رواية لآخر العمر كتابة حماده هيكل

لآخر_العمر
بالقرب من إحدى شواطئ الإسكندريه في تمام العاشره مساءا 
يجلس علي وأمنيه في كافيه مطل على البحر
تملأهما نظرة تفاؤل بغد أفضل يجمعهما سويا بعد مرور
سته أشهر من أرتباطهم
علي خلاص هانت يا امنيه كلها كام شهر وأتخرج
وأجي اتقدملك بإذن الله
أمنيه ربنا يوفقك بأذن الله..ونحقق حلمنا
انا من يوم ما قابلتك بالصدفه في الترام ..حصل الموقف المحرج دا ههههه...يقاطعها علي
دا كان اجمل يوم في حياتي وحمدت ربنا انك نسيتي المحفظه بتاعتك يومها..وقتها انا لاحظت كسوفك لما الكمسري طلب منك التذكره
فعلا انا كنت مكسوفه بجد اول مره الموقف دا يحصل معايا
عموما انا استغليتها فرصه لاني يوميا كنت بشوفك وانتي راكبه الترام في التوقيت دا ومتابعك من وقتها لمدة شهر تقريبا وعرفت انك شغاله في محل ملابس
وكنت براقبك من بعيد لبعيد وعرفت مع الوقت اد ايه انك بنت جدعه بتساعدي أهلك بعد ما خلصتي المعهد
من وقتها وانا معجب بيكي واول ما جات الفرصه استغليتها
ودفعت التذكره بدالك للكمسري
انت فعلا يا علي أنقذتني من الاحراج دا ورغم اني كنت اول مره اشوفك وانك حد غريب عني بس وقتها حسيت إحساس غريب كاني اعرفك قبل كدا ودا خلاني سكت علي طول
ومفكرتش ارفض مساعدتك ليا
يدخل شاب الكافيه ويجلس علي مائده خلفهما
يظهر الاضطراب علي وجه أمينه مره واحده وتتبدل ملامحها فور رؤيتها لذلك الشاب
في ايه يا بنتي مالك..انتي تعرفيه
ايوه دا مروان صاحب أخويا مصطفى وربنا يستر ما يكونش شافني ولا خد باله مني
طب إهدي يا أمينه مفيش حاجه مستاهله كل دا..من الاول انا قولتلك اني مستعد أتقدملك رغم اني بدرس لكنك رفضتي وصممتي لما أخلص دراستي وأخد الشهاده
انا عارفه ومقدره حبك ليا وانك مش عاوزني اخون ثقة اهلي فيا..
بس متزعلش مني انا كنت قبل منك خارجه من قصة حب فاشله خلتني افقد الثقه في أي حد يحاول يقربلي..وعشان كدا لازم اخد وقتي معاك ومتسرعش عشان مش حمل صدمه تانيه بجد
يشعر علي بالحزن ولكن يحاول إخفاؤه
طيب مفيش مشكله..دا حقك احنا فعلا ملناش وقت طويل مع بعض بس انا بالنسبالي الفتره دي كافيه جدا اني اقرر انك تكوني شريكة حياتي
تنظر

له وتبتسم في رقه بعدما اذابت كلماته قلقها
مش عاوزاك تزعل مني يا علي انا كمان شعوري بيك
مخليني سعيده جدا ..وقدرت اتجاوز الصدمه اللي كنت فيها بسببك
برضو مش عاوزه تقوليهالي وتريحيني
انا ممكن اقولهالك..بس مرضاش اقولها الا لما اتاكد منها
وأحس بيها فعلا وقتها هقدمك لاهلي وهكون فخوره بيك
قدام الدنيا كلها بس عاوزاك تشوفلي طريقه اخرج من هنا
من غير ما مروران يلمحني
انتظر علي اللحظه المناسبه عندما اتى الجرسون ليقدم ل مروان العصير..فغادر مع حبيبته مسرعا للخارج
اوقف سيارة أجرة وركب معها واوصلها بالقرب من المنزل
ثم ودعها وغادر
تفتح أمنيه باب الشقه بالمفتاح لتجد والدتها تنتظرها في الصاله
والدتها ما لسه بدري يا هانم
في ايه بس يا ماما الساعه لسه 11 اهو وانا مرضتش اتاخر
رغم ان عيد الميلاد لسه بدري علي ما يخلص
كمان كنتي ناويه تقعدي اكتر من كدا..طب كنتي تباتي بالمره احسن!!
