رواية عهد الدم كاملة بقلم حماده هيكل
المحتويات
على علاج ..انا كلمتك
عشان اقولك اني هقعد معاه الكام يوم دول لحد ما يخف
طيب تمام ..لو أحتجت فلوس قولي وانا هبعتلك
لا أطمن معايا ..شكرا يا بابا
رجعت البيت وقولت لازم أواجه جدي
كان معايا نسخه من المفتاح
جدي يا جدي
انا هنا يا مؤمن
دخلت اوضته ...وسلمت عليه واطمنت انه بقى كويس
في حاجة مهمه عايز أسألك عنها يا جدي
خير يا بني في ايه
امبارح بعد ما سبتك ودخلت أوضتي سمعتك بتندهلي
دخلت اشوفك ..لقيتك نايم ولما رجعت أوضتي
لقيتك نايم في سريري ..وبعدها قولتلي روح أفتح الباب لأبوك ..وعرفت منه انه كلمته وقولتله انك تعبت
قاطعني وقال
ولما كلمته بعد الجامعه ..عرفت منه انه مكنش يعرف
أصلا بموضوع مرضي ودا غير أنه مسافر ومش هنا
بس انت من لخبطتك مخدتش بالك ليلتها
بصيت له وانا مندهش ..
جدي انا لازم افهم هو في ايه
أولا انا مش جدك ..
نعم !!..اومال أنت مين
حسيت لون وشه ابتدا يحمر ووقف من مكانه
وضهره أتنصب ..وهو اصلا محني
صوته أتغير وقالي ..تحب تعرف فعلا أنا مين
دقات قلبي زادت وحسيت بسخونه في الأوضة
وبعدها سمعت صوت الباب بيتفتح
خرجت للصالة لقيت جدي راجع من برة ومعاه ضيف
طب ازاي !
في ايه يا مؤمن ..مالك واقف مبرق لي كدا
اصل ااا
أصل ايه ما تتكلم
ممكن دقيقة يا جدو من فضلك
قال
البيت بيتك ..انت مش غريب
دخلت اوضته وقولتله في حاجة غريبة بتحصل هنا
في ايه
حكيت له كل حاجة ..وقولتله فهمني يا جدي في ايه
ملامحه ظهر عليها الضيق وقالي طيب خلاص
انا هفهمك كل حاجة ..بس مش دلوقت
لا انا عايز اعرف دلوقت
طيب يا مؤمن بس يمشي الراجل ونتكلم
راجل مين دا
دا راضي ابن صاحب البيت وانا كنت مستلف منه مبلغ
مستلف منه ..طب ليه
هفهمك بعدين
خرج جدي وقعد مع الراجل وقاله معلش اتاخرت عليك
هو بصراحه انت اتاخرت اوي يا حج ..بس في سداد الدين اللي عليك ..وانا عشان خاطر العشرة اللي بينا
ساكت ومتحمل ..وكل مرة تقولي الشهر الجاي
وشهر يجر شهر و الموضوع ملهوش اخر
فلوس ايه دي يا جدي عايز أفهم
دا حفيدك يا حج !
اه حفيدي مؤمن
انا اقولك يا مؤمن شكلك متعلم وواعي
جدك من 6 شهور خد مني مبلغ 120 ألف جنيه
وقالي كلها شهرين وهردهم لك 150 الف
قولت وماله مفيش مشكلة...مضيته على وصل امانه
بالمبلغ عشان اضمن حقي
.فات الشهرين ..ووراهم 4 شهور زيهم..وجدك لسه بيماطل
120 ألف جنيه عملت بيهم ايه
عمك حسن كان مديون وكان هيتحبس وكان لازم أقف جنبه وافك ضيقته
طب وكنت هتسدد أزاي
عندي حتة أرض في البلد كام قيراط كدا كان المحامي قالي انها على
قولت استلف الفلوس وأساعد ابني على ما الارض سعرها يزيد...بس للأسف الأرض لسه مدخلتش كردون مباني
ومازالت زراعية
أهو نفس الكلام بسمعه منه كل مرة
انا دلوقت عايز فلوسي ومش هصبر تاني
طيب يا معلم راضي ممكن بس تهدا عشان نتفاهم
نتفاهم ايه..مفيش تفاهم فلوسي لازم ترجعي
انا مش هستفيد حاجة لما اقدم وصل الأمانه
للنيابة وتتحبس ..حبسك مش هيرجعلي فلوسي
حاضر يا بني ..قريب هتفرج
قريب ايه يا راجل يا خرفان انت ..تصدق انا غلطان
اني طاوعتك ووافقت أسلفك
اتكلم بأدب يا عم انت ..ايه خرفان دي
وبعدين هو انت ساعدته لوجه الله يعني مانت واخد
فايدة عليهم 30 ألف ..
