قلبي ومفتاحه بقلم رحمة طارق
دي مبتسمة.
أنا خلصت يلا نخرج.
حطت إيدها على رأسها وانا كتمت ضحكتي.
مالك يا ماما عندك صداع لا لو عندك صداع نقعد بقى.
شدت دراعي قدامي ياكش تتجوزي وأخلص منك.
مشيت معاهم ودخلنا المطعم شفتهم قاعدين واول لما عيني جات في عين زين بصينا احنا الاتنين بعيد.
دا بيعمل أية هنا
دي بتعمل اية هنا
ماما وقفت جنبي ومامته وقفت جنبه وبابا وعمو وقفوا ما بينا وعمو بدأ
بصوا بقى احنا اتجمعنا النهاردة علشان النفوس تصفى زين ورحمة حصلت بينهم مشكلة زي أي اتنين في الدنيا وبدل ما نصلح بينهم وقفنا ساكتين وشجعناهم على الغلط يعني الغلط الأكبر علينا احنا ولا إية يا أم زين
بصتلي شوية وانا خفت فبصيت لزين الي اعتذر بعيونه.
اسمعي يا رحمة زين بيحبك وأنت عارفة كدا كويس متمثليش فخلاص خلصوا الموضوع وخلصونا بقى.
رفعت حاجبي وقبل ما اتكلم ماما سبقتني
أنت بتتكلمي كدا لية إن شاء الله ولا هي بيعة وشروا
مسكت ايد ماما لا هي متقصدش يا ماما.
طنط ردت أنت بتزعقي فيا ولا اية هي دي الي هتبقى جدة ولادك يا زين
مسك إيدها يا ماما محصلش حاجة.
ماما ردت لا حصل وانا هخاف ثم أنا قولتلك تدافع عني
حطيت إيدي على راسي وبعدت كام خطوة وبصيت لزين بيأس أول لما صوتهم علي ومبقناش عارفيين نهديهم.
ومرة واحدة زين ساب إيد مامته فجأة ووقف جنبي.
كفاية كفاية الي انتوا
كل حاجة وقفت على صوته وانا بصيت له فعرفت هو هيعمل اية وقبل ما أنطق اتكلم بصوت عالي
كل دا كدب احنا منفصلناش أصلا.
غضمت عيني على صوت شهقاتهم وفتحتها على صوته
أيوة محدش يستغرب كنتوا فاكرين اية أننا عيال مع أول مشكلة عبيطة هنسيب بعض ونرمي كل حاجة ورا ضهرنا الإنسانة الي أنت مش راضية بيها دي يا أمي دي مستحملة معايا بقالها تلت سنين ظروفي وضيق الحال ومقالتش لا الشخص الي قدام حضرتك دا يا طنط بيحاول على قد ما يقدر يسعد بنتك والظروف مش مساعدنا ولا حتى انتم مصعبتش عليك يا أمي إني أنهي الجوازة الي بقوم أنام أحلم بيها وبشتغل زي الحمار علشان كل حاجة تخلص بسرعة مصعبتش عليك بنتك يا حماتي وهي بتحكيلك على فستان فرحها الي نفسها فيه مصعبناش عليكم الفترة الي فاتت واحنا بنمثل علشان تشفقوا علينا وتحبونا ولو بالغصب
اتنفس بصوت عالي وانا مبقتش عارفة أوقف دموعي فقربت منه
خلاص علشان خاطري.
بصلي ووجعتني نظرته وصوته لما قال
اسف يا طنط إني مش عارف ابقى زوج الأحلام لبنتك الوحيدة اسف يا أمي لأني بحب إنسانة بجد ونفسي أكمل معاها حقكم عليا بس الموضوع مش بإيدي والله.
وخرج من المكان كله فجريت وراه بسرعة.
انت رايح فين وسايبني والله لو ما وافقوا بعد كل دا لنتجوز غصب عنهم حرام عليك زوري وجعني من العياط.
ابتسم وغمض عيونه علشان مشفش الدموع فيهم.
