حب ودموع
اسكريبت
انا خلاص قررت ادخل البيت من باباه واروح أتقدم
هي تعرفك اتكلمت معاها قبل كده
يابنتي ما أنت عارفه ان احنا زمايل في الشغل وبنتعامل مع بعض بقالنا فترة
وانك اول اما شوفتها سحرتك برقتها وهدوءها وجمالها الطبيعي حفظت خلاص كل اللي انت علي طول بتقوله بس انا بتكلم عن حاجه تانية خالص يعني انت مثلا عارف شخصيتها برا الشغل تعرف هتقدر تتأقلموا علي طباع بعض او لا هتقدر تكون دا الشخص اللي هتصحى تشوفه كل يوم الصبح .. انت متعرفش عنها أي حاجه بره حدود الشغل يبقى انت متعرفهاش
والخطوبة اتعملت ليه مش عشان نعرف بعض ونعرف نتأقلم علي طباع بعض
ماشي وعشان كده انت مبتحبهاش دا مش اسمه حب دا اسمه اعجاب او انبهار بالهالة اللي حواليها مش اكتر
ماشي يادكتورة الحب معجب بيها وان شاء الله يتحول لحب
طب علي فكرة بقا انا احلى وكمان مش هتعرفك قدي
ايوة كده ارجعي لرحمة الهبلة اللي مش بتقول كلمتين جد في حياتها انا قلقت عليكي ياشيخه
ايه تنكر اني احلى
يا ستي خلاص انت ملكة جمال العالم
ايوة كده كان هيتنكد عليك شهر بحاله دلوقتي بس انت لحقت نفسك
ايه دا الله ايه الشياكه دي فستان ونظام وحركات
انا اصلا طول عمري شيك والعب غيرها وانت بتظبط نفسك عشان منتخنقش لا جدع وبتغير الموضوع
عيب عليكي دا انا بقيت استاذ ورئيس قسم وحفظك صم وبعدين انا مش مستغني عن نفسي شهر بحاله
شوفت بقا تتجوز حد تاني ليه متخليك معايا واهو توفر بدل ماتحفظ حد تاني
انت تاني
خلاص انت الخسران وبعدين يلا يلا مش اكلنا وكلمتني في الموضوع المهم اللي كنت عايزني فيه اتفضل وصلني بسرعة بقا بدل ما خالتك تشعلقني انا وانت بسبب التأخير
انتي لسه قاعدة يلا نقوم بسرعه انا مش مستغني عن حياتي انا لسه عايز اخطب
ايوة هتخطب بقي وتقعد تزلنا كل شوية صح
انا يابنتي تعرفي عني انا كده انا اول اما اخطب هعملك بلوك اصلا
طول عمرك ندل
بعد مدة تحت بيتها
شكرا ياعمور علي الخروج الجامده دي اللي حتمال تكون الاخيره
ليه يابنتي هو انا هموت ولا ايه انا هخطب عادي يعني هنخرج تاني بس هنزيد واحد بس
لا اعفيني من الخروجات دي هتبقى كلها محن وبتاع وانا مش عندي الا مراره واحد
انتي تعرفي عني اني بتاع التلزيق دا
كله بيقول كده في الأول وبعدين بيتحول تلقائي
لا متخفيش عليا
ماشي لما تخطب نبقي نشوف يلا سلام
ماما انا جيت انتي فين
خرجت من البلكونه
بصوت واطياه كنتي بترقبينا من البلكونه
مخلتهوش يطلع ليه يابت
مرضاش قال وراه حاجات يعملها
تلاقي انتي مقولتلوش يطلع ولا حاجه وهو ياحبة عيني بيتكسف
مين دا اللي بيتكسف عمر ابن اختك دا بجح
باب الشقه اتفتح لانه كان موارب مش مقفول
تسلمي ياحبيبتي والله كنت عارف انك بتحبيني وعملالي احترام
ايه دا انت ايه اللي جابك مش كنت مشيت
في واحده مجنونه نسيت شنطتها في العربيه
ايه دا بجد ماخدتش بالي
وانتي من امتى وانتي بتاخدي بالك من حاجه
تعالي ياحبيبي واحشني جدا اخبارك ايه
تمام الحمد لله ياخالتي انتي اللي وحشاني اكتر
مش ناوي تفرح قلبي بقا وقلب امك وتخطب
ما انا كنت جاي اقولك اني ناوي أدخل البيت من بابه و خلاص
قبل مايكمل كلامه قاطعته بزغروطه
والله كنت عارفه عشان كده اخدت البت النهارده وهتتغدوا بره وبتاع وهي لابسه فستان ومتشيكه بصت لرحمة طلب ايدك صح انا الفرحه
كل دا تحت صدمة رحمة وعمر لكن الصدمه الكبري كانت لعمر ومكنش بينطق
ياماما استني...
