محمد وعائشة بقلم إيمان شلبي
نفس طويل وانا بفتحها مره تانيه وبقول بهدوء
اذا سمحت يامحمد كفايه اوي لحد كده انا مش هقدر اكمل معاك خلاص اللي بينا أنتهي اتقفل بالضبه والمفتاح
لو سمحت خليني انزل من العربيه وامشي
اتنهد وهو بيقولي بذهول
انا ازاي عملت كده
بصيتله باستغراب وانا بمسح دموعي وبسأله
عملت ايه !
مسك رأسه بأيديه وهو بيقول بذهول اكبر
ازاي ازاي اتجوزتها انا مين انا مش فاهم حاجه انا ايه اللي بيحصلي
بصيتله وانا بتنفس بسرعه
ا ا اتجوزت مين
بصلي وهو بيقول بشرود
اماني افتكرت اني اتجوزتها بس
مش عارف امتي وازاي !!!!!!!
يتبع
الجزء الخامس
اتجوزت اماني !!
قولتها وانا ببصله بتوهان وشرود
مكنتش قادره استوعب الجمله مش قادره استوعب أن حبيبي اتجوز اعز اصحابي
طب ليه يحصل كده !
انا عملت فيهم ايه آذيتهم في ايه ليه يكسروني بالشكل ده
هو ده آخره حبي ليهم هما الاتنين آخره ثقتي الزياده فيهم يعملوا فيا كده !
ليه صاحبتي مستكتره عليا الشخص الوحيد اللي حبيته !
مع انها اكتر شخص عارف انا تعبت قد ايه عشان نكون سوا
طب هو محمد ليه يعمل كده لما هو بيحبني ومتمسك بيا أوي كده ليه يتجوز صاحبتي
أنا ليه حاسه اني عايشه في حلم مش حقيقه
ليه الدنيا جايه عليا اوي بالشكل ده ليه في كل حاجه ضدي ليه مش نصفاني ليه مش راضيه تريحني ابدا !
فوقت من شرودي علي صوته وهو بيقولي بتوسل
عائشه انا مش فاكر اي حاجه اقسم بالله مش فاكر
انا مش عارف انا عملت كده ازاي اكيد في حاجه غلط عائشه اكيد مش هتسبيني صح !
عائشه عشان خاطري ردي عليا قولي اي حاجه اصړخي في وشي اضربيني بس متسكتيش ارجوكي ياعائشه
كنت بسمعه بجمود من غير ما أنزل دمعه واحده لحد ما خلص توسلااته اللي مأثرتش فيا علي الاطلاق
اخدت نفس طويل وانا برد ببرود
مبروك عليك اماني انت وهي زي بعض وتستحقوا بعض
برق ولسه هيرد عليا شاورلته بأيدي بنفس الجمود
مش عايزه اسمع حاجه تاني خلاص اللي سمعته واللي شوفته كتير اوي كفايه اوي لحد كده لو سمحت بقي تسيبني امشي ارجوك مبقاش عندي طاقه اتكلم في موضوع منتهي بالنسبالي ولو سمحت لو سمحت متجيش ورايا متتعبش نفسك لأن الموضوع ماټ واللي ماټ مبيرجعش
قولت كلامي ونزلت من العربيه وهو قاعد مكانه مصډوم من اللي عملته !!
مشيت انا وقلبي اللي اتقسم نصين وحاولت علي قد ما اقدر اكتم دموعي لحد ما بعدت عنه شويه
وهنا عقلي استوعب كل حاجه
وقفت في نص المكان ببص حوليا وكأني في دوامه بيمر عليا شريط حياتي من وقت ما قابلته وحبيبته المشاكل والمعافره التعب والعياط كل ليله سجودي لربنا وانا ببكي بدموع عينيا عشان نكون سوا كل لحظه مرت عليا شريط مليان حكايات واوجاع كان في اعتقادي
وفي الخلفيه صوت عمرو حسن
أنا سيبتك عشان ماعشانش
كده وخلاص
طلع فيه ناس تشيلهم بالزمن ع الراس وماتقدرش
هواة جمع اللي حبوهم ف كام برواز
حسب تواريخ تواجدهم
وحسب الشكل والمضمون ونوع الحب وظروفه
وبتقولوا بنكره ليه
من الحزن اللي بنشوفه
أكيد يعني ماقررناش نكون غربا ومكتئبين
ما م الناس اللي خذلونا
وحبونا مسافة وقت أو لفراغ
أو لجنون مرض اسمه هلاقي واسيب
شبعنا من البشر تجريب
فوقت من شرودي وحزني علي صوت الفون بتاعي وكان بابا اللي اول ما رديت عليه مسابليش فرصه اجاوب
الو
الو عائشه انتي فين الحيوان ده عمل فيكي حاجه اتجوزك ولا هربتي ولا عملتي ايه طمنيني عليكي
اتنهدت وانا برد بصوت مهزوز
متقلقش انا جايه في السكه
لقيته اتنهد براحه وهو بيسال بشك
محمد عملك حاجه !
