رواية الخائنة كتابة حماده هيكل
المحتويات
يا بختك ياعم هتتهنى بالجمال دا كله لوحدك!
يتبع
الخائنة
الجزء_الثالث_والرابع
_صلاح أنت مال وشك أتغير ليه كدا
_عايزة تعرفي في ايه ..اتفرجي يا هانم
فتحت دينا عيونها وهي مش مصدقة
_الكلب الحقير ..انا مش قولتلك انه
زعقت فيها
_قولتيلي ايه
_ايه الصورة دي ووصلته أزاي
_معرفش
_صورتك دي ولا مش صورتك
_ايوه صورتي ..بس الوش بس..دي تركيب على فكرة
_اه ما هو دا المتوقع لازم تقولي انها تركيب ..فوتوشوب
والمغفل صلاح يصدقك طبعا
سبتها ومشيت وانا عفاريت الدنيا كلها بتتنطط في وشي
أزاي دينا البنت الجميلة المحترمة تخدعني المدة دي كلها
طبعا الخطوبة اتغلت وأمي دخلت سألتني ليلتها
بعد ما كنت متعصب وبزعق جامد
_ممكن تهدي يا ابني وتقولي في ايه مالك
_مفيش يا أمي ..كل حاجة قسمة ونصيب
_طيب عرفني ايه اللي حصل ..انت النهاردة الصبم كنت خارج ومبسوط والدنيا مش سايعاك من الفرحة
عرفني ايه اللي حصل
_صعب أني اتكلم يا ماما
_ليه انت شوفت منها حاجة وحشة
_لا طبعا ..ايه الكلام دا
_طيب في ايه ..انا هتجنن وابوك من بدري عايز يعرف منك ليه لغيت الخطوبة وانت مفيش على لسانك الا كل حاجة قسمة ونصيب
_وانا مش هقدر أقول أكتر من كدا يا ماما
ولو سمحتي سبيني لوحدي دلوقت
في نفس الوقت دينا كانت منهارة جدا ..الموقف كان صعب عليها وسط اهلها وصحباتها ..والكل كان مستغرب ايه اللي
حصل ..حاولت تكلمني كتير..عملتلها بلوك ع الفيس والواتس وحطيت رقمها في البلاك ليست ..ومعرفتش توصلني خالص
عدا أكتر من اسبوع ولقيت هدى أختي دخلت عليا الأوضة
_ممكن ادخل يا صلاح
_انتي دخلتي خلاص..تعالي يا هدى
_أنا مش هسألك أيه الي حصل لأني عرفت اللي حصل خلاص
_عرفتي!!..عرفتي أزاي ومن مين
_
_هي كلمتك!
_ايوه وعرفتني كل حاجة
_وليها عين الخاينة دي ..قوليها أنسي اخويا خال...
_لو سمحت ممكن تسمعني
_خير
_البنت مظلومة يا صلاح وانت أتسرعت في حكمك عليها
_يا سلام ..هي عرفت تاكل عقلك وتصدقيها
_أنا صدقتها بعنيا يا صلاح مش بعقلي
_يعني أيه
_الصورة اللي بعتهالك الكلب دا فوتوشوب ..اه وشها
بس مش جسمها
_يعني ايه
_هي كلمتني وطلبت مني اروحلها البيت عشان تثبت لي أن الصورة دي فايك
_أزاي يعني
_الصورة اللي بعتها دا..لبنت عندها حسنة في منطقة تحت رقبتها بشوية ..هي خدت بالها يومها في الكافية
وقررت أنها تثبت دا ليا لما دخلت أوضتها..وفعلا مفيش حسنة عندها في المنطقه دي خالص
طلعت الصورة من الفون والحمدلله اني مكنتش حذفتها
وتأكدت من كلام اختي لما شافت الصورة وقالت
اهو البنت عندها حق..وانا كنت مصدقاها قبل ما اشوف الصورة حتى..لأني واثقة في أخلاقها جدا
معرفتش أرد على أختي ..وسكت
_ها سكت ليه بقى دلوقت
_طب هي ليه مقالتش كدا ساعتها يعني
_لانك كنت عصبي جدا.. وانا عارفاك لما تتعصب بتبقى مش دريان بنفسك ..وكمان كانت هتثبت دا أزاي ليك يعني وانتوا لسه متجوزتوش !!
حسيت أد أيه انا كنت غبي وظلمتها وشكيت فيها
كان لازم أسمعها وأديها فرصة تدافع عن نفسها
كنت هطير ليلتها من الفرح ..وحضنت اختي
وشكرتها على انها عرفتني الحقيقة
وطلبت مني أروح بكرة اعتذر لدينا ونحدد يوم تاني الخطوبة في أسرع وقت
_طبعا يا حبيبتي ..دا أنا الود ودي أروحلها دلوقت ..بس الوقت اتأخر انا هكلمها
_سيب الموضوع دا عليا انا هكلمها الاول وامهد الطريق
وانت ابقى كلمها بكرة..أستحالة هترد عليك الليلة
هترد وهتشوفي
أتصلت بيها كتير لكن هي مردتش ..بعتلها رسائل بعتذر
بس هي عندها حق بصراحة..اللي عملته مكنش سهل
لما اشوف الكلب دا أنا هعرف أربيه واخلية يندم على اللي عمله معايا
فضلت أكتر من أسبوع بحاول اوصل لدينا لكن معرفتش
وفي الآخر قررت أني أستناها قدام الشغل
رفضت تقف معايا او تكلمني حتى..
