خطيبي الاول رشا خالد
التحاليل دي زمان كان اسمه دكتور مدحت رأفت، صح؟
هزيت راسي بأه وأنا مستغربة.
الراجل ده يبقى خال حازم، خطيبك القديم.
الفصل الثالث المؤامرة الخبيثة والمواجهة الأولى
خال حازم؟! قلبي اتقبض. أنا مكنتش أعرف المعلومة دي خالص ولا حد عمره قالها لي!
أنت عرفت منين؟
أنا لما جيت أتقدم لك، طبيعي كنت لازم أعرف كل حاجة عن البنت اللي هشاركها عمري، شريف قالها بكل ثقة وهدوء. أم حازم، الحجة نوال، هي اللي راحت للكتور مدحت ده زمان وجابت منه تقرير مضروب، وفهمتك وفهمت ابنها إنك مابتخلفيش عشان تخليه يسيبك من غير ما تطلع هي في الصورة إنها رافضاكي لسبب تاني. وحازم الغبي كان عارف الحقيقة وسكت، وساب أمه تبهدلك وتهينك وفي الآخر سابك ومشي.
كلامه كان هادي، بس أنا جسمي كله كان بيتنفض وساقع زي التلج. يعني كل العذاب النفسي، وكل ليلة نمت فيها وأنا حاسة إني عاجزة وناقصة ومكسورة، كانت مجرد لعبة قذرة من ست حرباية؟! تلات سنين من عمري ضاعوا في وهم ولعبة!
ندى، شريف مسك إيدي وجمد عليها، كل ده ملوش لازمة دلوقتي، اللي فات مات.
عند الحق، اللي فات مات. ريحت راسي على صدره، وبدأت أحس بأمان عمري ما دقته قبل كده. الحالي والمستقبل هما الأهم.
الأيام اللي بعد كده، بقيت أنا الملكة المتوجة في البيت. شريف جاب لي دكتورة تغذية تتابع أكلي، وجاب اتنين شغالات يقضوا البيت كله، ومبقاش يسيبني لحظة. كنت في أول شهور الحمل والوحم كان هاركني، فكان يدخل المطبخ بنفسه يعمل لي الأكل اللي نفسي تروح له، حتى لو هاكل قطمتين بس. كان يقعد يقرا لي روايات، ويتمشى معايا في الجنينة، وبالليل يقعد يتكلم مع بطني عشان العيال يحفظوا صوته.
عمر الفرحة ما كانت قريبة
حواجبي اتعقدت وجيت أقفل السكة، بس هي كملت بسرعة استني عندك متقفليش، سمعنا إنك حامل؟ لقيتيلك بقى راجل بتاع مقاولات وفلوسه كتير وقلتي أثبت نفسي بعيل وأورثه؟
الموضوع ميخصكيش في حاجة يا طنط. صليت كلامي ناشف وساقع.
إزاي ميخثنيش؟ مش أنتي كنتي مابتخلفيش؟ إيه اللي جرى، المرض طار في الهوا فجأة؟ بقولك إيه، حازم ابني لسه متجوزش لحد دلوقتي.
ضحكت بصوت عالي من كتر البجاحة وقلة الحيا اللي هي فيها يا حجة نوال، خيالك واسع أوي ومريض. بس للأسف، جوزي اسمه شريف، وعيالي هيشيلوا اسمه هو.
شريف؟ صوتها علي وبقى مسرسع، ومين عالم كنتي مقضياها مع كام واحد بره! بقولك إيه يا بت أنتِ، أقسم بالله لو جبتي سيرة حازم ابني في حاجة ولا حاولتي تشوهي سمعته، مش هرحمك!
مكنش عندي وقت أضيعه مع الأشكال دي غوري. وقفل السكة في وشها وعملت لها بلوك فورًا.
بس اليوم اتقفل ونفسيتي اتكتمت. لما شريف رجع بليل، لقاني قاعدة على الكنبة وضامة نفسي وسرحانة، ولما سألني حكيت له على المكالمة. أول ما سمع اسمها، عيونه اسودت وبقت زي الجمر الست دي لسه بتتنفس وبتتجرأ وتكلمك كمان?
خلاص فكك منها، أنا مش هحط عقلي بعقلها، مكنستش عايزاه يشغل باله بحاجات تافهة.
Suby وثبات هز راسه بالرفض وقال ببرود يخوف في ناس كده في الدنيا، لو مدستيش على طرفهم ودوقتيهم الوجع، عمرهم ما هيتلموا وهيفتكروا إنك ضعيفة.
