صالحت بيك أيامي اسماء شميس

الخميس 31/يوليو/2025 - 02:21 ص

أعيط وندمانة على اللحظة اللي لساني نطق فيها وحكيت عن بيتي لواحدة نمامة بتاخد من كل بيت وتنقل لبيوت الناس أنا اللي غلطانة عشان أنا سمحت لنفسي أخرج اسرار بيتي حتى لو كانت أقل حاجة برضوا مكنش ينفع أحكيها!
فضلت اقرأ و أسمع لنفسي لحد ما نمت مكاني صحيت قبل الظهر بشوية لاقيته مش موجود خرج للشغل من غير ما يودعني زي كل يوم عشان زعلان مني وله حق يزعل.
كنت بقوم أصلي وأرجع أكمل حفظ مطبختش أكل وفضلت مستنية اللحظة الحاسمة سمعته بيفتح باب البيت كان معاه شنطة تقيلة دخلها على المطبخ وغاب جوا ورجع شوية..
تعالي سمعي لي يلا.. وفتح المصحف وقعدنا سوا في الأرض..
وفضل يقول لي وأنا بسمع .. ركزي.. عيدي الآية دي تاني.. نسيتي كلمة.. لأ قولي من الأول تاني.. مخارج الحروف غلط.. كملي.. هاتي الآية دي من الاول تاني.. هو ده الحفظ
والله ما عملت حاجة من امبارح غير إني كنت بحفظ ونمت شوية صغيرين كنت بروح أصلي وأرجع تاني أكمل حفظ
لأ مش عاجبني الحفظ بصراحة حفظ تعبان!
تعبان مش هتسامحني يعني!
اممممم مش عارف حاسس إني ميال أكتر للعقاب!
كنت عارفة إنك هتعمل كده.. أمري لله.. الله المستعان
امممم طب كويس إنك كنت عارفة

حلو دور منكسرة الجناح ده! مش هتصعبي علي برضوا في شنطة سودا في التلاجة جوا هاتيها زي ما هي كده وتعالي إياك تفتحيها!
دخلت أجيب الشنطة من جوا ومش عارفة إيه اللي جواها وحاسة من جوايا إني هيتغدر بي وقد كان!
شنطة مليانة حلويات وآيس كريم.. فتح التليفزيون على الماتش وفضل يأكل منهم وأنا قلبي بيتقطع العقاب كان أقسى من إني أستحمله هو عارف اد إيه أنا طفسة وبحب الحاجات
دي ضغط على الجرح بكل قوته! فضلت واقفة خايفة اتحرك بقول له رجلي وجعتني عايزة أقعد!
قال لي وأنا مالي متقعدي هو أنا قولت لك أوقفي كده!
يارب الصبر طب خلاص سامحتني يا رضوان
مش عارف بفكر لسه! لو مكاني هتعملي إيه
أنا عارفة إني غلطت أنا أسفة سامحني حقك علي بالله عليك
لا اله إلا الله
سيدنا محمد رسول الله
عليه الصلاة والسلام
سامحتني صح
ما إنت قولتي بالله عليك وشهدت النبي عليه الصلاة والسلام علينا اقول ايه الله يسامحك ويهديك بس
من قلبك
إنت عارفة إنها من قلبي!
طب صافي يا لبن
مش هتاخدي حاجة من الشنطة ريحي نفسك.
عايزة واحدة آيس كريم بالشوكولاته بس!
ولا بقمر الدين حتى مفيش عشان هو دا عقابك أصلا!
مش إنت سامحتني
سامحتك آها لكن العقاب

لسه مستمر
..معرفش إيه اللي حصل لي خلاني أخد الشنطة وأجري بيها على جوا!
سمعت بيزعق جامد وهو بيضحك وبيقول لي يومك مش فايت يا بنتي!
...
أفتكر مرة تانية كنا معزومين عند حماتي وصفاء أخت زوجي كانت هناك هي بنت خالتها إيناس اللي عرفت بالصدفة إنها كانت بتحب زوجي قبل ما يخطبني بس هو كان بيعاملها على إنها أخته فضلت بنت خالته طول اليوم تحاول تضايق في وتغيظني بأي شكل وهو لاحظ لاقيته جاي يقعد جمبي ومسك إيدي وقعد يتكلم عني و يشكر في وفي أخلاقي وقال كلمة عمري ما هقدر أنساها له قال أنا لو عشت عمر فوق عمري مرة تانية عمري ما هلاقي واحدة زي إيمان زوجتي افتكرت إنه بيقول كده عشان الموقف بس لما بصيت في عنيه عرفت إنه كان صادق و الكلام خارج من جوا قلبه لاقيت عنيا دمعت ومسكت إيده جامد وفضلت متبتة فيه كأني بقول له إياك تسيبني بص لي وابتسم كل تصرفاته كانت بتجبرني إني احترمه وأحبه بكل طاقتي عشان أسعده برغم إننا لما اتجوزنا مكنتش بحبه الحب الخرافي ده كنت مرتاحة له ومعجبة بيه بس حبيته أكتر بعد العقد برغم إننا تزوجنا من حوالي سبع شهور لسه ربنا ما شاء إنه يرزقنا بطفل بس كان دائما الناس يسألونا بطريقة

مستفزة كان يقول لي مترديش إنت مضطرة تبرري حاجة لحد وكان هو بيقول لهم لما ربنا يشاء أكيد هقول لكل الناس..
أفعاله دائما كانت سابقة لكلامه عمره ما صغرني في أي موقف في حضور حد دائما العتب بيكون بينا وبين بعض كانت أكتر حاجة بتخوفني لما أتزوج إني لو قولت لزوجي اتق الله.. كنت خايفة وقتها يرد ويقول لي لما تتقيه إنت الاول زي ما كنت بسمع من اللي حاولي!
لكن مرة حصل بينا خلاف وحسيت إني اتظلمت لاقيت نفسي بقول له اتق الله لاقيته قعد ساكت شوية صغيرين وسمعته بيقول اللهم اجعلنا من المتقين فرحت أوي حسيت الدنيا مش سيعاني جريت عليه ووقفت قدامه زي الطفل وأنا بقول له أنا أسفة حقك علي متزعلش مني ابتسم لي هو كمان وقال لي أنا اللي أسف حقك علي وأوعي في مرة تلاقيني هغلط ومتقوليش لي اتق الله!
فرحت أكتر ولاقيتني زي الطفلة ما بتستخبى أبوها وكأنها هو وطنها الاول والاخير.
يوم ما عرفت بخبر حملي مكنتش عارفة اعمل إيه من فرحتي! أول ما عرف إني حامل مسك إيدي وقال لي تعالي نسجد سجدة شكر لله على العطية العظيمة دي وأنا ساجدة نسيت أشكر ربنا على حملي كل اللي كان في بالي وقتها إني شكرت ربنا وحمدت فضله على زوجي

وبكيت وأنا بقول الحمدلله يارب على