حب ودموع

نصي التاني واللي بتكملني وان شاء الله انتي كمان تلاقي نصك التاني واسف جدا علي كسرت قلبك بس فعلا مكنتش مخطتلها 
ربنا يوفقكوا سوا ويسعدكوا 
تسلميلي
ومشي وسبها وطول اليوم كان وراه شغل كتير بس كان بيحاول يفضي نفسه من وقت للتاني عشان يكلمها بس مكنتش بترد وروح البيت من كتر التعب نام و بعد فتره قلق من نومه قرر يكلمها لقاها بعتا مسدج ورد عليها 
عند رحمة
عمر تعالي خدني 
نايم اكيد مش هيجي
بعد كام دقيقة
حاضر جاي اهو 
وبعد فترة
اطلعي يلا انا بره 
مش انت كنت نايم 
صحيت وبصيت في الفون لقيتك بعتالي فلبست وجيت اخدك مسافة السكه بس 
معلش انا عارفه اني مبهدلاك معايا بس انا اصلا قولت انك مش هتشوفها وهتكون نايم وكنت همسحها لسه و هستنا اروح معاهم بعد كده بس انت رديت
وقف علي جنب 
ياستي عادي انا متعود علي كده مش اول مره بس أنت بقا مالك كنتي عايزة تروحي ليه في حاجه دايقتك هناك
لا عادي زهقت وكنت عايز اروح 
بت هضربك مش كنتي هتموتي ونروح وتشكلنا وروحتي لوحدك وفي الاخر تقولي زهقتي قولي الحقيقة
مفيش بجد زهقت بس عشان كنت قاعده لوحدي وكل واحدة معاها خطيبها وراحوا يرقصوا وانا قاعدة لوحدي فاقولت اجرب حظي لو صاحي وكده كده كنت همسح المسدج بعد شويه بس انت كنت شوفتها 
انا اسف حقك عليا بس انا كنت تعبان جدا وعايز انام ومكنتش في مود افراح وكده لو حابة ممكن نلف ونرجع تاني وهقعد معاكي 
لا طبعا مش كفاية نزلتك وانت تعبان كده ومش قادر وملحقتش تنام روحني بسرعه وروح نام 
هروحك ازاي وبالنسبة أن حضرتك بتخافي تقعدي في البيت لوحدك 
عادي عادي متشغلش بالك هتعود ماانا لما اتجوز هقعد في بيت لوحدي 
دا علي الأساس أنك هتتجوزي حد تاني يعني ما احنا هنتجوز وساعتها هتبقي تنزلي تقعدي مع ماما يعني بردو مش لوحدك 
واثق اوي انت أن احنا هنكمل ...عمر وصلني وروح نام الله متخلينيش احس اني ديكتاتورية عشان هذنبك معايا كل دا عقبال ما يجوا من الفرح 
يا ستي حد اشتكالك انا هبقي مبسوط وانا معاكي ملكيش فيه تعالي نروح نقعد في أي كافيه نشرب ايس كوفي اللي انتي بتحبيه وانا قهوة عشان نفوق كده وبعدين نتمشي شويه تعويضا عن الايام اللي مشوفتكيش فيها وكنت مشغول عنك 
بجد بجد ربنا يخليك ليا وميحرمنيش منك ابدا انت بجد حلو اوي بجد يعني
خلاص ياست بتاعت بجد انتي لأن انا كده بجد بجد يعني هتغر بجد 
ماشي بتتريق عليا طب علي فكره بقا أنا مش هرد عليك 
راح وطلب ورجع قعد معاها
في ناس كده لسه قايله في النص الكلام من شويه أن احنا مش هنكمل عرفاهم انتي دول 
ايه دا مين الناس دول هما ايش عارفهم ايه دا بص كده الله السقف هنا شكله حلو اوي
