حكاية غفران

الخميس 31/يوليو/2025 - 02:49 ص

ملكمش غير بعض تاخد بالك منها وتراعيها وتحميها من أي حد عايز يأذيها أو يستغلها أو حتى يفكر أنا طلبت أقابلك النهاردة عشان عارف حجم الألم والتعاسة اللي إنت عايشة فيها من أخر مرة شوفتك..
..الكلام وجعني ومكنتش اتخيل إن كلمه هيوجعني كده! فضلت ساكتة وهو كمل كلامه..
ومش حابب ولا عايز ولا أتمنى لك غير كل خير يا غفران لازم تكوني فاهمة إن التجربة القاسية دي ممكن لا قدر الله تكرر معاك تاني لو فضلتي تفكري بنفس المنطق ومعتقدة نفس الأفكار أنا عارف إنك مش طفلة ولا صغيرة ولا حتى أختي بس أنا أسف لو لحظة حسستك فيها بأمل إننا ممكن نرتبط بس ربنا يعلم وشاهد علي إني كنت بعاملك زي سحر بالظبط ولا أكتر ولا أقل بس اكتشفت إني كنت غلط لأني مش المفروض كان أعاملك زيها لأنك مكنتيش بتعامليني ولا حتى شيفاني زي أخوك المفروض كنت أعاملك زي أي بنت غريبة عني وأفكرك طول الوقت إني أنا كمان غريب عنك ومكنش يصح أبدا إنك تقعدي مع سحر وتتكلموا عني وهي تحكي لك تفاصيل عني ولا خصوصياتي وتكون سبب في إنك تتعلقي بي أنا عارف إني نيتها كانت طيبة بس أنا اتصرفت معاها وأوعدك إنها مش هتجيب سيرتي ولا بأي طريقة تاني وإنتوا أصحاب لسه زي ما إنتوا وأنا مش همنعكم عن بعض أصحاب وهتفضلوا أصحاب بإذن الله وعايزك تكوني مطمنة أنا محكيتش أي حاجة لحد ولا هفكر أحكي ولا حتى لسحر لأن دي حاجة متخصنيش عشان أحكي لحد عليها أنا بس عايز أعرفك حاجة مهمة جدا لأنك كبيرة مش صغيرة واعتبريها نصيحة من عابر سبيل أوعي في يوم تفكري تعملي أي حاجة عشان أي راجل إنت أميرة لازم تكوني فاهمة كده وأنا راجل وقاصد كل حرف بقوله الراجل

بيحب يتعب عشان يوصل للإنسانة اللي هيرتبط بيها البنت متتعبش عشان حد ولا أي حد متخرجش من بيتها عشان أي حد تقعد معززة مكرمة في بيتها واللي عايزاها أهلا وسهلا يجي لحد بيتها وهي معززة مكرمة غير كده ميلزمهاش ولا يلزمها تتعب نفسها ولا تفكر وتخطط عشان تلفت نظر حد ليها لو هتتعبي وتفكري عشان حد يبقى عشان نفسك وبس أتعبي عشانها وفكري فيها وبس وأشتغلي عليها وصلحيها خلي كل همك هو نفسك إنت وبس دي مش أنانية بس لو مهتمتيش بنفسك وقدرتيها وغلتيها وحبتيها عمر ما حد هيهتم بيك ويقدرك ويغليك ويحبك لازم تكوني مدركة ده جدا يا غفران لازم تكوني مدركة إنك أميرة وتستحقي دائما أفضل حاجة في الدنيا في المعاملة والعيشة والعلاقات والشغل والتعليم حتى الإنسان اللي هترتبطي بيه تستحقي منه يكون شايفك أميرة مش مجرد واحدة نفسها تلاقي منه إهتمام فهماني يا غفران!
فهماك.
عايزة تقولي حاجة
لأ وشكرا على كل حاجة شكرا بجد من قلبي وربنا يسعدك مع الإنسانة اللي اختارتها تستاهلوا كل خير يلا يا شريف بعد إذنك يا استاذ كرم.
فات أكتر من أربع شهور على أخر مرة شوفت فيها كرم كانت أخر مرة أشوفه فيها أخر حاجة عرفتها عنه بالصدفة إنه خطب فرحت جدا حقيقي فرحت إنه قدر يوصل للإنسانة اللي عافر عشانها هو يستاهل كل خير بتمنى لهم يفرحوا من قلبهم كلامه لي أخر مرة مكنش بيروح أبدا من بالي كان حاضر في كل لحظة وكل موقف بحكم فيهم قلبي وكان كلام كرم هو اللي بيكسب لأنه كان كلام نابع حقيقي من جوا إنسان صادق مع نفسه ومع اللي حواليه.
...
علاقتي أنا وسحر بدأت تتحسن وبدأنا نرجع زي الأول نركز في دراستنا وبدأت أنا

