أرواح وأشباح كتابة حماده هيكل

الأحد 07/ديسمبر/2025 - 03:09 م

من الكهرباء وقالت
_أصيله فعلا وطالعه لمامتها وبتعرف الواجب
_لأ بقى دي طالعه لأبوها..طب اشهد انت يا أستاذ هي حنين طالعه لمين فينا
_طالعه ايه وزفت ايه دنا االلي هطلع ميتين تييييت
يا اولاد ال....
هنا علا صوت ضحكة حنين وقالت
_ايه يا جماعه هتسيبوا الضيف واقف كدا من غير كهربا
تعالى اتكهرب معايا هنا الكهربا تجنن
قولت لهم وانا اركض بإتجاه الباب
تجنن ايه يا عالم يا مجانيييين
وعندما خرجت وجدت رجلا وقورا يقف أمام الشقه المقابله قال لي
_انت مين وازاي دخلت هنا
نطرت ورائي للشقه فوجدتها غارقه في الظلام
الا من النور المنبعث من الباب الذي اقف امامه فوجدت ان الاثاث متفحم والجدران يكسوها السواد
_انا معرفش حاجه انا كنت جاي لواحد صحبي اسمه كمال الزفت ..هو اللي وصفلي البيت
_انت اللي مين يا أستاذ
_انا الزفت يا حبيبي والد كمال صاحبك
شعرت بالإحراج وقولت له
_اسف جدا يا عمي انا مقصدش بس اللي شوفته جوه دلوقتي خلاني فقدت أعصابي
ابتسم لي إبتسامه ودوده وقال لي
_لا يا حبيبي ولا يهمك ..تعالى اتفضل
دخلت الشقه فوجدت شابا يجلس بالداخل امام التلفاز
قال له الرجل
_خش انده لأخوك كمال وقوله صاحبك اللي مستنيه
من بدري جالك اهو
_ايه يا عمي حكاية الشقه دي
_الشقه دي كان فيها ناس جيران محترمين جدا
للأسف من خمس سنين بنتهم وهي بتغسل حصل ماس كهربا في الغساله واتكهربت ولما جات امها تنقذها اتكهربت هي كمان وبعدها النار مسكت في الشقه وكل اللي فيها ماتوا للاسف
_يا ساتر يارب...بس استنى هنا لحظة اومال مين اللي انا شوفتهم جوه دول
اعلم بالطبع أنه سؤال غبيفالأمر واضح جدا
رد علي الرد الذي كنت أتوقعه وقال
_دول ارواح الناس اللي اتحرقت هما كل فتره بيعملوا شوية اصوات وحركات غريبهلكن خلاص إحنا اتعودنا
وبعد ثواني

دق جرس الباب وجاء الشاب الذي كان يجلس امام التلفاز وفتح الباب وبعدها جاء وقال له والده
_مين يابني اللي ع الباب
_دي واحده عاوزه سامح
قولت بإستغراب وحدة ..مين دي!!
أطلت حنين برأسها وهي مبتسمه وقالت
_وحشتني يا سامح
تدلى فكي السفلي وزادت نبضات قلبي من أثر الصدمه و..
نظرت بدهشه إلى حنين التي تقف امامي
والدخان يخرج من شعرها وهي تبتسم وتقول
_وحشتني يا سامح
نظر لي الرجل وقال
_طيب أسيبكم بقى تقعدوا مع بعض شويه
_اقعد مع مين يا حج دي حنين اللي اتكهربت من خمس سنين وماتت
_أيوه عارف طبعا منا اللي لسه قايلك كدا من شويه
ولا نسيت
_نسيت ايه ..هو ايه اللي بيحصل هنا بالظبط
وفين كمال....انا أيه اللي جابني هنا
_اه منا نسيت اقولك حاجه
_خير ..أتحفني ياعم الحج
_الحريقه مسكت في شقتنا إحنا كمان
وانا ومراتي وولادي ولعنا كلنا..هاهاهاها
_ااااه قولتلي بقى..وانا االي كنت فاكركم بني ادمين
وظلمتكم ..لا انا مليش حق فعلا
وقفت وحاولت الهرب بإتجاه البابولكن حنين أعترضتني
وأشارت لي بالجلوس فرفضت رفعتني بالقوه وأجلستني
وقالت بمنتهى الرقه والتهذيب المنافي لما فعلته معي الآن
_ممكن تسيبنا لوحدنا شويه يا عمو
_اه اه طبعا يا حبيبتي بيتك ومطرحك..ثم أختفى وأبنه فجأه وكأنهم تبخروا
قالت لي في حنان
_مالك بس ايه اللي زعلك مني أوام كدا زهقت وعاوز تمشي وتسيبني
_ياستي هو انا اعرفك دا ايه الغلب دا بس
_اه تعرفني انت كنت عندنا من شويه وقدمتلك العصير بإيدي ولا هتنكر
_ايوه حصل ...بس هنكر
_انت بتهزر بقى
_وانتوا خليتوا فيا عقل عشان اتكلم جد انا بخاف من خيالي ادخل بيت كله عفاريت وناس متكهربه ومحروقه
واخرح منه ادخل بيت تاني الاقي ناس اتكهربت برضو
_بس ماتقولش ناس احنا سيبنا عالم الانس من زمان
_اسفين يا ستي انتوا جن وعفاريت.. أحسن