لا بجد لما تعملي عبيطه كده انا هعديها يعني ... بعد كل اللي بنعمله في الشقه وكتب الكتاب اللي اتحدد والشغل اللي بشتغله بساعات اضافيه ودا كله وفي الاخر مش لسه مصدقه أن احنا هنكمل يعني اعمل ايه عشان تصدقي 
مانتوا اللي مستعجلين انا مقولتش نتجوز علي طول كده انت حبتني انت دلوقتي محطوط قدام الأمر الواقع لكن غير كده انت مش شايفني غير رحمة بنت خالتك وصاحبة عمرك مش اكتر فعشان كده الجواز بالنسبالي مجرد خطوة هتفشل 
بصي انا مش هرد عليكي عشان انا عارف مهما اتكلم مش هتصدقي انتي محتاجه انك تشوفي وانا هثبتلك أن كلامك غلط واني مش مجبور ولا مستعجلين ولا حتي في حاجه غلط كل دا في عقلك
طب عمر في شغل تبع الشركة وهيبقي شهر او اكتر علي حسب الشغل يعني ...في اسكندرية 
ايوة بتعرفيني ليه هو انتي طالعه ولا حاجه 
ايوة يابني امال قولت اقبلك واقولك ليه 
يعني عمو وخالتي موافقين 
ايوة طبعا عرفت اقنعهم 
ماشي بس مش هتعرفي تقنعنيني 
لا مهو انا لازم ابعد شوية
تبعدي اللي هو ازاي يعني 
عادي ان احنا منتكلمش كل يوم ولا نشوف بعض عايزة اعرف إيه الي هيحصل في يومك لو مبقتش فيه 
رحمة انت هبلة صح او اتهبلتي ايه شغل المراتبطين دا احنا دلوقتي مخطوبين وشوية وهنتجوز ايه بقا الهبل دا فاضين احنا للشغل الهرمونات بتعتك دي صح 
منا عايزة اعرف مكانتي عندك الله عايزة اعرف وتعرف انت كمان انا شاغله ايه من يومك... عشاني وافق بقا 
خلاص ياستي انت منغير ماتسفري ولا تروحي ولا تيجي وتبهدلي في نفسك انت مهمه عندي ويومي معرفش أكمله منغير رخمتك 
عيطتعمر بالله عليك انا مخنوقة سيبني اسافر الشهر دا انا محتاجه الشغل دا لان لو نفذته صح هترقي وكمان انا محتاجه افصل واعيد تفكيري في كل حاجه السفرية دي هتنفعني جدا وهترجعني لرحمة القديمة 
خلاص متعيطيش بس انتي عارفه اني مش بحب اشوفك بتعيطي ... ممكن طيب تحكيلي ايه اللي خنقك ومخليكي متضايقه للدرجاي وعايزة تسافري مش كنت صديق دربك اللي بتحكيله كل حاجه ايه اللي اتغير 
حاجات كتير اوي انا ذات نفسي اتغيرت عشان كده عايزة اسافر عشان ادور علي نفسي القديمه وهرجعلك تاني متقلقش وحتي ياسيدي هلغي حوار اننا نبعد دا خالص وكل شوية هقرفك مكالمات عشاني وافق لو بتحبني بنسبة 1 وافق 
خلاص موافق بس عندي ٣شروط اول واحد تليفونك علي طول في ايدك واول اما اتصل تردي عليا علي طول 
تاني شرط تاكلي كويس ومتأهمليش في صحتك عشان الشغل وتالت حاجه بقا معنتش اشوفك بتعيطي تاني سامعه 
علم وينفذ يافندم شكرا جدا ياعمور متحرمش منك ابدا 
عدي الجمايل بقا 
لا تقلق عداهم كلهم وحفظاهم صم 
طيب يالمضه ان شاءالله هتسافري علي امتي 
بعد بكره 
يعني هما معرفينك من زمان وانا اخر من يعلم 