استني انت يارحمة ممكن نتكلم ثواني في البلكونه
اه طبعا يابني خد عروستك وخشوا عقبال ما اتصل باامك
استني ياخالتي متتصليش بحد هتكلم مع رحمة 5 دقايق وهنرجعلك نكلمها سوا
رحمة كل دا مش بتنطق ولا عارفه تتكلم تقول ايه مصدومه ومكسوفه من الموقف وان هي بقت مشاعرها مكشوفه قدامه وعايزة تروح اوضتها باسرع وقت عشان تعيط
رحمة .. رحمة انت معايا
ايه .. اه معاك
الكلام اللي سمعته جوا دا صح
كلام ايه لا طبعا غلط انت عارف ماما وخالتو بيحبو يكبروا والمواضيع وبعدين ماما فهمت غلط تعالى بس نطلع دلوقتي ونقولها إن دا سوء تفاهم بدل ما الموضوع يكبر ومنعرفش نتصرف وكانت هتخرج برا
استني هنا تعالي ومتهربيش انا حافظك وفاهم انك بتحاولي تهربي من سؤالي
رجعت وبصتله
نعم عايز اي عايز تعرف ايه
الكلام اللي سمعته برا دا بجد انتي بتحبيني
لو نفترض أنه اه وان كلام ماما صح وبحبك هتعمل ايه
هخرج دلوقتي واقولها أنه صح وهخطبك
ابتسامت بسخريه وكتمه دموعها وهتضحي بسعادتك و تضيع علي نفسك واحده انت معجب بيها وجواك ليها مشاعر ورايح تخطبها عشاني
ايوه انا مش اهبل عشان اكسر قلب اكتر شخص قريب لقلبي واللي متربي معاه وبينا لحظات وسنين كتير حلوه مع بعض عشان خاطر شوية اعجاب مش هحرج خالتي واللي هي امي التانيه عشان شوية اعجاب مش هزعل امي عشان شوية اعجاب مش هبوظ كل العلاقات دي عشان علاقه ممكن متكملش
انت ليه بتفكر فينا احنا انت المفروض تفكر في نفسك انت مش مضطر تعمل اي حاجه من دول اصلا
قاطعهم دخول مامة رحمة
انا سمعت كل حاجه انا اسفه يابني انا اتسرعت ومخلتكش تكمل كلامك ربنا يسعدك مع اللي اخترتها انا اللي فكرت انك جاي تطلب ايد رحمة انا اسفه انت مش مضطر تعمل حاجه مش عايزها عشان خاطرنا
بس ياخالتي قاطعته وراحت حضنته
احنا هنبقي فرحنين ليك لما تختار الشخص اللي انت عايزة وبتحبه مش اللي المفروض عليك عشان سوء تفاهم الف مبروك ياحبيب قلبي وان شاء الله هنبقي موجودين في قراية الفاتحه
عينه راحت لرحمة ورحمة جرت ودخلت اوضتها وقفلت علي نفسها
مشي عمر وراحت مامة رحمة لأوضة رحمة عشان تطمن عليها بس لقيت الباب مقفول من جوا فاقررت تسيبها لوحدها شويه كانت هي قاعده في الاوضة وبتفتكر اللي هي عملته واللي كانت بتخططله من امبارح
فلاش باك
انا عارفه هو عايزني في ايه بكره بس انا مش هقدر استحمل اللي هو هيقولهولي دا ...طب أنا دلوقتي كنت بقدر على الاقل اشوفه ونخرج سوا وبقدر اتعامل معاه دلوقتي هتعامل معاه ازاي .... هو دلوقتي هيروح يخطبها ... طب وانا المفروض اعمل ايه .. هو انا المفروض اني ابان طبيعية واللي بحبه بيتاخد مني .. معدش من حقي اني أخرج معاه ولا حتي نتكلم كتير زي ما كنا بنعمل ولا ليا الحق في أي حاجه كنت بعملها معاه زمان هي اخدت ماكني دلوقتي هي اللي هتهرب معاه لما نكون في مصيف كلنا مع العيله ويخرجوا يتمشوا لوحدهم بليل هيبقى من حقها تهزر وتضحك معاه هي اللي هتبقي معاه في كل أوقاته الوحشه قبل الحلوة وهيحكلها علي أسراره هي هتبقي صحبته كانت بتفتكر لحظات كتير مابينهم
عمر يلا ماك انا هموت من الجوع
يلا جدا اصلا خالتك عامله
لسه هتكتشف النهارده وتتفاجأ اني مبحبهاش فاخلع من الاول
.
.
.
