رواية عهد الدم كاملة بقلم حماده هيكل

الخميس 29/مايو/2025 - 03:29 م

خطير ..ودلوقتي في جثة في شقته
ومش عارف هيتصرف فيها ازاي
حاولت أشغل نفسي في المذاكرة ..بس معرفتش
شكل راضي وهو بيموت قدامي ومنظر الدم
اللي غرق هدومي مش قادر أنساه
فتحت الفيس وفضلت اقلب فيه شوية
سمعت اغاني ..حاولت أعمل اي حاجة تخفف قلقي وتوتري
لكن معرفتش..حاولت أنام وفضلت أتقلب في سريري
وفي النهاية قررت أني أروح لجدي علشان
اشوفه واقف جنبه في المصيبة دي ..مكنش يصح ابدا
اني أسمع كلامه وأسيبه في الموقف دا ..مهما حصل
وصلت بيت جدي بعد نص الليل ..ولما دخلت الشقة
ملقتش الجثة في الصالة ..كان جدي قاعد على كرسي
خشب وملامحه هاديه تماما
انت ايه اللي جابك
ماهو ماكنش ينفع اسيبك اصلا وأمشي
انا قولتلك هتصرف
واتصرفت
_
جدي ..وديت جثة راضي فين
بص لي وشاور للحمام
جريت بسرعه على الحمام ووقفت مذهول
انا لقيت جثة راضي متقطعه ..أكبر قطعه في جسمه
أد كف اليد ..ومتجمعه في البانيو ..الدم مغرق الأرضيه والحوائط ..المنظر كان بشع تماما
خرجت لجدي وانا بقوله
ليه كدا يا جدي ..مش كفاية اننا قتلناه
كمان مثلت بجثته ..
رد بعصبية وقال
انت مقتلتش حد..دا كان دفاع عن النفس
دلوقتي الموضوع أتعقد أكتر
كان ممكن الأول نقول دفاع عن النفس
انما دلوقت ملهاش حل
لأ ..ليها حل
مش فاهم
عايزك بكرة بعد الجامعة تروح وتجيلي بعد يومين بالظبط
ليه يا جدي
اسمع اللي بقولك عليه وبطل منهاده
طيب بس عرفني هتعمل ايه
لما تيجي هتعرف كل حاجة
بالفعل غبت يومين ورجعت لجدي
وقالي انه اتخلص من الجثة خلاص
طب ازاي
مش مهم أزاي المهم أني اتخلصت منها
طب واهله اكيد قالبين عليه الدنيا
يقلبوا..احنا منعرفش

عنه حاجة
دخلت الحمام بعدها بشوية ..واتفاجأت أن لون البلاط أتغير
فهمت على طول اللي حصل
جدي ..انت غيرت البلاط دا ليه
مفيش اهو تغيير
لأ..انت دفنت راضي في الحمام
ايوه ... انا كسرت البلاط وخبيت تحت الرمل
اشلاءه ..وغطيته بطبقه تانية
جبت سباك غريب مش من المنطقة..وطلبت منه
يبلط على البلاط القديم ..
قالي كدا الحمام هيعلى ..لازم تطلع البلاط القديم
قولتله ملكش فيه ..وحاسبته ومشي
انا مش متخيل انك عملت كل دا !!
صدقني كان غصب عني
غصب عنك أزاي ..انا عاوز افهم
بعدها رن موبايلي ..لقيت ماما بتقولي اخوك الصغير
تعب ولازم تيجي بسرعه عشان تاخد المستشفى
دور سخونه جامد اخويا اتحجز يومين
على ما رجع بابا من السفر كان اخويا اتحسن الحمدلله
في الوقت دا أهل راضي كانوا قالبين الدنيا على ابنهم
منظر امه ومراته كانوا يقطعوا القلب
ابوه بقى بيمشى يكلم نفسه في الشارع ..فات أسبوع
ولا حس ولا خبر عنه
كنت حاسس اني مشارك في الجريمة ب سكوتي على جدي
بس لو اتكلمت جدي هيروح في داهية وانا كمان مستقبلي هيضيع..عشت أسود أيام حياتي حرفيا
في اليوم العاشر لأرتكاب الجريمة
قررت أني أروح لجدي ..علشان نروح انا وهو للقسم نسلم نفسنا ونعترف بالجريمة ..واللي يحصل يحصل
لما وصلت للعمارة اللي فيها بيت جدي لقيت ناس كتير وعربية شرطة واسعاف .. هو ايه اللي حصل
بعد شوية نزل جدي وهو متكلبش وركب البوكس
وسمعت واحد من الجيران بيقول
بقى الحج عبدالقادر يطلع منه كل دا
يقتل ويقطع الجثة ويخبيها في الحمام تحت البلاط
رد عليه واحد تاني وقاله
وهو لولا أن الدم بتاع جثة القتيل رشح
من السقف ونقط على حمام الجيران
كان حد عرف بعملته دي
جدي ..سلم

