جوزي حول ٩٠٠ الف ج لأخته
لبيت طارق وأهل طارق! بلاش أنانية وندالة ستات!
بصيت للثلاثة اللي واقفين قدامي.. وحسيت في اللحظة دي إن الجوازة اللي عشتها 7 سنين دي كانت زي الحلة المخروقة.. أنا عمالة أصب فيها حب، ومشاعر، وشقا، وفلوس، وصحة.. وبدون ما أحس، كل نقطة بتنزل كانت بتسرب وتروح لبيت أهل جوزي. أنا أصب، وهما يغرفوا.. وفي الآخر جايين يلوموني إني م بصبش بسرعة!
الدكتور اتدخل وقال بزهق
يا جماعة اخلصوا وشوفوا هتعملوا إيه، المريض م ينفعش يفضل واقف في الطرقة كدا والوجع بيزيد عليه!
طارق صوته هدي شوية ومال للين
ياسمين.. بلاش فضايح وخناق هنا. روحي هاتي الفلوس واستلفيها، وتمن العملية ده اعتبريه دين عليا وه ردهولك رقبة.
سألته وأنت بقالك كام سنة مديون لي ومرجعتش حاجة؟
فريدة اتدخلت بسرعة وبخبث
جرى إيه يا ياسمين؟ بلاش نشفان دماغ وغل بقى! هو طارق مقصر معاكي في حاجة؟ ما أنتِ واكلة شاربة نايمة في خيره وخير أهله!
وطيت راسي وبصيت لكم العباية اللي أنا لابسها.. الحروف بتاعتها كانت باهتة ومقشرة من كتر الغسيل واللبس.. وبعدين رفعت عيني وبصيت لعبايتها الغالية
العباية البراند اللي أنتِ لابسها دي.. اتمسحت من أنهي فيزا فيهم يا فريدة؟
وش فريدة جاب ميت لون واتخرست، فالحاجة أمينة زقتها ورا ضهرها بسرعة وقالت
البت عروسة ولازم تتدلع
فتحت شنطتي بكل هدوء، حطيت الفيزا والبطاقة جواها، وقفلت السوستة.. وبصيت للدكتور
يا دكتور، اعملنا إخلاء طرف لو سمحت، وأي كشف أو حاجة مدفعناش تمنها الغيها.. إحنا ماشيين.
وش طارق اسود وبقى زي الطين
ياسمين! وعهد الله لو خطيتي خطوة واحدة بره المستشفى دي، لا هتبقى لي مراتي ولا أعرفك وتنسي إن ليكي راجل!
وقفت وبصيت له بكل قوة وثقة
ياريت.. دا يبقى يوم المنى.
وأنا كمان عاوزة أشوف.. من غيري ومن غير فلوسي وشقايا، عيلة طارق المحترمة هتعرف تلم وتدبر ال 12 ألف جنيه بتوع المستشفى دول ولا لأ!
وفي اللحظة دي بالظبط..
تك
باب الأسانسير اتفتح تاني..
وخرج منه راجل لابس قميص أبيض وبنطلون شيك، وفي إيده ملف.. أول ما عينه جت عليا، وقف مكان مذهول، والملف كان هيقع من إيده
بشمهندسة ياسمين؟!
بصيت له وعرفته.. ده الأستاذ كمال، المساعد بتاع مدير متحف الفخار والخزف اللي جه عندي الورشة من كام يوم يستلم قطع الشغل الأثرية اللي رممتها.
وطى صوته شوية وقرب مني باحترام
أنتِ بتعملي إيه هنا يا فندم؟ ده رئيس مجلس الإدارة والوزير قالبين الدنيا عليكي ومستنيينك من الصبح عشان تسليم المعرض!
طارق بص للراجل وبص لي بشك وغل وغيرة مين ده
مردتش عليه ولا عبرته.
الأستاذ كمال بص لي، وبص لطارق اللي لابس لبس المستشفى، وفهم اللعبة علطول بذكائه، فبلع بقية كلامه وقال تراجع
أنا آسف جداً.. شكل الشبه خانني والاسم متشابه.. بعتذر على الإزعاج.
ورجع خطوتين لورا، بس نظرته ليا كانت كلها هيبة واحترام وتقدير لشخصي وقيمتي اللي أهلي جوزي ميعرفوش عنها حاجة.
فريدة ضحكت بصفار وقالت
الله الله يا ست ياسمين! ومن إمتى بقى بتعرفي ناس شيك ومهمين كدا؟ لا يكونوا من الزباين الخصوصي بتوع الورشة بتاعتك؟
مستنتش أسمع قلة أدبها، لفيت ضهري ومشيت بكل ثبات ناحية الأسانسير.
ومن ورايا طارق كان بيجعر بأعلى صوته في الطرقة
ياسمييييييين!
طارق كان بيجعر بأعلى صوته في الطرقة
ياسمييييييين! لو مشيتِ دلوقتي هطلقك! هرميكي في الشارع ومش هتشوفي مليم واحد من حاجتك!
مبصيتش ورايا. ركبت الأسانسير والباب اتقفل على صراخهم اللي كان مالي المكان. أول ما رجلي لمست الشارع بره المستشفى، خدت نفس طويل وعميق.. حركت كتافي وكأني كنت شايلة جبل واتزاح من فوق صدري. 7 سنين وأنا مخدوعة في العيلة دي، 7 سنين وأنا فاكرة إن التضحية وإنكار الذات هما اللي بيبنوا البيت، مكنتش أعرف إنهم كانوا بيبنوا لفريدة ويهدوا فوق دماغي أنا.
طلعت موبايلي وطلبت الأستاذ كمال
أنا آسف جداً يا بشمهندسة ياسمين لو كنت سببت لك أي حرج جوه، بس أنا ذكائي خانني ولما شفت الوضع...
قاطعته بهدوء وثقة
ولا يهمك يا أستاذ كمال، بالعكس.. أنت جيت في وقتك بالظبط. أنا جاية حالا على المتحف عشان نخلص إجراءات تسليم المعرض ونمضي العقود الجديدة.
رحت على المتحف. واليوم ده كان نقطة تحول في حياتي. الشغل اللي قعدت أرمم فيه شهور طويلة في ورشتي الخاصة للفخار والخزف طلع للنور، والكل كان مبهور بدقتي وشاطرتي. رئيس مجلس الإدارة مضى معايا عقد شراكة طويل الأمد بمبلغ محترم جداً، وشيك الدفعة الأولى كان في إيدي قبل ما اليوم يخلص.
طول ما أنا في الاجتماع، موبايلي م بطلش رن.
طارق.. الحاجة أمينة.. فريدة.. وحتى أرقام غريبة تانية. عملت الموبايل صامت وم رديتش على مخلوق.
الساعة بقت 7 بالليل لما رجعت شقتي. فتحت الباب وكنت متوقعة ألاقي طارق نايم جوه أو بيتشحتف، بس الشقة كانت ضلمة وكحل. طارق لسه في المستشفى.
قعدت على الكنبة وفتحت الموبايل. لقيت أكتر من 40 مكالمة فايتة ورسايل ماليانة شتائم ودعاء عليا بالخراب من الحاجة أمينة وفريدة. وفي وسطهم، رسالة من طارق بعتها من حوالي ساعة
ياسمين.. أنا حالتي تدهورت والدكاترة قالوا لو م دخلتش العمليات قبل بكره
