لقاء القلوب بقلم إيمان شلبي
٢٣١٠ ٤٠٠ ص Emy اسكريبت بقلمي إيمان شلبي
لو سمحت عايزه البس دبله تدفيني زي الناس اللي هناك دي
أفندم!!
قالها باستغراب وهو بيرفع رأسه من علي اللاب توب بتاعه
سندت خدي علي ايدي وانا ببصله في عيونه بهيام
بقولك عايزه البس دبله تدفيني في الشتا
رفع حاجبه بابتسامه صغيره
طب وانا مالي !
لويت بوقي زي الاطفال
تيجي تتقدملي وتخطبني
ضحك بذهول وهو بيسند ايده علي الطربيزه وبيبصلي في عيوني بنظره غريبه لكنها وترتني
طب واشمعني انا
رمشت عيني اكتر من مره وانا ببلع ريقي بتوتر
هتصدقني لو قولتلك مش عارفه
افهم من كده انك معجبه بقي
قالها بابتسامه هاديه وهو ساند خده علي أيده زي وبيبصلي بنفس النظره
ضحكت بسخرية
هو أنا اعرفك اصلا عشان اعجب بيك!
رد بنفس الابتسامه
اومال عايزاني اخطبك ليه هو الجواز سلق بيض
رديت بذهول
وهو حد جاب سيره الجواز دلوقتي !!
رد باستغراب
اومال هنفضل مخطوبين العمر كله يا انسه ...
رديت بضيق
زينب
ضحك برزانه وهو بيكمل كلامه
انا مش فاهم هو حضرتك كويسه !
بصيت قدامي وانا بحارب دموعي عشان متنزلش ورديت بهدوء
الحمد لله أنا كويسه
رد برفعه حاجب
متأكده يعني بصراحه محدش يطلب من حد طلب زي ده إلا لو...
قطعت جملته بسخريه
إلا لو كان مچنون مش كده
رد بأحراج
لا مش قصدي اكيد بس يعني انتي بنت جميله ماشاء الله والف ميني يتمناكي
بصراحه مستغرب ليه تطلبي طلب زي ده من حد متعرفهوش
رديت بتلقائية
نفسي احب واتحب نفسي اتخطف ياجدع
وفجأه اڼفجر من الضحك علي رده فعلي الغير متوقعه وانا ببصله بذهول وهيام
قد ايه ضحكته حلوه وټخطف القلب والعقل !
وقف ضحك بعد معاناه وهو بيسألني
فصلتيني والله
رديت بضيق
ايوه يعني موافق ولا اشوف غيرك!
رد بذهول
تشوفي غيري للدرجادي حالتك صعبه
قربت وشي من وشه وانا بقول بصوت واطي وكأني بقوله سر خطېر
اوي يا استاذ ممتاز انا بقالي خمسه وعشرين سنه سنجل معرفش يعني ايه حب
اتفاجئت أن دفعتي كلها اتخطبت وفي منهم اللي اتجوز الا العاق وليد الشريف
نفسي اتخطب زي الناس اللي هناك دي واكتب علي صوره الخطوبه
لقد هرمنا من أجل هذه اللحظه لقد عبرنا المحيطات وهزمنا التتار والهكسسوس معاهم لقد عبرنا خط برليف لقد رزقت حبه لقد أحببته حبا لن يحبه أحد في تاريخ المحبوبين لقد كان لي خير الصديق والاب والام لقد كان لي خالتي وابن خالتي كمان
كان قاعد بيسمعني وبيضحك مع كل جمله كنت بقولها لدرجه وشه بقي احمر من كتر الضحك
ماشاء الله عليا دمي خفيف اوي ولا كأني واقعه في مصېبه ومكتشفه اني عندي مرض خطېر من ساعتين
اتكلم من بين ضحكه
انتي مصېبه والله بقولك أيه أنا موافق اتجوزك
احلف!
قولتها بتلقائية وفرحه خلته يضحك وهو بيقولي بصدق
والله لتجوزك هو في حد يرفض عرض زي ده وخاصه لو واحده ډمها خفيف زيك
رديت بضيق
يعني هتتجوزني عشان دمي خفيف !!
رد بذهول وضحك
هههههههه اومال عشان بحبك مثلا
رديت بغيظ
وايه يعني لما تحبني
رد بهدوء وضحكه بسيطه زينت وشه
يمكن مع الوقت نحب بعض
رديت بحيره
وافرض محبناش بعض!
