بعد ما جوزي عرف اني حامل في بنت
المحتويات
يكبر.
وأسماء كتير بدأت تظهر.
وأول مرة حسيت إنه خائڤ بجد.
خائڤ مش من الطلاق.
ولا من البيت.
لكن من نتيجة أفعاله.
وفي نفس الليلة رجع البيت.
ودخل أوضتي لأول مرة من أسبوع.
وقف قدامي.
وقال
لازم نتكلم.
قلت
اتفضل.
قعد على الكرسي.
وسكت شوية.
وبعدين قال
لو حصل للشركة حاجة... كلنا هنخسر.
قلت
الشركة مش هتخسر لو كل حاجة كانت ماشية صح.
يعني مش هتقفي جنبي؟
بصيت له باستغراب.
أقف جنبك؟
أيوه.
ضحكت ضحكة قصيرة.
لما دخلت عليا بعروستك الجديدة كنت بتفكر هاقف جنبك؟
سكت.
لما أهنت بنتي قبل ما تتولد كنت بتفكر هاقف جنبك؟
سكت أكتر.
لما سمحت لأمك تقول إني بقيت ولا حاجة كنت بتفكر في الوقفة دي؟
ما عرفش يرد.
لأن مفيش رد.
وقتها قام.
واتجه للباب.
لكن قبل ما يخرج قال
إنتي اتغيرتي.
قلت
لا.
أنا بس بطلت أخاف.
وخرج.
لكن كان واضح إن الأيام الجاية لسه شايلة مفاجآت أكبر.
لأن في اليوم التالي مباشرة...
وصلني اتصال من رقم غريب.
ولما رديت...
سمعت صوت راجل كبير بيقول
مدام مريم؟
قلت
أيوه.
قال
أنا المحاسب السابق للشركة.
وفي حاجة لازم تعرفيها عن جوزك... قبل ما التحقيق يوصلك إنتي كمان.
اتجمدت مكاني وأنا ماسكة التليفون.
سألت الراجل بسرعة
تقصد إيه التحقيق يوصلني أنا كمان؟
رد بصوت هادي
لأنك شريك أساسي في الشركة على الورق.
ولو في مخالفات كبيرة، الجهات المختصة هتراجع كل حاجة.
قلبي بدأ يدق بسرعة.
مش خوف على نفسي بس.
خوف على بنتي اللي لسه ماجتش الدنيا.
وخوف على تعب سنين.
قلت
حضرتك عايز تقول إيه بالضبط؟
سكت ثانية.
وبعدين قال
عايز أقابلك.
في حاجات مينفعش تتقال في التليفون.
طول الطريق للمكان اللي حدده
كنت بفكر.
هل جوزي مخبي حاجات أكتر؟
هل المشكلة أكبر من اللي أعرفه؟
لما وصلت، لقيت راجل في أواخر الخمسينات.
وشه عليه علامات تعب السنين.
أول ما قعدنا طلع ملف صغير.
وحطه قدامي.
وقال
أنا استقلت من الشركة من سنة.
ليه؟
عشان رفضت أمضي على أوراق مش سليمة.
فتحت الملف.
ولقيت نسخ من معاملات مالية.
وأرقام كبيرة جدًا.
مبالغ اتسحبت.
وعقود مكتوب فيها بيانات مختلفة عن الحقيقة.
بصيت له پصدمة.
كل ده حصل؟
هز رأسه.
وحاولت أحذر جوزك أكتر من مرة.
وبعدين؟
ما سمعش الكلام.
حسيت إن الأرض بتهتز تحت رجلي.
لأن اللي كنت فاكراه مجرد تهور أو غرور...
طلع أكبر بكتير.
الراجل بصلي وقال
أنا جيت أكلمك عشان واضح إنك الوحيدة اللي لسه بتفكر بعقل.
وليه دلوقتي؟
لأن الموضوع قرب ينفجر.
ورفض يكمل أكتر من كده.
وسابلي نسخة من المستندات.
ومشي.
رجعت البيت وأنا مش قادرة أرتب أفكاري.
دخلت الشقة.
ولقيت صوت خناق عالي.
صوت حماتي.
وصوت ندى.
وقفت أسمع.
حماتي كانت بتزعق
إنتي لسه حاملش ليه؟
ندى ردت بدموع
يا طنط إحنا لسه متجوزين من أسبوعين.
أنا ابني محتاج ولد.
الرزق بإيد ربنا.
متعلمنيش ديني.
وقتها دخلت.
وساد الصمت.
ندى كانت دموعها مالية وشها.
أما حماتي فبصتلي بضيق.
لكن لأول مرة...
ما قالتش كلمة.
يمكن لأنها بدأت تحس إن الموازين اتغيرت.
بعدها بأيام بدأت التحقيقات تكبر فعلًا.
وتم استدعاء جوزي أكتر من مرة.
بقى عصبي.
متوتر.
ينام ساعتين ويصحى.
يكلم محامين.
ويجري بين مكاتب.
والبيت
وفي ليلة متأخرة.
صحيت على صوت خبط على باب أوضتي.
فتحت.
لقيت ندى.
وشها شاحب.