لكني اصريت وقعدت معاها واعتذرت ليها عن الي حصل وطلبت منها اننا نحدد يوم تاني عشان الخطوبة
طلبت مني اسيبها وأديها شوية وقت عشان تنسى الي حصل أحترمت رغبتها جدا ..وفضلنا على الحال دا لحوالي شهر
وفي ليلة كنت راجع مبسوط ..بعد ما اتفقنا على يوم نتخطب فيه والامور بينا رجعت تاني لطبيعتها
بعد ساعة تقريبا لقيت رقم كريم بيتصل عليا
_أنت عارف أنا لو شوفتك أنا هعمل فيك..
_أهدى بس على نفسك..أنت أكيد صدقتها طبعا
بالفيلم اللي عملته عليك دا..
_قصدك ايه
_دي ممثلة بارعة يا أستاذ ..بس انت اللي شكلك غلبان وبتاكل من الكلام دا ..عايز اقولك أن الصورة اللي بعتهالك
قبل كدا هي صورتها فعلا .
خصوصا وانها كانت بتقولي انها مش عجباها وانا كنت حاببها عليها جدا
_أنت لو راجل قولي انت فين وانا اقسم بالله ما_هسيبك
_يا سيدي روق العصبية مش هتنفعك
_انا دلوقت هبعتلك اللي يأكدلك انها كدابة
_أنت لو..
قفل السكة في وشي وبعد دقايق وصلتني رسائل منه
فيها صور ليها ..صور عادية هي كانت بعتتها ليها
قبل كدا ..يعني مش فوتشوب ولا حاجة
لأني شوفتها قبل كدا ..والأهم أنه بعت فويس بصوتها وهي
بتقول أنا بحبك يا كريم بجد ونفسي اكمل عمري معاك
يتبع
الجزء_الرابع_والأخير
_انا دلوقت هبعتلك اللي يأكدلك انها كدابة
_أنت لو..
قفل السكة في وشي وبعد دقايق وصلتني رسائل منه
فيها صور ليها ..صور عادية هي
قبل كدا ..يعني مش فوتشوب ولا حاجة
لأني شوفتها قبل كدا ..والأهم أنه بعت فويس بصوتها وهي بتقول أنا بحبك يا كريم بجد ونفسي اكمل عمري معاك
الصور صورها والصوت صوتها أنا واثق ومتأكد مليون في الميه إستحالة تقدر تنكر بعد كدا.. بس ليه هي بتعمل دا
هي لو بتحبه طب ما تتجوزه ولا يتحرقوا مع بعض
انا ليه تخدعني وتلعب بمشاعري
حسيت ساعتها بأني لو شوفتها قدامي أني ممكن اقتلها
وحمدت ربنا أني أكتشفت خيانتها قبل الجواز
لان وقتها كانت هتبقى الصدمة أقوى
بعدت عنها وقررت اني انساها خالص وأطلعها من حياتي
أستغربت طبعا من رد فعلي لما تجاهلت أتصلاتها
ورسايلها ..وكانت هتتجنن..ايه الي حصل وغيرني كدا
شكت أن كريم عمل حاجة تاني من وراها وأن دا أكيد السبب اللي غيرني من ناحيتها
مع الوقت دينا يأست مني وبعتت رسالة قالت فيها.
_واضح أني رخصت نفسي أوي معاك
تبعد وتقرب على مزاجك..انا معرفش ايه قلبك فجأة كدا من آخر مرة كنا فيها مع بعض واللي كنا قررنا فيها معاد عشان الخطوبة ..مبقتش مهتمة أعرف في ايه ..لأنك حابب تنهي اللي بينا وبتصدق أي حاجة واكيد كريم بعتلك رسايل هبلة تاني وصدقته ..زي ما صدقته قبل كدا..بس مش من الرجولة انك تنسحب وتخاف من المواجهه
رسالتها دي أستفزتني جدا ..فقررت ابعتلها الصور والفويس اللي بعته ليا كريم
واتصلت ليها بعدها وقبل ما تتكلم قولتلها
_أنا مش عايز اسمع منك ولا نفس ..انا كنت هنهي علاقتنا وفي شوية أحترام جوانا لبعض ..بس واضح انك مصممة أجرحك ..ولو أن دا مش جرح..دي حقيقة
أنتي إنسانة حقيرة وكدابة وانا ندمان على كل دقيقة عرفتك فيها واتمنى لو يرجع بيا الزمن عشان مكنتش هبصلك حتى
أنتي خلاص ملكيش مكان
_صلاح لو سمحت
_مش هسمعك..كل حاجة واضحة ومفيش مجال لأنك تمثلي دور البريئة من تاني..ربنا يسامحك على اللي عملته فيا
قفلت
متابعة القراءة
