لقاء القلوب بقلم إيمان شلبي
الله اكبر دكتور زي القمر بسم الله ماشاء الله ربنا يحميه يارب
بابا
فعلا شكله محترم ها يابنتي رأيك ايه
رديت بتوتر
هه ا انا ا انا
ماما بمقاطعه وحماس
وافقي يابنتي والله الواد شكله كويس ادي لنفسك فرصه يا زينب نفسي افرح بيكي واشيل احفادك قبل ما اموت
بلهفه وخوف لما جابت سيره المۏت وانا بقول بدموع
بعد الشړ عليكي
هي بدموع
وافقي يازينب وافقي ياحبيبتي يمكن تحبيه يمكن يعوضك عن اللي شوفتيه مع الحيوان خطيبك اللي فات
ومع الذكره دي اتنهدت بحزن وانا ببص قدامي والدموع بتلمع في عيوني
وبفتكر خطيبي او اللي الشخص اللي كنت مخطوباله قد ايه كان قرار خاطي ارتباطي بشخص زي
كان شخص متسلط أناني مبيحبش الا نفسه لكن للاسف كنت بحبه
غمضت عيني بقوه وانا بقول من جوايا
وللاسف لسه بحنله
فتحت عيني بعد شرود دام لاكتر من خمس دقائق وانا بقول بخفوت
انا موافقه
بعد مرور يومين
كنت قاعده في مكتب مديره الشركه اللي انا بشتغل فيها
كانت قاعده علي الكرسي حاطه رجل علي رجل وهي بتبصلي بابتسامه خبيثه زيها
برافو عليكي قدرتي توقعيه بسهوله
بصيتلها وانا برد بقرف
للاسف اي حد مكانه كان هيعمل كده وخاصه لما يكتشف مرضي مجرد شفقه يامدام عايده مش اكتر
ردت بلا مبالاه
مش مهم المهم أن هو هيتجوزك وجده هيكتبلنا الثروه كامله
رديت بسخريه
طب وانا وابنك !
ردت بابتسامه كلها سخريه
انتي!!
انتي مجرد ممثله انا اشتريتها تعمل لعبه علي ابني عشان توقعه في شباكها ويتجوزها وجده يكتبلنا الثروه
لما الثروه تتكتب هنعرفه الحقيقه أو هنخترع اي حاجه ونخليه يطلقك وخلصنا
رديت والدموع في عيني
ياسلااام بالبساطه دي كسره قلب ابنك !
ردت پقسوه وبرود
ابني شويه وهينسي ياحبيبتي متقلقيش عليه
وقربت مني شويه وهي بتبصلي بتحذير
اوعي تحبيه يازوزو شوفي انتي فين واحنا فين
اخدت نفس طويل وانا ببصلها وبقول بهدوء
الغني مش غني الفلوس يامدام عايده
الغني غني النفس
وضحكت بسخريه
وعموما متقلقيش مش هحبه انا مجرد ممثله وبس قبضت تمن اللي بتعمله وهتختفي
برافو حبيبتي
اه صحيح
قالت جملتها وطلعت ظرف من المكتب ومدتلي ايديها بيه
خدي
رديت باستغراب
ايه ده
ردت بغرور
ده خمسين ألف جنيه جزء بسيط من المبلغ لحد ما تتم المهمه كلها وهتاخدي باقي حقك
بصيتلها وانا بحاول امنع دموعي وقولت بصوت مبحوح
كتر خيرك
ردت ببرود
as you like
خرجت من المكتب وانا كاتمه دموعي بالعافيه واول ما خرجت دخلت اقرب حمام وقفلت الباب ولحسن الحظ أن مكانش فيه حد
اڼفجرت في العياط وانا بفتكر اللي حصل من اسبوع بالتقريب
فلاش باك
كنت قاعده في مكتبي مندمجه في الشغل لحد ما دخلت عليا واحده صاحبتي وهي بتقرب مني بتوتر
زينب مدام عايده عايزاكي في مكتبها
رديت بتوتر
ع عايزاني انا ليه استر يارب
مش عارفه
اخدت نفس طويل وانا ببلع ريقي بصعوبه وبقوم من علي المكتب
يارب استر يارب خليك معايا ده انا غلبانه وهبله يارب
شويه وكنت قدام باب المكتب بعد ما السكرتيره قالتلي ادخل
بلعت ريقي وخبطت الباب وانا بتنفس بسرعه
شويه وسمعت صوتها بتقول
ادخل
دخلت وانا بفرك ايدي بتوتر وبقول بصوت واطي
ح حضرتك طلبتيني
ردت بغرورها المعتاد
ايوه اتفضلي
روحت قعدت علي الكرسي اللي قدام المكتب وانا منتظره أعرف طلبتني ليه بفارغ الصبر
سندت ايديها علي المكتب وهي بتسألني بجديه
تشربي ايه
بلعت ريقي بتوتر
ل لا شكرا مش عايزه
اوك
قالتها ببرود وهي بتتنهد
ايه رأيك لو تاخدي مليون جنيه
رفعت راسي پصدمه اول ما سمعت المبلغ ورديت ببلاهه
م مليون جنيه !
