انا وخطيبة أخويا كتابة نسمه عاطف
غير تهديد من الفوطة متعددة الاستخدامات اللي انت خطبتها كده كده علاقتك بأمك اتقطعت للأبد!
ماما حققت أمنيتك من غير ما تبذل مجهود!
صمت! صمت يشبه الصمت اللي تلى انفجار قنبلة هيروشيما!
بعدها دان بيكلمني بهستيريا وبيبعت لي رسايل التليفون قدامي شايفاه بيرن لغاية ما يقطع وبدأت أعيط وأنا بفتكر كل المكالمات اللي كلمتهاله عشان أبلغه!
مش هنكر لكن حسيت بشيء من الراحة كأني انتقمت منه للإحساس السيء اللي حسيت بيه وأنا في أضعف لحظات حياتي ومع أعظم خسارة ليا!
شفت رسايله! كان مصدوم! مش مصدق! بيقول إننا بنقول له كده بنضحك عليه! بنبتزه عاطفيا عشان يحس بالذنب!
بعد دقايق بطل تواصل تماما وحسيت بهدوء وبعدين اتوترت بشدة! أكيد دان رايح لبيت ماما دلوقتي!
لبست بسرعة وكلمت أختي وأنا في الطريق تلحقني على هناك! دون هناك ولو قابله هيساوي
وصلت لقيت عربيته راكنة وسمعت صوت زعيق!
نزلت جري لقيت اللي توقعته دان ودون ماسكين في بعض! دان مش مصدق لغاية اللحظة دي ومصمم يشوف ماما! ودون ماسك فيه وبيقول له إنه مش هيخطي خطوة واحدة جوه البيت!
دخلت وبعدتهم عن بعض أخدت بالي إن آش واقفة على جنب عاملة نفسها قال يعني مصدومة ومتأثرة أوي!
ما قدرتش أمسك نفسي! لطشت دان بالقلم على وشه!
وصلت أختي ودخلت بينا وهي بتصرخ فينا نهدى في اللحظة دي بابا دخل!
بابا طول عمره من النوع الهادي ماما كانت الطرف النشط في حياتنا بالتواصل الدايم بس بابا على الجانب الآخر كان الطرف الهادي اللي بيتدخل لما ماما تطلب وعلى الرغم من كده كنا واثقين إنه دايما موجود.
عشان كده لما بابا سحب دان من إيده بهدوء وخرجه بره باب البيت دان ما قدرش يقاوم ولا يتكلم بابا أشار ل آش تخرج هي
وقفل الباب في وشهم الاتنين ودخل بكل هدوء قعد على الكنبة قدام التليفزيون بصمت.
محدش فينا قدر يتكلم شوية وخرجت رجعت بيتي وأختي كمان.
قد تتوقعوا إن المشكلة خلصت هنا بس لأ ... دان لازم يسوي أي دراما!
كلم أختي وقعد يأوء لها في التليفون وهي عملت جروب دخلتني فيه أنا ودون وقالت لنا أعتقد إننا غلطنا وكان المفروض نقول له في رسالة وإن واضح من رد فعل بابا إنه تعمد ما نبلغوش في رسالة عشان يعاقبه.
ما رضيتش أرد عليها لأني بصراحة في أسبوع واحد خسرت أم وأخ ... مش عارفة إذا كنت حمل إني أخسر أخت كمان!
دون اللي رد عليها وقال لها لما كل حد فينا يكلمه
هي حاولت تقول إنه متدمر ومتحطم والجو ده بصراحة ما حسيتش بأي تعاطف تجاهه! دون على الجانب الآخر قال لها إنه بيدفع تمن كسره ل قلب ماما!
وإنه آه مقتنع إن ماما ماتت بسبب دان واللي عمله واللي آش قالته! وماعندوش استعداد يغفر له أو يسامحه!
بعدها بيومين آش بعتت لأختي إن دان دخل المستشفى عنده انهيار عصبي وأختي كلمتني بصراحة مش مهتمة أروح! لكن البجاحة إن آش نفسها كلمتني بتطلب مني آجي أقف جنبه وأقول له إنه مش السبب في وفاة ماما!
قلت لها لأ هو السبب وإنتي السبب اشبعي بيه وانسوني تماما!
وعملت لها بلوك.
أختي راحت له وبتقول حالته صعبة وإننا مزودينها وكده ممكن يروح فيها بتحاول تحاصرني بالإحساس بالذنب!
الفكرة إني مش حاسة
ريديت