وعينيها حمرا من العياط.
قلت
في إيه؟
قالت
ممكن أكلمك؟
دخلت.
وقعدت قدامي.
وفجأة قالت
أنا عايزة أمشي.
اتفاجئت.
تمشي؟
هزت رأسها.
أنا اتخدعت.
يعني؟
قالولي إنك موافقة.
وقالولي إن حياتكم انتهت.
وقالولي إنك مش هتنجبي تاني.
وقالولي حاجات كتير.
سكتت لحظة.
لكن من يوم ما دخلت البيت وأنا شايفة الحقيقة.
حسيت بحزن عليها رغم كل حاجة.
لأنها كانت أصغر من إنها تتحمل لعبة بالشكل ده.
قالت
أنا مش عايزة أكمل.
القرار قرارك.
بس خاېفة.
من إيه؟
من والدته.
لأن حماتي كانت مسيطرة على الكل.
حتى ابنها نفسه.
وفي اللحظة دي فهمت إن البيت كله كان ضحېة لفكرة واحدة
لازم ولد.
فكرة ډمرت ناس كتير.
بعد أسبوع حصلت صدمة جديدة.
كنت قاعدة في الشركة أراجع بعض الملفات.
وفجأة اكتشفت حاجة غريبة.
قطعة أرض.
بمبلغ ضخم.
متسجلة باسم شخص تاني.
لكن الفلوس طالعة من حساب الشركة.
راجعت الورق أكتر.
ولقيت اسم الشخص.
واتجمدت.
الاسم كان...
أخو حماتي.
خالي جوزي.
قعدت أراجع المستندات مرة واتنين.
كل حاجة واضحة.
فلوس الشركة اتحولت لشراء أصول باسم أقارب.
ساعتها فهمت ليه التحقيقات بدأت.
وفهمت إن جوزي ما كانش بيتصرف لوحده.
كان في ناس حواليه بتشجعه.
وبتستفيد.
رجع البيت بالليل.
كان مرهق جدًا.
وشكله أكبر من عمره بعشر سنين.
أول ما شافني قال
عرفتي؟
قلت
عرفت حاجات كتير.
سكت.
وبعدين قعد قدامي.
لأول مرة من شهور.
من غير غرور.
من غير تكبر.
وقال
أنا غلطت.
بصيتله.
ما رديتش.
فكمل
غلطت لما سمعت كلام أمي أكتر من اللازم.
بس؟
نزل رأسه.
وغلطت لما اتجوزت.
بس؟
وغلطت لما ظلمتك.
كنت مستنية الجملة دي من زمان.
لكن الغريب إنها ما فرحتنيش.
لأن بعض الچروح بتوصل لمرحلة ما ينفعش تتصلح بسهولة.
قلت
الاعتراف بالغلط حاجة كويسة.
يعني ممكن تسامحيني؟
بصيت على بطني.
وبعدين بصيت له.
وقلت
في فرق بين التسامح... وإن كل حاجة ترجع زي الأول.
وما عرفش يرد.
لأنه كان فاهم المعنى.
بعد أيام قليلة...
ندى سابت البيت فعلًا.
وراحت عند أهلها.
وحماتي دخلت في حالة ڠضب هستيرية.
بقت تلومني على كل حاجة.
تقول إني خربت بيت ابنها.
وتقول إني السبب.
لكن الحقيقة كانت أوضح من أي وقت.
ابنها هو اللي اختار.
وابنها هو اللي نفذ.
وابنها هو اللي دمر حياته بإيده.
وفي الشهر السابع من حملي...
دخلت المستشفى بسبب تعب مفاجئ.
الأطباء طلبوا راحة كاملة.
وجوزي كان أول واحد وصل.
قعد جنب سريري ساعات.
ساكت.
لحد ما قال
لو ربنا رزقنا بيها بخير...
أنا عايز أسميها على اسم أمك.
بصيت له باستغراب.
لأن دي كانت
أول مرة يتكلم عن البنت أصلًا.
وأول مرة يقول بنتنا.
وقتها حسيت إن الحياة أحيانًا بتعلم الناس بالطريقة الصعبة جدًا.
لكن قبل ما أجاوبه...
دخل ممرض بسرعة.
وقال
في حد برا مصر يطلب يكلم حضرتك ضروري.
استغربت.
مين؟
رد
بيقول إنه شريك قديم لوالد زوجك.
وعنده مستندات هتغير كل اللي أنتم فاكرينه عن الشركة.
وساعتها فقط...
عرفت إن الحقيقة الكاملة لسه ما ظهرتش.
بصيت للممرض بعدم فهم.
شريك قديم لوالد زوجي؟
هز رأسه.
أيوه، ومصمم يكلم
أخدت التليفون.
وجالي صوت راجل كبير في السن.
واضح من طريقته إنه عايش برا مصر من سنين.
قال
مدام مريم؟
أيوه.
أنا عارف إن الوقت مش مناسب، لكن لازم تعرفي الحقيقة قبل فوات الأوان.
بدأ يحكي.
والكلام اللي سمعته خلاني أقعد مستقيمة على السرير.
طلع إن والد جوزي
متابعة القراءة
