لقاء القلوب بقلم إيمان شلبي
و بتاخدي ادويه ولا لا
اتنهدت بحزن وانا بهز راسي بنفي
لا
ردت بلهفه
طب ليه
الدموع لمعت في عيني وانا برد بحزن
ا اتلبخت في اللي حصل و...
قاطعتني بحزم
انا هحجزلك مع دكتور اعرفه عشان تتابعي معاه وانا هتكفل بكل المصاريف
ب بس
مفيش بس ..ا احم يالا يابشمهندسه علي شغلك وياريت لو حسيتي في أي وقت بالتعب وحبيتي تروحي روحي علي طول
كنت ببصلها وانا فاتحه بوقي پصدمه من تصرفاتها الغريبه مش فاهمه هي بتعمل كده شفقه ولا هي اتغيرت ولا دي
لعبه جديده ولا اي بالظبط !
حسيت نفسي في متاهه وبصيتلها بحيره وانا عايزه اسألها بس خاېفه
اما عنها اتنهدت وهي بتبتسم بهدوء
طبعا مستغربه انا ازاي اتغيرت كده !
رفعت راسي وانا برد بتوتر
ب بصراحه ا اه
سندت ايديها علي المكتب وهي بتبصلي بندم
الحوار كله جه عشان افوق
تفوقي !!
هزت راسها بتأكيد
كلامك امبارح خلاني فعلا اعيد حساباتي مليون مره واعترف اني كنت هرتكب چريمه في حق نفسي وابني
واتنهدت بحزن
صدقيني انا بحب ابني وعمري ابدا ما افضل الفلوس عليه كل الحكايه بس إن كان هدفي الأكبر أنه يحب ويعيش حياته
رديت بذهول
يعني انتي مكانش هدفك الفلوس !
مقدرش أنكر أن الفلوس هي كمان كانت هدفي بس كلامك فوقني عرفني فعلا أن الفلوس مش ممكن تشتري صحه ولا حب ولا راحه بال واكبر مثال انا اهو عندي فلوس بس فعلا مش مبسوطه ولا مرتاحه في حياتي
يمكن ربنا عمل كده عشان اعيد حساباتي وافوق من غفلتي
يعني انتي صرفتي نظر عن الموضوع ده
هزت راسها بابتسامه بشوشه
وقولت لخالد
رديت پصدمه
خ خالد ي يعني خالد دلوقتي ع عارف اني
قاطعتني بهدوء
متقلقيش هو عرف أنك محبتيش تكملي في اللعبه عشان متجرحهوش وسامحني خالد ابني قلبه طيب وبيسامح
الدموع لمعت في عيني وانا بقول بصوت مبحوح
ربنا يسعده مع البنت اللي تحبه بجد
ردت وهي بتبصلي بغموض
قريب اوي أن شاء الله
ا احم طب عن اذنك هروح شغلي
تمام بس اعملي حسابك بكره الساعة ٢ هتيجي معايا
رديت باستغراب
هاجي معاكي فين !
عند الدكتور اللي هيتابع حالتك ايه نسيتي ولا ايه!!
هزيت راسي بابتسامه حزينه
اه ط طب تمام ب بس انا مش عايزه اعطل حضرتك
لا طبعا مفيش عطله ولا حاجه انا هفضل معاكي لحد ما تبقي زي الاول واحسن
ضحكت وهزيت راسي بأمتنان وخرجت من المكتب وانا بتنهد براحه وابتسامه صغيره اترسمت علي وشي
تانى يوم الساعه ٢ بالظبط كنت واقفه قدام المستشفي مع عايده بفرك ايدي بتوتر
يالا يازينب مالك !
بلعت ريقي بتوتر وانا ببصلها وبهز راسي
اخدت نفس طويل ودخلنا المستشفي واتفاجئت بالمعامله الغريبه اللي الكل بيتعامل بيها مع عايده وكأنها صاحبه المستشفي
وصلنا قدام السكرتيره اللي رحبت بعايده وډخلتنا فورا عند الدكتور اللي انا لحد دلوقتي معرفش هو مين بس الظاهر أنه حد مشهور جدا
خبطنا الباب وثواني وسمعنا صوته بيسمحلنا ندخل
دخلت عايده وانا دخلت وراها واول ما شوفت الدكتور برقت عيني پصدمه
ا ا انت
قام وقف وهو بيقول بمرح
لسه محتاجه دبله تدفيكي ولا البطانيه قامت بالواجب !
