بعد ما اطلقت
نزلت المطبخ أعمل لنفسي كوباية شاي بالنعناع، الدنيا كانت ضلمة والهدوء يقرص الودن. وأنا في طريقي للصالة، سمعت صوت جاي من أوضة المكتب. الباب كان موارب، وصوت كريم كان واضح بس المرة دي مكنش بيزعق.. كان بيتكلم فرنساوي بطلاقة وسرعة.
وقفت مكاني. أشكر الظروف اللي خلتني أشتغل 4 سنين في مكتب ترجمة أوراق قانونية فرنسية. كريم مكنش بيكلم شريك عمل، كان بيكلم محامي.. وسمعت جملة خلت كوباية الشاي تتهز في إيدي
Tout est prêt Maître. Elle ne passera pas le mois. On doit finaliser le transfert de la propriété du domaine avant que les autres cousins ne ramènent leurs avocats.
كل شيء جاهز يا سيادة المحامي. هي لن تتخطى الشهر. يجب أن ننتهي من نقل ملكية العقار الفيلا قبل أن يحضر باقي أبناء العم محاميهم.
الدم جمد في عروقي. كيمو الحفيد الحنين، اللي نازلي هانم كانت بتقول عليه رائحة ابنتي الغالية، مستني موتها بالدقيقة والثانية عشان يلهف الفيلا اللي قيمتها تعدي ال 80 مليون جنيه، ويطرد باقي الورثة!
رجعت أوضتي وقلبي بيدق بجنون. كنت عايزة أدخل أقول لها، بس افتكرت حالتها الصحية. لو عرفت إن الحفيد اللي ضحت بعمرها عشانه مستني جثتها تبرد، هتموت من القهرة قبل ما المرض يقتلها.
الجزء الثالث اللعبة
تاني يوم الصبح، دخلت أوضة نازلي هانم.
اترددت، بس افتكرت كلمتها مابحبش الكدب. قربت منها وخدت منها الفرشة وبدأت أسرح لها بهدوء. وقلت نازلي هانم.. حضرتك لسه بتثقي في كريم زي زمان؟
إيدها اتشنجت شوية. سكتت فترة طويلة وبعدين قالت بابتسامة غامضة كريم شاطر.. بس طماع. والطمع بيخلي الواحد ينسى إن اللي قدامه لسه عايش.
بصتلي فجأة وقالت بالفرنساوي Questce que tu as entendu hier soir?
إنتي سمعتي إيه امبارح بالليل؟
اتصدمت.. هي عارفة إني بفهم فرنساوي؟ وعارفة إني كنت واقفة؟
سمعت إنه مستعجل على نقل الملكية، قلتها بوضوح.
نازلي هانم ضحكت ضحكة قصيرة بس قوية، وكحت بعدها بشدة. ولما هديت قالت يا هبلة.. الفيلا دي متباعة أصلاً من عشر سنين لجمعية خيرية، وعقد البيع مبيتفعلش إلا بوفاتي. كريم فاكر إن الأوراق اللي تحت إيده في المكتب هي الأصل، ميعرفش إنها نسخ مزورة أنا اللي حطاها عشان أشوف آخره.
بصيت لها بذهول. الست دي مش سهلة، دي مدرسة!
بس يا مريم، كملت وهي بتمسك إيدي، أنا محتاجة ألقن الولد ده درس أخير. ومحتاجة مساعدتك.. النهاردة المحامي بتاعه هيجي عشان يمضيها على ورق تبرع هو مفهمها إنه ورق علاجي. أنا همضي.. بس إنتي لازم
الجزء الرابع ليلة الحساب
الساعة 7 المغرب، كريم دخل ومعاه راجل لابس بدلة غالية وشايل شنطة جلد. دخلوا أوضة نازلي هانم. أنا كنت واقفة ورا الستارة في الركن، ومثبتة الموبايل بيصور كل حاجة.
ناناه حبيبتي، كريم قالها بمنتهى الزيف، ده مستشار من وزارة الصحة، محتاجين توقيعك على أوراق استيراد الدواء الجديد من بره عشان حالتك تتحسن.
نازلي هانم مثلت التعب بمنتهى البراعة دواء يا كيمو؟ هو لسه في أمل؟ ماشي يا حبيبي، هات أمضي.
مدت إيدها المرتعشة ومضت على تلات ورقات. كريم عينيه كانت بتلمع بانتصار حقير. أول ما المحامي خد الورق وخرج، كريم استنى دقيقة وبعدين نبرة صوته اتغيرت تماماً.
أخيراً.. الفيلا بقت ملكي يا نازلي هانم. دلوقتي تقدري تموتي وإنتي مستريحة، مش هخلي حد من ولاد عمي المقرفين يحط رجله هنا.
نازلي هانم فتحت عينيها، ونظرتها كانت حادة زي الموس. مكنش فيها أي تعب. إنت فاكر إنك ذكي يا كريم؟
طلعت من تحت المخدة ورقة تانية خالص. الورق اللي إنت مضيتني عليه ده، أنا كتبته قبل ما تيجوا بدقائق.. ده إقرار مني إني استلمت منك 10 مليون جنيه كاش تمن عفش البيت، والمحامي بتاعك شهد على ده بتوقيعه! يعني لو حاولت تستخدم الورق ده، هحبسك بتهمة النصب لأنك مدفعتش مليم، والمحامي بتاعك هيروح ورا الشمس معاك.
كريم وشه بقى
طلعت أنا من ورا الستارة والموبايل في إيدي وكل ده متصور يا أستاذ كريم.. كلامك بالفرنساوي، وخدعتك لجدتك، والورق المزور.
الجزء الخامس البداية الجديدة
كريم خرج من الفيلا وهو بيجر أذيال الخيبة، بعد ما المحامي بتاعه خاف وهرب أول ما عرف إن نازلي هانم قارية الفنجان. نازلي بصتلي وقالت برافو يا مريم.. إنتي ست بجدعة بجد.
مر الشهرين.. نازلي هانم توفت وهي ماسكة إيدي. مكنتش حزينة، كانت مبتسمة كأنها رايحة تقابل حبيبها اللي استناها كتير.
المفاجأة كانت في الوصية.
نازلي هانم سابت لي شقة صغيرة في الزمالك، كانت شايلاها للزمن، وكتبت في الوصية إلى مريم.. التي علمتني أن الأمانة لا تباع، وأن اللغة ليست كلمات، بل مواقف. الشقة دي بيتك، ومحدش يقدر يغير كوالينه عليكي أبداً.
خرجت من الفيلا وأنا شايلة شنطتي، بس المرة دي راسي في السما. روحت شقتي الجديدة، وأول حاجة عملتها إني حطيت صورة نازلي هانم على المكتب، وفتحت الشباك بمقدار قبضة إيد، وشميت ريح الهوا، وعرفت إن ربنا لما بيقفل باب، بيفتح فيلا.. أو على الأقل، بيفتح حياة جديدة.
أما أشرف؟ سمعت إنه خسر كل فلوسه في قضية نفقة رفعتها عليه بعد ما عرفت إنه كان مخبي عني ورث كبير من والدي، واستخدمت المحامي بتاع نازلي هانم عشان أجيب حقي.. وفعلاً، اللي
تمت.
