اسكريبت شخابيط بقلم حنان محمد

الأربعاء 08/أكتوبر/2025 - 08:00 م

بجد!
قرب منى اه!
ابتسمت... طيب تعالا اقتلنى.
كنت بعمل نسكافيه وادى المايه والمج وياريت متفكريش انى هقتلك بجد
بس انا متكلمتش اصلا. وبعدين دا كان سوء فهم.
طيب.
لسه زعلان
وازعل ليه وبنت عمى اللى قضيت معاها طفولتى بتتهمنى بقتلها.
ماخلاص بقى وقولتلك سوء فهم ولا لازم الواحد يزعق!
سوء فهم ايه انتى مكنتيش شايفه نفسك بتعاملينى ازاى!
شوحت بإيدى.. يوووه بقى مش هنخلص احنا.
حنان!!!
اعملك قهوه
لا
والله بعملها حلو واعتبرها قهوه التصالح.
والمفروض انى اسامحك بالسهوله دى!
ميبقاش قلبك قاسى بقى داهوا اسبوع ونص وهمشى.
لا بردو.
صاصا السكر الامور اللى هيوافق ع القهوه ويسامحنى.
ضحك... لسه فاكره بتضحكى عليا ازاى!
ودى حاجه تتنسى هاا بقى
اعمليها زياده وتعالى برا.
عملت القهوه واتنهدت براحه وحسيت ان فيه هم اتشال من ع قلبى وانى هرجع اتعامل معاه زى الاول تانى ونبقى صحاب ومنفارقش بعض ونسال ع بعض لما أسافر حتى يمكن ربنا خلانى اجى بعد ما كنت رافضه عشان اعرف كل حاجه والامور توضح قدامى.
القهوه وقولى رأيك.
وحشه.
انت لسه دوقتها يابنى!
مدام انتى اللى عاملاها تبقى وحشه معروفه يعنى.
لسه رخم زى ما انت.
وانتى كمان.
رفعت حاجبى.. وانا كمان ايه بقى ان شاء الله.
لسه حلوه زى ما انتى.
انا بقول تقوم تنام وبلاها قهوه لانك بدأت تخرف زى العاده بعد نص الليل.
بس انا بقول الحقيقه.
بتخرف بردو قوم يلا دا احنا كنا بنشتم بعض الضهر قوم ياعم قوم.
كان بيضحك وهوا طالع وانا كمان وكل واحد راح اوضته ويمكن اول يوم انام وانا

مرتاحه للدرجه دى ومحلمش بكوابيس اليوم دا تانى.
صحيت الصبح وانا الابتسامه من الودن للودن .
كنت طالعه من الاوضه لقيته خارج من اوضته وابتسامتى وسعت اكتر وكنت بقرب منه وانا حاطه ايدى ورا ضهرى وبلف زى الهبله كنت حاسه نفسى نجيبه اوى وهيا بتبص لنبيل.
صباح الخير.
احط رجلى وتتدحرجى من ع السلم زى الشوال كدا وصف سنانك اللى مبيناه دا يتكسر
صباح الزفت ع دماغك.
جدى قال انك عايزه تروحى الاسطبل وتشوفى الاحصنه اللى هناك.
ابتسمت اه.
وطبعا قولتيله ان انا اللى اخدك.
بنفس الابتسامه.. اه
وانا شغال عند اهلك عشان اوديكى مش عندى شغل انا.
بس يالا يا عواطلى يلا.
تحبى تروحى دلوقت ولاكمان شويه يأنسه حنان
لازم يخرجوا الواحد عن شعوره يعنى! ما كنت كويسه وببتسم زى الساذجه هوا اه كنت عبيطه بس هاديه بس هوا مينفعش معاه غير كدا اصلا.
سميت الحصان ع اسمك عشان لما توحشينى افتكرك
الحب ولع في الدره الحقيقى يعنى
وباجى اشتمك شويه واهزئك بردو.
اصيل يابو رحاب والله.
حبيبتى يابنتى هوا انا ليا اعز منك..
انت طالع رخم لمين في العيله يالا
ليكى ياحنون.
انا بقول امشى بدل ما اولع فيك.
مش هعلمك تركبى ازاى طيب
مش عايزه ازفت خلاص قفلتنى..
ضحك.. خلاص بهزر والله متبقيش قفوشه كدا.
جاب الحصان وانا مرعوبه منه هوا شكله كبير كدا ليه .
هوا مفيش حاجه اصغر من كدا
ما دا اصغر واحد.
احيه!
هاتى ايدك ومتخافيش طول ما انا معاكى.
يسطا عيب عليك انا خايفه مخصوص لانك معايا اصلا.
والله انزل واسيبك.
هات ايدك كدا ومتبقاش قفوش وخلقك

