مدير الشركة راهن صحابه

الجزء الثالث
الصمت اللي نزل على القاعة كان تقيل.
كريم فضل باصصلي، وكأنه بيحاول يقنع نفسه إن اللي واقفة قدامه دي مش نفس البنت اللي كانت كل يوم بتدخل مكتبه بفنجان القهوة وجدول اجتماعاته.
أما الحاج فؤاد
فمسك إيدي بكل احترام، وقادني إلى ساحة الرقص.
بدأت الموسيقى تعزف.
لكن كل العيون كانت علينا.
وأثناء الرقصة، قرب مني الحاج فؤاد وقال بابتسامة أبوية
أبوكي لو كان عايش النهارده، كان هيفتخر بيكي.
ابتسمت وأنا بحاول أمنع دموعي.
حضرتك واقف جنبي من بعد وفاته وده عمره ما هيتنسي.
ربت على إيدي وقال
وأنا مش هسمح أبدًا إن حد يقلل منك.
انتهت الرقصة وسط تصفيق الحضور.
لكن المفاجأة الحقيقية كانت لسه جاية.
الحاج فؤاد أخد الميكروفون.
وقال
قبل ما نبدأ المزاد الخيري عندي كلمة صغيرة.
القاعة كلها سكتت.
بص ناحيتي وقال
من سنين، المهندس محمود عزام أنقذ شركتي من الإفلاس بتصميم واحد غير تاريخها.
ولما توفى، وعدته إن بنته هتفضل في عيني.
لكنها رفضت أي واسطة.
رفضت أي منصب بسبب اسم والدها.
وقالتلي بالحرف
عايزة أنجح باسمي أنا.
همسات الإعجاب انتشرت بين الضيوف.
أما كريم
فكان ملامحه بتتغير ثانية