نفسه قبل ما أوصل
بسرعة كلمت بابا وقولتله جدي متهم في جريمة قتل
طلعنا على القسم ..للأسف الظابط رفض يخليني اشوفه
وصل بابا ومعاه المحامي ..دخلوا وانا كنت مستني برة
أزاي الامور وصلت لكدا
بابا خرج وقالي جدك أعترف بجريمته
وخد 4 أيام أستمرار حبس
رجعت البيت وانا في دوامه وحاسس اني في كابوس
مش فاهم ولا مستوعب كل اللي حصل دا
حصل ليه وأزاي!!!
بعد يومين وصل خبر وفاة جدي نتيجة هبوط حاد في الكورة الدموية ..
جدي مات وادفن معاه كلام كتير محدش عرفه
سر كبير وراه كنت على وشك اعرفه
لكن اللي حصل دا لخبط كل حاجة
بعد أسبوع من وفاة جدي ..وصلني جواب
الجواب دا كان من جدي نفسه
طب ازاي
فتحت الجواب بسرعه وكان مكتوب فيه
حفيدي الغالي مؤمن ..لو وصلك الجواب دا فمعناه اني ميت دلوقت وبين إيدين ربنا
عارف انك عايز تفهم وعندك تساؤلات كتير
مجاتش فرصة وافهمك ..بس أن الاوان تعرف الحقيقة
لما استلفت الفلوس من راضي والارض فضلت زي ماهي سعرها ما زادش زي ما كنت مخطط..راضي كان بيضغط عليا يوميا عشان اسدد فلوسه بالفوايد
فكرت كتير وكنت عايز الاقي طريقة اسدد الفلوس
وللأسف لجأت لطريق تسخير الجن
من خلال كتاب قديم كان عندي اسمه عهد الدم
كنت فاكر أن دا ممكن يحل مشكلتي
حاولت أكتر من مرة وكنت دايما بفشل
ولكن بعد أكتر من محاولة قدرت وحضرته
طلب مني أني أنفذ أوامره عشان يساعدني
كان عايز أقتل ..وطبعا انا رفضت
هو اللي ظهرلك بصورتي ووهمك انه والدك
اللي جه وازارني ..هو يقدر يتشكل في هيئة اي حد
كان هدفه أنك تعرفه وتنصاع لأوامره
لأنه ملقاش مني فايدة
ولما حصل اللي حصل وراضي وقعك
قالي فرصتك جت ..لازم تقتله والا هيقتل حفيدك
ضربته بالكرسي

على دماغه فوقع عليك وغرست في القلب المطواه ..كنت خايف انك تتعك في الموضوع
طلب مني اقطعه حتت والا هيخليك تتورط في القضيه
وعشان خوفت عليك سمعت كلامه
كان متخيل اني بكدا هخضع ليه وهبقى اتعودت على الدم
طلب مني ضحية كمان وبعدها هيحققلي كل اللي اطلبه
لقيت نفسي هتنازل أكتر واكتر وممكن اضعف
واسجد ليه ويخليني أشرك بالله ..رفضت كلامه
قالي هكشف سرك وهفضحك ...توقعت منه الغدر
وعشان كدا كتبتلك الجواب دا
وأنا عارف اني خلاص هموت
..لأن معنى رفضي لأمره
هو اني بكتب شهادة وفاتي بأيدي
ياريت يا مؤمن تسامحني ..كان غرضي احافظ عليك
واحميك من كل سوء..انا أخطأت ودلوقت بتحمل نتيجة خطأي ..ياريت بعد ما عرفت كل حاجه ..تتخلص من الجواب دا واوعى حد يقراه
الله يرحمك يا جدي ضحيت بنفسك عشان تحافظ علينا
وورطت نفسك في لعبة أنت مش أدها
بس أهو خلاص الموضوع انتهى
ولازم انسى واعيش حياتي
مرت الايام وفي ليلة ..كنت بحلق دقني في الحمام
بس فجأة لقيت نقط دم نزلت في الحوض
افتكرت اني عورت نفسي بالموس
بصيت في المرايا ..ملقتش اثر لأي جرح
بصيت فوق لقيت السقف بيرشح دم
وتكونت عليه بالدم حروف اسم راضي
وبعدها بصيت للمرايا..شوفت صورة راضي
وهو بيبص لي بغضب_وتوعد
وصوته بيتردد في ودني وهو بيقول
حقي لازم يرجع لي
دلوقت انا لازم أتصرف وأرجع ال الف جنيه
لمرات راضي والا هينتقم مني
بس ازاي اتصرف في المبلغ دا
دخلت أوضتي وانا بتنفض ومرعوب
كان في كرتونه ..لقيتها على مكتبي
فيها كتب بابا جابهالي من شقة جدي
خبطت في الكرتونه من غير ما أقصد
وقعت منها الكتب... وانا برصهم تاني
عيني وقعت على كتاب شكله غريب
في حاجة بتشدني ليه
مسكته

وفتحت أول صفحه ..مش عارف ليه بقرأ
وانا مش في مود لكدا
ومستمر في القراءة غصب عني ..كأني مسحور
الكتاب كان مكتوب على غلافه..عهد الدم
تمت
عهد_الدم
حماده_هيكل