صالحت بيك أيامي اسماء شميس

الخميس 31/يوليو/2025 - 02:21 ص

عطاءك الحمدلله على ما أنعمت به وأوليت الحمدلله على نعم الزوج ونعم السكن ونعم السند.
الحب رزق.. بس إني ألاقي الإنسان اللي يستاهل الحب كان بالنسبة لي أهم بكتير والحمدلله إن ربنا رزقني بالإنسان ده هو فرحتي الاولى والأخيرة عامل زي فرحة أول طفل للأم هو أبني و أخويا وحبيبي وصاحبي وأخويا و سري اللي مستحيل اقوله لحد غيره هو كلهم هو زوجي أنا.
مرة كنت مع واحدة صاحبتي في مشوار وزوجي اتصل بي يطمن علي لاقيت صاحبتي بتقول لي في واحدة عاقلة تسجل رقم جوزها على تليفونها ب اسم زوجي !
المفروض تكتبي حبيبي يا فالحة!
حبيبي! بس رضوان مش حبيبي!
يالهوي أومال إيه
رضوان زوجي.. واكتفيت بالكلمة دي وموضحتش لها أي حاجة عن حياتي نهائي لأني أتعلمت الدرس قبل كده كويس أوي وكلمة رضوان رنت في دماغي لما قال لي إنت مش مضطرة تشرحي لحد أو توضحي له حاجة خاصة بحياتك يومها رجعت البيت وحكيت له الحوار اللي

حصل مع صاحبتي.. سكت شوية وراح قال لي
امممم يعني أنا مطلعتش حبيبك!
وتفتكر مين ممكن ينفع يكون حبيب لي غيرك! هي بس الكلمة قليلة عليك أوي إنت مش مجرد حبيب أنا عديت بيك المرحلة دي من زمان إنت زوجي.. يعني نصي التاني يعني الروح اللي بتكمل أي نقص في وبصيرتي اللي بشوف بيها الدنيا وسندي الصلب برغم قوته حنين علي وعارف اد إيه أنا ضعيفة من غيره يعني اتكسف من اخويا وأبويا ومتكسفش ولا أخاف منك يعني أبقى عارفة إن لو الدنيا دي كلها فهمتني غلط إنت الوحيد اللي هتفهمني صح وتدافع عني من غير ما ابرر لك حتى يعني إنت اللي بتحس إني مضايقة من غير ما اشتكي وتدافع عني في وجودي وغيابي وتخلي كل الناس تحترمني وإنت شايلني فوق رأسك وكأني تاج مينفعش يتحط غير فوق رأسك إنت اللي خلتني أفهم يعني إيه زوج صالح ياخد بإيدي للجنة علمتني الخوف من ربنا والخضوع لله مش الخوف والخضوع للعباد أنا قبلك كنت أرض بور متشققة

ومعاك طرحت وحياتي بقت خضرة بيك وكلها بهجة وسعادة وإيمان بالله أنا لو في ميزة واحدة فأنا أخدتها منك ولو في شيء كويس فإنت اللي علمتني أي حاجة حلوة في أنا من غيرك منكتش هبقى موجودة طاقة الحب اللي زرعتها جوايا هتخليني أفضل أوزع منها على أولادنا ولا طاقتي هتخلص ولا أنا هشبع منك.
يااااه مش عارف أرد أقول إيه !
كل الكلام الحلو ميجيش جمب فعل واحد من أفعالك معايا و ابتسامتك لي في لحظة رضاك وسعادتك وفرحتك معايا.
والله إنت فرحة عمري يا إيماني اللي مستحيل افرح في حياتي زي فرحتي بيك وأنا الدنيا مش سيعاني إن ربنا رزقني بزوجة زيك عارفة ومقدرة يعني إيه زوج ويعني إيه سكن مش داخلة الحياة يا غالب يا مغلوب وعايزة تعيش الند بالند وتتناسى إنها أنثى ربنا خلقها هشة ورقيقة لازم تفضل رقيقة عشان تتعامل بحنية لإنها أول واحدة عارفة إنها لو أخدت دور مش دورها وأستقوت بحاجة هي محرومة منها هتتكسر هتتكسر

لو حاولت تكون هي الراجل المجتمع والأهل هيحملوها فوق طاقتها وهيكسروها لكن إنت كنت دائما فاهمة ومقتنعة إني أنا الراجل وإنت الست أنا الزوج وإنت الزوجة مش العكس كل حاجة كانت بتهون لما ألاقيكي جاية اخر اليوم بتعترفي بضعفك قدامي وبتظهريه من غير خوف وبتقولي لي أنا ضعيفة من غيرك
بتخليني أحس إني أقوى راجل في العالم عشان عندي أرق ست في الدنيا.
ربنا يحفظك لي يا أحن زوج في الدنيا.
ويحفظك لي يا أرق وأطيب زوجة في الكون كله.
بعدها بكم سنة..
إيه رأيك يا عائشة نعاقب بابا ازاي!
امممم بثي يا ماما احنا ناكل الايث كليم و الثوكولاته كلها ومث هياخد منها حاجة
حبيبة ماما ياأخواتي يااااااه يعجبني الزمان حين يدور!
لا عقاب ايه يا عائشة وبابا يهون عليك كده عادي! أهون عليك!
معلش يا زوجي الحبيب دا دين ولازم يترد كما تدين تدان
بقى كده بتعملوا علي عصابة طيب مفيش آيس كريم
يا بابا يا بابا اثتنى أنا معاك

في العثابة...