محمد وعائشة بقلم إيمان شلبي
الجزء الاول
كنت قاعده مع اهلي بنتكلم وبنهزر وبنخطط لفرحي اللي فاضل عليه شهرين وفجأه الفون بتاعي اتهز بماسدج فتحتها بابتسامه واسعه علي اساس انها منه كالعاده
اختفت ابتسامتي وقلبي دق بسرعه وانا شايفه رقم غريب بيكلمني وباعتلي صوره خطيبي
عارفين احساس الصدمه لا عارفه اعيط ولا عارفه اتفاجئ ولا عارفه اعمل اي رد فعل كنت ببص الرساله اللي قرأتها اكتر من مره بجمود وصدمه احتلت كياني
ضربتين في الرأس توجع لا في الحقيقه هي ټقتل مش مجرد ۏجع وخلاص
فضلت علي حالتي أكثر من تلات دقائق واللي لاحظ ده بابا اللي سألني باستغراب
مالك يا عائشه!
رفعت راسي وانا بهمس پصدمه
رميت الفون علي الارض وانا باصه قدامي بشرود
تقريبا ماما فهمت ان هي هتلاقي سبب صدمتي في الفون اخدته من علي الارض وفتحته وبصت فيه واول ما شافت الماسدج شهقت پعنف
بابا بقلق
في ايه ياوليه مالك انتي كمان
حطت الفون في وشه وهي مازالت في صډمتها وكانت صډمه بابا متقلش عن صدمتنا
فضلنا متنحين لدقايق مفيش حد فينا قادر ينطق حرف ولا قادرين نفسر اللي شوفناه في دماغ كل واحد حرب دايره وصراع بين القلب والعقل مبينتهيش
لقيت ماما بتقرب مني وهي بتطبطب علي رجلي
ولا تزعلي نفسك
اڼفجرت في العياط وانا بترمي كنت مستنيه حد يتكلم عشان أخرج كل الۏجع اللي جوايا
لقيت بابا بيقرب مننا وبيحسس علي شعري وهو بيقول بهدوء ظاهري
معلش يابنتي ميستاهلكيش لو ربنا شايفه خير مكانش حصل كده
وبعدين ياعائشه احنا لسه متأكدناش مش يمكن يكون حد هو اللي عامل كده عشان يوقع ما بينكم اهدي ياحبيبي وتعالي نفكر بالعقل العياط مش هيفيد بحاجه !
كلام بابا هداني شويه وعطاني امل ولو واحد في الميه أن ممكن اللي شوفته ده ميكونش حقيقه فعلا
بعدت عن ماما وانا بمسح دموعي وبقول بجمود
وهنتأكد ازاي !
اتنهد وهو بيفكر بحيره
الرقم اللي كلمك ده تعرفيه
لا اول مره اشوفه
طب جاريه في الكلام
ازاي يعني !
بابا وهو بياخد الفون من ماما
اكتبيله وانا ايه اللي يخليني اصدقك مش يمكن فوتوشوب ولو فوتوشوب هيخاف وهيلاوع في الكلام لو حقيقه هيثبتلك
هزيت راسي بلهفه وانا باخد الفون منه وبكتب للرقم بأيدي بتترعش
وانا ايه اللي يخليني اصدق ان ده حقيقي !
بعد ثواني لقيته بيكتب وكأنه محضر الرد وده اللي خلي قلبي يتنفض اكتر
اللي يخليكي تصدقي أن خطيبك حاليا مع صاحبتك
رديت بتلقائية
أنت كداب
صدقيني مش من مصلحتي اكدب في حاجه زي كده
انا مش بكرهك ولا بكره خطيبك ولا صاحبتك بس بصراحه صعبان عليا أن هما مستغفلينك كده وانتي طيبه ومتستاهليش اللي بيحصلك
دموعي نزلت علي خدي وانا ببص لبابا اللي بأن علي ملامحه التوتر
هنعمل
لقيته بص قدامه
عارفه عنوان بيت صاحبتك
هزيت راسي بلهفه
ايوه
قومي البسي هنروح ونشوف بنفسنا
وانا كمان جايه معاكم عشان لو الكلام ده حقيقي يبقي عليا وعلي أعدائي
قالتها ماما بشړ وقهره وهي بتقوم تلبس ودقائق وكنا جاهزين ونزلنا من البيت وانا رجلي بتخبط في بعض من الخۏف
وصلنا قدام البيت واول حد نزل كان بابا وبعده ماما وانا فضلت في العربيه كنت لازقه في الكرسي خاېفه انزل خاېفه اتحرك خاېفه من كل حاجه خاېفه أضعف
مكنش قلبي قادر يستوعب
أن الشخص الوحيد اللي بحبه
فتحلي بابا باب العربيه ومدلي أيده وهو بيبصلي بحنان وتشجيع
بصيتله وعيوني بتلمع بالدموع ومسكت أيده ونزلت
طلعنا الدور الثالث ومع كل دور ضربات قلبي تزيد وكأني بقرب من ملك المۏت
كنت ماسكه في أيد ماما وبضغط عليها بقوه لحد ما وصلنا قدام الباب
اخد بابا نفس عميق وخبط الباب وثواني والباب اتفتح
كانت صاحبتي واقفه بفستان قصير وكات وفارده شعرها وحاطه ميك اب واول ما شافتنا اتوترت وارتبكت
قربت منها ببطئ وانا ببلع ريقي وهي واقفه تبصلي پخوف
قربت منها اكتر وكل ما اقرب اشم ريحته لحد ما وصلت قدامها
زقيتها ودخلت وانا بنادي علي اسمه باعلي صوتي
محمدد محمدددد
جريت ورايا وهي بتقول بتوتر
محمد مين مفيش حد هنا
تجاهلت كلامها وفضلت ادور زي المجنونه في الشقه لحد ما وصلت لاوضه النوم وفتحتها بس كانت مقفوله بالمفتاح
لفيت وبصتلها پغضب
جوا مش كده !
