يا بابا
عايزك تدلعينى
بس كده أنت تؤمر
مر اليوم وفى اليوم التالى راح منصور عشان يقابل
المعلم عبد الظاهر
قابله المعلم عبد الظاهر بترحيب
ازيك يا منصور عامل ايه يا ابنى
أهلا يا معلم عبد الظاهر معلش لو جيت من غير معاد
ولا يهمك يا حبيبي بس اكيد مجيتك دى وراها حاجه
أه بصراحه جايلك فى حاجتين أول حاجة شغل بصراحه أنا سبت الشغل عند أبويا وقررت افتح مركز توزيع لحسابى وهكون محتاج كميات كبيره من البضاعه وماتقلقش هدفعلك مقدم قبل أى تعامل بينا
أنا مش قلقان يا منصور منك بالعكس ادخل خد اللى انت عايزه والمخازن عندى مليانه
ده العشم يا معلم برضو وليا طلب تانى
قول سامعك
المفروض إنى كنت متفق معاك على محل ابويا اننا هنستلم نص البضاعه والنص التانى هنبدله بأدوات سباكه جديده عشان دى مابقاش فى طلب عليها زى الاول والناس بقت تطلب حاجات جديده ارخص وجودتها أعلى وانت كتر خيرك رضيت تبدلها من غير مانرجع للعقد صح
أه وأنا عند كلمتى
معلش يا معلم هنرجع فى الاتفاق ده وخليه ياخد البضاعه القديمه دى كلها حلال عليه
بس كده مش هتتباع وهتتركن عنده فى المخزن
معلش يا معلم البضاعه الجديدة أنا هاخدها فى المخزن عندى وهاخد كمان كميه من القديمه
هو حصل حاجه بينك وبينه
ده موضوع طويل يا معلم من سنين بس للأسف فوقت متأخر
بص يا منصور أنا عارف حاجات من زمان من خالك انا وخالك كنا صحاب وسبب أنى بتعامل مع ابوك أصلا هو انت حتى لو تلاحظ انا مابتعملش معاه أصلا لا فى خير ولا فى شر وطالما انت سبته وواضح إنه مكتفتش باللى عمله زمان فأنا معاك في أى حاجة والمخزن جوه مفتوحلك خد اللى أنت عايزه
... اللى يستحمل ابوه بعد كل اللى عمله فيه عشان يرضى ربنا انا ماخفش منه ومش بس كده أى تاجر عايز تتعامل معاه كلمنى وانا هتوصتلك وبإذن الله ربنا يكرمك ... بس أهم حاجة عندك مكان ولا هتاخد ورث أمك
لأ انا أخدت بيت خالى القديم هأجره منه البيت كبير وينفع يبقى معرض كبير
الله كريم
ده العشم يا معلم عبد الظاهر
انهى كنصور حديثه مع المعلم عبد الظاهر وبعدها ادذهب ليتفق مع بعض العمال على تعديل منزل خاله ليصبح المنزل معرض وبدأ بالدور الأول والثانى
مر اسبوعين والعمل داخل المنزل على قدم وساق وباعت سميحه جزء كبير من دهبها كان والدها جايبهولها وجزء تانى ورثته من أمها واديته لابنها كمل عليه ووضب البيت
خلال ذلك الوقت كان حسين كل يوم بيعدى من قدام المعرض ومكنش عارف ده هيتعمل فيه إيه وكل أما يسأل حد مكنش حد عارف
راح المحل بتاعه وبعت جاب فارس عشان يساله
خير يا حاج طلبتنى
بقولك يا فارس بيت خالك القديم بقالى اسبوعين فى عمال بيشتغلوا فيه هو هيتعمل إيه بالظبطت
مش عارف
هو ده مش بيت خالك مسألتش خالك هيعمله إيه
سألته قالى انا بعته ومش مهتم أعرف وهو باعه من زمان أصلا
مش عارف ليه حاسس إنك بتلف وتدور عليا
ماتستعجلش كل حاجه هتبان بكره
وأخوك مش ناوى يعقل وينزل الشغل
معرفش أصله زعلان منى عشان انا ماسبتش الشغل معاك فمعرفش عنه حاجه
خلاص روح شوف وراك ايه
فضل حسين بيفكر فى بيت صالح وحاسس إن فى حاجة غلط
مر اسبوع كمان من غير مايبان أى تفاصيل للمكان
اخر يوم قبل الافتتاح قام منصور خلال الليل بعد غلق المحلات بفرش المعرض الخاص به وتعليق يافطه باسم المعرض ووضع اسم جده والده امه على المعرض واسفل الاسم مكتوب
بإداره منصور
وقف حسين بعربيته قدام المعرض وبعدها مشى بعصبيه للمحل بتاعه وسأل على فارس لاقاه مشى
ياترى حسين هيعمل إيه ؟؟
والفتره دى فارس كان عند حسين بيعمل ايه ؟؟
اثناء ذهاب حسين لشغله مر جمب معرض منصور واتفاجئ بيافطه كبيره مكتوب عليها معرض المعلم جبريل واسفلها بخط واضح
تحت اداره المعلم صالح
فضل حسين واقف قدام المعرض حاسس إن حد ضربه قلم على غفله
شغل العربيه وراح على المحل بتاعه وطلب إنه يقابل فارس لكن رد عليه احد العمال وبلغه إن فارس مجاش
قعد
معقول كانوا بيضحكوا عليا وفارس مشترك مع اخوه
