صالحت بيك أيامي اسماء شميس

الخميس 31/يوليو/2025 - 02:21 ص

معرفتش يعني إيه زوج صالح غير لما تزوجنا أنا و رضوان كل القصص والحكايات والمواصفات اللي كنت بسمعها عن الزوج الصالح كوم و رضوان زوجي كوم تاني أنا معرفتش أنتظم في الصلاة ولا أخشع فيها غير لما تزوجنا و دي بالنسبة لي كانت قمة الصلاح والسعادة إن أداء صلاتي يكون صحيح بسبب زوجي دا كان كفاية جدا عشان أحبه لحد أحر نفس في.
لما كان يلاقيني بعمل حاجة غلط كان بيقول لي بصي مش عايزك تخافي مني أنا خافي من ربنا.. أنا عبد زيي زيك وخوفك مني مش هيصلح حاجة بالعكس ممكن ربنا يغضب عليك بسبب إنك خوفتي مني وما خوفتيش منه.
كلامه وأسلوبه وهدوئه معايا كان بيخليني عايزة أبكي من الفرحة لما كان يرجع من الشغل كان أول حاجة بيقولها لي ها صليتي ولا لأ!
لما كنت اتلجلج في الكلام كان بيعرف إني مأخرة الصلاة يقول لي فورا سيبي اللي بتعمليه وروحي صلي ويفضل زعلان مني باقي اليوم عشان اخرت فرض ربنا ومرة كنت تعبانة نفسيا ومخنوقة وضعيت صلاة اليوم كله أول ما دخل البيت لاقاني قاعدة على الارض وببكي بحرقة اتخض علي وسألني مالك!
قولت له مصليتش النهاردة ولا صلاة معرفش أنا عملت كده ازاي!
لاقيت عينه دمعت وقعد جمبي يقول

لي وأنا كمان أخرت صلاة العصر النهاردة لحد ما ضاعت مني وصليتها قضاء أنا السبب سامحيني.
استغربت وسألته ليه بتقول كده !
قال لي عشان النبي عليه الصلاة والسلام قال من فاتته صلاة العصر فكأنما وتر أهله وماله يعني ضيع أهله وماله بنفسه أنا أسف سامحيني وراح واخدني في وطبطب علي وقام مد إيده لي وقال لي تعالي يلا صلي وأوعدك إني مش هضيعك تاني ولا أنساك من دعائي فضلت مبهوتة ومش عارفة أنطق!
كل مواقفنا سوا بتخليني أحس إني كنت هندم أشد ندم لو كنت رفضته عشان استنى الفارس المغوار اللي جاي على حصان أبيض وكلها قصص خرافية مش بتحصل غير في ديزني مكنتش هلاقي أحسن منه طول عمري ولا هلاقي حتى إنسان زيه!
حرصه وخوفه علي إني ممكن أضيع صلاتي أو أنسى اقرأ ورد القرآن كل يوم كان بيخليني عايزة أكون أفضل عشان يكون ثوابه أكبر مني.
مرة الشيطان نزغ ما بينا بسبب إني سمعت كلام واحدة حشرية عايزة تخرب بيتي وأنا بغبائي مفهمتش وحكيت لها أمور خاصة جدا بيني وبين زوجي ولما عرف بالصدفة من برا البيت اللي بيحصل في بيتنا أول ما وصل البيت كان في منتهى العصبية كنت أول مرة أشوفه بالشكل ده بس أنا مكنتش أقصد والله أخرج اسرار

بيتي فضلت اعتذر له وأتأسف بس هو معرفش يصفى لي وفضل مخاصمني رجع من البيت لاقني رايحة عند أهلي جاء لي هناك ودخل أوضتي وأنا قاعدة لوحدي عنيه كانت بتطق شرار قال لي يعني غلطانة كمان ورايحة تغضبي في بيت أهلك وبتخرجي من غير أذني! كل دي غلطات! أروح أشتكي فيك لأهلك دلوقت وأقول لهم شوفوا بنتكم قليلة الاحترام مش بتحترم زوجها ازاي ومش عاملة له أي قيمة ولا أعتبار! ولا أمسكك أضربك علقة أطلع فيها كل غضبي وغيظي منك اختاري!
فضلت ساكتة معرفتش اتكلم نص كلمة .. سمعته بيستغفر وبدأ يهدأ وراح قال لي عموما ولا دي أخلاقي ولا دي تصرفاتي خمس دقايق تغيري هدومك و تكوني برا عشان نمشي ولينا بيت نتحاسب فيه خمس دقايق بس! ثانية واحدة تأخير معرفش ممكن أعمل إيه!
غيرت هدومي بسرعة وخرجت له برا لاقيته قاعد يتكلم مع بابا ويهزر معاه ولا كأني زعلته أو عملت فيه حاجة بقيت واقفة متنحة مش عارفة اقول إيه!
أول ما رجعنا البيت دخل يغير هدومه وخرج دخل المطبخ وحضر لنفسه الاكل وقعد يأكل ونداني بصوت عالي أتخضيت ورحت اشوفه عايز ايه!
قال لي اقعدي كلي ولسه حسابنا بعد الاكل لسه مخلصش!
فضلت مرعوبة وخايفة ومش عارفة هيعمل

إيه! بس اللي كنت متأكدة منه إنه مستحيل يضربني عشان هو إنسان محترم وبيخاف ربنا وبيتقيه فضلت قاعدة متحركتش ولا أكلت حاجة بعد ما خلص أكل قام ونقل الاطباق تاني في المطبخ ووقف يغسلهم وأنا واقفة متنحة بعد ما خلص وقف قدامي وقال لي توضئ وتعالى ورايا بعد ما توضأت رحت قعدت قدامه مسك المصحف في إيده وقال لي قولي أي اسم سورة تيجي في بالك!
قولت له سورة النساء.
قال لي السورة دي تتحفظ وهتتسمع بكرا ولو متحفظتش هتتعاقبي بقى العقاب اللي أنا أفرضه عليك بمزاجي!
بكرا!
ايوه بكرا!
مش هعرف احفظها كلها من دلوقت لحد بكرا!
أومال بتعرفي تعملي إيه بتعرفي تخرجي اسرارنا للي يسوى واللي ميسواش!
أنا اسفة يا رضوان سامحني والله مكنتش اقصد
مش هقبل أي أعذار غير لما السورة تتحفظ يلا أحسن لك تبدأي من دلوقت عشان تلحقي أنا هدخل أنام وصحيني للفجر!
.. فضلت طول الليل أحفظ .. واقرأ في السورة وأحفظ فيها لحد ما سمعت الفجر بيأذن روحت أصحيه قام يصلي في المسجد ورجع البيت تاني أول ما دخل قال لي أعملي حسابك هتسمعي السورة أول ما أرجع من الشغل سيبي أي حاجة بتعمليها وأحفظي كويس عشان العقاب هيكون وحش جدا لو متحفظتيش كويس!

و دخل ينام وأنا قاعدة