خلاص بقي يا ماما يا حبيبتي هو بابا سأل عليا
ايوه
وقولتيلو ايه
هقوله ايه..عرفت ازوغ منه وقولتله اي حجه والسلام
واحمدي ربنا انه كان جاي تعبان من الشغل ومكنش مركز
شغل لحد الوقت دا يا ماما ليه ..ايه اخره كدا
هو بعد الشغل شريكه الحج محسن قعد معاه شويه ع القهوه 
القريبه من الورشه واتكلم معاه في موضوع
اه ..طيب انا هنام بقي..تصبحي علي خير
مش تستني لما تعرفي الاول هو كان عاوزك في ايه
بعدين يا ماما ثم انا مالي اصلا عم محسن كان عاوز بابا في ايه
لا مالك ونص..لانه طلب ايدك من ابوكي لابنه الكبير محمود
شعرت أمنيه بصدمه بعد سماعها ما قالته والدتها 
محود ابن عم محسن عاوز يتقدملي!!
ايوه يا بنتي ... راجل مال وهدومه وجدع وكسيب
عنده ورشة ميكانيكا وقادر يفتح بدل البيت اربعه
بس يا ماما دا اكبر مني ع الاقل بعشر سنين
عادي ما هو والدك اكبر مني ب سنه واتجوزته ومفيش مشكله..الراجل يا بنتي يعيبه جيبه بس ..لا شكله ولا سنه
يا ماما ايه الكلام دا كان زمان..الزمن اتغير وكمان هو مش مكمل تعليمه
وهو انتي اللي واخده الدكتوراه بحتة المعهد بتاعك دا
يوووه بقي يا ماما..انا مش موافقه
تدخل غرفتها وتغلق الباب علي نفسها. .وترمي بجسدها فوق السرير وهي تفكر في ماقالته لها والدتها
هي تعلم ان والدها صعب في المعامله واذا وضع امر في راسه لابد ان ينفذه مهما كان
مسكت هاتفها واتصلت ب علي لتخبره ما حدث
يوووه دا وقته قد جاءها صوت الرساله المسجله الهاتف الذي طلبته غير متاح حاليا
حاولت عدة مرات ولكن لم تستطيع الوصول إليه
يصل علي شقته يدخل البيت ويتجه لغرفة أخته الصغرى
حنين يطمأن عليها ثم يذهب الي غرفته
يخرج هاتفه من جيبه ليجده فاصل شحن..يضعه على الشاحن ثم يذهب إلي المطبخ ليفتح الثلاجه ويخرج منها زجاجة مياه وطبق جبن وزيتون و يقوم بتسخين رغيفين ويتناول عشاءه بسرعه ..ليجري علي هاتفه حتي يتصل علي أمنيه
فقد إشتاق إليها كثيرا
يتصل عليها لترد عليه وهي متوتره
انت ليه قافل موبايلك يا علي
معلش ياحبيبتي كان فاصل شحن لحقت اوحشك
بس بقي مش وقته انا مخنوقه اوي
خير بس في ايه
محمود ابن عمي علام شريك بابا في الورشه..اتقدملي
انتي بتقولي ايه..وحصل امتى الكلام دا
معرفش يا علي انا اول ما رجعت من بره ماما قالتلي الخبر 
وانتي رديتي عليها بايه
ودي عاوزه سوال ..رفضت طبعا..انت مش فاهم محمود دا اكبر مني بحوالي عشر سنين وكمان مش مكمل تعليمه
ودايما مزيت ومشحم كدا من شغله في ورشة الميكانيكا بتاعته
بس كدا....قالها علي بإستنكار
ازاي مش فاهمه
يعني انتي رفضتيه عشان هو مش مناسب..مش رفضك ليه عشاني انا!!
