قصة عين فريدة بقلم ولاء شريف
الراجل بس عنيها كان فيها تصميم غريب.
وصلت قدام المصحة البوابة كانت مقفولة و الصدأ واكلها فتحتها بصوت عالي جدا كأنها بتصحي المكان.
أول ما دخلت كانت ريحة العفن والموت غريب التراب مغطي الأرض والحيطان مشققه وسقف المكان بيتقاطر ميه نتيجه المطر اللي بره
فريدة فضلت تمشي بهدوء صوت خطواتها بيدوي في المكان وفجأة
باب قافل لوحده وراها!
لفت بسرعة مفيش حد.
كملت لحد ما وصلت للأرشيف الطبي
كله أوراق مبعثرة بس كانت بتدور على اسم نهال صبحي
وأخيرا
لقته.
ملف صغير متآكل من الحروف ومكتوب عليه بخط أحمر خطر لا يسمح له بالخروج
و بدأت تقرأ
نهال تم احتجازها بعد سلوك غير طبيعي تتحدث مع كيانات غير مرئية تقول إن هناك عين بداخلها ترى أشياء لا تنتمي لهذا اللعالم حاولت خلع عينها بيدها مرتين
فريدة قربت من الحيطة
لقيت على الجدار محفور بمسمار
العين اللي بتشوف حرام تفضل مفتوحة
وفجأة
النيون نور لوحده.
والكوريدور الطويل في المصحة بقى كله مليان صرخات
بس مفيش حد.
فريدة بدأت تمشي للخلف
لكن من وراها في آخر الطرقة ظهرت الست
نهال.
نفس الهدوم نفس الشعر السايح بس وشها مش باين كأنه جلد محروق.
وفجأة الست رفعت وشها وكانت نص عنيها مش موجودة والنص التاني نفس عين فريدة!
وقالت بصوت مبحوح
رجعيلي عيني مش عايزاها تشوف اللي جاي.
المكان كله بدأ يهتز الشبابيك تتكسر صوت حيطان بتصرخ ووشوش مشوهه ظهرت فجاه وبدات كلها بصوت واحد خشن ومرعب
اللي اتعذب هنا مش هيسيب حقه!
فريدة جريت وقعت نزلت في سرداب تحت الأرض
وهناك لقت أوضة صغيرة جواها سرير حديد مربوط فيه سلاسل وعلى الحيطة صور بالأشعة لدماغ إنسان وجملة مكتوبة بالعربي والإنجليزي
Subject 9 العين تحتوي على شفرة اتصال مع عالم آخر تم فتح البوابة.
فريدة كانت هتجنن
فيه حد كان بيجرب على نهال فتح بوابة لعالم تاني من خلال عينها والعين دي دلوقتي جوه فريدة!
وفجأة السقف وقع والحيطة اتشقت وخرج منها دخان أسود وصوت ضحكة خافتة والست ظهرت قدامها ووشها بيتشقق وبتقول
الموضوع كان خلاص مات بس رجعتي كل حاجة من تاني ودلوقتي شوفي النهاية.
بقلمي
فريدة خرجت من المصحة وهي بتنهج وشها متغطي تراب ودم ناشف بس أسوأ حاجة
عنيها بقت شايفة حاجات مش موجودة.
ناس ماشية في الشارع من غير عيون
وشوش متفحمة بتبص عليها من الشبابيك
وكل ما تدخل أوضة وتقفل الباب تلاقي في المراية وراها واحدة بتضحك ووشها مقلوب.
كل دا بسبب ان الكيان اللي كان ساكن جوه نهال انتقل ليها.
وفي عز اللي بيحصل ده
قررت تتخلص من العين الملعونة دى.
راحت لدكتور تجميل مشهور وطلبت منه عملية إزالة قرنية.
قال لها إنتي مجنونة! القرنية دي من أجمل العمليات اللي عملناها رؤيتك ممتازة إنتي شايفة إيه!
قالت له
أنا شايفة الجحيم شايفة اللي ماتوا شايفة بوابات السواد!
الدكتور ضحك وقال لها
انتي متوترة بس ده عرض طبيعي
قبل ما يكمل جملته الكرسي اتحرك لوحده.
الإضاءة خفت.
