كنت في المستشفى بولد

ازاي حماتي حكمت عليا إني أولد من غير مسكن ابيديورال؟؟
تقول صاحبة القصة
كنت ف المستشفى بولد.. وحماتي فجأة دخلت وقالت للممرضة مش مسموح حد يديها ابيديورال عشان الستات الحقيقية مش بتحتاج مسكن للألم
ابيديورال ابيديورال الولادة إبرة الظهر هي تقنية تخدير موضعي شائعة وآمنة تستخدمها 7075 من السيدات، تُحقن في أسفل الظهر لتسكين آلام المخاض الطبيعي أو القيصري مع إبقاء الأم واعية. توفر الراحة خلال 1020 دقيقة..
كنت في مرحلة الطلق.. بين الألم واللي بعده لما سمعتها بتقول كده.. ف قولت لها ايه؟؟ بتقولي ايه؟؟
الممرضة كان باين عليها الحيرة وقالت لها يا مدام.. المريضة بس هي اللي من حقها تقرر طريقة إدارة الألم بالشكل المناسب لها
ف حماتي المصون وقفت ف وش الممرضة وقالت لها أنا الوكيل الطبي بتاعها.. أنا معايا ورق من محامي يثبت كلامي..
وفعلًا طلعت ورقه من شنطتها.. الممرضة قرت الورقة وبعدين بصت لي وقالت الورقة دي بتقول إن لها الحق ف اتخاذ القرارات الطبية بتاعتك
ايدي بدأت تترعش.. وقولت

لها مستحيل.. أنا عمري ما مضيت على ورقه بالشكل ده
ف الممرضة قالت الامضا بتاعتك أهي
بصيت ف الورقة.. واللي كان مكتوب ده مش الامضا بتاعتي.. الحروف ماكنتش مكتوبه بنفس الطريقة اللي بكتب بيها.. جالي احساس بالألم من جديد.. صرخت..
حماتي ابتسمت للممرضة وقالت لها شوفتي.. اهي زي الفل.. الستات بقالهم آلاف السنين بيولدوا من غير أدوية
الممرضة رجعت لورا عند الباب وقالت أنا هتصل بالدكتور
حماتي قالت لها قوليله مفيش أدوية.. انا مش هسمح لكم تحولوا أم حفيدي لمدمنه
الألم كان بشع.. كنت بتنفس بالعافية.. قولت للممرضة ارجوكي من فضلك اديني الابيديورال
حماتي ردت قبل الممرضة وقالت انتي مش محتاجاه.. بطلي تكبري الموضوع
جوزي دخل الأوضة ف نفس الثانية وهو ماسك قهوة وقال ماما.. انتي بتعملي ايه هنا؟
حماتي ردت عليه بتأكد إن مراتك مش هتسمم حفيدي بالأدوية
جوزي بص لي.. شاف وشي وسأل ايه اللي بيحصل؟
قولت له مش عايزاني اخد ابيديورال
ف لف لأمه وقالها انتي بتقولي ايه؟؟
ف حماتي طلعت الورقة مرة تانية وورتهاله. . وقالت انا عندي الحق إني أخد القرارات الطبية بتاعتها.. أنا اللي أقرر نوع العلاج والرعاية اللي هتاخدها
وش جوزي بقى أبيض تمامًا من الصدمة وسألها وده من أمتى؟
حماتي قالت له من وقت ما خليت المحامي بتاعي يعمل لي مسودة الشهر اللي فات.. وانت بنفسك مضيت عليها كشاهد
قال لها انا عمري ما مضيت على حاجة
ف حماتي ردت وقالت له لا.. مضيت.. فاكر لما طلبت منك تمضي كشاهد ع الوصية بتاعتي؟ ده ف الحقيقة كان الورقة دي
ف الوقت ده حسيت بألم الطلق تاني.. كان أسوء من اللي قبله.. مسكت طرفين السرير بقوة لدرجة إن مفاصلي بقى لونها أبيض..
الممرضة ف الوقت ده رجعت مع الدكتور.. وأول ما الدكتور دخل.. سأل ايه اللي بيحصل؟
ف حماتي أديته الورقه وقالت له انا الوكيلة الطبية بتاعتها.. مش مسموح بالابيديورال.. مش مسموح بالمسكنات.. ولاده طبيعية فقط
الدكتور قرا الورقة مرتين.. وبعدين قال دي شكلها شرعي.. 
شهقت من الوجع وقولت له لا.. مزوره.. انا موقعتش عليها
ف الدكتور رد وقال بس الإمضا شبه اللي احنا اخدناها منك قبل كده.. وقت دخولك
قولت له اكيد هي زورتها.. اكيد اتدربت عليها عشان تكتب شبهها.. بس سكتت لأني حسيت بالألم تاني.. وبقيت أعيط.. الألم كان غير محتمل..
حماتي ربعت أيديها وقالت هو ده اللي ربنا خلق الستات عشان تعمله.. انتي بس اللي ضعيفه
جوزي طلع تليفونه وقال انا هتصل بالمحامي
حماتي قالت له يلا.. اتصل.. على ما يجي هنا.. هيكون حفيدي اتولد.. ولاده طبيعية.. زي ما ربنا خلقنا 
الدكتور كان باين عليه إنه مش مرتاح وقال أنا قانونًا مقدرش اتخطى وكيلة طبية قانونية بدون دليل إن في تزوير
بصيت لجوزي وصرخت كاميرات المراقبة ف بيتنا.. بص عليهم
وبالفعل جوزي فتح التطبيق بتاع الكاميرات اللي على تليفونه.. ورجع للتسجيلات اللي متخزنه من شهر.. ولقى تسجيل.. كانت أمه قاعدة على ترابيزة المطبخ ف بيتنا.. لوحدها.. مفيش حد غيرها ف البيت.. قدامها ملف الورق بتاعي وعماله تكتب حاجة على ورق فاضي..
لما قرب الصورة كانت بتكتب نفس التوقيع.. وف الأخر كتبته على نفس الورقة اللي سلمتها للدكتور اللي بتدي فيها الحق لنفسها إنها