لا انا عارفه من يومين وحتي مدتهمش الموافقه بتاعتي وكنت بقنع في ماما وبابا ولما اقتنعوا قولت اقولك عشان 
عارفه انك مش هتكسرلي طلب 
ماشي هعديها عشان انت بس كمان كام يوم مسافره فامش هنكد علي بعض قبلها يلا شوفي نفسك تاكلي ايه ولانروح اي حته اللي يعجبك اليوم كل طلباتك مجابه عشان مسافرة 
انت علي طول بتعملي كل اللي نفسي فيه وياما بهدلتك كتير معايا ومكنتش بتتكلم انا بجد بشكرك من كل قلبي علي كل الايام اللي كنت موجود معايا فيهم واللي هزرنا وضحكنا فيهم بجد ايام كانت جميلة جدا وهفضل فكراهم طول عمري 
في ايه رحوم مالك ياحبيبتي هو انت فعلا الهرمونات بتاعتك ضربه دراما ونكد النهاردة ولا ايه قولي بس مالك 
ايه ياعم في يعني الله مينفعش اقول كلمتين كويسين في حقك مره 
مهو دا الغريب في الموضوع 
خلاص فكك يلا تعالي نروح مطعمك المفضل دا انا هموت من الجوع 
هتكلي من المطعم دا مش انت مش بتحبيه وكنا ديما بنتشاكل عشان انا بحب اكله وانت لا 
حبيته ياسيدي انت مالك الله وبعدين بقولك جعانه وانت عمال ترغي أنجز يابابا لو سمحت بالله عليك دا اقرب واحد ومش لسه هنمشي 
خلاص خلاص حاضر ايه هتكليني 
وبعد اما أكلوا اتمشوا علي الكورنيش وكانت مشغله فيروز وماشيه معاه واتصوروا كتير
واكلوا درة وفي الاخر وهما مروحين كانوا بيتسابقوا علي مين هيوصل للعربية قبل التاني وركبوا العربيه
انا اللي فزت 
لا انا عشان انتي غشيتي لولا كده كنت انا اللي فزت 
وانا مالي حد قالك تصدق اني لويت رجلي وتروح تشوفني مبتتعلمش ابدا انت
بس ياغلسه بعد كده لو بتموتي قدامي مش هرجع اشوفك 
طب بص بقا للكاميرا هناخد صورة للذكره عشان تفتكر خسارتك 
أصدق عشان نفتكر كذبك 
وعند الجملة دي وسرحت كذبي انهي واحد فيهم انا بقيت حد مقرف اوي بيخطط ويكذب ويخدع ويجرح في الناس عشان مصلحته من امتي وانا كده 
ايه يابنتي انتي روحتي فين يلا ناخد الصورة 
اخدوا الصور 
اهم حاجه متنسيش تبعتي الصور ها مش كل شوية هقعد اتزللك عشان تبعتي الصور 
متقلقش هبعتهوملك دول تذكار تحيا عليه الايام القادمه يابني اكيد لازم ابعته 
اوفر عليا الطلاج اوفر 
وصلوا تحت بيتها 
اه صحيح انا اللي هاجي اوصلك بعد بكره اسكندرية 
لا متتعبش نفسك هروح مع سارة واحمد 
لا مفيش تعب ولا حاجه ملكيش انت دعوة قولت هوصلك يعني هوصلك 
طب وشغلك 
هتصرف انا وبعدين ايه الاحترام اللي انت بقيتي فيه فجأة دا يابنتي هو عشان خلاص بقيت خطيبك ومعدش حاجه وهبقي جوزك فلازم تحترميني وكده ولا ايه بالظبط دا الله يرحم زمان ما كنتي بتبقي سحلاني معاكي في اي حته تروحيها وبالاجبار
معلش كنت أنانية شويه انا اسفه 
وبتتأسفي كمان دا انتي حالتك خطر خالص 
ايه هو لا كده عاجب ولا كده عاجب اعمل ايه ام _و ت نفسي عشان ترتاح يعني الله 
