان مره ونسيته
اه تعالي هو اللي في الوش دا يلا جيبتلك كل الحاجات اللي عايزها يلا عشان ناكل
حبيبي ياناس يلا بسرعه نفسي فيه اوي
طب يلا ياختي علي المكتب بتاعت مصلحتك انتي
علي فكره انا هنزل النهارده مع بو نجيب الفستان عشان للاسف مش هلحق اخيط واحد عشان حضرتكوا حدتوا الميعاد بسرعه
مين انا محصلش دا انت اللي مستعجل اصلا لكن انا ولا في بالي
علي يدي
ونزلوا هي وبسمة ولفوا كتير لحد ما اخيرا لقوا فستان روعه ليها وكانت فرحانة جدا بيه وروحوا لوحدهم علي بيتها وعمر جالهم هناك
جبتي الفستان
اه جبتوا وروعه بجد جامد اوي
ومتصلتوش ليه اجي اخدكوا
عادي يعني مش اول مره
ماشي بعد كده تتصلي عليا عشان محدش يديقكوا
عيب عليك سايب راجل
لا منا عارف انا بس كنت خايف علي اختي
نعم يعني بتقول عليا راجل
مش انا اللي قولت انت اللي قولتي
ماشي متكلمنيش ومش عايزة اشوفك تاني ومفيش خطوبه
استني بس خد هقولك يا ياسيد خد ياض
وبعد ما اخدها من البيوتي سنتر
اكتر واحده ثابته علي رأيها في العالم
بس ياغلس انا مرضتش بردوا بسهوله
طبعا طبعا
يابنتي دا انت واقعه هنستهبل بس اقول الحقيقة الكوافيره دي تستاهل الفلوس اللي اخدتها خليتك واو قمر وشياكه وأناقة حاجه كده فخامه
قصدك اني كنت وحشه
يابنتي انا مبقولش حاجه انت اللي بتقولي وبعدين بتزعلي
طب عدي يومك ياظريف
ودخلوا القاعة واندمجوا مع المعزيم وقاعدوا يرقصوا وجه وقت تلبيس الدبل وبعدها اشتغل اغنية العيد ميلاد وكان في تورتة
ايه رايك في المفاجاه دي يلا عشان تقطع التورته بتاعتك
بس عيد ميلادي بكره مش النهارده وبعدين عرفتي تعملي كل دا امتي
يابني انا مش قليله هنا وبعدين دي حاجه بسيطه جدا عشانك
متحرمش منك يارحوم
يلا يلا نقطع التورته
وبعد حبه كانوا تعبوا من الرقص فاكانوا بيتسريحوا ولقوا سلمي دخله عليهم
مبروك ياعمر .. مبروك يارحوم
ايه دا سلمي الله يبارك فيكي
وراحت نحية رحمة وبستها
ايه اللي جابك انتي صدقتي اني عزمتك بجد
جاي اقولك واوريكي اني مش بتكسر ولا
الله يبارك فيكي ياحبيبتي عقبالك
سلمي راحت قاعدة مع المعزيم ورحمة بصت علي عمر لقيته مركز معاها ومكشر
عمور عجبتك المفاجأة
جدا تعبتي نفسك تسلميلي بجد
مفيش بينا الكلام دا اهم حاجه عندي تكون مبسوط .. يلا عشان
نرقص
سلمي قاعدة شويه
ومشيت وهما كملوا حفلتهم وعدي ايام كتير كانوا بيخرجوا سوا ويضحكوا مره ويتشكلوا الف مره وتتهبل مره ويتهبل معاها وهكذا وكانت هي طايرة من الفرحه انه علي طول معاها اكتر من الاول
عمورة في حفلة الدفعه بتاعت الكلية عملها للم الشمل وكده النهارده علي ٥ كده وكل الدفعه هتبقي هناك ينفع بقا تيجي معايا
وفادي هيبقي هناك
معرفش
يبقي اكيد موجود فانت عارفه ردي
عشان خاطري ومش هكلمه ولا هبص نحيته اصلا بس بالله عليك بقا عايزه اشوف بقيت الدفعه وحشني
ماشي بس لو جه وسلم عليكي متعبرهوش وتمشي أو هقولك حاجه احسن انت مش هتتنقلي من جنبي تمام وتخلي صحباك يقفوا معانا ولو فادي جه هضربه