بصيتله ببلاهه وانا برمش عيني اكتر من مره وبحاول اتكلم
ا ا
خرج من ورا المكتب وهو بيقرب مننا وبيبص في عيوني
نورتي المستشفي يا انسه زينب
عيوني دمعت وانا بحط وشي في الأرض بأحراج
ش شكرا ب بس بعد اذنك أنا م مش هقدر اتابع حالتي معاك و...
انا مش زعلان منك واسف علي اللي حصل واعتبري أن مفيش حاجه حصلت من اساسه وانا لسه عند طلبي
رفعت راسي باستغراب
ط طلب ايه!
ابتسم بهدوء
الجواز تقبلي تتجوزيني !
رديت والدموع بتلمع في عيني
بس انا اكتشفت أن انا عندي کانسر بجد
رد بهدوء
عارف وانا قررت اكون الدكتور اللي هيتابع حالتك
ا انا ا انا
عايده وهي بتقاطعني
خلاص بقي يازوزو وافقي نفسي افرح بابني
بصيتلهم بحيره وقولت بهدوء
م موافقه
خالد بمرح وهو بيخرج علبه قطيفه لونها احمر من جيبه
حيس كده بقي البسك دبله تدفيكي
قال جملته وهو بيغمزلي وبيفتح العلبه وبيخرج منها خاتم شكله رقيق اوي وبياخد ايدي وبيلبسهولي وهو بيبص في عيوني
لبسهوني وباس ايدي برقه اما عني ضحكت برقه وانا ببصله وببص لعايده اللي كان باين عليها الفرحه اوي
بعد مرور خمس شهور
كنت قاعده في البيت بخلص شويه شغل والفون
بتاعي رن برقم خالد
رديت بلهفه
الو
ايه يازوزو عامله ايه
رديت بخجل
ا الحمد لله وانت
اممممم انا بخير بس في حاجه لازم ابلغك بيها ضروري
ح حاجه ايه
لا انتي تخرجي من الأوضه الاول وتعرفي
رديت باستغراب
اوضه مين
اوضتك ياقمري
ضحكت بذهول وانا بسأله
انت برا !
بقالي ساعه وحياتك
ياخبر وازاي ماما متقوليش كل ده
لا ماهو انا اللي قولتلها
رديت باستغراب
طب
اخرجي وانتي تعرفي
امممم حاضر
قفلت معاه ولبست بسرعه وخرجت وانا قلبي بيدق وعندي فضول اعرف ايه اللي جابه في وقت زي ده !!
اول ماخرجت وقفت مكاني لحظات بحاول استوعب اللي بيحصل قدامي
البيت كله متزين بشكل خرافي اهلي واهله واقفين في الصاله في تورته كبيره عليها صورتي وخالد واقف في نص البيت ماسك في أيده بوكيه ورد احمر
قربت منهم بخطوات بتترعش وانا ببلع ريقي وببص للصوره اللي كانت علي التورته
كانت صوره ليا قبل الکانسر وشعري طويل وتقيل وصوره بعد الكيماوي والتعب وشعري كله واقع وتحت الصوره مكتوب
حمد الله علي السلامه
رفعت راسي وانا مش مصدقه ودموعي نزلت علي خدي وانا بقول بخفوت
ا ا انا خفيت
قرب مني خالد وهو بيمسح دموعي برقه
الحمد لله انتي خفيتي ليه بقي العياط ده غاويه نكد ليه يابت انتي !
ضحكت برقه علي كلامه وانا بمسح دموعي والكل قرب مني وسلموا عليا حتي ماما اللي كانت دموعها علي خدها وبتسجد علي الارض اني خفيت
افتكرت اول لما عرفت اللي عندى عملت ايه كانت حالتها صعبه اوي هي وبابا ندمت اني عرفتهم بس الحمد لله كل حاجه انتهت الکابوس انتهي
انا وسط عيلتي وبصحتي ومعايا الشخص اللي بحبه وأهله اللي بيحبوني
خالد بصوت واطي
حمد لله علي سلامتك ياقلبي
رديت بنبره صوت كلها حب
الله يسلمك
ضحك ومدلي أيده بالورد وانا اخدته وانا بقول بهمس
بحبك
خالد بمرح
بس تصدقي فعلا الدبله طلعت بتدفي
ياراجل
طبعا فهكون شاكر جدا ليكي لو جبتي في جهازك لحاف فايبر عشان الجو بيكون سقعه في الشتا
ضحكت وهو ضحك بتلقائية
بتطمن لو جنبي بقيتي وان غيبتي عن الصورة بعاني
تمت
لقاء_القلوب
إيمان_شلبي