طلع
الفصل الرابع سقوط الأقنعة والعدالة الإلهية
بعد الأسبوع ده، الحجة نوال وحازم اختفوا تماماً من الوجود وكأن الأرض انشقت وبلعتهم. وعرفت بعد كده من صاحبة ليا مقربة كانت جارتهم، إن شركة حازم أعلنت إفلاسها، وهو نفسه اتحبس في قضايا تهرب ضريبي بمبالغ خيالية بلغت 30 مليون جنيه! الحجة نوال اضطرت تبيع شقة الزمالك اللي حيلتها وكل الدهب عشان تسد غرامات ابنها وتحاول تطلعه، بس مفيش فايدة. في ليلة وضحاها، نزلوا من برجهم العالي وبقوا على الحديدة.
شريف لما حكالي قال لي بابتسامة باردة أنا معملتش حاجة غير قانونية، أنا بس بعت ورق ومستندات رسمية مجهولة الاسم لنيابة الأموال العامة ومصلحة الضرائب. هما بيحبوا الحكايات، وأنا حبيت أوريهم الحكايات الكبيرة بتتعمل إزاي.
اكتشفت إن شريف وقت الحنية بيبقى نسمة، بس وقت الغضب أشرس وأذكى من أي حد.
كل تفكيري دلوقتي بقى مع عيلتي الصغيرة؛ بطني بدأت تبان وتكبر، وشريف لغى كل المأموريات عشان يفضل جنبي وننقي عفش الأطفال مع بعض.
كنت فاكرة إن دنيتنا خلاص استقرت على الهدوء والروقان ده... لحد ما في يوم، جالي تليفون من رقم غريب برضه. الصوت المرة دي مكنش مستفز، كان صوت راجل بيتكلم بمنتهى الأدب والشياكة، بس النبرة كان فيها كمية تكبر وغرور متتداراش مدام ندى السعيد؟ أنا طارق السويدي، أخو شريف الكبير. والدي عايز يشوفك. بكرة الصبح الساعة 10، السواق هيكون عندك تحت البيت عشان يجيبك على الفيلا الكبيرة في التجمع.
الراجل مقاليش أنتي فاضية؟، هو كان بيملي عليا أمر. بمجرد ما قفل السكة، جالي إحساس غتت وقبضة في قلبي. شريف عمره ما اتكلم عن عيلته إلا في الضيق أوي، وعمري ما شفتهم طول جوازنا. والغريب إن شريف مسافر من الصبح في مأمورية شغل لمدينة تانية عشان يمضي عقد مشروع كبير وهيبات هناك.
بالليل، لما شريف كلمني فيديو كول، حكيت له على المكالمة دي. ملامح وشه اتقلبت في ثانية وعقد حواجبه بغضب مكتوم قال لي بصوت حازم متروحيش يا ندى. استنيني لما أرجع. الناس دي مش ناوية لك على خير، وأنتي حامل ومش حمل حرق دم وضغط. متديهمش فرصة يضايقوكي. أنتي والعيال اللي في بطنك هما عيلتي ودنيتي كلها دلوقتي.
لما شفت نظرة عينه الجد دي، هزيت راسه وقلت له حاضر، مش هروح.
تاني يوم الصبح، أنا نفضت للسواق بتاع عيلة شريف ومنزلتش معاه خالص. على الساعة عشرة ونص، لقيت طارق، أخو شريف، بيرن عليا تاني. المرة دي صوته مكنش فيه الشياكة الكدابة، كان باين فيه العصبية والتحكم الواضح مدام ندى، أنتي فاكرة نفسك مين عشان تطنشي كلامنا؟ أنتي شكلك اتغريتي أوي، وبقيتي متكبرة زيادة عن اللزوم!
الفصل الخامس المواجهة الكبرى في البيت الكبير
أنت فاهم غلط يا أستاذ طارق، كل الحكاية إني كنت عند الدكتورة النهاردة بتابع الحمل، ولسه راجعة من المستشفى فالميعاد فاتني مش أكتر، قلت الكدبة دي بمنتهى البرود.
الناحية التانية سكت كام ثانية آه.. بجد؟ طب كويس أوي وجت في ملعبي، خليكي مكانك في البيت ومتحركيش، أنا جاي أخدك بنفسي. أبويا لسه مستنيكي.
التحكم والفرض اللي في أسلوبه ضايقني جداً معلش، الدكتورة قالت لي إني محتاجة راحة تامة وممنوع أتحرك من السرير. رفضت بشكل مباشر
ندى، طارق نطق
