انا وخطيبة أخويا كتابة نسمه عاطف
قصة اليوم بعنوان هل أنا بنت ست مش كويسة عشان نفذت طلب خطيبة أخويا
تقول صاحبة الرسالة ...
احنا أسرة طبيعية جدا مكونة من أب وأم وأربع أبناء ولدين وبنتين أو أقدر أقول إننا كنا أسرة طبيعية جدا لوقت قريب.
احنا كبرنا في محيط الأسرة وبالوصول للجامعة والشغل كل حد فينا استقل بحياته بتجمعنا مكالمات شخصية وجماعية غير مكالمة ماما وبابا والعزومات الدورية.
لغايه ما دان أخويا اتعرف على خطيبته آش من سنة ونص!
آش كان واضح من أول يوم إنها عندها مشكلة مع أسرتنا والتواصل معانا ومع الوقت بدأت تضيق قايمة الأشخاص المستهدفين من المشكلة دي وتوجه غضبها تجاه ماما!
بتتملص من العزومات على اعتبار إنها كتير وغير مبررة! لو جت بتيجي تفضل تنفخ وتتأفف وتفضل على آخرها.
على الرغم من تصرفاتها دي ماما دايما كانت بتطلب مننا ما نضايقهاش بتقول لنا يمكن هي خرجت في بيئة مافيهاش ترابط كافي ومع الوقت هنتقبلها وتتقبلنا.
لغاية ما دان طلبها للجواز ووافقت!
كأن ده كان الإشارة الخضراء عشان آش تطلع كل الغضب اللي جواها تجاه علاقتنا ببعض!
بعد إعلان الخطوبة بأسبوع آش كلمت ماما وطلبت منها تبطل تخنقها هي ودان! لما ماما سألتها تخنقهم ازاي قالت لها إنها
ماما اعتذرت لها! وقتها أنا حسيت إن الدخان بيخرج من وداني وكلمت دان حكيت له اللي حصل وأنا شاكة إنه ميعرفش حاجة عن اللي حاصل!
لقيت دان عارف اللي آش عملته! قلت له انت شايف إن ماما بتخنقك بمكالماتها سكت!
هنا قررت إني أتعامل بأقصى درجات ضبط النفس خصوصا إني الكبيرة ومش هحب إن الدنيا تخرب ف قلت ل دان إنه خروف حلوف فرحان إن آش ساحباه وراها زي البهيمة الغريبة! والبهيمة الغريبة ما بترتاح لا بتاكل ولا بتشرب طول ما هي غريبة!
المترجمة طيب دلوقتي هيمسكوا فيا ويقولوا لي هل صاحبة الرسالة الأمريكية قالت البهيمة الغريبة!
صاحبة الرسالة والله يا مترجمة يا أختي ماليش دخل بمشاكلك مع فانزاتك! احنا من كفر أبو تكساس وعندنا بهايم! وحدانا الحماة مش تتعامل كده الحماة تنشال على الراس! آني بنتيها وعايزة حجيها!
المهم إن دان قفل معايا وكلم أخونا الصغير أصغر واحد دون اشتكى له ف دون اللي لسه عايش في بيت بابا وماما لأنه على الرغم من إنه اشتغل سامحين له يعيش معاهم لغاية ما يحوش مبلغ يحطه مقدم بيت خاص بيه قال له انت مش مسيطر يا دان! أختك عندها حق آش دي عقربة
من بعدها دان تقريبا ما بقاش يتواصل مع ماما وماما كمان ما بقيتش تتواصل معاه إطلاقا!
تسكت بقى وتتبط أبدا! من غير ما حد يكلمها ولا ييجي ناحيتها لقينا آش باعتة على جروب الواتس بتاع العيلة إنها ودان مسافرين أسبوع أجازة ومش عايزة حد يكلمه خالص! وأي حد هيكلمه أو هيبعت له رسايل هيتعمل له بلوك أيا كان هو مين!
واتكت على النون في مين دي!
محدش رد عليها ومحدش اهتم سافروا والا ولعوا بجاز!
بعد ما سافروا بيومين بالظبط بابا لقى ماما اتأخرت في إنها تصحى سابها ترتاح وبلغ دون ما يعملش إزعاج لأنها كانت مرهقة ومش في أفضل حالاتها النفسية وسابوها ترتاح وراحوا الشغل.
الاتنين رجعوا من الشغل ولسه ماما نايمة! بابا عمل العشاء ودون طلع يصحيها بس ما صحيتش!
ماما ماتت!
لحظات هي الأطول من عدم الاستيعاب ثم الإنكار مش هدعي أبدا إني قدرت أتخطى مرحله الإنكار حتى بعد ما دفناها!
وقتها حاولت أكلم دان ما ردش! دون كلمه ما ردش! بابا كلمه ما ردش! أختنا كلمته ما ردش!
قلت ل بابا هبعت له ريكورد بابا قاللي دي أخبار ما ينفعش تترمي في رسالة أيا كان الشد اللي كان قبل وفاة ماما لازم نمهد له
بعت له كذا رسالة إن في حالة طارئة وإننا محتاجينه يرد علينا ما ردش!
لغاية يوم الدفنة فتحت لوج الموبايل لقيتني كلمته في خلال يومين أكتر من 127 مرة غير الرسايل اللي بستجديه فيها يرد علينا!
دي كانت محاولاتي أنا بس! غير محاولات التواصل بتاعة باقي الأسرة!
دفنا أمنا ورجعنا وفي كسر في قلوبنا! كنا بنتسند على بعض ورجلنا مش شايلانا!
ماما ... كانت هي الغراء اللي ماسك الأسرة دي من غيرها احنا ضايعين لا جدال!
مر يومين كمان وبعدها آش بعتت على جروب العيلة إن اللي عملناه في الأجازة على الرغم من التحذير غير مقبول إطلاقا! وإنها عارفة إن ماما هي اللي طلبت مننا نحاصر دان بالشكل ده عشان تخرب علينا أجازتنا من غير ما تكون في الصورة بشكل مباشر! وإن التصرفات المريضة دي مش هتوصل لحاجة غير إن دان يقطع علاقته تماما بماما وفي حاجة اسمها حدود!
فضلت باصة للرسالة ل ثواني وبدأت أخرج من مرحلة الإنكار للغضب الشديد! آش لو قدامي كنت نتفت لها شعرها شعراية شعراية!
بس لقيت دون بيكتب ... وظهرت رسالة إلى المركوب من آش ... دان سابقا!
أمنا ماتت تاني يوم سفرك وكنا خايفين نقولك ده في رسالة تتخض معلش كنا متخيلين إن عندك دم وإحساس!
تقدر تكمل في اللي انت فيه من
