رواية زوجة مهمشة بقلم أماني سيد
ما كنتى ولمى عيالك بعيد عن ولادى
أنا قاعده فى بيت جوزى مش بيتك
اثناء شجارهم دلف اليهم صديق
ياترى رد فعل صديق ايه
فر مفاجآت هتظهر عشان كده ماتستعجلوش
يا جماعه فى حاجه مهمه لازم انوه عليها بخصوص رواية زوجه مهمشه
أولا الرواية هيبقى ليها كذا حوار احنا بدأنا بالقصه من وجهه نظر سجده وهيجى دور الزوج ويحكى من وجهه نظره وهتيجى الزوجه التانيه تحكى من وجهه نظرها يعنى احنا لنا سجده تخلص هيجى دور صديق وميار مانستعجلش ونبدأ نتعاطف مع حد من دلوقتي مايمكن سجده بتكدب مثلا او ..... حاجات كتير
الهدف منها اننا لما نسمع مشكله قبل ما نحكم لازم نسمع من جميع الأطراف عشان كده بلاش نستعجل في الحكم من البارت الأول
البارت الثاني
زوجه_مهمشه
البارت التالت
الطبيبه طبعا جوزك دخل عليكى انتى وضرتك واكيد انتى
اللى كنتى بتغلطى فيها وهو سمع كلامك انتى صح
صح تخمينك صح فعلا
ظلت الطبيبه تسجل بعض الملاحظات فى ذلك الدفتر الذي بيدها
كملى يا سجده وقف فى صف مين
Flash back
دلف اليهم صديق اثناء المشاجرة وتدخل پغضب
ايه فى ايه لكل ده صوتكم جايب لبره والكل بيسمع الخڼاقه فى ايه لكل ده
ردت ميار پبكاء الهانم جايه بتقولى بتعملى ولادك السرقه هو راجل تسرقيهة
اجابتها سجده بتريقه كويس إنك عارفه انى هانم وانك عارفه مقامك
صديق پغضب من طريق الكلام
مايصحش كده يا سجده احكى حصل ايه
ابنك من الصبح مفلوق من العياط عشان لعبته وهما واخدنها وشايفينه وهو بيعيط ومش عايزين يدوهاله وسألتهم كذا مره برضو خابوا انها معاهم
تحدث صديق بعصبيه
وده مبرر للى انتوا عملتوه وصوتكم ده وبعدين يا سجده خليتى ايه للعيال لنا تقفى تزعقى عشان لعبه فى ايد بنت
قصدك انى عيله يا صديق
طيب محدش منهم يلعب تانى مع ولادى
ملكيش انك تتكلمى ده بيتى زى ماهو بيتك وانا اقول مين يعمل ومين مايعملش
وإذا كان على الالعاب كل واحدة تلبس عيالها وانا هستناهم تحت العيال بس
نظرت ميار لسجده بتشفى أن زوجها سيعدل بين الأبناء وفى المستقبل سيفضل ابناءها
ونظرت لها سجده نظره حقد
مهو الحراميه اللى زيك ده اخرهم فضلات غيرهم وتركتها وخرجت من الغرفه
اخذ صديق الاولاد وذهب واشترى لهم كثير من الالعاب ولم يميز أحد عن اخر فمن اراد شئ اشتراه له
Back
ظلت الطبيبه تسجل كل تلك الملاحظات التى تسردها سجده
الطبيبه يعنى هو بيفضل اولاد ميار
صمتت سجده لبعض الوقت
أه يا دكتوره بيفضل اولاد سجده عشان يراضيها وطبعا على حسابى انا وولادى
تمام طيب علاقته كانت معاكى انتى فهمانى طبعا العلاقه بين أى زوجين كانت ازاى
اول سنه كنت رفضاها نهائيا
وبعد كده
بقى طبيعى بقى يعدل بينا اسبوع هنا واسبوع هنا
طيب مافكرتيش يا سجده إنك تسيبى الفيلا او تخليه يجبلك واحده تانيه
