رواية العشق المصراوي كاملة للكاتبة إسراء ابراهيم
اسكربت
العشج المصراوي
يلا يا ماما هنتأخر كدة عالفرح يعني ينفع العريس يروح متأخر كل ده بتعملو ايه
خرجت فاتن امه وهي بتعدل طرحتها اللي بتلمع واتكلمت بسخرية في ايه يا انس مالك مسروع كدة ليه ده احنا لسه الضهر
قالت كدة وراحت قعدت علي الكرسي ببرود
انس بتكشيرة يا ماما انتي ناسية اننا مسافرين الصعيد يعني وقت طويل جدا يدوب علي معاد الفرح وانتي عارفة ان افراحهم بتبقي بدري لو سمحتي يلا ورفع صوته وكمل نورهااااااان اخلصي
خرجت نورهان وهي لابسة فستان سواريه رقيق مع الطرحة فكانت قمر
نورهان بسرعة والله يا قاسم انا جاهزة من بدري بس ماما اللي كانت مجهزتش
فاتن وهي تلوي بؤها يعني ياخويا رايح للسفيرة عزيزة معرفش مالهم البنات اللي هنا خلصو يعني مفيش غير الصعيد ورايح تجيبلي منها
انس پغضب يوووووه احنا مش هنخلص بقي من الموضوع ده يا امي انا تعبت امتي بقي هتفهي انها خلاص بقت مراتي يعني تخصني واللي بتعمليه ده يمسها قبل ما يمسني امي فاطمة بنت كويسة جدا صدقيني اما تعاشريها هتعرفي وكفاية انك تبقي عارفة ان دي اللي قلبي اختارها مش يهمك ان ابنك يكون مبسوط اهي هيا دي بقي اللي هتسعدني .
فاتن بقلة حيلة يابني ربنا يسعدك يلا عشان منتأخرش عالناس
كل ده ونورهان واقفة وبتبص لامها بحزن لانها عارفاها وعارفة ان كلام انس اخوها مش هيفرق معاها ولا هيأثر عليها ودعت ان الليلة تعدي علي خير
في الصعيد تحديدا في بيت فاطمة
كانت واقفة بتعدل فستانها بفرحة لحد ما دخلت سيدة امها عليها
سيدة بابتسامة الف مبروك يابتي تعالي رايداكي في كلمتين
فاطمة بحب حاضر يما انا جعدت اهو جوليلي بجي في ايه
سيدة بعقل
باست فاطمة ايد امها بحب ربنا يخليكي ليا ياما
سيدة بجدية اسمعيني حماتك تبجي امك وجوزك بجي اهلك وناسك لو سمعتي كلامه هيشيلك علي دماغه العمر كله كلمة حاضر ونعم بتريح ومهما حوصل اوعي تحكي مشاكلك بينك وبين چوزك لحد مشاكلكو تتحل وسطيكو واوعي يا فاطمة في يوم تعلي صوتك عليه ولا تزعجي انتي متربية والبنتة الزين يا بتي هيا اللي تحافظ على بيتها وچوزها انتي هتجعدي في مصر يعني هتبجي لحالك عايزاكي تبجي بت بمېت راچل وتشيلي چوزك وبيتك ومتجصريش معاه وفي حاچة كمان مهمة حماتك يا فاطمة مش سهلة انا عارفة انها صعبة من يوم كتب الكتاب لما جاتلك اهنه وشوفت معاملتها معاكي كيف ونظراتها عرفت انها مش سهلة وكويس انك هتجعدي لحالك مش معاها في الشجة اينعم فوجيها بدور بس ميجراش حاچة المهم تكوني بعيدة عنها واللي مطمني ان انس بيحبك وهيصونك يا بتي بس اوعاكي يا فاطمة تشتكي كل شوية الراچل يا بتي ملوش طولة بال خليكي صبورة وخليها تحبك بأخلاجك وطيبتك انا متوكدة انها هتحبك .
