اسكريبت شخابيط بقلم حنان محمد

الأربعاء 08/أكتوبر/2025 - 08:00 م

غتت.
انا غتت طب تعالى بقى.
رميت الكوتشينه وطلعت اجرى وانا بضحك وهوا بيجرى ورايا.
اقفى بس اقفى.
اتكلمت وانا بضحك.. خلاص بقى بالله مش قادره هموت منك.
لا ابداا والله مش هسيبك.
مصطفى!!!
لما سمعت صوت جدى وقفنا وهوا وشه اتغير والابتسامه اختفت لما شاف البنت.
نعم ياجدى.
خطيبتك كانت جايه تشوف بنات عمك قولت تشوفك انت كمان.
خطيبته هوا قال خطيبته بجد ولا انا سمعت غلط ولا ايه!!!
تعالى ياحنان سلمى ع خطيبه ابن عمك
ابتسمت.. ازيك.
الحمد لله كويسه.
خديها ياحنان دخليها للبنات جوا.
حاضر ياجدى.
اخدتها ودخلتها وكانت جميله اووى وطيبه وتتحب اكيد هوا بيحبها بس انا اتفاجأت انا مش هزعل ولا هعيط لا عادى ايوه عادى طيب لما هوا عادى ايه الدمعه دى!!!
حنان!!
فيه حاجه
نبرتك اتغيرت معايا كدا ليه لما شوفتيها!
انت مقولتش انك خاطب ليه
عشان انا للاسف نسيت.
ايه!
مجتش فرصه ياحنان
الخطوبه مبتتنسيش يا استاذ مصطفى عن اذنك.
محدش بينسى انه خاطب بس فيه حد بيستهبل وبيستعبط او يمكن مبيحبهاش بس هيا بشكلها وتعاملها تتحب دا انا نفسى قعدت معاها خمس دقايق حبيتها برغم ان لازم

احس ناحيتها بالعكس.
عدت الايام وانا بتجاهله لان كل حاجه بعملها معاه كانت غلط انا كنت بتعامل معاه ع انه مصطفى ابن عمى بس دلوقت هوا بقى راجل خاطب ومينفعش حتى اكلمه حتى التليمحات او اللطافه اللى فى كلامه دى مكنش ينفع يقولها او يعمل اى فعل من اللى عمله.
مجبتيش فستان ياحنان ومش هتلحقى تجيبى واحد تانى.
بس انا مش عايزه البس الفستان دا.
بس هوا حلو عليكى البسيه.
بس...
مغيش وقت يلا اجهزى والبسى.
لبست وحطيت ميكب خفيف ك تغيير ل اللوك يعنى وبعدها نزلت كنت نازله وانا برفع طرف الفستان لانه كان طويل ولو فضل كدا خطوه كمان وهقع ع وشى وابوظلهم الفرح وهبقى شبه الكتكوت المبلول.
كنت واقفه مش عارفه اعمل ايه بابا واقف مع اخوه وجدى وبنات عمى مع العروسه وانا تايهه في النص لا عارفه اروح يمين ولا شمال.
شكلك حلو فيه ى ما اتخيلتك بالظبط.
التفت لقيته واقف ولابس بدله سودا ورافع شعره كان شكله قمر اوى حسيت ان اول مره اشوفه.
ضحك... يابنتى انتى متنحه كدا ليه
ابعد يامصطفى انت خاطب ومينفعش اللى بتعمله دا!
ولو فشكلت هيبقى ينفع!
انت هتكسر قلب بنت لو عملت كدا الموضوع مش هين

علفكره.
انتى متعصبه ليه
عشان انت خبيت حاجه مهمه زى دى عنى ومكنش ينفع تتخبى.
أنا اسف وكنت عايز اقولك ان....
سيبته قبل ما يكمل كلامه وطلعت فوق وقفلت عليا اوضتى ومكملتش الفرح اسف ع ايه هوا الموقف دا ينفع فيه الاسف اصلا هوا الانسان دا غبى ليه ياربى هوا انا اخلص من حاجه تطلعلى التانيه طيب مدام هوا خاطب انا حبيته ليه فكرت فيه اكتر من صاحب ووجعت قلبى ليه بس يارب.
الفرح خلص وجدى قال نقعد يومين كمان كان كل شويه اشوفه وهوا بيحاول يكلمنى وانا بهرب منه.
النهارده همشى واسيبه كنت برتب الهدوم وكنت حاسه انى هعيط.
نزلت لقيت بابا واقف..
يلا يبابا نمشى دلوقت.
مصطفى لغى الخطوبه.
انا بقول نقعد كمان شويه لسه مشبعتش من جدى.
والله! طيب هوا طلب ايدك.
انا بقول نقيم هنا وكفايه شغل وغربه بقى ونقعد جمب جدى لانه وحشنى اوى.
ضحك.. انتى طالعه بكاشه لمين يابت انتى!
ليا ياعمى.
وانت بتطلع منين انت كمان
جدى عايزك فوق .
طيب ياسيدى وابقى طلع الشنط دى ومبروك.
لا شنط ايه ومبروك ع ايه انا لسه موافقتش يا حج انت ياباااا.
يابااا. فيه واحده من القاهره تقول يا با
ولا ابعد عن طريقى

كدا عشان مش طيقاك.
كنت بحبك من ايام ما كنتى طفله صغيره ولما كبرتى وبعدتى كتير وباباكى كان كل مره يجى ويقول انك رافضه تيجى كنت ازعل برغم انى كنت بستناكى ع ناار ولما فات تسع سنين ويأست قررت امى تخطبلى بس مكنتش بحبها خالص ومش متقبلها.
ولما جيتى هنا فرحت ولما وضحت ليكى سوء الفهم وقربنا من بعض تانى فرحت اكتر وصدقينى وجودك عوضنى عن كل حاجه حتى انى نسيتها.
بس انت كسرت قلبها كدا.
لما جت هنا يومها كانت عايزه تقولى افسخ الخطوبه لانها هيا مش مرتاحه ولو طلبت انها تفسخها اهلها هيرفضوا فحمدت ربنا وفسختها علطول وحاولت اقولك بعد الفرح بس مش لاقيتك.
ابتسمت... ايوه يعنى عايز ايه دلوقت
عايزك معايا وليا دايما
وانا مش موافقه.
طيب فاكره لما كنتى بتجرى ورايا وتقولى عايزه اتجوزك
لا مش فاكره خالص
قرب منى وغمزلى...طيب افكرك
لا خلاص افتكرت عاوز ايه يعنى
انا وافقت.
وانا سحبت كلامى.
قرب خطوه كمان.. لا دا احنا نخليكى ترجعى في كلامك بقى.
ياعم خلاص انت قفوش كدا ليه.
يعنى موافقه
موافقه ع ايه بالظبط بقى
انا بقول نكتب الكتاب وافكرك بطريقتى
ضحكت.. وانا بقول

كدا بردو.
ليس لدى في سبيل الهوى سواك ولا اريد غيرك
شخابيط
حنان محمد