حكاية سوزان
وفي يوم بنت خالتي كانت رايحه تحضر فرح بنت عمتها في نفس البلد بتاعت حبيبي .. قولت لها تاخدني معاها .. عادي انا وبنت خالتي قريبين من بعض وبنروح مع بعض في كل مكان
وفعلا سافرت معاهم .. بنت خالتي كانت عارفه كل حاجه عن حبيبي وعلاقتي بيه وكانت بتشجعني اشوفه
وفعلا سافرنا وكنت طول الطريق فرحانه جدا .. اخيرا هشوف حبيبي واقابله وجها لوجه.. انا مش مصدقه نفسي.. اخيرا؟
هو لما عرف اني وصلت نفس البلد عنده فرح جدا وقال لي لازم نتقابل واشوفك
وفعلا تاني يوم خرجت انا وبنت خالتي وبنت عمتها وقولنا لهم في البيت اننا رايحين نشتري حاجات للفرح .. لبست احلي لبس عندي.. وجهزت نفسي .. وحطيت ميك اب..بس طبعا مفيش ميك اب ينفع يداري الحبوب الي في وشي دي
خرجت مع البنات وكنت ماشيه حاسه ان قلبي هيخرج من صدري من كتر الفرحه اني اخيرا هشوفه
وصلنا المكان الي متفقين نتقابل فيه .. وقولت للبنات سيبوني
دخلت الكافيه وشوفته قاعد بعيد جوه
مشيت وانا بقدم رجل وااخر رجل وقلبي صوت دقاته طالعه بره صدري
اول موصلت عنده قام وقف وسلم عليا وشوفت علي وشه انه اتصدم .. قعدت وقال لي عامله ايه واخبارك ايه.. كان بيكلمني وهو مذهول.. سالته .. مالك؟ في حاجه؟ .. قال لي لا لا مفيش
وسكت شويه وبعدين سالني.. وشك ماله؟ ..
باقي حكايه سوزان
اتصدمت وحطيت ايدي علي وشي من غير محس.. وقولت له ماله وشي؟ شويه حبوب وهيروحو لحالهم
قال لي هيروحو لحالهم؟ انتي واحده كذابه
صورك الي كنتي بتبعتيها لي ملهاش علاقه بالي قاعده قدامي دي خالص..انتي مش شايفه وشك عامل ازاي؟ .. مش بتبصي في المرايه قبل متخرجي؟... كان بيقول الكلام ده وهو بيبص لي بقرف وانا مش مصدقه الي بسمعه.. قولت له بقي انا جايه من اخر الدنيا علشان تسمعني الكلام ده؟.. اتصدمت مش مصدقه الكلام
قال لي روحي ياشيخه منك لله علقتيني
بيكي وخدعتيني.. هو انتي مشوفتيش وشك عامل ازاي؟.. وقام مشي وسابني
فضلت قاعده مكاني في الكافيه مش عارفه اتحرك.. شويه لقيت البنات جايبن
اول مشافوني قالو لي مالك في ايه؟ .. حكيت لهم الي حصل.. بنت خالتي قالت انا من الاول مكونتش مطمنه علشان كده ممشيناش فضلنا واقفين بره الكافيه بنتابع وشوفناه وهو بيتكلم معاكي ويشوح بايده بعصبيه.. حكيت لهم الي حصل وانا بعيط
قولت لهم قال لي انتي مبصتيش في المرايه؟ هو انا وحشه اوي كده؟... بنت خالتي وهي بتعيط وقالت لي انتي مش وحشه.. هو ميستاهلش حبك ده واحد بيبص للمظاهر بس متشغليش بالك بيه ولا تزعلي عليه
رجعنا البيت وحضرنا الفرح.. كنت مكسوره وزعلانه مكونتش حاسه باي حاجه حواليا
ندمت علي اليوم الي شوفته فيه..ندمت علي الوقت الي ضيعته معاه.. ندمت علي مشاعري الي مقدرهاش
انا طبعا غلطانه اني
بعد مرجعت بيتنا فضلت مكتئبه شويه وبعدين صممت انزل الشغل تاني ونسيت التجربه المره دي
وبعد فتره قابلت شخص حبني لروحي وشخصيتي مش لشكلي الخارجي .. واتجوزنا .. وعيشت معاه اجمل قصه حب واحنا دلوقتي معانا طفلين
والمفاجاه ان وشي بقي صافي مفيهوش اي اثر للحبوب بعد متجوزت وعديت فتره المراهقه وطلع كلام امي صح .. الحبوب دي بتاخد وقتها وتروح..
انا دلوقتي بحمد ربنا علي جوزي.. وعايزه اقول لكل بنت بلاش ترسمي صوره مختلفه عن الواقع بتاعك .. عيشي واتصرفي دايما بطبيعتك والي بيحبك هيحب شخصيتك ويتقبل عيوبك بمنتهي البساطه لان مفيش حد كامل .. كل واحد فينا عنده عيب او نقص في حاجه معينه.. الانسان العاقل مبيبصش للمظاهر واهم حاجه عنده الشخصيه والطباع .. لكن الشخص الي باصص لعيوبنا ومش شايف مميزاتنا ..