هزيت راسي برفض
لا بس خلاص الموضوع اتقفل للابد
بابا بفضول
ايه اللي حصل ياعائشه!
انا جايه في السكه يابابا سلام
قفلت معاه واخدت نفس وانا بحاول معيطش
ولسه هتحرك سمعت صوته وهو بيجري ملتفتش وكملت طريقي وانا بحاول اسرع عشان ميلحقنيش
عائشه استني اسمعيني انا افتكرت ايه اللي حصل ياعائشه اقفي
قال جملته الآخيره أما وصل عندي ومسكني من دراعي
نفضت دراعي منه وانا بقول بعصبيه
ابعد ايدك القذره عني
اخدت نفس بتعب وهو بيبلع ريقه
عائشه ارجوكي اسمعيني انا افتكرت كل حاجه هي اللي ضحكت عليا واستغلتني و
قطعت جملته بسخريه
ضحكت عليك ليه شربتك حاجه أصفره
اتجاهل كلامي وهو بيكمل بحزن
أنا تعبان ياعائشه ا انا ا أنا
مقدرش يكمل كلامه انما ضغط علي أيده وهو بيغرز ضوافره في لحمه وانا واقفه ببصله بفضول عايزه اعرف تعبان ماله بالظبط !!!
اخد نفس طويل وهو بيقولي الحقيقه اللي للاسف كنت متوقعاها
انا عندي انفصام
في الشخصيه عايش بشخصيتي الحقيقيه وشخصيه اخويا مؤيد اللي ماټ
بصيتله وانا يسأله بتوتر
شخصيه محمد بتحب عائشه وشخصيه مؤيد بتحب أماني صح
اتنهد وهو بيهز رأسه بأسف
للاسف مش بأيدي
اومال بأيد مين
قولتها بزعيق وعصبيه وانا بضربه في كتفه
جز علي أسنانه وهو بيقولي بغيظ
مش بأيد حد
بصيتله من فوق لتحت باحتقار
لا سلامتك من الانفصام ربنا يشفيك
كنت لسه همشي بس مسك ايدي وهو
بيجز علي أسنانه
عائشه المفروض اللي بيحب حد يلتمسله
العذر
بصيتله وانا بقول بقرف
والمفروض اللي بيحب حد يصارحه بحاجه زي كده مش يفضل بيها وهو عارف ان في النهايه هتخرب عليه وهتخليه
وبعدين وانا اعرف منين أن الكلام اللي بتقوله حقيقي مش يمكن لعبه منك
نفضت ايدي منه وانا ببصله بأحتقار وقرف
انسي انك كنت تعرفني روح كمل مع حبيبتك اماني يابو قلب كبير يسيع من الحبايب الف
اماني استني
لفيت وانا بصححله جملته
عائشه اسمي دكتوره عائشه مش اماني يااستاذ محمد واتمني متشيلش الألقاب بعد كده
قرب مني وشدني من دراعي جامد وهو بيجز علي أسنانه
انتي الذوق مش جاي معاكي
حاولت اسحب ايدي بس مقدرتش
اوعي سيب ايدي بقولك سيب ايدي ياحيوان الحقوناااي
محمد وهو بيسحبني بقوه
بقولك تعالي والا قسما بالله اقټلك واقتل نفسي وراكي مبقاش فارق معايا حاجه
حاولت أحرر نفسي بس مقدرتش وللأسف محدش من اللي كان واقف حاول يتدخل
زقني في العربيه وانا پصرخ فيه وبشتمه بأبشع الألفاظ
انت ياحيوان ياهمجي سيبني في حالي بقي سيبني انا مش عايزاك هو عافيه
ضړب الدركسيون بأيده وهو بيزعق
اه عافيه طالما مش قادره تتقبلي ظروفي يبقي عافيه لاني مش هسيبك مهما كان
ظروف ايه أتقبل انك بتحب غيري أتقبل انك متجوزها أتقبل انك بشخصيتين !
أتقبل ايه ولا ايه عايزني اعيش طول الوقت خاېفه وقلقانه شخصيتك تقلب لمؤيد وتكرهني وتروح تحب في اماني انا مكانش عندي مشكله أتقبل ظروفك لو كنت صارحتني من البدايه مكانش عندي مشكله اساعدك تتعالج
اخد نفس عميق وخرجه مره تانيه بهدوء
خلاص احنا فيها هطلق اماني واتجوزك وتفضلي معايا طول الوقت وتساعديني
مسابليش فرصه اتكلم ورن علي اماني وفتح الاسبيكر وانا قاعده ببصله پصدمه
الو
الو ياحبيبي
جز علي أسنانه بغيظ
انا مش حبيبك بطلي شغل الاستعباط ده انتي استغليتي اني تعبان واخدتيني من صاحبتك للدرجادي وصلت بيكي الحقاره لكده
اماني بدلع وبرود
ياحبيبي انا استحقك اكتر منها وبعدين كده يرضيك كده تزعلني ده كده هيآثر عليا !!
