كنت في المستشفى بولد

تاخد كل القرارات الطبية بتاعتي بالنيابة عني..
جوزي مسك التليفون قدام وش الدكتور وهو بيوري له التسجيلات وقاله اهي.. زورت كل حاجة
الدكتور أول ما شاف الفيديو وشه اتغير وقال انا هكلم الأمن
حماتي جريت ع التليفون بتاع جوزي عايزه تاخده وهي بتقول امسح.. امسح
جوزي رجع لورا وبعد عنها التليفون وهو بيقول لها انتي زورتي وثيقة قانونيه عشان تتحكمي في قرارات مراتي الطبية؟
حماتي ردت وقالت له انا كنت بحمي حفيدي.. من مدمنة مخد..رات
جوزي رد وقال لها هي مش مدمنة.. هي ف الطلق.. بتولد
رئيس الأمن في المستشفى كان واقف قدام باب الأوضة ف الوقت ده.. الدكتور وراه الفيديو.. ف رئيس الأمن قال لها يا مدام انتي محتاجة تيجي معايا
حاولت تهرب منه.. وقالت انتوا كلكوا بتعملوا غلطة كبيرة.. الطفل اللي هيتولد ده محتاج أم تقدر تتحمل الألم 
ف الوقت ده حسيت بوجع من جديد.. صرخت تاني.. راحت حماتي مشاوره عليا وقالت شفتوا.. شفتوا مكبره الموضوع ومزوداها ازاي؟ ضعيفة وخايبه
الممرضة ف الوقت ده كانت بالفعل اتصلت بدكتور التخدير.. جه ومعاه الابيديورال.. حماتي حاولت تاخد منه الأدوات بتاعة الحقن.. وقعدت تزعق وتقول لا.. انا بمنعكم من اللي هتعملوه
رئيس الأمن بنفسه حاول يجرها بره الأوضة.. كانت بتصرخ بعلو صوتها وبتقول انتوا بتسمموا حفيدي.. انتوا هتموتوه بالمخد..رات.. أنا هتصل بوحدة حماية الأطفال..
ساعتها وصل واحد تاني من رجالة الأمن وكل واحد فيهم مسك دراع.. بس هي كانت لسه بتصوت وهما بيجروها بره.. وفضلت تقول الستات الحقيقيات مش محتاجين دوا.. دي هتقتل الطفل ده..
الممر قدام الأوضة كان مليان بالممرضات والمرضى التانيين.. أسر.. موظفين.. كل الناس بيتفرجوا وفي منهم بيصور.. وسمعت حد بيصرخ وبيقول انتي مالك هو انتي اللي بتولدي؟
راحت حماتي مصرخه ف وشه وقالت له أنا خلفت أربع عيال من غير مسكنات.. لو انا قدرت أعملها.. هي كمان تقدر تعملها
الدكتور قفل الباب ف وشها.. وقالي يلا عشان تاخدي الابيديورال... بمجرد ما أخدت الحقنه حسيت براحة.. الألم راح.. كنت أخيرًا قادرة اتنفس.. ابني اتولد بعد ساعتين.. سليم ومثالي..
حماتي المستشفى قدمت ضدها بلاغ واتحكم عليها ف قضية تزوير وممارسة الطب بدون رخصة.. وتم منعها من دخول المستشفى تمامًا..
دلوقتي ابني عنده 3 سنين وبيسألني دايمًا هي ليه تيته مش بتيجي عيد ميلادي؟.. ف مكانش قدامي إلا إني أوريه الفيديو اللي انتشر ساعتها على مستوى البلد كلها وهي الأمن بيجرها بره الأوضة وهي بتصوت عشان المسكنات...
وكان رده تيته عبيطه.. ودي أكتر طريقة مؤدبة ممكن أي حد يوصف بيها واحده زورت وثيقة قانونية عشان تجبر مرات ابنها تولد بدون أدوية..
احاديث_تيكتوكيه
LamiaaShaheen