ووش الدكتور ظهر في المراية وهو غريب
وبدأ يصرخ وهو بيبص في عنيها ويقول
إنتي مش إنسانة!
فريدة جريت من العيادة وفي الطريق كل لمبة كانت بتفرقع كل كلب بيهوي عليها كل طفل بيعيط أول ما يبصلها.
وصلت البيت ومسكت سكينة مطبخ
قربتها من عينها عشان تخلعها.
بس قبل ما تغرزها صوت جه من جوه عقلها
لو خلعتيني الكيان اللي جواكي هيسكن جسم اقرب حد ليكي.
وهخليه يشوف أكتر منك.
وهخليكي تشوفيهم وأنا بقتلهم واحد واحد.
ودلوقتى اختاري تشيلي العين ولا تشوفي جهنم و هي بتتفتح كل ليلة
وقتها فريدة سابت السكينة وقعدت في الأرض تعيط وصرخت بأعلى صوت
أنا ماطلبتش أشوف!
أنا ماطلبتش أشوف!
بس الصوت رد
بس أنا كنت مستنية حد زيك يفتح تاني البوابة
والبوابة خلاص اتفتحت.
فريدة فقدت الوعي
وصحيت بعدها وهي مربوطة في أوضة بيضة وممرض واقف يبص عليها بخوف.
قال لها
إنتي في مستشفى خاص جيرانك بلغوا عنك لما لقوا دم في شقتك والصور كلها محروقة والحيطان مكتوب عليها كلام مش مفهوم
لكن الممرض وشه كان مألوف
ده كان نفس الدكتور اللي شافته في المصحة القديمة زمان في الورق اللي كانوا بيجربوا على نهال!
قال لها وهو بيقفل الباب
برافو عليكي أنتي فتحت البوابة تاني.
دلوقتي دورك إنك تشوفي وتخلي غيرك يشوف.
وفجأة
الجدران اتشقت ووشوش طالعة منها بتضحك.
وكل عين جوه فريدة بقت فيها عالم لوحدها
عالم مليان صريخ دم كيانات ماشية على أربع. وناس
فريدة قضت شهور في المصحة الجديدة مربوطة في سرير بتاكل بصعوبة والدكاترة شايفينها حالة نفسية منهارة.
بس هي عارفة الحقيقة
العين دي مش جزء منها.
العين دي بوابة لعالم تاني.
والبوابة دلوقتي مفتوحة جواها.
كل ليلة تشوف كائنات مرعبة ماشية على السقف وعيون بتراقبها من المراية وأصوات بيهمسوا
انتي فتحتي الطريق لازم تكملي
بس فريدة قررت تقفل الطريق.
كانت بتحفر بصباعها في الحيطة بتكتب رموز شافتها قبل كده في أوضة نهال في المصحة القديمة.
رموز عبارة عن رموز طرد. رموز قفل البوابة.
وبعد أسبوع كامل كانت الحيطة متغلفة بالرموز.
وفي ليلة ماكنش فيها لا دكتور ولا ممرض
فريدة قامت من السرير لأول مرة ومشيت برجليها ناحية المراية الكبيرة في آخر الطرقة.
بصت في عنيها
وقالت بصوت ثابت
انتي اخترتيني بس أنا بختار آخدك معايا.
اللي فيها القرنية
أو بمعني اصح اللي فيها الكيان.
صرخت صرخة خلت الكهرباء تقطع في المستشفى كله
الأجهزة صفرت والحيطان اهتزت
والمراية اتكسرت وخرج منها دخان أسود
بس اتبخر.
العين اتدمرت.
البوابة اتقفلت.
ولما الممرضين لقوها
كانت مرمية على الأرض مبتسمة
بس عنيها الاتنين بيض كأنها فقدت بصرها للأبد.
بعد ٣ أيام فريدة ماتت.
اتكتبت في التقرير
سبب الوفاة نزيف داخلي محاولة إيذاء
النفس
لكن محدش عرف إنها خلصت العالم من لعنة كانت ممكن تفضل تتنقل من عين لعين ومن جسد لجسد.
العين اتحرقت.
الكيان اختفى.
والبوابة تقفلت للأبد.
تمت...
عين_فريدة
العين_اللي_شافت_الجحيم
المصحة_النفسية
رعب_نص_الليل
ملكة_الرعب
لايكشيرفولو
walaasherif