ضيق هات
سندت عليه وطلعت وقعدت قدام وهوا ورايا.
يابنتى امسكى الحصان وسيبى رجلى.
اه وانت تنط وتسيبنى لا ابدا والله ما يحصل.
هوا البنطلون عاجبك تاخديه
اممم مش بطال حلو. ابقى اقلعه وهاته.
خديه هوا وصاحبه.
سيبته... لا يا عسل مش ناقصه صداع.
حبيه بس
انا عندى صداع وبنام بدرى اخلص.
اسرع يعنى
لاااا.
ملحقتش ولقيت الحصان بيجرى وانا مكنتش ماسكه في حاجه في ثوانى مسكت في دراعه مكملتش حاجه وكان هوا ع الارض وانا فوقه.
ولاا انت لسه عايش اااه الحمد لله لسه فيه نفس
يابنتى لو عايزه تموتينى قولى.
سندت ايدى ع صدره... والله يابنى كان نفسى بس انت ابن عمى.
حط ايده تحت راسه.. متشكرين يسطا ع كرم اخلاقك.
العفو يابنى ع ايه دا واجبى.
غمزلى.. هيا عجباكى القعده كدا ولا ايه
انتبهت انى فوقه قومت بسرعه وجريت ع جوا من الاحراج.
مطلعتش طول النهار وكنت سامعه صوته وانا جوا وهوا كل شويه يعدى من ع باب الاوضه وينادى ع حد من اخواته ويضحك.
بتعملى ايه
ايه يابنى خضتنى.
ايوه بتعملى ايه لوحدك بليل كدا.
بتأمل في النجوم.
فاكره لما كنا بنقعد هنا انا وانتى وننام ونمسك ايد بعض.
كنا اطفال ومش فاهمين حاجه.
طيب فاكره لما كنتى بتفضلى تجرى ورايا وتقولى ل اى بنت تقرب منى انك خطيبتى وانك هتتجوزينى لما تكبرى.
ما قولت كنا اطفال مش شغلانه هيا.
طيب فاكره لما كنتى بتعترضى ع حاجه كنت بخليكى توافقى ازاى
اقوم والله اقوم!
خلاص خلاص كنت بهزر.
قلبى دق لما افتكرت الحاجات دى كلها وخصوصا انه لما كنت ارفض اعمل حاجه وهوا عايزنى اعملها كان يجى

وبعدها اوافق علطول هوا بابا كان فين وقتها مش فاهمه هوا انا متربتش ليه
هات ايدك كدا وافردها
ضحك... ليه هتبوسيها.
والله اضربك.
خلاص اهوه فردتها.
حطيت ايدى جمبها .. ايدى صغيره اوى مقارنه بإيدك ليه
عشان تعرف تحضن ايدك لما ترتجف.
لما ترتجف بس!
ايه
انا هقوم انام تصبح ع خير بااااى.
طلعت جرى واترميت ع السرير وانا بضحك وبخبى وشى بإيدى هوا انا هبله كدا ليه!!!.
بعدها بدأت تحضيرات الفرح وبدأنا نجهز كل حاجه مع بعض ونهزر ونضحك اكتر ونقرب من بعض اكتر واكتر لحد ما قلبى يدق كل ما اقرب منه او حتى المحه بحب هزاره الغبى وانه دايما يعصبنى وبعدها يرمى كلمه تخلى قلبى يدق منها وبعدها يهزر تانى يمكن دى تانى احلى ايام اعيشها بعد ايام الطفوله واتمنى حياتى كلها تبقى كدا.
اتكلمت بزعل.. خسرت.
حبيبتى ايدك بقى عشان تنضربى.
انت هتضربنى بجد والله انت ابن عم مش جدع.
ما انتى هرتينى ضرب من ساعتها وكانك بتشفى غليلك منى.
دا انا ايدى صغننه ومبتوجعش.
بس بتلسع.
يعنى هتضربنى بردو
مش انتى اللى طلبتى كلنا نتجمع ونلعب الشايب خلاص شيلى بقى.
يا شيخ منك لله.
بتقولى حاجه
ما تضرب بقى وتخلصنا.
مديت ايدى وغمضت عينى وانا حاسه انه هيضرب براحه او مش هيضرب....... اااااااه اه يا ابن ال.......
ايه يالا دا كله يخربيت كدا ايدى ورمت.
امال كنتى مفكره انى هحسس ع ايدك
معندكش رحمه والله مش شايف جسمى ضعيف ازاى
اه صحيح انتى رفيعه كدا ليه مبتكليش بيأكلوا اكلك في مصر
ابتسمت برخامه.. وانت تخين كدا ليه.. انا بتأكل اكلهم هنا
الله عليكى

ياحنون في منتصف الجبهه.
دا اسمه جسم رياضى يا جاهله.
بس يالا وانت شبه الغوريلا كدا.
انا هقوم بدل ما اجى اخنقك.
يكون احسن دا انت عيل