بت أنت فين كده بقالك يومين مختفيه
انا في الجامعه ومروحه اهو معلش كنت مسحوله شويه
طب استني خمسه وهتلاقيني عندك
ها ياسيدي هتروحني علي طول ولا ايه
أنت تعرفي عني كده بنت خالتي وبيستي كانت مسحوله ومختفيه وانا لما اشوفها مروقش عليها دا حتي عيبة في حقي
احبك كده وانت مظبطني
.
.
.
عمر حفلة تخرجي بكره اوعي تنسي ومتجيش
أنت هبلة يابت حد ينسي يوم زي دا انا من النجمة هبقى عندك اصلا
هستناك
.
.
يلا الكل نزل أنت مستنية ايه يلا نخش
انا متوترة اوي مش حاسه اني شكلي حلو ودي صور هتفضل معايا طول حياتي وعايزة شكلي يكون حلو
بصي مش أنت بتثقي في كلامي
يعني ساعات
ماشي ياستي اثقي فيا المرادي كمان وصدقيني والله أنت زي القمر متقلقيش وهتطلعي قمرين في الصور يلا عشان تلحقي تروحي لصحابك
شكرا بجد
علي ايه بس يلا بسرعه بينادوا عليكي
.
.
لا لا انا مش هقدر انا اسفه... ايوه انا عرفت انا هعمل ايه .. انا هفهم ماما بكره أن عمر بيلمح وشكله هيتقدملي وهو لما يطلع هيدبس وطبعا مش هيقدر يرفض... أيوة كده هو دا الحل واتقابلوا وبعدها وصلها فعملت أن هي نسيت الشنطه عشان يطلع ماما لو مكنتش سمعت كان فات دلوقتي هيخطبني جت بوظت كل حاجه لا لا انا اسفه بس مش هستسلم.
بعتتله ماسدج
اه بحبك بحبك اوي بس انا مش هستحمل انك تبقي معايا شفقه
وانا مش هبقي معاكي شفقه ولا حاجه انا عايز ابقي معاكي ومستحيل اندم علي قراري
قد كلامك
بعد بكره هيبقي الخميس خدي اجازه من الشغل وجاهزي نفسك ياعروسه
سابت الفون وقاعدة تتنطط علي السرير فعملت صوت عالي
رحمة انتي كويسه
ايوه ياماما
افتكرت مامتها وكلامها وان هي اكيد كده مش هتوافق
عمر ماما مستحيل توافق بعد اللي سمعته
والله عيب عليكي يارورو يعني مفكراني هنسي اهم حاجه خالتي حبيبتي لا تقلقي كل شيء تحت السيطرة
يامسيطر انت يامسيطر
عيب عليكي
عمر بجد انت مش هتبقي متضايق ولا مغصوب عليا
في راجل بيتغصب علي واحده يلا روحي اتخمدي ياحبيبتي ربنا يهديكي
اتخمدي وحبيبتي في جمله واحده مش راكبه
رحمة غوري
ايوه كده انا اتأكدت أنك عمر ابن خالتي كده يلا سلام
سلام ياهبلة
هو اكيد بيحبني بس مش عارف أو مفهمش مشاعره لسه ايوه اكيد عشان كده هو قال إنه هيخطبني اصل اكيد مش بعد السنين دي كلها ومنبقاش لبعض مش بعد دا كله انا صح اكيد
عدا اليومين وحاول يقنع خالته أنه فعلا عايزها ومع زن من رحمة وافقت وراح لباباها وطلب أيدها وبليل قراية الفاتحه رحمة كانت متوتره جدا ولبست دريس رقيق وسمبل ودخلت
لما دخلت وشوفته كنت هموت من التوتر دا عمر حبيبي وجاي يتقدملي قلبي كان بيدق جامد روحت قاعدة جنب خالتي وكنت مكسوفه كأني أول مره اشوفه مش عمر اللي متربين سوا قعدنا نتكلم انا وخالتي وماما وبسمة وهو كان بيتكلم مع بابا بس مبصليش ولا وجهلي كلام ولا مرة
ايه يارحمة ايه ياعمر انتوا مكسوفين ولا ايه متكلمتوش كلمتين سوا
انتوا ياماما
اللي مش مدين حد فرصه يتكلم الصراحه صح ياعمر
احم اه ولا كأن احنا المفروض جاين نتقدم
اه انتوا الاتنين هتتفقوا علينا صح
تمام استاذ ماجد اكيد انت عارف احنا جايين ليه والعيال عايزين بعض فا ايه رايك نقرأ الفاتحه
_انت هتقوليلي علي العيال دول كانوا فاضحنا كل شويه خروج وقال ايه احنا اخوات
خلاص
_ ماشي خلاص علي خيرة الله نقرأ الفاتحه