ولو فعلاً فارس مشترك مع أخوه ايه كان بيشتغل معايا ليه ؟؟
وقف حسين وقرر إنه يعمل فرز للمخازن
نادى على أحد العمال وطلب منه أنه يجمعله باقى العمال
راح العامل وجمع العمال المتواجدين
فى نفس الوقت كان قاعد حسين وهو حاسس بنار جواه معنى كده إنه منصور بدأ الحرب عليه ووضع منصور بقى أقوى منه والمحل مافيش أى حد جه يشترى منه عكس معرض منصور اللى كان مليان بالناس
التفكير كان مسيطر على راس حسين ومش عارف إزاى قدر منصور يعمل كده وجاب الفلوس منين ؟؟
جابها من خالوا ولا من والدته ولا شارك حد ؟
لو كان شارك حد مكنش هيسمى المحل باسم جبريل كان اختار اسم تانى
وصالح مابيفهمش حاجه في الشغلانه ولا حاببها أصلا هل ممكن يكون عمل كده عشان يعانده ويخسره بس لأ لازم اتصرف والمعرض ده لازم يتقفل بالذوق أو بالعافيه
اجتمع العمال فى قصاد مكتب حسين ومستيين يعرفوا السبب اللى جمعهم عشانه
لما طال الصمت قرر أحد العمال أن يكسر الصمت
معلم حسين اتجمعنا زى ما طلبت
ايه ده آمال فين الباقى
راحوا اشتغلوا عند منصور فى المعرض
وهما عرفوا أمته ؟؟ واشمعنى دول اللى راحوا وليه انتوا مارحتوش معاهم
ظهر واحد من العمال واتكلم بخبث
فارس يا معلم كنت بشوفه بيقعد معاهم كل واحد لواحده وبيقنعهم وينبه عليهم مايقولوش حاجه لحد
وأنت عرفت منين يا محمود
مهو جه طلب منى بس أنا رفضت انا لحم كتافى من خيرك يا معلم
أصيل يا محمود
بعدها بص للباقى وسألهم
وفارس طلب منكم انتوا كمان تروحوا تشتغلوا عندهم
اجابوا كلهم بنفس اللحظه
لأ يا معلم إحنا علاقتنا مش قويه مع فارس ومنصور زى الباقى
تمام روحوا انتوا كملوا شغلكم وعايزكم تعملولى جرد على المخازن
حاضر يا معلم
أستنى انت يا محمود عايزك
اتفضل يا معلم
انت ليه كلام مع فارس ومنصور
أه يا معلم أنا اللى معلمهم
جدع ... بص بقى أنا عايزك تعملى خدمه وكله بحسابه
اتفضل يا معلم
عايزك تروح المعرض كأنك بتباركلهم وعايز عينك تبقى كاميرا تجبلى كل أسعار قطع الغيار ومين التجار الى وردلهم ومين شريكهم عايزك تجبلى كل التفاصيل بس من غير مايحسوا
سهله يا معلم قبل آخر اليوم هعدى عليهم واقولك كل التفاصيل
خرج حسين وقرر إنه يروح لسميحه
أخد محمود المبلغ من حسين وهو بيحاول يدارى ابتسامته ومشى وساب حسين قاعد يتخيل شكل المعرض وهو بيتحرق والزباين بترجعله تانى
وبيتخيل إن العمال هيرجعوله مره تانيه ووقتها هو ازاى هيرفض رجوعهم وياخد حقه منهم ويتطاول عليهم
فى المستشفى كان منصور بتكلم مع الدكاتره وطمنوه على حاله عبد الظاهر
فى نفس الوقت كانت نسرين إبنه المعلم تجلس فى إحدى الزوايا تبكى
وقف منصور يبصلها من بعيد هى صعبانه عليه لكن مش هيقدر يكلمها ويتخطى حدوده
قلبه اتقبض، عايز يقرب منها يطمنها ، بس عقله وقفه
لأ دي ما تحلّلكش. دي بنت المعلم اللي إنت شايله فوق راسك، وأى قُرب منك ليها يبقى خيانة. امشى مع الأصول وركز مع المعلم وابعد عينك عنها .
شد نفسه لورا خطوه، وغير اتجاهه ومشى تجاه غرفه العنايه مره أخرى
و قال فى سره
كفاية أكون سند ليها من بعيد أهون عليها بكلمة كده ولا وقفة وقت ما تحتاج، من غير ما أتخطى حدودى ولا حدود ربنا
بعد فترة خرج الدكتور، وقف منصور قدامه يتكلم معاه ويطمن على حال المعلم.
خير يا دكتور أخبار المريض إيه؟
ابتسم الدكتور وقال
الحمد لله، كان في غيبوبة سكر دي بتحصل لما السكر يعلى جدًا في الدم، والجسم يبدأ يفرز أحماض. الحالة كانت تقيلة شوية بس الحمد لله قدرنا نسيطر عليها.
دلوقتي محتاج يفضل تحت الملاحظة، وهنظبط له جرعات الأنسولين ونمنع أي مضاعفات
محتاج يقعد أد ايه
من تلات ل اربع ايام وبإذن الله يبقى زى الفل .. ربنا يطمنكم عليه
خير باذن الله.. شكرا يا دكتور
خلص كلامه مع الدكتور وراح لنسرين عشان يطمنها
وقف قصادها وكان بيبص على اليافطه اللى خلفها وكلمها
انسه نسرين الدكتور خرج من عند والدك والحمد لله بقى أحسن الموضوع كله غيبوبه