لأ اسيب بيتى ليه انا ولدت ولادى الاتنين فيه ليه اسيبه وانا ليه فيه ذكريات حلوه كل لحظه مع اولادى عشتها في البيت ده ولاده ابنى الاول كانت فيه ولادة بنتى كانت فيه برضو
معلش يا سجده انتى قلتيلى اسم بنك ايه
سجود
مين اخترلها الإسم انتى ولا باباها
باباها هو اللى سماها سجود عشان يبقى اسمنا مقارب لبعض سجده وسجود
طيب مد ايده عليكى قبل كده
قبل جوازه من ميار لأ
وبعدها
بعدها أه كان بيمد ايده عليا ويضربى وممكن يعقد بالشهرين هاجرنى عشان يراضيها
طيب مين اللى بيكون غلطان وقتها
بتكون خڼاقه عاديه احنا لو اخوات فى بيت واحد هنتخانق مبالك ضرتين
طيب ممكن
مره هنا بنت ميار الكبيره ضړبت بنتى سجود عشان كانت عايزه لعبتها وبنتى بټعيط وماسكه اللعبه اوى انتى عارفه الاطفال لما بيمسكوا لعبه ويشبطوا فيها بيبقوا إزاى
راحت هنا زقت سجود وقعتها وسجود اتعورت
انا زعقتلها واخدت منها اللعبه وادتها لبنتى تانى أى أم هتعمل كده التانيه كبيره وفاهمه انما سجود لأ
نزلت ميار فضلت تزعق وحاولت تضربنى رحت انا سبقتها وضړبتها
وبعدين
دخل صديق عليا وراح ضربنى بالقلم من غير مايسمع ايه اللى حصل وفضل يزعق ويقولى انتى مش هتبطلى مشاكل هى وصلت انك تضربى عيله صغيره وكمان امها انتى اتجننتى يا سجده
نظرت له سجده بزهول والدموع فى عينيها
انت مسألتش اللى حصل
من غير مسأل انا شايف كل حاجه قدامى زعقتى للبت وزقتيها ولا لأ
أه حصل بس انت مش فاهم عملت كده ليه
افهم ايه افهم انك بتعملى عقلك بعقل عيله صغيره انتى لازم تتعالجى نفسيا مهما عملت در طفله
طيب وامها برضو طفله
سجده انتى اللى ضربتى امها مش هى اللى ضربتك شكلك مش مركزه مش بقولك محتاجه تتعالجى
ازالت سجده دموعها تحدثت پقهر وعڼف
قول بقى إنك عايز تجننى انت وهى وكل شويه تقولى روحى اتعالجى روحى اتعالجى عايزنى اسيبلك البيت عشان الجو يخلالاكم لأ انسى انسى انى ممكن اعمل كده انا هفضل قاعده فى بيتى واللى مش عاجبه يمشى وبصت لميار پحقد وانتى ابعدى بناتك عن ولادى عشان المره الجايه هضربها فعلا مش بس هزعقلها
وانت خلاص نسيت إن عندك ولاد واكتفيت بولاد الهانم انت بتراضيها على قفايا انا بش بعينك بعينك يا صديق والقلم ده هعرف ارضهولك ازاى واخذت ابنتها وذهبت لأعلى
سجده انتى كويسه تحبى نوقف ونكمل بعدين ولا
أه يا دكتوره دماغى حاسه فيها بصداع أنا لازم امشى عشان متأخرش على البيت
طيب يا سجده مممن تسيبى عنوانك بره ورقم تليفونك عشان ااكد عليكى المعاد الجديد
خلاص تمام هسيبهم بره مع الريسبشن
ذهبت سجده للخارج واعطت جميع بياناتها للسكرتيره ثم اخذت سيارتها وذهبت لإحدى المولات وتسوقت وقامت بشراء ملابس جديده لها ثم ذهبت للمنزل ووجدت زوجها يجلس مع ابناءه ويتحدث معهم
ايه صديق انت جيت بدرى انهارده
وحشتونى وكنت مشغول عنكم فى الشغل قلت اجى بدرى وأجل الشغل شويه
طيب كويس هقول للشغاله تحط الاكل على السفره على مااغير هدومى
