رواية بين قلبين كاملة للكاتبة إسراء ابراهيم
المحتويات
شوية أنا مش عارف أنام
بصله عمر وابتسم حرك الكرسي جنبه وقال له
تعالى أنا كمان مش عارف أنام
الولد قعد وبدأ يرسم بصباعه على الترابيزة
ماما قالتلي إن ربنا بيحب الناس اللي بتساعد وانت بتساعد ناس كتير يبقى ربنا بيحبك قوي صح
عمر اتسمر حس بكلمة ربنا بيحبك وابتسم وقال بصوت
يا رب يا رب يكون لسه بيحبني
الولد بسذاجة
انت زعلان
عمر ابتسم ابتسامة حزينة وهو يبص له
أيوه زعلان من قلبي
الولد ببراءة
قول لقلبك يسامح أنا لما بزعل من لعبتي وبكسرها برجع أصلحهاعلشان بحبها
عمر ابتسم وهو بيطبطب على راسه
انت أحكم من ناس كتير يا بطل
وفجأة الباب خبط خفيف ودخلت دكتورة يمنى وهي شايلة بطانية صغيرة وقالت
لقيت البطل ده مش في سريره ف فكرت يمكن يكون معاك
وكملت كلامها للولد
تعالى نرجع مكانك وعدنا الدكتور إنه هيحكيلك حكاية بكرة قبل النوم
الولد قام وبص لعمر قال
ما تزعلش تاني علشان قلبك طيب يا عمو عر
عمر بابتسامة
حاضر يا بطل انت تؤمر
اخدت يمني الولد ودته مكانه ورجعت تاني لعمر اللي استغرب
يمني بتردد
هو انا ممكن اتكلم مع حضرتك في حاجة
عمر بتلقائية
اكيد يا دكتورة يمني اتفضلي
يمني بتردد
انا كنت محتاجة حضرتك تغطي غيابي لاني عندي ظرف ولازم اسافر بكرة
عمر باستغراب
طب وفيها ايه ما تاخدي اجازة وتسافري براحتك مفيش مشكلة
يمني بسرعة
لا ماهو مينفعش اخد اجازة لاني يعني لو اخدتها اخويا هيعرف لانه بيتصل بيا كل يوم هنا في المستشفي ويعرف انا هنا ولا مش موجودة ولو عرف اني اخدت اجازة هيموتني
عمر بغموض
امم افهم من كدة انك مش رايحة لاهلك عشان كدة مش عاوزة اخوكي يعرف انك مش هنا
طيب انا للاسف مش هقدر اساعدك وانتي تقدري تاخدي اجازة رسمي لو انتي عاوزه تروحي في اي مكان
يمني باحراج وحزن
نظرتك ليا وجعتني علي فكرة انا مش وحشة ولو كنت وحشة كان زماني بقيت كدة من خمس سنين انا هنا قبلك بكتير اوي وانت اصلا متعرفش ظروفي عشان تحكم عليا وانا اللي غلطانه لما افتكرتك غير اي حد بعد اذنك
كانت يمني هتمشي بعد كلامها الحاد مع عمر بس هو وقفها بصوته لما حس انه حرجها وكسفها
عمر
دكتورة يمني استني انا اسف انا مكنش قصدي احكم عليكي بس يعني حطي نفسك مكاني اعتقد لو كنتي مكاني كان زمانك ظنيتي فيا سوء
يمني بضيق
لا يا دكتور كنت هسأل واستفسر وبعدين احكم انا عمري ما حكمت علي شخص من مظهره وعشان كدة انا مش عذراك ولا حاجة بس تمام حصل خير بعد اذنك
عمر بتردد
طيب ولو قولتلك اني عاوز اسمع حكايتك هتمشي برضه
يمني بخنقة وتردد
اانا هنا من كام سنة وعمري ما اتكلمت مع حد بس هحكيلك لانك الوحيد اللي حسيته كويس ونظرتك ليا من وقت ما جيت هنا مش زي كل الموجودين
عمر بابتسامة
طب اتفضلي اقعدي وانا سامعك كويس ومتقلقيش الكلام ده محدش هيعرفه ابدا