لا عشان خاطري بلاش مشاكل لو جه مش هكلمه ولا كأنه موجود
خلاص اجهزي وانا هروح اجهز ويلا
وراحوا وهي كانت مبسوطه أنه معاها وأنه بدأ يغير يعني بدأ يحب وكانت بتتكلم مع صحبها وقالت لعمر يروح يجيبلهم الاكل وفي الوقت دا فادي جه
انسه رحمة اخبارك ايه
ايه دا فادي ازيك اخبارك انت ايه وأخبار شذا مراتك ايه وحشاني والله
الحمد الله كلنا بخير حامل وعلي وش ولاده بقا فامعرفتش تيجي انت فين يابنتي من ساعة التخرج ومشوفناكيش ولا سمعنا عنك اي حاجه
انا موجودة اهو بس انت عارف بعد التخرج بقا كل واحد الدنيا بتاخده
ايوه عندك حق اي امال فين عمر اكيد معاكي
اكيد طبعاووريته الدبله احنا اتخطبنا
اخيرا يابنتي الف مبروك
ايوه الله يبارك فيك بس بقولك بسرعه هو جاي اهو ممكن تخليه يغير هو لسه ميعرفش حوار انك متجوز وهو كان بيدايق منك من ساعة اخر مقلب وانا عايزه اعرف رد فعله
اللي انتي بردوا كنت السبب فيه بس ماشي وماله انا بحب الخير ديما انت عارفه
جاي اهو وعلي فكره هو ميعرفش بردوا أنك لما جيت اتقدمت دا كان مقلب وضحكت علي كلامه بشكل مبالغ شويه وهو كمان
يالاهوي عليكي بس اتصدقي ليكي واحشه والله يارحوم
قاطعها عمر
وحش لما يبقا يلهفك يابعيد... ايه دا هو انت اهلا وسهلا
ازيك ياعمر اخبارك ايه
انا الحمد لله بخير انت ايه اللي موقفك معاها
مفيش لقيتها واقفه لوحدها قولت اسلم من زمان اوي مشفتهاش
طب ايه مش سلمت طريق السلامه
ايه ياعمر الطريقه البيخه دي فادي متزعلش هو اكيد مش قاصده
لا عادي يارحوم ولا يهمك انا
عمر مقاطعه
يا ايه يابابا بتقولها يا ايه
معلش اصل متعود اني بقولها كده علي طول
لا متتعودش يااخويا واتفضل امشي بدل ما اخليك تمشي على نقاله ومش عايز اشوفك بتكلمها بعد كده خالص انت فاهم
انت هتفضل لازق لها كده علي طول ماتشوف حياتك بقا عشان انا كمان اعرف اشوف حياتي واجي اتقدملها مش فاهم ليه رفضتني زمان بس ادينا اتخرجنا وانا بشتغل في شركه و
قاطعة عمر بالكمه علي وشه
انت طلبتها مني قبل كده وقولتلك مفيش بنات للجواز ومشيتك بالذوق النهارده بقا مش هتمشي بالذوق انا عارف انت اللي بتطلب أيدها مني دي خطبتي فاهم يعني ايه حسك عينك اشوفك قريب منها تاني انت فاهم ولا لاء
ضربه تاني ورحمه حاولت تبعده فبصلها وسحبها ومشي
كانت فرحانه أنه بيغير عليها بس في نفس الوقت خايفه منه عشان هو متعصب
عمر انا
وانت تتكلمي معاه ليه من أصله مش قولنا مفيش كلام معاه ولا هو كلامي مبيتسمعش
اعمل ايه هو جه وقاعد يتكلم فارديت عليه وبعدين هو قاعد يتكلم معايا اسيبه وامشي ازاي ميصحش
وانت ازاي تسمحيله يدلعك كده لا وكمان قاعده بتضحكي معاه
هو علي طول من واحنا في الكلية مش بيناديلي الا كده وكل مره أقوله اسمي انسه رحمة ومفيش فايدة وبعدين هو اللي بيضحكني الصراحه
بصلها وبرق من الصدمه والغضب انت عايزة تشليني ايه اللي هو بيضحكك الصراحه انتي هبله ولا بتستهبلي