رد بحيره
مش عارف بس اللي اعرفه انك هتكوني حققتي حلمك وانا هكون ضحكت شويه
رفعت حاجبي بضيق
ليه هو انا اراجوز
ضحك وهو بيرد
لا بس دمك خفيف وشكلي كده هحبك بجد
قال جملته الآخيره وهو بيغمزلي بمشاكسه
اما عني بلعت ريقي بتوتر ووشي بقي احمر وانا ببص في الأرض وبفرك ايدي
مش عارفه ايه سبب دقه قلبي لما قالي
شكلي هحبك بجد !
غمضت عيني جامد وانا بحاول معيطش وبحاول مفكرش في أي شيئ تاني
انا مينفعش افكر مينفعش احلم مينفعش احب من اساسه
هيييي روحتي فين
هه ا انا موجوده
ضحك بوسامه
طب بما انك خطيبتي تشربي ايه بقي
رديت بمرح
نص فرخه
ضحك وهو بيرد بنفس المرح
والله الواحد كان جعان فعلا احنا نطلب اكل
بعد شويه كنت خارجه من الكافيه وهو ماشي جنبي
كنت حاطه وشي في الأرض وبفرك ايدي بتوتر رهيب
ا احم ممكن رقم باباكي
رفعت راسي وانا برد بذهول
هو انت بجد موافق !
حط أيده في جيبه بجديه
لو مش موافق مكنتش قعدت معاكي الفتره دي كلها هاتي رقم باباكي
بلعت ريقي وانا بمد ايدي فهو فهم وعطاني الفون بتاعه وانا كتبت رقم بابا بأيد بتترعش وعطتهوله تاني بس المره دي حسيت بكهربا لما ايدي لمست ايدي بالغلط
سحبت ايدي بتوتر وانا وشي كله احمر من الإحراج
أما عنه وقف يبص شويه لملامحي اللي كانت كلها توتر وخوف وكأن الشخصيه اللي كانت جوا في الكافيه غير الشخصيه اللي واقفه قدامه حاليا
ابتسم وهو بيقولي بهدوء
تسمحيلي اوصلك !
لا
رديت بتلقائية وانا برفع راسي وابص في عيونه
رد باستغراب
لا ليه
وفجأه حسيت بصداع جامد اوي ونغمشه حسيت اني مش شايفه من كتر الصداع
قرب مني بتوتر
ا انتي كويسه
غمضت
ا انا تمام
رد بقلق
مش واضح خالص تحبي تقعدي شويه
هزيت راسي بنفي
لا لا انا هروح ممكن بس توقفلي تاكسي
بس
قاطعته بتعب
ارجوك لو سمحت انا كويسه متقلقش
هز رأسه بضيق وهو بيوقف تاكسي وبيفتحلي الباب
لسه هركب حسيت الدنيا بتلف بيا وفجأه محستش بنفسي غير وانا بفقد الوعي وبقع بين ايديه
محستش بأي حاجه غير بعد ساعه بالتقريب
فتحت عيني لقيت نفسي في اوضه غريبه من الواضح أنها اوضه مستشفي
بصيت يمين وشمال مكانش في حد بصيت علي ايدي كان متركبلي محلول
اتنهدت بحزن وانا عيوني مدمعه وثواني وسمعت صوت الباب بيخبط
رديت بصوت مبحوح
ادخل
دخل هو بحزن وهو بيبصلي بشفقه
حمد لله علي سلامتك
رديت بحزن
الله يسلمك ياخالد
قرب مني وهو بيقعد علي الكرسي اللي قدام السرير وبيسألني بعتاب
ليه مقولتليش
رديت بسخريه
هقولك ايه
هقولك انا عندي کانسر وخلال أيام ھموت عشان كده طلبت منك تخطبني
هقولك اني بحاول اعمل الحاجات اللي مقدرتش اعملها في حياتي قبل ما اموت بأي طريقه حتى لو هانت كرامتي !!
واتنهدت بدموع وانا ببصله بحزن
انا بعفيك من الخطوبه ديه طبعا وخاصه بعد ما عرفت الحقيقه
وبعتذر لو ضيعت وقتك
اتنهد وهو بيبصلي بحزن
حتي لو مبقتش خطيبك فأنا هكون دكتورك المشرف علي حالتك
رديت پصدمه
د دكتوري
رد بهدوء
انتي ناسيه اني دكتور ولا ايه
وبعدين لو انتي بتعفيني من خطوبتنا فأنا مش بعفيكي
يعني ايه
رد بنفس الهدوء
يعني مش بمزاجك انا كلمت والدك وطلبت ايدك منه
يتبع
لقاء_القلوب
إيمان_شلبي
٢٣١٠ ٤٠٣ ص Emy الجزء الثاني بقلمي ايمان شلبي
بصيتله وانا فاتحه بوقي پصدمه
ط طلبت ايدي !