ضحكت بخبث
امممم مليون جنيه
رديت باستغراب
وده
مقابل ايه !
ردت بسخريه
يعجبني ذكائك فعلا في مقابل
رديت برفعه حاجب
وايه هو
سندت علي المكتب وهي بتبصلي وبتقول بهمس
توقعي ابني في شباكك
فتحت بوقي ببلاهه
ابنك !!
سندت علي الكرسي وهي بتحط رجل فوق التانيه بغرور
ابو جوزي الله يرحمه رافض يكتبلنا اي أملاك واي حاجه تخصه إلا لما يفرح بابني
وانا ابني مش بيفكر في الموضوع ده حاليا عشان كده عايزاكي توقعيه
واشمعني انا
بصيتلي شويه وبعدين ردت بهدوء
عشان انتي الوحيده اللي حلوه في الشركه ده غير انك دمك خفيف وتقدري توقعيه بسهوله
طب وده ازاي وافرضي اصلا موقعش !!
ردت بثقه
هيقع اما ازاي فخليها عليا المهم انتي موافقه !
وانا مصيري هيكون ايه
ولا حاجه المهمه تتم وشويه وتتطلقي منه عادي جدا
بس...
قاطعتني بحزم
فكري براحتك وردي عليا أنا في انتظارك اتفضلي
خرجت من المكتب وانا بفكر بحيره كبيره جدا
لاول مره في حياتي أتحط في موقف زي ده !
مليون جنيه مره واحده!
حقيقي المبلغ ده انا لو فضلت من هنا للسنه اللي
خرجت من الشركه وروحت قعدت علي البحر في وقت البريك وانا مازلت في حيره
لحد ما انتهت الحيره اني اوافق واللي يحصل يحصل
غبي اللي يرفض مبلغ زي ده بصراحه
بعد يومين روحتلها وبلغتها موافقتي وياريتني كنت فكرت الف مره قبل ما احط نفسي في لعبه انامش قدها ومع ناس مش قدها !!
٢٣١٠ ٤٠٦ ص Emy ١٨١١٢٠٢٢ ٤٠٣ م Emy الجزء الثالث بقلمي ايمان شلبي
روحت بعد ما قعدت
افتكر اللي حصل وعيطت بحرقه وندم علي اللي عملته في نفسي
وصلت قدام البيت وحاولت اكون طبيعيه عشان ماما متحسش
اخدت نفس طويل وخبطت الباب وشويه وماما فتحتلي
الله انتي جايه من الشغل بدري ليه
اتوترت وانا ببلع ريقي بتوتر
هه ا انا اه انا تعبانه شويه عشان كده استأذنت ورجعت بدري
ماما بخضه
تعبانه مالك في ايه
قربت منها وانا ببوس ايديها
متقلقيش شويه صداع بس وشويه وهبقي كويسه
طب ادخلي غيري هدومك عقبال ما احضرلك الغداء
هزيت راسي بابتسامه باهته ودخلت الأوضه غيرت هدومي واتوضيت وروحت صليت
خلصت ومسحت دموعي وانا يتنهد وبدعي ربنا يعدي الايام اللي جايه علي خير ويسامحني علي غلطتي
خرجت برا كانت ماما حضرت الاكل وقاعده مستنياني هي وبابا
قربت منهم وقعدت علي الاكل من غير ما انطق حرف ولا اهزر كعادتي
ماما بحزن
مالك يازينب فيكي ايه بقالك كام يوم يابنتي
بصيتلها وانا بقول بحزن
مفيش ياماما انا كويسه
كويسه ازاي بس وانا يعني مش عارفه بنتي
صدقيني ياماما انا كويسه هو شويه إرهاق بس
اتنهدت وهي بتطبطب علي رجلي بحنان
ربنا يريح بالك يابنتي ويفرحني بيكي يارب
بابا وهو بيحاول يضحكني
ماحنا هنفرح بيها قريب إن شاء الله
ماما بفرحه
يبقي الدكتور خالد كلمك مش كده
بابا وهو بيبصلي
ايوه ياستي وعطيته معاد علي يوم الخميس أن شاء الله
ماما بفرحه اكبر
بجد الف الف مبروك ياحبيبتي ربنا يكمل علي خير يارب
ابتسمت بمجامله لماما وبقول بخفوت
يارب
يوم الخميس بليل كنت قاعده في اوضتي بفرك ايدي بتوتر قلبي بيدق بسرعه رهيبه لدرجه حسيته هيقف من كتر الخۏف
كنت سامعه صوت بابا وهو بيرحب بخالد وأهله بفرحه
غمضت عيني بحزن وانا بحاول معيطش
بصيت علي انعكاس صورتي في المرايه وانا بتفحص شكلي للمره الاخيره
كنت لابسه دريس احمر بأكمام شفافه وشوذ كعب بيج وفارده شعري علي كتفي وحاطه ميك اب هادي
لاول مره اتحط في موقف زي ده كنت
كنت بفكر في ماما وبابا وفرحتهم بيا وفي نفس الوقت بفكر ازاي هسيبهم لوحدهم وهما ملهمش غيري !