خلاص ياباشا متتعصبش علينا احنا اسفين ويلا اطلعي بقا بسرعه عشان خالتي واقفه كالعاده في الشباك مستنياكي 
ماشي سلام
وطلعت لمامتها 
عرف يقنعك 
لا انا اللي اقنعته 
يعني بردو مفيش فايده هتسافري 
يماما ابوس ايدك مش اتكلمنا في الموضوع دا واقنعتك
ايوه بس يعني يرضيكي تسيبيني لوحدي 
لا مهو انا هقول لخالتي ياتيجي تقعد معاكي هنا ياتروحي انتي تقعدي معاه لحد ما بابا يجي وبعدين اظن انك متعوده علي الحوار دا من قبل ما ابقي موجودة وبابا بيسافر وكنتي بتقعدي لوحدك 
ايوة بس انا كبرت مين هتخلي باله مني 
يا أمي منا قولتلك ابقي روحي عند خالتي 
ماشي يارحمة خلاص اعملي اللي انتي عايزاه 
استغفر الله العظيم يارب ياماما ياحبيبتي مش انتي عايزاني مبسوطه 
هو انا اتمني ايه من الدينا غير أن اشوفك مبسوطة ومرتاحه هو انا عندي الا انتي
خلاص انا كده هبقي مبسوطه 
خلاص ماشي براحتك ياحبيبتي 
ودخلت الاوضة وكلمت بسمة 
ها جبتي الرقم ولا لسه 
لا لسه هجيبه النهارده ان شاءالله انت بردو لسه مصممه علي اللي في دماغك 
يوه يابسمله حتي انت 
ايوه منا عايزة اعرف ليه هتعملي كده بعد ما كنتي هتموتي عليه هتعملي كده ليه 
لما اسافر واقرر اني هعمل كده فعلا هحكيلك كل حاجه لأنك انتي اصلا اللي هتقولي ساعتها لعمر 
اما نشوف اخرتها معاكي ايه يارو 
لا تقلقي اخرتها خير للكل 
وقفلت عدا اليوم اللي بعده كان خالتها وبسمة عندهم من الصبح وهي كان المدير عاطيها اليوم دا اجازة ما قبل السفر وهو خلص شغل وجه عليهم وقضوا باقية اليوم سوا وتاني يوم الصبح هو اللي وصلها لحد الشركه 
والله هتوحشني غلاستك وتأخيرك عليا كل يوم وانا بوصلك والفطار اللي كنا بنفطره سوا 
متأفورش شوف الجانب المشرق هتترحم مني هتشم نفسك شويا وتعرف تعمل كل الحاجات اللي مش بتعرف تعملها بسببي 
لا بس انا اتعودت علي كده ومش عايز اغير حاجه انا مبسوط كده جدا 
معلش بقا بكره تتعود علي غيابي 
ليه ناوية تطولي ولا حاجه 
يعني احتمال اول ما شوفت البحر اكيد مش هبقي احب امشي من عنده 
لا لو كده خلاص هلف وهرجع تاني ومفيش قعاد هنا 
خلاص خلاص بهزر ... كان نفسي اقولك تعالي نتجول في شوارع اسكندرية سوا بس للأسف مش هينفع ورايا شغل 
هنعوضها اكيد مره تانيه 
اكيد يلا سلام وانت كمان علي فكره هتوحشني اوي 
وفتحت باب العربية وهربت وهو ضحك عليها واستناها لحد ما طلعت ومشي... وبعد ما خلصت شغل علي متأخر راحت قاعدة علي البحر وجابت ماك وقاعدة في نفس المكان اللي بيقعده فيه وحطت الاكل جنبها وبصت علي الكرسي الفاضي اللي جمبها وبدأت وصلت تأنيب النفس والصراع اللي ديما بيبقي جواها والعياط 