وبعد المباركات اتصوروا سوا وحددوا يوم الخطوبه وشوية اتفاقات بسمة اخت عمر قررت تدخل عشان تخرجهم سوا
مبروك ياولاد يلا خد عروستك وروحوا اتفسحوا شوية دا طبعا بعد اذن عمو
اذن ايه بقا ماخلاص بقت عروسته اخرجوا اخرجوا
ايه يابابا أخرج
_ هقول حاجه بعد اللي امك قالته بس متتاخروش
حاضر هروح اجيب الشنطه واجي
وبعد فترة في العربية وكل واحد فيهم ساكت وعمر كان سرحان
عمر انت مش مبسوط صح
عمر
ها كنتي بتقولي ايه
لا ولا حاجه
بصوت واطي اهدي عادي سرح واكيد هو متوتر زي ومش متعود علي وضعنا الجديد عادي ولا تزعلي ولا في عياط ولا حاجه اهدي بس افتحي الشباك وخدي نفس عميق واهدي وبعد حبة
ايه ياعموره بذمتك ياشيخ دا شكلنا لما بنبقي خرجين سوا ايه خروجة العواجيز دي
اعمل ايه خطبت واحده عجوزة ومن ساعة ماخرجنا متكلمتش فاقولت اسكت انا كمان
لا والله يعني أنا اللي كنت سرحانه طول الطريق ولما كنا فوق صح وانا اللي موجهتش ليك ولا كلمه فوق صح
ايوه طبعا انت امال انا يعني مين فينا اللي بيتكلم ويبدأ الكلام ومش بيبطل رغي وفوق عمله نفسك مكسوفه
ايه عامله نفسك مكسوفه دي أن شاء الله أنا فعلا كنت مكسوفه مش بنت ولا ايه
ايه دا بجد أنت بتتكسفي زي البنات عادي
بنرفزة ايه اللي بتتكسفي زي البنات عادي ليه هو مش انا بنت وبعدين عشان مش مصدقه فكنت متوترة شويه وكنت مستنيه انك تتكلم تقول اي حاجه بس البعيد لوح
بصدمه انا لوح لا لا انتي اتعودتي عليا اوي كده وانا مش هسمح بكده
بلامبالاه هتعمل ايه يعني
ولا اي حاجه هعقبك بس وهنروح ناكل في المطعم اللي اختاره مش انتي اللي هتختاريه
لا لا عشان خاطري
ابدا مش انا لوح يبقي استحملي بقا
علي فكره بقا أنا اصلا زعلانه منك ومش هكلمك
ولا يهزني اصلا
تمام احسن بصوت واطي عقابا ليك مش مكلمك كلم نفسك بقا طول الخروجه دا انت حتي معلقتش علي الدريس ولا علي شكلي ماشي انا هعلمك الادب
بطبرتمي بتقولي ايه
ملكش فيه ياغلس وطلعتله لسانها ولفت بضهرها كله للشباك
بابتسامه علي اللي عملته عيله
وصلوا المطعم اللي هو عايزه ودخلوا كان مظبط ترابيزه ليهم عليها كام ورد كانت منبهره بيهم وفرحانه جدا بس قررت متبينش وراحوا يقعدوا
علي فكره بردو مش هكلمك
طب ايه منا جيبتك مطعم وكنت حاجز ومظبط
انا مكنتش زعلانه علي المطعم في حاجه تانيه هي اللي مزعلاني
طب ايه هي
الاهتمام مبيطلبش انت المفروض تعرف من نفسك
انجزي وقولي مش هنفضل كده
هزت كتافها لا مش قايله
خلاص احسن مش مهم اتفضلي شوفي هتاكلي ايه
مش عايزة اكل
استغفر الله العظيم يارب خلاص هطلبلك انا
بعد اما طلبوا والأكل جه
كلي طيب
بتردد انا هاكل بس عشان انت طلبت والأكل حرام يترمي
يعني مش عشان جعانه ..تؤ تؤ عشان حرام يترمي صدقتك انا كده
مش هرد عليك
وبعد اما خلصوا اكل
شايفك ماشاء الله خلصتي الطبق كله وكل دا ومش عايزه
خمسه قول ما شاء الله هتبصلي في الاكل
لا ياستي كلي برحتك مش هتقولي مالك بقا
يعني مش شايف انك معلقتش ولا قولت اي حاجه علي الدريس ولا شكلي ولا اي حاجه ولا كأن في حاجه كأن دا العادي حته لو العادي يعني تجبر بخاطري بأي حاجه طيب دا حتي اول مرة تشوفني بالدريس دا
امم طب علي فكره شكلك حلو في الدريس دا جدا ولفة الطرحه
ابتسمت بسخرية بعد ايه بقا ماخلاص انا اللي قلتلك كانت هتبقي احلي كتير لو طالعه منك بما انك اخد
بالك من