قالي بغضب
تصدق أنك عيل قليل الرباية ..بتغلط فيا وفين في بيتي وفي منطقتي وكمان مداين جدك ..انت جنيت على روحك يا حيلتها...وفجأة طلع مطوه من جيب بنطلونه وفتحها عليا
جدي أدخل مابينا وقال
معلش يا بني حقك عليا ..دا ولد صغير ميقصدش
انا مش صغير يا جده وبعدين انت بتقوله معلش ليه
هو اللي غلط فيك الأول
سامحني يا راضي يا بني ..وأنت تخرس خالص
أسامحه...حاضر بس لما احط توقيعي على وشه المسمسم
دا بالمطوه بتاعتي ..عشان يعرف هو غلط في حق مين
قرب مني وحاول يضربني بالمطوه في وشي لكن انا تفاديتها بسرعه ولكمته في بطنه ..بص لي بغيظ وهجم مرة
وجدي بيحاول يهدينا
ابعد انت يا جدو
ضربني برجله في بطني وقعني على الأرض
بعدها قرب مني وقال
وقعتي يا حلوة ولاحد سمى عليكي
ولسه هينزل بالمطوه عليا ..جدي ضربة بالكرسي
على دماغه ..وقعت منه المطوه ..فمسكتها بسرعه
هات يا حبيبي احسن تعور نفسك
خبطته برجلي بين رجليه ..الضربة وجعته جدا
صرخ بشده وبعدها وقع فوق مني
ولسوء الحظ المطوة رشقت فيه وغرزت جوه قلبه
شهق شهقه عالية وبعدها قطع النفس.
الدم بتاعه غرق قميصي ..رفعته من فوقي بصعوبة لأن كان جسمه مليان
وقفت مذهول وانا مش مصدق اللي حصل
حطيت ايدي على رقبته ..مفيش نبض
جدي دا مات يا جدي ...هنتصرف أزاي دلوقت
ششششش وطي صوتك
قرب مني وقالي أنا عايزك تهدا خالص
وانا هتصرف
تتصرف يعني ايه ..دا قتيل احنا روحنا في داهية
قولتلك أهدى يا مؤمن
فكر شوية وبعدها قالي
عايزك تدخل أوضتك وتغير هدومك دي
وبعدها تنزل ترجع بيتكم وأنا هتصرف
أزاي دا ..انا لا يمكن اسيبك و..
اسمع كلام جدك ومتتعبنيش معاك
اضطريت اسمع كلامه لأني مفيش قدامي غير كدا
رجعت البيت ولما شافوني حالي متغير سألتني ماما
مالك يا مؤمن فيك أيه . انت تعبان
لا يا ماما انا كويس
طب وجدك عامل ايه
جدي كويس ..كويس يا ماما
دخلت أوضتي وقفلت
وهي بتقولي طيب أجهزلك العشا
كنت هتجنن ..وانا بفكر في كل الاحداث اللي حصلت دي كلها
جدي مخبي سر
متابعة القراءة
- توتر
- غضب
- خوف
- توتر
- قلق
- علاج
- صوت
- مستقبل
- خطط
- مخطط
- كبار
- علاج
- الشارع
- برج
- قسم
- كشف
- عمارة
- دماغ
- أسس
- ملك
- صاحب
- مادة
- تدخل
- علاج
- قلق
- سفر
- فطر
- سرعة
- صورة
- ولادة
- لعبة
- رجل
- الحل
- شخص
- نوم
- أزمة
- مرض
- السفر
- علاج
- وصوت
- قرى
- واحد
- ساعة
- حت ا
- قلب
- قصص
- واحد
- العلاج
- وفاة
- ناس
- ملك
- وقت
- حمام
- الجن
- دور س
- تعلم
- سرعه
- جثة
- وقت
- تحت
- وفاة
- كتاب
- رياض
- أوان
- العلاج
- ذكريات
- رجل
- سنة
- كتب
- الأرض
- تحافظ
- روح
- الام
- بالدم
- منى
- العلاج
- السفر
- سحور
- عمل
- سرعة
- السفر
- تونس
- جرس
- تعرف
- حسن
- بيع
- الأرض
- علاج
- الأعياد
- مستقبل
- دماغ
- قصر
- قصص
- رمل
- حاجات
- رجل
- الكتب
- الارض
- رياضي
- وقت
- نوم
- بقول
- ذكرى
- دكتور
- ازمة
- راحة
- رأس
- سحب
- كرة
- شقة
- تربية
- عمل
- أمي
- مستقبل
- علم
- العلاج
- سفر
- عام
- السل
- قلب
- القراءة
- القراءة
- تونس
- سفر
- النوم
- توتر
- رياضية
- كشف
- بابا
- عام
- القلب
- سحب
- مرض
- علاج
- قدم
- علاج
- كاي
- عقد
- بطل
- وفاة
- قلب
- رجل
- البيت
- اليوم
- غضب
