اسكريبت خيانتك سبب عشقي بقلم اسراء ابراهيم

عنه هيرضي ولو مرضيش هرفع عليه قضية واخلعه انا خلاص مبقتش باقية علي حاجة يا ماما وهو عمل كل اللي يخليني اكرهه وفعلا بقيت بكرهه ومش هرتاح الا لما اخد حقي منه
عبير بقلق ربنا يستر يا فرح يا بنتي ماجد جوزك عندي ومش هيرضي يطلق بالساهل
نجلاء بسخرية نععععم يا حبيبتي وبنتك بقي كمان ليها عين تطلب الطلاق صحيح عجايب 
عبير پغضب احترمي نفسك يا ام ماجد واعملي حساب ان بنتي دي اللي بتتكلمي عليها وبعدين هي خلاص مش عاوزة ابنك ايه هو عااافية ولا ايه 
نجلاء ببرود لا يا حبيبتي مش عافية بس المفروض بنتك تحمد ربنا ان ابني رضي بيها بعد ما عرف انها مبتخلفش لكن كمان تطلب الطلاق لا جديدة دي 
عبير بغيظ اما انتي ولية لسانك متبري منك صحيح طب بصي بقي يا نجلاء ابنك اللي فرحانة بيه وطالعة بيه السما ده واللي مكنش يحلم يطول بس ضفر بنتي احب اقولك ان بنتي كانت مستحملة وساكتة عارفة انه مبيخلفش ومرضيتش تقول عشان متكسروش بس واضح انه تربيتك فلازم يطلع شبهك فيستاهل انها تسيبه وخلي بقي ياختي الغندورة اللي اتجوزها تنفعه وبنتي هيطلقها ڠصب عنه سواء رضي ولا مرضاش وقوليله بقي يا حبيبتي لو مرضاش هنرفع عليه قضية وهنخلعو فانتي بقي ياختي ادري بمصلحة ابنك ونصيحة مني عشان الفضايح تقوليله يطلقها بالمعروف كدة 
كانت نجلاء بتسمع كلام عبير وهي مصډومة ومش مستوعبة اللي هي قالته ليها
نجلاء پصدمة انتي بتقولي ايه انتي كدابة وبنتك كدابة انا ابني راجل والعيب من بنتك
عبير ببرود والله التحاليل مبتكدبش وابقي اسألك ابنك ماهو انا مقولتلكيش ما هو الواطي طلع كان عارف وخبي علي بنتي عشان بتجوز السنيورة اللي كان بيحبها بحجة الخلفة بس ربنا كريم وقادر ينتقم منكم كلكم علي اللي عملتوه في بنتي ولاخر مرة هقولهالك لو ابنك مطلقش بالزوق ھفضحه في الشارع كله يا نجلاء وبراحتكم بقي يلا من غير سلام
مشيت عبير بعد ما خلصت كلامها ووقفت نجلاء مصډومة من اللي سمعته وكانت بتتمني من جواها ان كلام عبير يطلع غلط وفجأة انتبهت لنفسها فراحت بسرعة علي باب الشقة وفتحت الباب وهي في قمة ڠضبها
كان قاعد ماجد وباين عليه انه مضايق وعقله مشغول لحد ما قربت منه مريم پغضب
مريم پغضب ممكن اعرف بقي انت عامل كدة ليه اسبوع من وقت ما الهانم ڠضبت وطلبت الطلاق وانت علطول زعلان وباين عليك انك مضايق ليه كل ده هو مش ده اللي كنت عاوزه 
ماجد باندفاع لا مش هو ده يا مريم انا اه بحبك واتجوزتك عشان كدة بس برضه فرح مراتي الاولانية وبحبها هي كمان
مريم پغضب خلاص يبقي طلقني وروحلها يا ماجد انا اصلا كنت مخدوعة فيك وهمتني اني حبك الاول والاخير وفي الاخر طلعت بتحبنا احنا الاتنين ويا عالم كمان مين تاني
ماجد بلهفة لا يا مريم مش هطلقك طبعا صدقيني انا بحبك وعمري ما ندمت اني اتجوزتك بس دي فرح يا مريم انا نفسي مكنتش متخيل اني متعلق بيها اوي كدة
مريم بغيظ انا بجد مش عارفة ازاي وافقت اتجوزك وازاي موافقة اسمع منك كل الكلام ده عن واحدة تانية بس انا عارفة اني عشان غبية بعمل كل ده