انا من امتي كنت كده مفيش حب عمره بيحول شخص لشرير انا ازاي بقيت من رحمة الرقيقة اللي بتخاف تأذي اي حد او تكسر قلبه لرحمة اللي بتعمل خطط عشان تخلي حد معاها بالاجبار حتي لو الشخص دا من وجهة نظري من حقي وبعدين ثواني كده هو ازاي من حقك كل دا عشان حبتيه وعشان معظم وقتكوا كنتوا بتقضوا سوا علي فكره دا عمره ما كان مبرر خالص علي كده اي حد كان بيقضي وقت طبيعي مع أي حد يقربه وهما صغيرين لازم يحبوا بعض لو
بمنطقك دا ايوة بس هو مرفضش دا وهو متأذاش وسلمي مكنتش مناسبه ليه ... لا انتي ايش عرفك انها مش مناسبة وبعدين هو كبير كفايه عشان يقرر لوحده وهو معترضش عشان ميبوظ علاقتنا ببعض هو من الاخر مش شايفك ولا عمره هيشوفك غير اخته
قاطع صراعها مع نفسها صوت موبايلها وكان عمر وطبعا قررت متردش فضلت بس بصه للموبايل وبتعيط فضل يرن اكتر من مرة وبعدين قررت ترد بس كان حد تاني اللي بيرن كان بسمة حاولت تبين صوتها طبيعي 
ازيك يابو
الحمد الله انتي مال صوتك 
مفيش ها جبتي الرقم 
اه جبته وبعتهولك علي الواتس 
شكرا جدا يا حبيبي 
مالك بقا معيطة ليه 
مين دي اللي معيطة 
لا مفيش ياعمورة دي رو وصوتها متغير ففكرتها بتعيط 
اخد منها التليفون 
الهانم مبتردش علي موبايلها ليه 
احم ايه دا عمر ازيك ياراجل ليك وحشه والله 
ها مكنتيش بتردي علي تليفونك ليه مش قولنا جو هنبعد والشغل دا مش هنعمله ولا انا كلامي مش بيتسمع 
لا ابدا بس انا لسه مخلصه شغل من شوية والفون كان صامت ولما اخدت بالي انك اتصلت كانت بسمه اتصلت فارديت عليها مش اكتر 
ماشي هحاول اصدقك بس بعد كده تردي عليا فاهمة ولا لاء والا هتلاقيني عندك وهخدك اروحك ومش مهم الشغل 
خلاص ياباشا حقك عليا 
انا سامع صوت البحر انت قاعدة علي الشط اللي بنروحه 
طبعا يابني انت تعرف عني اني ممكن افوت فرصة زي دي 
وطبعا قدامك ماك 
مشكلتك انك حفظني 
لا دي مش مشكلة دي ميزة 
ماشي ماشي خد كلامي اوي 
وبالنسبة ان اللي بتتكلموا منه دا موبايلي ورصيدي وكمان قاعد في اوضتي 
هبقي اشحنلك يااختي خلاص اسكتي 
خلاص خلاص اديها موبايلها وادخل نام عشان شغلك بكره بدل ماتفضحنا وانا هقعد شوية وهروح انام 
استني انت فكرك هتخلصي مني بسرعه انا هكلمك علي موبايلي لحد ما تكلي وتقعدي الشوية اللي هتقعديهم وتروحي وبعدين ابقي اروح انام 
يعيني علي الحب الي ولع في الدرة 
بس يابت انت
وراح كلمها لحد ما روحت ونامت علي طول من كتر التعب منغير ماتفكر في اي حاجه وتاني يوم نزلت علي الشغل وكان وراها شغل كتير فأخدتها حجه عشان متفكرش كتير وعشان متعرفش تكلمه وهربت منه بمسدج انها مشغوله ولما تفضي هتكلمه وفي نفس الوقت بتهرب من المكلمه اللي المفروض تعملها وبليل بعتتله فويس
قالتله فيها ان هي هتنام علي
طول لأنها