ناس
_ناس تاني برضو
_احسن عفاريت في جهنم..عاوزه ايه مني
_معرفش بس انا مبسوطه من ساعة ما شوفتك
وحاسه بفرحها محسيتهاش من زمان
_ايوه يعني عاوزه أيه
ردت بعصبيه..وزاد خروج الدخان اكثر من شعرها
_ماقولتلك مش عارفه
_طيب ياستي اهدي انا هولع كدا جنبك
_انا من الآخر كدا معجبه بيك
_نعم!!!
_ايوه زي مابقولك كدا انت القدر جابك لحد عندي
كنت رايح لصاحبك وتوهت وجيتلي برجليك
_ماهو من بختي الاسود
_بتقول حاجه
_لا بقول من بختي الاسود بس حضرتك
_طيب بس اسمعني هو الموضوع غريب انا عارفه
ومينفعش اني احبك لأن دي علاقه محكوم عليها بالفشل
لأنه انت متعرفنيش كويس وكمان وارد تكون مرتبط
_بس هو دا السبب يعني
_قصدك ايه
نطرت لها بدهشه ورفعت حاجبي فقالت
_ااااه قصدك عشان انا جنيه وانت أنسي
_لا والله!
_لا دي امرها بسيط متقلقش
_ازاي مش فاهم
_هكهربك معايا وبعدها روحك تطلع ونقدر نتجوز
ونخلف ونجيب عفاريت صغننين يملوا علينا البيت
_لا موعدكيش
_تقصد ايه..لا متخافش دي الكهربا عسل وهتعجبك
_اه دا انتي الي عسل
عندها ركضت مسرعا وخرجت من الشقه ونزلت الدرج
بسرعة الريح حتي وجدتني في الخارج
لم أتوقف عن الركض حتى شعرت بضيق نفسي
توقفت وانا الهث ثم أخرجت الهاتف من جيبي فوجدت عدة مكالمات من كمال رددت عليه
_فينك ياعم سامح مابتردش ليه من بدري ولا شكلك مش ناوي تيجي
_منك لله يا شيخ على اللي جرالي بسببك
_في ايه ياعم فهمني
_افهمك ايه مش لما افهم انا الاول
_طيب انت فين دلوقتي
_انا قريب من بيتكم بس مش عارف اوصل
تعالى خدني ياعم
_طيب اوصفلي فين بالظبط وهكون عندك بسرعه
دقائق وجاء كمال وقال لي
_في ايه ياسامح انت توهت ولا ايه
_بسرعه دلوقتي على بيتكم عاوز ادخل الحمام ضروري
وبعدها هحكيلك على كل حاجه
بعد نصف ساعه في الحمام كنت قد خرجت

منه بعدما أفرغت كل ما في جوفي جلست في الصاله بجوار
هشام والذي كان يضحك بهيستريا من الموقف المرعب الذي حدث معي في المنزل الخطأ الذي دخلتهوقال لي
_انت غلطان على فكره يا سامح
_ليه يا معلم
_البت بتحبك وشارياك وعاوزاك في الحلال
تقوم تسيبها وتجري كدا مش رجوله منك دي
_عندك حق بس انا قولتلها مش هينفع أجي واتقدم لوحدي لازم أجيب صحابي معايا وهي وافقت جدا
خصوصا لما عرفت ان ليا صاحب وسيم اسمه هشام
قالت هتجوزك لوحده صاحبتها ماتت مشنوقه.. بس قمر
_انت بتتكلم جد
_ايوه طبعا انا اخد واحده محروقه وانت تاخدها مشنوقه
ونتزف في الترب بقى
أنطلقت ضاحكا بقوه عند رؤيتي لنظرة الرعب في عيونه ..ثم قال هشام
_ياااه دا انت هزارك تقيل اوي انا صدقت يا أخي وقعت قلبي
_ليه كدا يا ابو الرجوله مش كنت لسه بتتريق عشان
جريت وهربت وانت كنت هتعملها على نفسك من مجرد الكلام بس اومال كنت هتعمل ايه لو كنت مكاني وشوفت اللي شوفته الناس يطلعلها عفريت وانا يطلعلي مجموعه بحالها
_من يومي بقول عليك مرزق
_اوووي
خرج كمال من غرفته حاملا حقيبه صغيره وضعها فوق منضدة وقال
_خلاص بقى فككوا من الحوارات دي والهزار
_خلونا نتكلم في الجد شويه
قولت له
_هي الشنطه دي فيها ايه
_هتعرف دلوقتي بس الأول عاوز اعرفكم
ان اللي هيحصل هنا دلوقتي لازم يكون سر بينا أحنا التلاته
قال هشام
_هوايه اللي هيحصل دلوقتي انا بدأت أتوغوش
_أهلي سافروا النهارده الصبح للبلد هيحضروا فرح حد من قرايبنا وانا مرضتش اسافر معاهم بحجة المذاكره والمحاضراتواستغليت فرصة غيابهم وجبتكم هنا
عشان نبدأ في تحضير الجن.
_بسم الله الرحمن الرحيم انت مصمم على الموضوع دا
بجد بقى...قالها هشام
_ايه انت خايف ولا ايه
_لا مش خايف..مرعوب بس..ايوه طبعا خايف انت مش شايف جتتي اتلبشت ازاي وسامح

بيحكي عن بيت العفاريت اللي كان فيه من شويهتقوم انت تقولي هنحضرهم
لا ياعم انا مش موافق
قال كمال
_ياض اسمع الموضوع بسيط اوي ولعلمك عن تجربة
حد موثوق