صعدت سجده للاعلى وبدلت ملابسها ببجامه بيتيه مريحه ثم ذهب للمطبخ وابلغت الخادمه
بتوضيب السفره وذهبوا جميعا للجلوس على الكاوله بانتظار الغداء
جلس على الطاوله سند وبجانبه سجود وفى الجهه الاخرى جلست هنا وبجانبها سنا اختها وفى رأس الطاولة
وضعت الخادمه الطعام وبدؤا فى تناول الطعام
كسرت الصمت سجده وهى تتحدث مع صديق وتنظر الى هنا وسنا
سبحان الله يا صديق رغم إن هنا وسنا تؤام إلا إن هنا شبه ميار الله يرحمها وسنا شبهى
فعلا سبحان الله شبه هنا شبه ميار الله يرحمها
الله يرحمها
تحدثت هنا
بابا انا كنت عايزه اروح ازورها
وافقت سجده على ذلك الاقتراح
اه يا صديق تعالى نروح كلنا يوم الجمعه اجهز وجبات واخدها ونروح نوزعها
عند الطبيبه اخذت بيانات سجده من الريسبشن واخذت رقم زوجها فكما توقعت سجده تركت رقم زوجها رقم اضافى وقررت أن تتواصل مع صديق لكى تسمع منه قصته معه سجده
انا عارفه ان فى لغبطه حصلت عند بعض منكم بس اتمنى وانتوا بتقروا تركزوا كويس مش تقروا الكلام وخلاص لأ ركزوا كويس واللى مقراش بتركيز يجيب الجزء الاول ويقرا تانى
البارت الرابع توضيح لبعض الحقائق
انتهى العشاء وصعدت سجده لغرفتها برفقه صديق
انت بتحبنى يا صديق
طبعا يا سجده بحبك فوق ما تتصورى
هو أنت ممكن فى يوم من الايام تفكر تتجوز عليا
عمرى ما اعمل انتى مكنتيش عارفه كانت حالتى عامله ازاى فى الفترة اللى كنتى متجنبانى فيها ليه كنتى بتعملى كده يا سجده وليه بتبعدى هو أنا زعلتك فى حاجة
عمرك مازعلتنى يا صديق ولا جيت عليا ابدا
طيب ليه الهجر والبعد اللى بتبعديه ودايما ساكته ومكتئبه طيب ايه رأيك تروحى لدكتورة نفسية تتكلمى معاها ممكن يكون ضغط البيت ومسئولية الولاد كبيرة عليكى
تانى يا صديق هتقولى دكتوره نفسيه شايفنى مجنونه قدامك
والله ما اقصد خلاص يا ستى ماتزعليش اعتبرينى ماقولتش حاجه انا بس من قلقى عليكى
بقولك ايه أنت هتيجى معانا لميار
صمت صديق فميار كانت زوجته أيضا ويود زيارتها لكنه يعلم جيدا غيره سجده من ميار رغم حبها الشديد لميار وحاله والاكتئاب التى اصطحبتها فتره بعد ۏفاتها هو لا يشك في حب سجده لميار ولكن مؤخرا اصبحت غيره سجده من ميار ظاهره تجاهه هى لا تريد أن يتذكرها بالكلام امامها ولكن مسموح فقط لها وللاودلاد لن يتذكروها حسنا لن يذهب معهم ولكنه سيذهب بمفرده حتى يراعى مشاعر سجده
لأ يا سجده مش هروح انا مشغول روحوا انتوا
واحنا مش هنتاخر انا كلمت العاملات يجهزوا ١٠٠ وجبه من الاكل اللى كانت بتحبه ميار هاخده اوزعه وهاجى ونقعد معاها شويه
خلاص يا حبيبتي لو احتاجتى حاجه عرفينى
مر اليوم بدون احداث جديده فى اليوم التالى كعادته ذهب صديق لمباشرة عمله ووجد هاتفه الشخصى يرن برقم غريب استغرب كثيرا لأن ذلك الرقم برايفت اجاب صديق على الهاتف وجد صوت امرأه
السلام عليكى
وعليكم السلام أستاذ صديق معايا
