صحيت من النوم مش فاكره اي حاجه ولا فاكره انا مين ولا اسمي ايه

تحت الصوره
اتصلت بالرقم رد عليا واحد وافتكرني بهزر وشتمني وقفل الخط في وشي
ونزلت من عند جارتي وانا متضايقه جدا ومشيت في الشارع مش عارفه رايحه
وشويه وتليفوني رن رديت سمعت صوت واحد معرفوش قال لي انتي فين انا هتجنن عليكي ..قولت له معرفش انا فاقده الذاكره.. قال لي طيب ادي الفون لاي حد ماشي يوصف لي المكان.. وفعلا لقيت عسكري اديته الفون وصف له المكان.. وبعد شويه كرم رجع البيت ملقانيش كلمني بس انا مرديتش عليه
وبعد شويه لقيت شاب وسيم جه وقال لي وحشتيني يا يارا قولت له انت مين قال لي احنا كنا مخطوبين انا احمد خطيبك انتي بجد مش فكراني
لقيت دماغي لفت وقولت له انا مش فاهمه حاجه ... انا عايشه مع شخص بيقول انه جوزي وانت بتقول انك خطيبي .. مين فيكم الي صح ومين الي غلط انا دماغي هتنفجر.. احمد زعق وقال جوزك هو فين ده والله اقتله لو كان لمسك
واحنا قاعدين جه واحد وقال لي ازيك يا ملكه انتي بتتكبري علينا ولا ايه 
واحمد بيزعق له ويقول له امشي من هنا دلوقتي غور من هنا
وقال لي تعالي معايا نروح للحاجه ورده مرات ابوكي الي مربياكي .. هي عندها الصور الي هتفكرك بكل حاجه واخدني و مشينا لحد موصلنا لبيت شكله غريب وقديم انا كنت قلقانه .. وفعلا طلعنا البيت فتحت لنا ست كبيره شكلها غريب وقالت اهلا وسهلا حمد لله علي سلامتك يابنتي بسانا برضو مكونتش مرتاحه
وقعدت معاهم اسبوع كانت الست مستغربه جدا لما شافتني بصلي بصوم ولبسي متغير 
بقيت محجبه وانا اصلا كان لبسي ضيق وقصير.. حاولت ادور في اوضتي علي اي حاجه قديمه تفكرني ولقيت لاب توب والغريبه اني عرفت افتحه كاني عارفه الباسورد قبل كده وياريتني ما فتحته لقيت فيه صور وفيديوهات ليا وحشه جدا مش محتاجه احكي لكم بالتفصيل عنها 
ولقيت ملف فيه صوري وانا صغيره ومكتوب فيه ان لما ماما كانت عايشه انا كنت عايشه حياه طبيعيه زي اي بنت. لكن لما ماما ماتت بابا اتجوز ورده وبعد فتره بابا مات بدات حياتي تتدهور وخلتني امشي. في الغلط وكل مره اغلط كنت بزعل واقول انا مش كده واتوب واصلي واقول مش هعمل الحاجات دي تاني لكن كنت بضعف وارجع تاني ومع مرور الوقت وتكرار الغلط اتعودت ومبقيتش بزعل ولا احس بالذنب
.. معقوله انا كده ياريتني معرفت حقيقتي
بس الغريبه ان كل الفيديوهات والصور مفيهاش حاجه عن كرم انا لازم اروح له واعرف منه الحكايه.. وفعلا روحت بيت كرم وفضلت اخبط ع الباب بس مكانش موجود وقعدت علي السلم استنيته لما جه وقال لي ليه كده مشيتي ليه يا يارا 
قال لي تعالي ادخلي وانا هحكي لك كل حاجه ..
باقي قصه اغرب من الخيال
انتي كونتي عايشه حياه كلها ذنوب ومعاصي بس انتي علشان اصلك الطيب مكونتيش متعوده علي الغلط .. كونتي زعلانه ونفسك تعيشي حياه طبيعيه.
انا اتعرفت عليكي في الصيدليه وانتي بتشتري دوا وعرفت ان معدنك طيب ومره وانتي. خارجه من الصيدليه عملتي حادثه وعربيه خبطتك ولما وديتك المستشفي اكتشفو انك فاقده الذاكره وانا انتهزت الفرصه واخدتك تعيشي عندي واتجوزتك علشان اقدر اراعيكي وبدانا حياه جديده مع بعض وانتي ناسيه اي حاجه عن حياتك القديمه
عيطت وقولت له ياريتني فضلت ناسيه مفتكرتش ..انا حيااتي دلوقتي افضل بكتير
والحمد لله ربنا كتب لي حياه نضيفه وبعتك ليا علشان تنقذني وتهربني من حياه الضياع الي كنت فيها وترجعني لحياتي الاصليه
يارب باعد بيننا وبين خطايانا كما باعدت بين المشرق والمغرب
...........................................
...... ...........