عادي يعني ياعمر جوز صاحبتي وكنت واقفه بسأل عليها
جوز ايه ياختي امال هو كان بيطلب ايد مين دلوقتي
لا هو عارف انك خاطيبي فاحب يهزر معاك بس انت اللي أفشت
لا والله دا هزار
اه انت اللي ديقت وبطلع من ودانك دخان اوعي تكون غيران
انا غيران لا طبعا
واضح واضح دا انت كنت هتموتوا وبعدين ايه اللي لا طبعا هو ايه مينفعش تغير عليا انا مشبهش يعني
بس ايه رأيك في الحفله
غير الموضوع غير
انتي عارفه ايه العيب اللي في علاقتنا
ايه
أن احنا فاهمين بعض زياده وحفظين كل تعبيراتنا اللي بنعملها ومش بعرف اهرب منك
دي احلي ميزة عشان ببقا فهماك
وكملوا بعدها سهرتهم في مكان تاني وكالعادة في الاخر وهما مروحين لازم يركنوا العربية بعيد ويتمشوا شوية طبعا كل دا ميخلاش من الضحك والهزار والجري ورا بعض واكل الايس كريم مع اغاني جميلة في الخلفية وفي يوم عندهم فرح تبع العيلة في اسكندرية وقبل الفرح الصبح قررت تعمله مفاجاه وتجيبله هدية عشان هي ديقته كتير وهما شبه متخنقين دلوقتي وتحاول ترضيه عشان يروح معاها الفرح ملقتوش في اوضته
لو سمحت مشوفتش البشمهندس عمر
اه تقريبا كنت شايفه داخل اوضة أستاذة سلمي
تمام شكرا
كانت داخله فقررت تقف تسمع ايه اللي بيحصل وهو كان مدي ضهره للباب وبيبص لسلمي
ايوه انا اكيد اللي عملته غلط كبير ومكنش ينفع بس حطي نفسك مكاني انا كنت مجبور بنت خالي وبتحبني اكسر قلبها يعني
لكن انا عادي تكسر قلبي صح
كان غصب عني والله مكنتش باختياري وانتي عارفه اني قولتك اني بحبك وهاجي اتقدملك لكن كل حاجة اتلخبطت
سلمي لمحت رحمة وهي واقفه ومصدومه وبتعيط ومش مصدقه اول اما شافت أن سلمي شفتها مشت وهي كانت مفكره أنه خلاص بدأ يحبها وينسي سلمي وخصوصا أنه كان قايلها أنه عمره ما اتكلم مع سلمي بره الشغل ولا حتي قالها أنه اتقدم فقالت إنه سهل تخليه يحبها بس طلع بيضحك عليها قعدة تعيط من بعد ما مشت من عنده وقالت لمامتها أنها مش راحه الفرح معاها وجت بسمه عرفت انها متخانقه مع عمر ومسبيتهاش غير لما اقنعتها أنها تيجي وطمنتها أن عمر مش هيكون هناك واقتنعت وراحت مع عائلتها الفرح
عند عمر وقبل ما رحمة تيجي
سلمي انتي ندتيني ليه محتاجه حاجه
اه محتاجه اعرف ليه عملت كده وسيبتني ليه
انا عارف انك محتاجه مبرر للي عملته وان اكيد مش حاجه سهله عليكي تتقبليها وايوة انا اكيد اللي عملته غلط كبير ومكنش ينفع بس حطي نفسك مكاني انا كنت مجبور بنت خالي وبتحبني اكسر قلبها يعني
لكن انا عادي تكسر قلبي صح
كان غصب عني والله مكنش باختياري وانتي عارفه اني قولتك اني بحبك وهاجي اتقدملك لكن كل حاجة اتلخبطت وفضل ساكت شوية وبعدين كمل بتردد من أنه يكسر قلبها بس بعدين اكتشفت انها متلخبطتش ولا حاجه لا بالعكس دا ترتيب ربنا اللي احسن من اي حاجه وان دا احسن ليا مليون مره انا كنت مش
معاها وانا مبسوط ومرتاح هي
متابعة القراءة