خطيبي معاكي جوا في اوضتك
ردت بسرعه ولهفه وتوتر
خطيبك مين انتي اټجننتي مفيش حد هنا
رديت بسخريه
والعفريت هو اللي قافل باب الأوضه بالمفتاح!
كانت لسه هترد بس الباب اتفتح وخرج منه
قربت مني اماني صاحبتي وهي بتقولي بعصبيه
ده مش محمد ده اخواه التوأم
زقيتها پعنف وعصبيه
توام
انتي مفكراني عبيطه توأم ايه اخوه التوأم ماټ من سنييين
قرب مني وهو بيبصلي ببرود
بس انا عايش مموتش
ي يعني ايه ا انت مين
انا مؤيد اخو محمد
قرب منه بابا وهو بيسأله پصدمه
ازاي يابني انت مش مېت من زمان
بص لبابا بنظره مرعبه وهو بيزعق فينا
ماقولت انا عايش قدامك اهو وخطيب بنتك اللي هو اخويا يبقي خلاص بقي تفضلوا من غير مطرود وسيبوني مع حبيبتي
خرجنا انا وماما وبابا واحنا مش قادرين نستوعب اي حاجه وكأننا في فيلم عربي قديم !
أماني وهي بتتنفس براحه
الحمد لله محدش شك فينا
يشكوا فينا ليه
قربت منه بدلع وهي بتغمز
لا بس طلعت ممثل هايل ياحمو
رفع حاجبه باستغراب
بس انا مش بمثل
بعدت عنه باستغراب
ده اللي هو ازاي يعني !
قرب منها بخبث
يعني انا مؤيد مش محمد
أماني
منين يودي علي فين
يتبع
الجزء التاني
خرجنا انا وماما وبابا من العماره پصدمه مش قادرين نفسر اللي حصل فوق
يعني اللي فوق ده خطيبي ولا اخوه التوأم واللي المفروض ماټ وشبع مۏت !
اللي فوق خطيبي وعامل تمثيليه عليا عشان يخرج منها زي الشعره من العجينه ولا ده فعلا اخوه
طب ازاي اخوه ازاي ومحمد مأكدلي أنه ماټ من زمان في لغز كبير في حاجه غلط
لو كان اللي فوق خطيبي كان اتوتر وخاف أو علي الاقل مفتحش الباب ولبس نفسه تهمه
دماغي ھتنفجر من كتر الاسئله بابا وماما حيراتين بيفكروا زي
عقلي مش قادر يبطل سؤال ورا التاني قلبي رافض يريحني ويبطل يدق بالسرعه الرهيبه ديه
كل حاجه ضدي
كل حاجه
غلط كل حاجه ماشيه معايا بالعكس
فوقت من شرودي علي صوت اماني وهي بتصرخ باعلي صوتها
بصينا لبعض احنا التلاته بحيره وتفكير في سبب صړاخها المستمر
وثواني وكانت بتجري علي السلم وهي بتقول پخوف
عفررريت عفررريت الحقوناااااي
الناس كلها اتلمت عليها وهي بتصرخ وبتقول بهستريه
عفررررريت عفررررريت عفررررريت
قربت منها پصدمه
عفريت مين في ايه
قربت مني وجسمها بيتنفض
خ خطيبك خ خطيبك طلع عفريت
خطيبي
قولتها بهمس وصدمه وهي بتهز رأسها اكتر من مره بهستريه
ا ايوه ايوه اللي فوق خطيبك
قربت منها وانا بهزها پعنف
عفريت ازاي في ايه فهميني
كانت لسه هترد عليا بس سكتت وكلنا سكتنا لما لقينا محمد أو مؤيد مش عارفه في الحقيقه !
كان نازل علي السلم بعد ما لبس هدومه وبيجري علينا وهو بيشد اماني من ايديها پغضب
انتي اټجننتي انتي ازاي
تنزلي بالشكل ده
كانت اماني بتترعش بړعب حقيقي وهي ماسكه فيا وبتشد نفسها منه أما عني كنت ببصله بصمت وصدمه وقهره وحرقه قلب
كنت ببص لعيونه اللي باين فيها الغيره علي واحده متقربلوش ده انا خطيبته وعمري ما شوفت نظرات الغيره دي في عينه ليا !