أه انا مين حضرتك
انا دكتوره عائشه طبيبه نفسيه
أهلا وسهلا بس حضرتك جبتى رقمى منين وهل فى خدمه اقدر اقدمهالك
جبت رقم حضرتك من سجده مراتك هى مريضه عندى واتمنى إنك ماتبلغهاش انى كلمتك
سجده مراتى انا بتجيلك انا اسف مش مصدق
عارفه إن حضرتك ممكن ماتصدقش بس المفروض انها سيبالى رقمها عشان احدد معاد معاها مره تانيه عشان نكمل الجلسات ولما طلبنا رقم اضافى سابت رقم حضرتك
انا عايزه حضرتك تشرفنى فى العياده ونتكلم شويه بخصوص مدام سجده
طيب مناسب امته
ياريت فى اقرب وقت لو انهارده ينفع
تمام انهارده الساعه ٦ ٠٠ هعدى عليكى مناسب ابعتيلى اللوكيشن عشان اعرف اوصل
مناسب بس زى ماوضحت لحضرتك اتمنى مدام سجده متبقاش على علم بالزيارة دى ومجرد ما هقفل مع حضرتك هبعتلك رساله باللوكيشن
حاضر على معادنا باذن الله مع السلامه
بعد إغلاق الهاتف سرح صديق أحقا سجده ذهبت لطبيبه نفسيه هو تحدث معها بالأمس وواجه هجوم منها هل تعانى سجده حقا من اكتئاب عليه الذهاب وفهم الامر
هاتف صديق سجده واطمأن عليها واجابته سجده بشكل طبيعى
عامله ايه يا حبيبتي
بخير يا حبيبي
وحشتونى قولت اطمن عليكوا
احنا بخير قاعدين بنلعب فى الجنينه حاول تيجى بدرى انهارده
لأ انا هتأخر حوالى ساعتين انهارده اتغدوا انتوا واستنونى على العشا
طيب ايه رأيك ناخد الولاد ونتعشى بره انهارده
زى ما تحبى خلاص هكلمكم وانا فى الطريق تجهزوا نفسكم وخاصة هنا وسنا عشان بياخدوا وقت طويل
هههههههههههه ايوه مش بقوا انسات عندهم ١١ سنه
هههههههههههه بيكبرونا معاهم
اتكلم عن نفسك لو سمحت انا محدش بيدينى ازيد من ٢٢
بيظلموكى كبيرك ٢٠ سنه
انتهى صديق من المكالمه و ذاد شكه تجاه تلك الطبيبه فسجده تتعامل معه بشكل عفوى معادتها عموما سيذهب هو لم يخسر شيئا
انتهى
السلام عليكم
وعليكم السلام أستاذ صديق اهلا بحضرتك
أهلا بيكى حضرتك كلمتينى انهارده بخصوص سجده وقولتى انها بتجيلك
ده حقيقي هى كانت عندى امبارح
بس هى مقالتليش انها جتلك و سجده عمرها مخبت عنى أى حاجة أبدا
طيب الفترة اللى فاتت حضرتك لاحظت تغيرات عليها
أنا مش هجاوبك غير لما أتأكد أصل انا عارف مراتى عمرها ماتعمل حاجه من ورايا
طيب أنا هأكد لحضرتك
قامت الطبيبه بتشغيل كاميرا المراقبه على موعد وصول وموعد ذهاب سجده ورأى صديق المده التى جلستها برفقه الطبيبه ورأى المبلغ الذى دفعته كشف للطبيبه
ها حضرتك أتأكد من الموضوع ده
تمام طيب انا ممكن اعرف حالتها
تشخيص حالتها ده هيتوقف على كلام حضرتك
إزاى مش فاهم
كلام سجده ليه ده سرى حدا وأنا مش هقدر ااقولهولك غير فى حاله واحده لو سجده حاولت ټأذى نفسها او غيرها
هى حالتها صعبه كده
لأ انا بقول امته اقدر اكشف سر مريض غير كده لأ
طيب حضرتك محتاجه تعرفى ايه
حضرتك كنت متحوز واحده تانيه غير سجده اسمها ميار
أه
وايه سبب الإنفصال
انا منفصلتش عن ميار .
