جوزي حول ٩٠٠ الف ج لأخته
الفلوس ومعرفوش يلموا غير 3 آلاف جنيه.. فريدة بتقول إنها حطت فلوس التشطيب كلها في حساب المقاول وم ينفعش تسحبها دلوقتي. ياسمين بوس إيدك ارحميني وتعالي ادفعي الفلوس.. أنا بموت فعلاً، والطلاق ده كان ساعة غضب.
ضحكت من كل قلبي. فريدة اللي لسه واخدة 900 ألف جنيه، مش عارفة تطلع منهم 12 ألف جنيه تنقذ بيهم حياة أخوها اللي شحن رصيدها بشقا عمرنا؟ والمقاول خد الفلوس كلها في يومين؟ كدب عيني عينك.. والملعوب باخ خلاص.
رديت عليه برسالة واحدة
ألف سلامة عليك يا طارق.. كلم فريدة تخلي المقاول يرجع لها 12 ألف جنيه من بتوع الجبس بورد والمطابخ، أصل اللحم والدم أولى من الطوب والحيطان.. ولا إيه؟
قفلت الموبايل ونمت لأول مرة من سنين وأنا مرتاحة وبالي صافي.
تاني يوم
فتحت الباب ولقيت الحاجة أمينة واقفة ووشها أصفر وضارب دم، ووراها فريدة بتعيط وعلامات الرعب باينة عليها.
أول ما الحاجة أمينة شافتني، نزلت على إيدي تبوسها وهي بتبكي
بوس قدمك يا ياسمين.. الحقيني.. طارق جوه العناية المركزة دلوقتي والدكاترة رافضين يلمسوه من غير وصل الدفع، والواد حالته بتضيع.. أبوس رجلك ادفعي الفلوس وإحنا هنكتب لك وتعهدات بكل مليم!
رجعت خطوة لورا وسحبت إيدي منها ببرود
جرى إيه يا حاجة أمينة؟ فين كلام امبارح؟ مش أنا الغريبة الفقرية اللي م لكيش أمان؟ وفين فلوس طارق اللي هي حق لأهله؟ روحوا ادفعوا له من حقكم.
فريدة صرخت وهي بتعيط
ياسمين أنا أسفة! أنا غلطانة.. بس طارق هيموت بسببي.. أنا الفلوس
بصيت لفريدة باحتقار مقرف
يعني حيات أخوكي اللي سرق مراته عشانك، أرخص عندك من نظرة خطيبك ليكي؟
التفت للحاجة أمينة وقلت لها بلهجة حاسمة قاطعة
أنا م هتدفعش مليم واحد. طارق سرقني وحول شقا عمري من ورا ضهري، وأنا رفعت عليه قضية خلع الصبح، وقضية تبديد أموال ومستندات التحويل اللي اتعملت في الفجر معايا وكشف الحساب معايا والمحامي شغال.
الحاجة أمينة صرخت عاوزة تخربي بيتك وت سجني ابني وهو بيموت؟!
ابنك خرب بيته بإيده لما مد إيده على حقي.. قدامكم ساعتين بالظبط، لو الفلوس مرجعتش في الحساب المشترك، المحضر هيتحرر في القسم، وساعتها طارق لو قام من العملية..
قفلت الباب في وشهم بكل قوة.
بعدها بساعة، جاني إشعار على الموبايل من البنك.. تم إيداع مبلغ 900 ألف جنيه في الحساب. فريدة خافت على نفسها وعلى أخوها وسحبت الفلوس ورجعتها.
خدت الفلوس كلها وحولتها لحسابي الشخصي الخاص بيا، ورحت للمحامي عشان يكمل إجراءات الخلع وقضية السرقة عشان أضمن إن طارق م يقدرش يقرب مني تاني. وعرفت بعد كده إن الحاجة أمينة اضطرت تبيع دهبها ودهب فريدة واستلفوا من طوب الأرض عشان يدفعوا مصاريف عملية طارق اللي عملها في آخر لحظة وقام منها بجسد عليل.. ونفسية مكسورة، وعيلة اتمزقت بسبب الطمع والأنانية.
خرجت من حياتهم وأنا معايا كرامتي.. وفلوسي.. ومستقبلي اللي بدأ يلمع، وسبت لهم الطوب