كنت بفكر في خالد وازاي قدرت اخدعه واخليه يتقدملي عشان اتجوزه وكل ده ليه عشان شويه فلوس متسواش
اتنهدت بحزن وانا بقول لنفسي
لا يازينب الفلوس تسوي اللي معهوش فلوس في الزمن ده ممكن يتداس عليه
وهنا اشتغل الصراع الدائم بين قلبي وعقلي الصراع اللي عمري ما قدرت أوقفه أو احسم الأمر فيه
قلبي
الفلوس مش كل حاجه
عقلي
اسكت انت الفلوس مهمه الفلوس اهم من اي حاجه
قلبي
الفلوس مش بتشتري راحه البال ولا بتشتري حب الفلوس مش ممكن تشتري صحه ابدا !
عقلي
ومن أمتي الواحد مرتاح البال ياعم
من أمتي في حب بين الناس كله بيضحك علي كله ولو علي الصحه فده قدر ربنا معاك فلوس أو مش معاك مش هتقدر تمنع المۏت ياصاحبي
متقولش صاحبي انا وانت مش صحاب ولا عمرنا هنكون أصحاب انت مختلف عني في كل حاجه انت بتفكر بالمنطق عمرك ما فكرت في مشاعر الناس
تقدر تقولي دلوقتي لو خالد حبها وهى كمان حبته ڠصب عنها تقدر تقولي ازاي هتعيش مبسوطه ازاي هتقدر تواجه خالد وتقوله سوري اصل انا كنت بلعب عليك عشان مامتك بس صدقني انا حبيتك !
اكيد خالد مش هيسامحها اكيد هيكرهها اكيد هيتكسر وهي كمان هتتكسر وقتها مش هتفيدها الفلوس بحاجه مش هتعمل بيها حاجه طول ما هي بعيده عن الشخص اللي بتحبه
الفلوس عمرها ماكانت كل حاجه انا مقدرش أنكر أن الفلوس مهمه لكن مش كل حاجه ياعم العقل
عقلي بتوتر
ب بس....
قلبي
مش لاقي حاجه تقولها مش كده !
زينب بصوت مكتوم ودموع وهي بتحط ايديها علي ودنها
بس بقي بسسسس اخرسوا محدش يتكلم محدش...
قطعت جملتي لما الباب خبط ودخلت ماما وهي فرحانه
زينب تعالي ياحبيبتي يالا
قومت من مكاني وانا باخد نفس طويل وبخرج معاها
دخلت الصالون وانا حاطه وشي في الأرض وبقول بصوت واطي
السلام عليكم
رد الكل عليا
وعليكم من السلام ورحمه الله وبركاته
بابا
تعالي يازينب ياحبيبتي سلمي علي مدام عايده مامه الدكتور خالد وخيري باشا جده
قربت من عايده وانا برفع راسي وبسلم عليها من غير نفس
ازي حضرتك
لقيتها قامت مره واحده وهي بتقول بابتسامه مزيفه
اهلا بعروسه الغالي بسم الله ماشاء الله قمر
ابتسمت ابتسامه مصطنعه
تسلمي حضرتك
قربت
وبعدها قربت من خالد ومديت ايدي بتوتر
ا ازيك يادكتور
خالد وهو بيقوم يقف وبيبتسم برزانه وهدوء
الحمد لله ياانسه زينب
وقرب مني وهمس في ودني
شكلك زي