حقك
اتنفس بصوت عالي كل حاجة هتخلص دلوقتي.
هتسيبني وتسمع كلام امك يا زين!
بعد الخطبة دي هسيبك أنت غبية
طيب هتعمل اية وبتبصلي كدا لية أنا خفت.
هتجاريني في الي هيحصل حالا بذكاء.
طب أيه هو ال..
وقبل ما أكمل الجملة وقع على الأرض قدامي مغمى عليه !
قلبي وقع وقبل ما أصرخ فتح عيونه اخلصي يا هبلة.
وغمض تاني فابتسمت وناديت عليهم.
الحقوني يا جماعة يا ماما يا طنط يا ناس.
كلهم جريوا عليا وانا قاعدة جنبه في الأرض
يالهوي ابني أيه الي حصل
رفعت راسي دلوقتي ابنك هتموتوه قبل ما نتجوز الراجل ممسكش إيدي حتى هيروح مني في عز شبابه علشان تتبسطوا كويس.
بابا كان هيتكلم فغمزتله فهم وشد ايد عمو.
هكلم الإسعاف.
ووقفوا بعيد وماما وطنط قعدوا جنبي وماما قربت مني
متخافيش أبوك بيكلم الإسعاف.
متتكلميش معايا حرام عليك ضيعتي فرحتي.
أنا
ايوة أنت كل دا علشان أرضيك وأنت عارفة إني بحبك بس برضو بحبه وعاوزه أكمل معاه يا حبيبي يا زين دا أنا بقوم أنام أحلم بيوم فرحي فيه أم تكسر قلب بنتها كدا !
قربت وهي بتعيط خلاص والله انا موافقة.
لا مفيش موافقة فيه موافقة وبتحبيه.
موافقة وبحبه يا حبيبتي والله.
بصيت لزين بحزن فوق يا زين ماما بقت بتحبك يا حبيبي حتى لو بتكدب هي خلاص موافقة.
والله ما بكدب
يبقى مش فاضل غير طنط بس دي حاجة مش في إيدي الحب دا قضاء ربنا.
قربت مني ولمست كتفي فبصتلها لقيتها بتعيط بصوت مكتوم.
أنا كمان بحبك مدام هو بيحبك.
دلوقتي بتحبيني فاكرة يا طنط لما قولتي على أكلي يسد النفس
ما دي الحقيقة.
غمضت عيني اه يا حبيبي اه امك مش بتحبني مش ذنبي يا حبيبي مش ذنبي لو مت مو ت وأنت بتحبني ماشي
خلاص انا هبقى أعلمك تطبخي حلو والله.
بصتلها بفرحة بجد
أيوة بس يقوم.
مسحت دموعي وبصتلهم طب اقفوا علشان أكبر في ودنه يمكن يفوق.
وقفوا فميلت على ودنه ما تقوم يا شهيد الحب انت استحلتها ولا اية خمس ثواني كمان وهفضحك.
فتح عيوني رحمة حبيبتي.
كتمت ضحكتي فاق الحمدلله يلا اتجوزني.
دخلنا شقتنا فضلت أجر فستاني بغيظ حتى يارب مشلنيش زي الأفلام لله الأمر من قبل ما ومن بعد.
رحمة.
وقفت قصاده نعم يالي كسرت قلبي
كسرت قلبك إية دا أنا اتجوزتك.
ملكش دعوة دي كسور داخلية عاوز إيه
فاكرة يوم عيد ميلادي لما قولتلك نتجوز ونهرب
أيوة.
ساعتها قولتلك كدا علشان مكنتش عارف أرد على كلامك يومها لأنك مكنتيش مراتي.
رجعت خطوة لورا ودلوقتي
رمي جاكت البدلة دلوقتي أعرف أرد.
مسكت ديل الفستان وجريت بسرعة.
يالهوي أنت مين رجعلي يارب الخجول الي بحبه.
يا ظالمة! وأنا الي كنت ناوي
وقفت كسوري كلها
قرب كسر كسر.
رحمة_طارق
حكاوي_زين