قطعت مريم كلامها لما سمعت جرس الباب
وصوت نجلاء العالي فجريت هي وماجد واول ما فتحت الباب دخلت نجلاء بصوتها العالي وهي بتبص لماجد 
نجلاء پغضب يا سلام يا حبيبي حضرتك هنا نايم في العسل وانا محروق دمي هنا مش كدة 
ماجد بسرعة في اي بس يا ماما ليه بتقولي كدة
نجلاء بجمود هو سؤال واحد يا ماجد وترد عليا حالا والا يمين بالله يومك ما هيعدي انت فعلا العيب منك مش من فرح وكنت عارف ده وخبيت عليا انطققق
ماجد بتوتر انتي مين اللي قالك الكلام ده 
نجلاء بصوت عالي حماتك يا حبيبي جت هنا وفضحتك وقالتلي ان مراتك طالبة الطلاق ياما هيرفعو عليك قضية قولي بقي ليه هتكدب في حاجة زي دي رد عليا 
ماجدة پغضب طلاق مش هيحصل انا مش هطلق فرح ولو ايه اللي حصل
نجلاء بتهتهة يعني متفاجأتش باللي قولته قبل ده يبقي صح مش كدة انت كدبت عليا يا ماجد خلتني ليل نهار ازل في البت واكسر خاطرها اتاري البت تقولي بثقة ايه اللي مأكدلك ان العيب مني وحتي مفكرتش تفضحك وتقول الحقيقة تصدق البت دي رغم اني مكنتش بحبها بس طلعت بنت اصول عملت اللي انت يا راجل معملتوش
ماجد بتوتر وفيها ايه يا ماما انا مغلطتش انا اتجوزت علي سنة الله ورسوله مهما كان السبب بقي
نجلاء بسخرية وكمان ليك عين تبص في وشي وتقولي حصل صحيح بجح بقي يا ناقص تبقي عارف ان العيب منك وتضحك عالبت وتقنعها ان العيب منها وكمان تتجوز عليها حبيبتك الاولانية ايه الجبروت ده وكمان مش عاوز تطلقها وانتي يا حلوة كنت عارفة كل ده ولا ضحك عليكي انتي كمان 
مريم بتوتر انا كنت عارفة اه هو قالي قبل ما نتجوز وانا قولتله اني مش فارق معايا الخلفة
نجلاء بسخرية مش فارق معاكي الخلفة عشان خلفتي قبل كدة من جوزك الاولاني يا حبيبتي ورمتيه لامك عشان تتجوزي ابني ابني اللي مطمرش فيه اللي عملته مراته معاه وراح كسرها بالشكل ده اسمعو انتو الاتنين انا مش عاوزة حد يوريني وشه فيكم تاني وانت يا ماجد هتطلق فرح والا اعرف ان ملكش ام كفايا بقي اللي عملتو فيها سيبها تعيش حياتها مع واحد يستاهلها
ماجد بعقل مغيب لا يا امي فرح مش هطلقها دي مراتي وانا هعرف اصالحها وارجعها انا متأكد انها بتحبني بقي انا اسيبها لراجل تاني ده لا يمكن يحصل ابدااا
مستر مروان في واحدة عاوزة حضرتك برة بتقول قريبتك
مروان باستغراب قريبتي طب خليها تدخل
دخلت فرح وهي باين عليها الخۏف والتوتر واول ما شافها مروان استغرب وقام وقف وهو بيمد ايديه ليها
مروان بابتسامة اهلا بحضرتك نورتي مكتبي اتفضلي
فرح باحراج وهي بتبص لايد مروان متشكرة لحضرتك انا عارفة انك مش فاكرني
مروان باحراج وهو بيسحب ايديه اانا السكرتيرة قالتلي انك بلغتيها بانك قريبتي وانا للاسف مش واخد بالي منك
فرح بهدوء انا ابقي مرات مروان ابن عمتك نجلاء واحنا اتقابلنا قبل كدة في فرح اختك هبة
مروان وهو بيفتكر يا خبر اه طبعا افتكرت اسف جدا بجد بس يعني عشان هي مرة واحدة اللي اتقابلنا فيها اهلا بيكي تشربي ايه الاول 
فرح بتردد لا لا انا مش هشرب حاجة لاني مستعجلة انا بس كنت جاية لحضرتك في طلب واتمني انك تقدر تساعدني
مروان بقلق طبعا