فاطمة پخوف حاضر ياما والله هعمل اللي جولتيهولي بالحرف ده انا تربيتك برضك يا ام كامل
قالت فاطمة كلامها وهي من جواها مړعوپة لانها عارفة حماتها كويس وعارفة انها پتكرها وبتغير عليها من انس انتبهت فاطمة لتليفونها اللي رن وكان انس
سيدة بابتسامة ردي علي چوزك يا بتي هسيبك انا واشوف اللي ورايا
ردت فاطمة بفرحة الوو انس كيفك
انس بهمس وحشتيني
وكمل انس بصوت عالي احم انا خلاص في السكة قولت اطمن علي عروستي عاملة ايه
فاطمة بضحك وانت كمان
وانا زينة
انس بهيام ماشي
يا
حبيبتي لو في اي حاجة كلميني وانا لما اقرب هرن عليكي اقؤلك
كانت فاتن امه متابعاه بغيظ وبتقول بصوت واطي بس وصل لنورهان بنتها كلت عقله بنت سيدة ماشي ان ما وريتك
سمعت نورهان كلام امها وكانت مخڼوقة اوي وافتكرت كامل اخو فاطمة اللي اعجبت بيه من اول ما شافته من وقت خطوبة انس ولما اتقدم ليها فرحت اوي بس للاسف رفضته لانها خاېفة ان سيدة امه تطلع زي امها وده لانها شايفة معاملتها الۏحشة مع فاطمة وعشان كدة اتحجتت وقالت لاخوها انها رافضة العيشة في الصعيد
بعد فترة وصل انس مع والدته واخته واصحابه اللي كانو جايين بعربيتهم الخاصة واول ما وصلو قابلهم الحج عرفة ابو فاطمة وكامل كمان اللي كان بيخطف نظرات لنورهان
عرفة بوداهلا وسهلا نورتو البلد يلا يا كامل وصل الست والمزميل عند الحريم چوة
كامل بابتسامة حاضر يا بوي اتفضلو نورتو بلادنا اتفضلو الحريم اهنه ونده بصوت عالي ياما تعالي اهل انس وصلو
خرجت سيدة وهي بتزغرط وبترحب بيهم بحرارة اهلا وسهلا يا نهار ابيض يا ام انس نورتي ياختي اتفضلي اتفضلي يا حبيبتي وانتي يا جمرايا منورة ما شاء الله عيني عليكي باردة يا بتي يحميكي ربنا ونفرح بيكي
فاتن اتكلمت بضيق متشكرين
بصت سيدة لكامل ابنها بتوتر ودعت لفاطمة ان ربنا يسترها عليها من حماتها دي
نورهان باحراج والله البلد منوره بيكو يا طنط احنا سعداء جدا اننا جينا هنا عندكو بصراحة شرف لينا والله ان انس ياخد فاطمة استاذ كامل بس ممكن تعرفني فاطمة فين انا عايزة ابقي معاها قبل ما تنزل
كامل بهدوء واعجاب طبعا اتفضلي
نورهان بادب استأذنك يا طنط اطلع لفاطمة ممكن
ردت سيدة بتأكيد طبعا يا
كامل كان ماشي مع نورهان ومتردد انه يتكلم لحد ما اتشجع فوقف فجأة وبصلها
كامل بسرعة اسمعيني يا بت الناس انا يعلم ربنا نيتي من ناحيتك واني شاريكي بالحلال انا خابر انك رفضتيني بس انا من وجتها وانا هتجنن رايد اعرف انتي رفضتيني ليه
نورهان مكنتش عارفة تقول ايه لكامل كانت مخڼوقة اوي محتارة تقوله ان السبب خۏفها من ان امه تطلع شبه امها وتعاملها وحش كدة زي ما امها بتعامل فاطمة فسكتت نورهان بحزن وهي باصة في الارض
كامل بتنهيدة انا بس رايد اعرف انتي رفضتيني لشخصي يعني مش جابلاني وجتها مش هجول حاجة لان الجلوب مش بيدنا يا نورهان ولا يعني اكمنك انتي تعليم عالي واني حيالله دبلوم
نورهان بلهفة لا يا كامل مش كدة خالص انت تتمناك اي بنت والله
كامل بابتسامة طيب افهم بجي رفضتيني ليه
نورهان بخجل بص يا كامل انا رفضتك مش لشخصك انا بس يعني بصراحة مش هقدر اعيش في الصعيد لاني واخدة علي عيشة مصر وانتو هنا بتعملو حجات كتير انا مش هقدر اعملها لكن مش لشخصك
كامل بلهفة لو هو ده السبب يبجي بسيطة صدجيني انا وياكي ومټخافيش من حاجة واصل ولو علي العيشة اهنه انا مستعد اتجوزك ونجعد في مصر لحد ما تتعودي وتطمني ونبجي نعاود
ابتسمت نورهان بسعادة لانها مكنتش متخيلة ان كامل متمسك بيها اوي كدة ووقتها كامل حس بامل واتنهد براحة
كامل بابتسامة انا بعد الفرح ما يخلص هكرر طلبي ليدك يا نورهان وهستني ردك ولو رفضتيني المرادي هفهم انك اكده مش رايداني خالص ووجتها اوعدك اني اخرج من حياتك للابد
نورهان بخجل طب ممكن توديني
لفاطمة بقي
كامل بسعادة طبعا يا جمري يلا تعالي
.
في مجلس
الحريم كانو
بيرقصو البنات