ميار ماټت بس ايه علاقتها فى كلامنا
ظلت الطبيبه تدون حديث صديق وتقارنه بحديث سجده حتى تتأكد من تشخيص الحاله
طيب يعنى معنى كده انك فعلا جمعت بين ميار وسجده كزوجين
مستحيل طبعا اعمل كده لأن شرعا حرام
ازاى انت راجل والشرع محلل ٤
سجده وميار يا دكتوره اخوات ازاى اجمع بينهم أصلا
طيب ممكن تحكيلى من البداية خالص اتعرفت إزاى على ميار واتعرفت ازاى على سجده
صمت صديق يفكر هل يجب أن يتحدث عن ماضى أغلق من سنوات هو لا يعرف وضع سجده وبالكاد اقتنع إنها اتت لتلك الطبيبه
نظرت له الطبيبه التى كانت تشجعه على الحديث
ميار وسجده اخوات ميار أكبر من سجده بخمس سنوات كنت بتشغل في نفس الشركه اللى فيها ميار كنت لسه ببدأ حياتى موظف في شركه استيراد وتصدير وميار كانت محاسبه فى الشركه وانا كنت مندوب اتعرفت عليها وقربنا من بعض واتقدمتلها فى البداية اهلها كانوا رافضين لكن اتجوزنا
وقتها كان بقى ليا علاقات مع مصانع فى الصين فإشتغلت مورد بقيت أورد منتجات جمله وكان شغلى بين هناك وهنا والحمد لله قدرت اعمل لنفسى اسم فى السوق ومنكرش مساعده ميار ودعمها الكبير ليا كانت دايما بتشجعنى ولو قلقت او خفت من حاجه كانت تطمنى وباعت دهبها الخاص بيها والشبكه بتاعتها بس انا عوضتها عن كل ده جبتلها شقه باسمها والدهب جبتهلها الضعف بعد سنه ونص من جوازنا حملت ميار فى بناتنا هنا وسنا وللأسف بعد الولادة حالها حمى النفاس ومحدش قدر ينقذها
طيب علاقه سجده وميار كانت ايه وانت ازاى قريت من سجده
اتمنى تكون الالغاز وضحت قدامكم بس برضو مانستعجلش احنا مش ملايكه وهنعرف فى النهايه مين الصادق ومين الكاذب
الرواية مختلفه والفكره جديده عشان كده البعض اتلغبط
البارت الخامس
مازال الحديث مستمر بين صديق والدكتوره عائشه وتطرقت الدكتورة لاسئله عن نوع العلاقة بين سجده وميار
أستاذ صديق ممكن أعرف نوع العلاقة اللى كانت بين ميار وسجده هل علاقة قوية او سطحيه حب غيره كده يعنى
بصى العلاقة بين سجده وميار كانت غريبه كانت علاقة أم ببنتها كانت ميار متعلقه جدا بسجده وسجده برضو انا فاكر يوم فرحنا كان سجده عندها حوالى ٢٠ سنه وفضلت ټعيط جامد وميار كانت سايبه الفرحا رغم إن سجده ليها ام واخوات لكن كانت هى وميار
كيب علاقتك بسجده ايه قبل الجواز من ميار وبعده
شبهه معدومه انت ظروف شغلى بتخلينى اسافر كتير ووقف