قعدت يمني بتردد وهي من حواها ما صدقت انها لقت حد ترمي عليه حملها ويشاركلها احزانها
كانت قاعدة شهد سرحانة وڠصب عنها بتفكر في عمر وهروبه المستمر من اي مكان هي موجودة فيه لدرجة انها مسمعتش امير اللي كان بيكلمها
امير باستغراب
شهد انا بكلمك مش بتردي ليه
شهد بانتباه
اسفة يا امير معلش كنت بتقول ايه
امير بتنهيدة
بقولك ان عمر وحشني وحاسس انه من يوم ما اتجوزت وهو بعيد عني ودايما بيحاول يبعد معرفش ليه
شهد بضيق
عمر مش صغير يا امير ده راجل وبعدين يعني انت هتفضل تهتم بيه لحد امتي انا مش فاهمة خلينا نشوف حياتنا بقي
امير بتكشيرة
ايه اللي بتقوليه ده يا شهد انتي عارفة ان عمر مش بس ابن اخويا الله يرحمه ده ابني اللي ربيته وكبرته ازاي تقولي كدة عليه ده بدل ما تقوليلي لازم تكلمه واتحايل عليه يرجع عشان يبقي جمبك انتي بتفكري ازاي
شهد بتوتر
اصل بصراحة يعني حساك مهتم بيه زيادة عن اللزوم وبعدين دايما واخد تفكيرك فلازم اضايق يا امير يعني
امير بحب وهو بيمسك ايديها
يا حبيبتي انا مليش غيرك اصلا وبعدين انا لو مش مهتم بيكي مكنتش هاخد اجازة انهاردة مخصوص عشان اقضيه معاكي رغم انك عارفة انا مضغوط ازاي عموما متقلقيش اول ما عمر يتجوز واطمن عليه وقتها بس هرتاح وهتلاقيني كلي ليكي
شهد قلبها اتقبض وكأنها مش متخيلة ان ممكن حاجة زي دي تحصل وانها تكون مع عمر ده خلاص مستحيل وقتها قامت پغضب
امير بقلق
مالك يا شهد ايه اللي حصل خلاكي تضايقي كدة وتدخلي الاوضة
شهد بضيق
مفيش يا امير بس انا مش هفضل تحت رحمة ابن اخوك
لما يتجوز وبعدين ده مستحيل اصلا هيحصل
امير باستغراب
ومستحيل ليه دا عمر مسيره يتجوز هو هيفضل كدة يعني
شهد بانفعال
معرفش بقي اهو كدة وخلاص عموما ان تعبانة وعاوزة انام
امير بلهفة
مالك يا حبيبتي فيكي ايه اجبلك دكتور
شهد بضيق
لا انا هنام بس سيبني لوحدي بقي لو سمحت
امير بتنهيدة
تمام يا شهد تصبحي علي خير
خرج امير ووقفت شهد والدموع في عنيها لانها عارفة ان امير ميستاهلش منها كدة وانه بيحبها وبيعاملها كويس
اوي بس للاسف هي مش متقبلة فكرة انها خلاص هتعيش معاه
وتنسي عمر
يمني بخنقة
بابا ماټ وسابني لامي واخويا عماد وكنت لسة في المدرسة وقتها ماما كانت دايما تقولي لازم تبقي دكتورة وتشتغلي ومتخليش اي حد يتحكم فيكي وده لانها كانت عارفة ان اخويا متحكم فيا بزيادة بس هي اللي كانت بتقف ليه ومش بتخليه يجي عليا ابدا
عمر بانتباه
واصح ان اخوكي ده عصبي اوي
يمني بسخرية