لا طبعا يا علي ايه الكلام اللي انت بتقوله دا
دا الرد اللي انا رديت بيه علي ماما..مش هقولها رافضاه عشانك وكدا
امممم طيب وبعدين هنعمل أيه
مش عارفه..ومتلخبطه انا مش فاهمه محمود دا طلعلي منين
عادي يا بنتي ارفضيه
مش بسهوله كدا زي مانت متخيل
ازاي يعني هيغصبوكي!!
تسمع أمنيه صوت خبط علي باب غرفتها
طب سلام دلوقتي يا علي الظاهر ماما عاوزاني 
هكلمك تاني
تخفي هاتفها سريعا تحت وسادتها..وتلمح والدتها يدها وهي تخفي الهاتف..فتتظاهر بأنها لم تنتبه لذلك
تجلس بجوارها علي السرير وتكلمها بلين 
ممكن اعرف انتي ليه اتخضيتي كدا لما سمعتي خبر طلب محمود لايدك
واتخض ليه..انا بس اتفاجأت ..محمود من كم سنه انا كنت بقوله يا عمو وعمري ما تخيلت انه ممكن ييجي يوم ويتقدملي
شوفي يا امنيه محمود اكبر اخواته وقف جنب والده من صغره وبعد ما والدته اتوفت شال الحمل بدري ابوه كان في الورشه دايما وساب مسئولية البيت والاولاد الصغيرين علي محمود..وهو يا ضنايا من صغره ساب المدرسه ..وراح اشتغل واتمرمط في ورش المكانيكا مع الصنايعيه..عشان يساعد ابوه ووقف جنب اخواته لغاية ما كبرهم وجوز البنتين واخوه الاصغر منه ..سابهم وهاجر بعد الجامعه من كذا سنه
وهو نسي نفسه لحد ما جري بيه العمر وعدا ال مفكرش في يوم يتجوز ويهمل اخواته..كان كل همه يطمن عليهم
يا مانا انا عارفه كل دا وما....
استني لما اكمل كلامي
ماشي يا ماما اتفضلي
محمود اكتر حد مناسب لينا هو مننا وعلينا ومتربي وسطينا وانا بعتبره زي مصطفى أخوكي...طب اقولك احيانا بحسه أحن علينا منه..اخوكي تلفان لا نافع في دراسه ولا شغل 
ابوكي دلعه من صغره لحد ما خاب أملنا فيه
وكمان محمود امه متوفيه..يعني مش هيكون ليكي حما
بس يا ماما كل الاسباب دي متخلنيش اوافق عليه
ايه السبب لازم تفهميني
هو كدا وخلاص
افهم من كلامك ان في حد تاني شاغل بالك
تردت ثواني قبل ان ترد 
بصراحه .....اه يا ماما
كان والدها يقف خلف الباب وسمع آخر جمله ومد يده لفتح الباب بعدما استشاط غضبا.. ولكنه تمالك نفسه..ليسمع باقي الحديث
والدتها مين دا يا بنتي اللي بتتكلمي عنه
وتعرفيه من أمتى
اول حاجه متقلقيش يا ماما..انتي واثقه من بنتك ومن تربيتها كوبس وعارفه انها ب 100 راجل
طب احكيلي كل حاجه وبالتفصيل
لا بالتفصيل دلوقتي صعب بس كل اللي اقدر اقوله انه شخص كويس جدا وابن ناس ومتربي وبيدرس في كلية الحقوق وكلها كام شهر ويتخرج ..وباذن الله هيقدم في النيابه وهييجي يتقدملي
وانتي عرفتيه ازاي وامتي
يوه يا ماما منا قولتلك التفاصيل دي هكلمك فيها بعدين
بس المهم اوعي تجيبي سيره لبابا عن الشخص دا 
احسن يطين عيشتي ..انتي عارفه بابا كويس
مش سهل انه يقتنع
طب ومحمود هترفضيه ليه..ايه سبب رفضك ليه
معرفش بقي يا ماما انا لسه بفكر اهو ..دا موضوع لا كان على البال ولا على الخاطر..لخبط كل ترتيباتي
ترتيبات ايه يابت انتي وبعدين انتي ايه ضمنك ان الواد دا ميكونش بيضحك عليكي ولا بيتسلى بيكي
لا يا ماما علي دا