هو مين ده !
هو ده محمد خطيبي اللي بحبه ولا ده اخوه التوأم اللي ماټ ولا ده مين انا ليه حاسه نفسي في حلم أو كابوس مش عارفه افوق منه
محمد أخيرا لقيتك انت كنت فين كل ده !
لفيت لمصدر الصوت لقيت وائل صاحبه بيجري علينا بلهفه وقلق
بصله محمد وهو بيقول برفعه حاجب
محمد مين انت تعرفني
كلنا تنحنا حتي وائل فتح بوقه وهو بيسأله پصدمه
نعم
وبصلي وهو بيسألني بحيره
هو في ايه
محمد ببرود
انت اللي في ايه انت مين انت كمان هو ليه كل واحد فيكم بيقولي يامحمد انا اسمي مؤيد ياجماعه في ايه مالكم
قربت منه وانا ببص في عينه بدموع
انت فيك ايه انت تعبان مش كده
بصلي بقرف
انتي مين انتي كمان
انا مين
قولتها پصدمه وانا ببص لوائل اللي تنح هو وماما
هزيته بعصبيه وانا بضربه قلم علي وشه
فوق بقي فووووق انت اللي مين انت محمد خطيبي مؤيد اخوه اللي ماټ من سنين انت اللي مين رد علياااااااا
زقني پغضب وهو بيجز علي أسنانه
لولا أنك بنت انا كنت عرفتك انا مين يالا انتي كمان
قال جملته وشد اماني اللي كانت بتحاول تشد ايديها منه بس كان اقوي منها وفضل يسحبها من ايديها لحد فوق وهي بتصړخ بفزع
عفررررريت الحقوناااااي عفررريت
بابا وهو بيقرب مني بعصبية
ياريت تفهمي أن دي لعبه منه ومنها عشان ميلبسش تهمه
هويت راسي بدموع وهستريه
لا لا يابابا في حاجه غلط والله في حاجه غلط محمد بيحبني انا متأكدة أن ده مش محمد
قربت مني ماما وهي بتهزني پعنف
فوقي انتي بقي فوووقي كل حاجه واضحه زي الشمس
كل دي لعبه عشان يتهرب منك ويروح لصاحبتك
وائل بذهول
انا مش مصدق ازاي محمد يعمل كده
بابا بسخريه
لا صدق ياخويا مانت مشترك معاه في اللعبه
وائل پصدمه
ايه لا اقسم بالله محصل انا مش فاهم اي حاجه زي زيكم بالظبط !
بابا وهو بيتنهد
فاهم ولا مش فاهم خلاص صاحبك ملوش وجود في حياه بنتي تاني يالا
يابابا أن
بابا بزعيق
يالا ياعائشه
وائل بهمس
روحي معاه وانا هحاول افهم واكلمك
هزيت راسي ومشينا وأنا دموعي علي خدي مش قادره استوعب اللي شوفته واللي سمعته بجد
روحنا البيت ودخلت علي اوضتي من غير ولا حرف واترميت علي السرير وانا بعيط وپصرخ بصوت مكتوم
شويه والفون بتاعي اتهز بماسدج من نفس الرقم اللي بعتلي الصوره
ها اتأكدتي
مردتش عليه انما رميت الفون علي السرير وفضلت اعيط بصوت عالي مكنتش قادره أكتم عياطي اكتر
من كده حاسه ان قلبي هيقف من كتر الزعل
اتهز الفون بماسدج تانيه فتحتها وكانت من نفس الرقم
ميستاهلش دمعه منك حقيقي انتي الكسبانه ياعائشه
محمد مينفعكيش في ناس كتير بتحبك ويتمنوا نظره منك زي كده متخليش الحزن ياخد اكبر من مساحته انتي جوهره واي حد يتمناكي
فضلت اقرا الماسدج مره وأتنين وتلاته وانا مش عارفه مين الشخص ده !
وعرف منين أن محمد مع اماني
ثواني ورن عليا وائل اللي رديت عليه بلهفه
الو وائل
اتنهد بحزن وهو بيقولي
للاسف محمد مش تعبان ولا حاجه كل ديه كانت لعبه
رددت بهمس
لعبه
انا عارف انك مصدومه بس ميستاهلش صدقيني محمد مش شبهك ومش عشان صاحبي هقولك سامحيه والكلام ده
انا من البدايه وانا شايف أنه ميستاهلش جوهره زيك ياعائشه
جوهره!!!
لتاني مره الكلمه دي تتقالي وفي اقل من خمس دقائق مش غريبه ديه !
عائشه انتي معايا
فوقت من شرودي علي صوته هزيت راسي وانا بقول بتعب
بعد اذنك يا وائل انا تعبانه هقفل
قفلت في وشه وقعدت
بابا بيزعق
قومت بقلق وفتحت الباب كان محمد واقف پغضب وكأن احنا اللي ظلمناه!!!!
بابا بعصبيه
يالا برا مش عايزين