كمان مشواري مع نفسي إني اشتغل عليها وأصلح منها وأتعب عليها عشان أنا استاهل علاقتي أنا وبابا وماما متغيرتش كتير بس بدأت اقرأ عن الثقة بالنفس وإزاي اكسب ثقة الناس في وخصوصا الأهل واللي كنت بتعمله كنت بطبقه اكتشفت حاجة مهمة جدا في رحلتي وأنا بشتغل على نفسي إني لازم أكون أنا وإني مش حد تاني ولا هينفع أكون حد تاني أنا هي أنا ولازم أقبلها بكل عيوبها ومميزاتها عشان أعرف أصلحها ولازم منساش أبدا إني بنت والبنت مش بتتعب ولا بتعاني عشان حد البنت بتتعب عشان نفسها وبس عشان تكون أحسن.
...
خلصت الكلية واتخرجت بس اتخرجت واحدة تانية تماما غير الطفلة الساذجة اللي كانت داخلة الكلية بقيت مدركة تماما قيمة نفسي وبقيت عارفة أنا مين وعايزة إيه
كان عندي تدريب مهم تبع الكلية في دار رعاية لذوي الإرادة والهمم العالية.
هناك كنت مش مستوعبة ولا قادرة استوعب إن فيه عالم أصعب من العالم اللي أنا عايشة فيه وفيه مقاتلين أقوى من أي حد عرفته في حياتي بيحاربوا طول الوقت عشان يثبتوا للعالم إنهم يستحقوا يعيشوا في سلام ويستحقوا فرص حقيقية زيهم زي أي حد صحيح.
إنت جديدة معانا هنا
ايوه
أهلا بيك أنا اسمي مدثر أمين مدرس إنجليزي وعضو مساعد فعال هنا في المؤسسة.
أهلا بحضرتك يا استاذ مدثر أنا غفران زاهر متدربة جديدة وإن شاء الله أفيد المكان هنا واستفيد منكم.
...
كان كل الناس كوم وهو كوم تاني لما كان بيكلمني كنت بحس إن مكسوفة مش قادرة اكلمه أو
أرد عليه أي فعل أو تصرف كنت بفكر أعمله كنت فورا بفتكر كلام كرم وبرجع اتعامل مع أي حد بهدوء وحكمة لحد ما لاقيت مدثر بيقول لي هو حضرتك مرتبطة
قولت

له لأ
طب مش بتفكري ترتبطي
لما ألاقي الإنسان المناسب إن شاء الله
على فكرة هو ممكن يكون موجود إن شاء الله.
فين
أنا ياستي إنت مش بتعرفي تحلي ألغاز ولا إيه
..
أنا عايز أخطبك يا غفران
أنا
أيوه إنت
ليه
من زمان جدا كان فيه أميرة كنت بحب أتفرج عليها وأنا طفل كانت كرتون ومكنش حد من أهلي بيصدق إنها حقيقية وأنا كنت دائما بقول لنفسي لما أكبر هدور على الأميرة دي وأتجوزها
ودورت عليها
لأ لأني من حوالي تلات شهور بس لاقيتها جاية هنا بنفسها وكأنها خارجة من البلاط الملكي وجاية على هنا طوالي
إنت فعلا أميرة لدرجة إنك تستاهلي الواحد يسرح فيك وينسى كل الكلام اللي كان عايز يقوله يا غفران! موافقة أروح أطلبك من أهلك
هفكر.
ايوه طبعا من حقك تفكري بس فكري بسرعة معلش !
حاضر.
فكرتي يعني خلاص اتفقنا هروح اطلبك من أهلك إن شاء الله فاضيين بكرة
هو مش أفكر دي معناها إننا نستنى شوية وبعد كده أرد على حضرتك
هتفكري في إيه ما هو يا أيوه يا لأ!
هفكر في أيوه أو لأ.
حلوة أيوه اختاريها
هي بالحلاوة! مش لازم أفكر و...
لا لا بصي حضرتك أنا هتقدم وإنت فكري على مهلك تمام كده! وعلى فكرة أيوه بالحلاوة أنا همشي بقى عشان ألحق أكلم أبوك إنت قولتي ساكنين فين مش مهم أنا هعرف.
بقيت واقفة مش عارفة أضحك ولا أتصدم على الموقف اللي كنت بتمنى أعيشه في يوم من الأيام مع كرم واعتقد إني حتى لو كنت عيشته مكنتش هعيشه بمنتهى السعادة كده وأنا واقفة قدام إنسان قدر يشوفني فعلا أميرة وبيحاول بكل الطرق يقنعها إنها تقبل وتوافق عليه بدون ما تخسر ذرة واحدة من كرامتها أو إحترامها لنفسها لأنها أدركت إن الأميرات

مش بيتعاملوا غير كده الأميرات وبس