هز رأسه بابتسامته المعتادة
اخدت رقمه من النوت اللي موجوده في شنطتك
رديت بقلق ودموع
ا رجوك اوعي تكون قولتله د ده ممكن ېموت فيها ولا ماما ....
قاطعني
هششش متقلقيش
انا مقولتش لباباكي انا قولتله انك تعبانه بس شويه ونبهت علي الدكاتره أن محدش يقول اي حاجه
بصيتله وعيوني مليانه بالدموع
ش شكرا
اتنهد بحزن
أن شاء الله هتبقي كويسه
هزيت راسي بابتسامه باهته وانا ببص في عيونه اللي كانت بصالي بشفقه وحزن
اتوترت من نظرته ولفيت وشي وانا بفرك ايدي بتوتر
ضحك وهو بيقول بهزار
ايه ياببلاووي انت
بصيتله بغيظ
قصدك ايه !
غمزلي بمشاكسه
يعني اللي يشوفك دلوقتي ميشوفكيش وانتي في الكافيه
وقال اي عايزه دبله تدفيكي والبطانيه قصرت معاكي في ايه بس غاوين محڼ وخلاص !
ضحكت برقه علي هزاره ووشي بقي احمر لما افتكرت اللي عملته
سكتنا شويه وانا قاعده ببص في كل مكان الا عيونه اللي حسيت انها بتوترني من اول نظره
حسيت قلبي هيخرج
من مكانه من كتر ما بيدق وهو معايا في مكان واحد
معقوله هو ده الحب اللي بسمع عنه
لا لا اوعي يازينب أوعي تحبي مينفعش انتي محكوم عليكي بالمۏت مينفعش تحلمي مينفعش تعلقيه بيكي أو تتعلقي بيه
لا يازينب ارفضي الجواز متحمليش نفسك فوق طاقتك كفايه اهلك اللي انتي خاېفه عليهم لما تسبيهم
هتنزودي عليهم واحد كمان هتكسري واحد كمان لما ټموتي !
لا يازينب ارفضي اهربي منه اهربي من الدنيا كلها
وفجأه الباب اتفتح ودخل بابا وماما اللي
متقلقيش ياحبيبتي أنا كويسه دوخت شويه بس والله انا بخير
بابا بقلق
طمني يادكتور متخبيش عليا بنتي فيها ايه الله يخليك
بصلي خالد وبص لماما وبابا اللي كانوا قلقانين عليا وانا ببصله برجاء أنه ميقولش حاجه
اتنهد وهو بيبتسم بهدوء
متقلقش ياعمي بنت حضرتك بخير هي بس داخت شويه باين عليكم مش بتأكلوها كويس
ماما بدموع
والله يابني غلبت معاها في حوار الاكل ده
خالد بابتسامه
متقلقيش يا امي انا هكتبلها علي شويه ادويه تقويها وان شاء الله هتكون بخير
بابا
هو انت يابني دكتور خالد اللي كلمتني من شويه
خالد
ايوه ياعمي انا
ماما
كتر خيرك يابني مش عارفين نرد جميلك ده ازاي
خالد بمرح
اني اتجوز الانسه
بابا باستغراب
تتجوز مين يابني !!
خالد وهو بيقرب منه بجديه
انسه زينب ياعمي
بابا ببلاهه
زينب بنتي انا !!
خالد بضحك
ايوه هي بشحمها ولحمها
بابا بحيره
ب بس يعني
خالد وهو بيقاطعه باحترام
عارف اللي حضرتك هتقوله انا معرفش زينب من النهارده بس
ا احم ز زينب بتقعد في نفس الكافيه اللي أنا بقعد فيه وانا شوفتها اكتر مره وفي الحقيقه اعجبت بيها وباحترامها
عشان كده لقيت أن دي فرصه مناسبه اني اتقدم وطبعا انا مش عايز رد دلوقتي لازم تاخد راي الانسه زينب
ا احم ولو في قبول رقمي اهو مع حضرتك أن شاء الله هجيب الوالد والوالده ونيجي نتقدم
بابا باحترام
ربنا يقدم اللي في الخير يابني
ضحك بهدوء
يارب
هزيت راسي بخجل وانا مش عارفه انطق حرف في الحقيقه
بعد شويه خرج بعد ما كتبلي روشيته فيها شويه ادويه للکانسر مش للمناعه زى ما فهم ماما وبابا
ماما اول ما خرج بفرحه
ياخراشي