صدقني انا عمري ما شوفت حنية منه المهم كبرت شوية ودخلت كلية الطب وكنت وقتها بشتغل وبصرف مع معاش بابا عالبيت لان اخويا كان كل قرش من شغله بيصرفه علي خطيبته اللي هي دلوقتي مراته وحقيقي هي انسانة وحشة اوي كانت بتخليه يخبي الفلوس من امي وميصرفش جنيه ودايما يقولنا معيش وقتها لما دخلت الجامعة الڼار قادت في مرات اخويا واني ازاي ادخل كلية قمة زي دي وخلت اخويا يضربني علي اتفه الاشياء وبقت امي تقف ليها لحد ما في مرة قالتله خد مراتك وامشي انت كدة كدة زي قلتك وقتها اتعصب وبهدل الدنيا بس مشي وصدقني لو هقولك ان السنتين دول كانو احسن سنتين في عمري لانه كان مقاطعنا فيهم
عمر بشفقة
طب بعدين ايه اللي حصل
يمني بخنقة
بعدها امي تعبت واټوفت الدنيا كلها لقت بيا كأني فجأة بقيت قشة والهواء بيجيبها من هنا لهنا طبعا اخويا كأنه ما صدق وحه استولي عالشقة وعشت معاه هو ومراته اسوأ ايام حياتي تخيل صوت اخويا االي المفروض
عمر بحزن
وايه اللي خلاكي تفضلي معاهم ممشتيش ليه كنتي قعدتي عند اي حد من قرايبك
يمني بسخرية
انا مليش حد يا دكتور عمر مليش غير ام فرح ودي تبقي جارتي اللي شافت كتير معايا وكانت شاهدة علي كل اللي بيحصلي وكانت هي اللي بتحاول تدافع عني لما امي اتوفقت بس نجلاء مرات اخويا كانت دايما بتصدها وتسمعها كلام صعب اوي
عمر بتنهيدة
كملي يا دكتورة وبعدين
يمني بحزن
فضلت كدة لحد ما اتخرجت وهو رفض اني اشتغل بسببها برضه فكان ده بالنسالي مۏتي عارف يعني ايه اقعد معاها اربعة وعشرين ساعة تتحكم فيا قولتله لا ولو صممت تعمل كدة ههرب ومش هتعرفلي طريق فخاف ووافق اني اشتغل لحد ما لقيت الشغل هنا وفي اقامة حمدت ربنا وقعدت اتحايل عليه واقنعه اني اشتغل هنا وهو وقتها بقي كل يوم يتصل يعرف انا هنا ولا لا عشان يطمن
عمر بهدوء
انتي شوفتي كتير اوي يا دكتورة وان شاء الله ربنا هيعوضك خير
يمني مسحت دموعها قبل ما تنزل
شكرا يا دكتور انك سمعتني حقيقي انا ارتحت لما كلمتك
عمر بابتسامة
وانا سعيد اني خليتك تحسي الاحساس ده المهم انتي طبعا كنتي عاوزاني اخد مكانك عشان تروحي تزوري ام فرح جارتك مش كدة
يمني بابتسامة حزينة
هي الوحيدة اللي بتحسسني اني مش لوحدي وان ليا عيلة وحد هما عزلو من سنين بس انا بحب اروحلها اوي
عمر بابتسامة
تمام متقلقيش انا هتصرف وانتي روحي زوريها بس اوعي تتأخري عشان اخوكي ده شكله ميتضمنش
بصراحة
يمني بابتسامة
متشكرة اوي يا دكتور عمر حقيقي انت انسان كويس اوي وانا سعيدة اني اتكلمت معاك انا هستأذن وامشي بكرة الصبح وهرجع بليل مش هتأخر خالص متقلقش
عمر بابتسامة
اهم حاجة انك تستمتعي بيومك معاهم
يمني بفرحة
انت متعرفش انا بحس بايه وانا وسطيهم حقيقي ببقي فرحانه اوي كأنهم عيلتي
ابتسم عمر وهو باصص ليمني وحقيقي كان سعيد انه خلاها تفرح لانها صعبت عليه اوي
تاني يوم كانت واقفة يمني فرحانة اوي انها هتمشي بس اتفاجأت باخوها داخل عليها وهي واقفة
قدام المستشفي
عماد بحدة وهو ماسك دراعها
انتي رايحة
يمني كان قلبها هينفجر مم الخۏف وهي باصة لاخوها كأنها عاملة مصېبة وكانت مش عارفة تنطق بس اتفاجأت بصوت عمر
متابعة القراءة