محمد بزعيق
ما تتآثري ولا تولعي
اماني وهي بتلوي بوقها بحزن
طب مش مهم انا بس كده البيبي يتآثر
بيبي
بيبي مين
ابنك ياحبيبي انا حامل في الشهر الاول
يتبع
الجزء السادس
عارفين احساس الانكسار !
احساس التوهه الۏجع عارفين لما تتصدموا اوي في اقرب الناس ليكم بيحصل ايه
عمري ما كنت اتخيل احس بالإحساس البشع ده احساس الخذلان احساس الانكسار الوقعه اللي مفيش بعدها وقوف مره تانيه
جسمي كان بيترعش ڠصب عني دموعي نزلت واتحولت لشهقات اول ما سمعت أن حبيبي او اللي كان حبيبي بقي اب بس مش مني
في بيبي هيشيل اسمه بس مش حته مني ومنه
احساس بشع احساس لو مهما وصفته من هنا للسنين اللي الجايه مش هقدر اوصفه
بدون اي مقدمات نزلت من العربيه ومشيت وهو لسه في صډمته
كنت ماشيه تايهه شارده لابعد حد مش قادره
اللي سمعته كسرني واللي اتكسر مش بيتصلح
مش عارفه وصلت البيت ازاي من بعد مشي دام لاكتر من ساعه ونص محستش بيه وكأنه دقيقه ونص !
دخلت واول ما ماما استقبلتني اترميت من خلاني اقدر اقاوم كل ده من غير اڼهيار في الحقيقه
مش قادره احدد فات وقت قد ايه وانا نايمه غايبه عن الواقع تماما رافضه افوق رافضه ارجع للدنيا اللي ولا مره نصفتني رافضه اصدق اللي حصل
كل املي ارجع عائشه الطفله الصغيره البريئه اللي كان أكبر همها تشتري لعبه عائشه اللي متعرفش يعني ايه حب عائشه اللي ضحكتها كانت بتخرج من القلب
باختصار نفس ارجع لعائشه قبل ما تشوف محمد وتقع في حبه
لو كنت اعرف ان هيحصل كده عمري ما كنت حبيبته عمري ما كنت فكرت فيه أو في شخص غيره من الاساس لو كنت
اعرف ان الحب هيكسرني بالشكل ده كنت قفلت علي قلبي بميه ترباس بس للاسف محدش عارف مستقبله والحب مش بأيدينا والقلب لما بيحب حد بيلغي تماما صوت العقل !
وفي الخلفيه صوت عمرو حسن
أنا بتعاقب ليه على حبك
ديه حاجة الواحد ما اخترهاش
ملعۏن أبو قلبي اللي ندالك
واختار من دنيته وادالك
ملعۏن تركيزي في تفاصيلك
والظن اللي بييجي في بالك
ملعۏنة شوارع بتفكر
ملعۏنة صوابع بتسكر
ملعۏنة الروح اللي تبكر
وتقوم من النوم تحلم بيك
أقتلك ازاي
أفصلك ازاي عن خطواتي وظني وشكلي
حبيتك ليه وانت مشاكلي وضړبتي في الضهر
إديتك كل اللي مسبب فرحك
سيبتلي اللي يحسس بالقهر
حبيتك ليه !!
وفي يوم للاسف فتحت عيني وانا مش عارفه انا فين ولا ايه اللي حصل في الكام ساعه اللي غيبت فيهم عن الواقع
عائشه حبيبتي انتي فوقتي
قالتها ماما بلهفه وهي بتقرب مني وبتمسك ايدي
بصيت يمين وشمال بأستغراب وانا بسألها
انا فين
الدموع لمعت في عينيها وهي بتشد علي ايدي
انتي في المستشفي ياحبيبتي بقالك تلات ايام في غيبوبه
رديت پصدمه
تلات ايام !
هزت راسها وقعدت علي طرف السرير وهي بتلمس علي شعري بحنان
حمد لله علي سلامتك ياحبيبتي ربنا اخدلك حقك من كل اللي آذاكي
بصيتلها وقلبي بيدق پخوف
ا ايه اللي حصل
ماما بتوتر
هه م محصلش ا انا قصدي ربنا ياخدلك حقك منهم يارب
بصيتلها بشك وانا بكرر كلامي
ماما بقولك ايه اللي حصل
ماما وهي بتفرك ايديها بتوتر
ا احم م محمد
ضربات قلبي زادت وانا بسألها بصوت مهزوز
م ماله
اتنهدت وهي بتبصلي بحزن
في المستشفي عمل حاډثه
حطيت ايدي علي بوقي پصدمه
ح حاډثه
ماما بضيق
ربنا يشفيه بس ده حقك وحق اللي عمله فيكي هو والزباله صاحبتك
اتجاهلت كلامها وانا بسألها بلهفه
هو في أي مستشفي!
بصيتلي بذهول
وانتي عايزه تعرفي ليه
سندت
هو كويس
ماما وهي بتبصلي بذهول
بعد كل اللي عمله فيكي بتسألي عنه !!
عيطت اكتر بحرقه وانا بحط ايدي علي قلبي وبقولها بصوت مهزوز
ماما ارجوكي ردي
