رواية العشق المصراوي كاملة للكاتبة إسراء ابراهيم
انا عاوز اكتب كتابي علي نورهان الليلة
سيدة بتردد لع يا ولدي ميصحش اللي بتجوله ده
انس بتأكيد كامل عنده حق يا ماما وده اللي المفروض يحصل انا مش ههدم سعادة اختي عشان اراضي امي وتصرفاتها اللي ملهاش اي مبرر
بصله له كامل بفرحة ولمعت عينيه واتكلم يبجي خلينا نكتب الكتاب الليلة يا انس
انس وهو بيضحك انت مستعجل كدة ليه ولا انت جت مصلحة ليك لا خليها باذن الله يوم الخميس
عشان ده كتب كتاب اختي وبنتي حبيبتي ولازم يبقي يوم مميز
ابتسمت نورهان بدموع وهي ببتبص لاخوها ربنا يخليك ليا يا انس
حضنها انس وهو بيقول بحنية ويخليكي ليا يا نور عين اخوكي
كل ده بيحصل تحت نظرات
فاطمة الفخورة بجوزها وحمدت ربنا في سرها علي اختيارها ليه وحاولت وقتها تخفف عنه وتعدي جو التوتر
فاطمة بخبث احم احم نحن هنا علي فكرة ولا خلاص اكده مبجاليش مكان
ضحك انس بصوت عالي يا فطوم ده انتي نور عيني وحياتي كلها اقدر انساكي برضه
ابتسمت فاطمة بخجل وكانت فرحانة بكلام انس اوي بس بينها وبينه عملت نفسها لسة زعلانة وده لانها مقررة تراضيه بينها وبينه
بعد اسبوع كان يوم كتب كتاب كامل كان الكل في الجامع الكبير اللي جمب بيت انس كانو في مصلي السيدات
فاتن بحزن حقك عليا يا بنتي عارفة اني كسرت فرحتك بس انا كنت حاسباها غلط
نورهان بلهفة وهي امها انا اللي اسفة يا امي مزعليش مني والله كامل راجل كويس اوي وانتي بس اديله فرصة
فاتن بحب وهي بتبص لفاطمة مش هو بس اللي قررت اديله فرصة يا فاطمة لولا ان فاطمة جاتلي وقعدت تتكلم معايا وتحنن قلبي عليكي عشان احضر فرحك مكنتش عارفة هفوق لنفسي امتي كان كل همي ان انس ياخد بنت انا اختارها بس لما فكرت لقيت انها كان مستحيل تعمل ولا تستحمل اللي فاطمة عملته واستحملته مني سامحيني يا فاطمة يا بنتي
فاطمة بفرحة وحب وه العفو يا ماما ربنا يخليكي لينا
خلص المأذون لما قال جملته الشهيرة بارك الله لكما وبارك عليكما وجمع بينكما في خير و الزغاريط عليت
سيدة بفرحة دلوجتي بجي عندي تلات بنات يا نورهان الف مبروك يا بتي
خرجو كلهم برة واتفاجأ كامل وانس
نورهان بخجل
الله يبارك فيك يا كامل متتصورش انا فرحانة ازاي كنت سعيدة اوي اما بقيت مراتك بس زعلانة وقلبي مكسور ان امي مش جمبي بس دلوقتي خلاص انا اسعد واحدة في الدنيا وخصوصا لانك متخلتش عني زي ما وعدتني
كان كامل
في عالم تاني بيسمعها بقلبه بس مجرد
كلمات منها عزفت بيها علي اوتار قلبه وخلته متيم بيها اكتر واتمني لو تكون امام في بيته دلوقتي اقسم انه وقتها كان خباها بين ضلوعه ومش هيسمح لمخلوق انه يقرب منها لانها الملكة الوحيدة علي عرش قلبه
كامل بتنهيدة يا ريتنا كنا لوحدينا دلوجتي وانتي بتجوليلي الحديت ده عاد متعرفيش كنت عملت ايه وبعدين انتي بتجوليلي الحديت ده دلوجتي عشان حوالينا ناس خابرة احنا لو لوحدينا هتتكسفي ومش هتجولي حاچة
نورهان بخجل بصراحة اه مكنتش هقدر اقولك كل ده بجد ربنا يخليك ليا يا كامل
كامل بهيام ويخليكي ليا يا جلب كامل وعمره كله
كانو متابعين كامل ونورهان من بعيد انس وفاطمة اللي ماسكين ايد بعض وكأنهم انتصرو في معركة لحد ما همس انس
انس بهمس مش هتصالحيني بقي يا فطومتي
فاطمة بتكشيرة نعم وهو انا اللي زعلتك ولا ايه عاد بجولك ايه بلاش الشغل ده يا انس انا خابراك زين هه
انس بتمثيل انا يا بنتي ده انا غلبان والله هو بزمتك في عريس ينام لوحده الا لو غلبان
فاطمة بضحك ايوة وتستاهل علي فكرة عشان بعد كدة تبطل تخبط في الحديت هه
انس باستسلام وهو بيرفع ايديه لفوق حرمت يا بيه انتي بس حني عليا وخليني ارجع اوضتي
فاطمة بخجل اممم افكر وبعدين انا اخدت علي النوم براحتي بجي بص ممكن افكر يعني اخليك تيجي تبات جاري خميس وجمعة بس
انس برفعة حاجب نعم لا انا كدة هعمل اعتصام وهلجأ للقضاء العاجل ياااا ماما سيدة
فاطمة بسرعة يا مري خلاص اسكت هخليك ترجع تنام فيها وامري لله احسن امي لو عرفت مش بعيد تجتلني
انس بهيام بعد الشړ عنك يا قمري اومال انا روحت فين بس عموما انا كدة عرفت سكتك لو زعلتيني هروح لامك وهي هتجيبلي حقي
ضحكت فاطمة بخجل ووقتها انس اتنهد براحة وهو سرحان في عنيها
انس بهيام بحبك اوي يا فاطمة انا عمريما تخيلت ان العشق الصعيدي حلو كدة بس معاكي انتي حسيت بحجات عمري ما حسيت بيها
فاطمة بسعادة وانا كمان بحبك جوي يا انس ومكنتش اتخيل ان
تمت
