اسكريبت ايه حمام

الجمعة 01/أغسطس/2025 - 06:38 م

مش طبيعية وعندي شعور إني حامل بس مش متأكدة ومش راضية أجرب الاختبارات لإن أوقات كتير بتكون كاذبة ومش عايزة أعشم نفسي وأعشمه على الفاضي.
_مبارك يا فندم المدام حامل.
كنا عند الدكتور وبعد ما كشفت عليا وجاوبت على كل أسئلتها قالت كدا وبرغم إني كنت حاسة إلا إني إتفاجأت برضه وحسيت شعور غريب بعد جملتها دي.
أما هو فضل يستوعب لدقيقتين قبل ما يمد إيده ويمسك إيدي ويبص لي بسعادة ضغطت على إيده بخفة ورجعت انتبهت للدكتور وتعليماتها قبل ما نخرج.
_أنت عارفة أنا فرحان إزاي أنا عمري ما حسيت كدا!
_أنا نفسي أشوفه غيث نفسي يطلع شبهك في كل شيء!
_أنا نفسي يكون بخير وتكوني أنت بخير ومش عايز حاجة تانية.
مسكت في دراعه وميلت براسي على كتفه ف إتكلم هو تاني
_نفسك تاكلي إيه فيه حاجة عايزاها دلوقتي
_معرفش الوحم بيكون إمتى بس أنا دلوقتي نفسي أوي في ورق عنب وسمبوسك بالجبنة!.
_لاء كدا دلع وإستغلال بقا أنا بقول تنامي أحسن.
ضحكنا بخفة فعلا وأنا بعد الثواني بكل اشتياق ومستنية اللحظة ال هشيل ابني أو بنتي منه بين إيدي!
_آية..
_إيه يا غيث بتزعق ليه
_أنت خرجتي النهاردة
_أيوا إيه ال حصل
_

يعني إيه تخرجي من غير إذني وإزاي تخرجي وأنت في حالتك دي
_مالها حالتي ما أنا زي الفل أهو.
_متعصبنيش يا آية علشان مش حابب أزعلك مني.
_لاء زعلني مجاتش عليك يعني!
قولت كدا ودخلت الأوضة من تاني وقعدت على السرير وبدأت دموعي تنزل دقيقة ودخل ورايا وقف قصادي شوية قبل ما ف إتكلمت بعياط
_ليه ليه ملحقش أتهنى بيها بعد دا كله هو أنا وحشة طب أنا عملت غلط إيه علشان أتحرم منها قبل ما أشبع من وجودها
_دا قضاء ربنا ونصيب بلاش نعترض عليه ونغضبه أكتر الحمدلله على كل ال يختاره لينا.
_بس أنا قلبي موجوع أوي!
_وأنا كمان أنا كمان موجوع عليها وعليك بس وجعي عليك أكبر هي ملحقتش أتعلق بيها أوي وسلمت لأمر الله وعارف إنها هتاخد بإيدنا للجنة أكيد ومتأكد إن ربنا هيعوضنا من تاني لكن أنت حالتك دي وجعاني أوي حاسس إني عاجز وأنا مش عارف أداويكي وأخرجك من الحالة دي.
دموعي بتنزل وبس يمكن هو ملحقش يتعلق بيها بس أنا لاء أنا عيشت معاها فترة الحمل كلها كانت مشاركاني نفسي جربت وجع ولادتها والأصعب إني جربت وجع فراقها!
يمكن هو صح في إن مينفعش نعترض على قضاء ربنا بس من كل قلبي أتمنى يعوضني ويراضيني من

تاني.
_أنا رجعت أخاف تاني!
_شاركيني..
كان فاتت كمان سنة حملت من تاني عدوا خمس شهور بس القلق والخوف مش راضيين يعدوا لذلك كان لازم أصارحه مخاوفي
_خايفة أعيش نفس الوجع من تاني!
_مش قولنا هنتوكل على الله ومنفكرش في أي شيء عدى ولا شيء لسة هييجي خلينا نعيش اليوم ونستمتع بيه كإننا مش هنعيش غيره!
_ممكن تفضل معايا ومتسيبنيش أبدا.
_عمري كله ليك وفداك.
مصدر أمان وهدوء وجوده عبارة عن مصدر أمان وهدوء حقيقي!
_الحمدلله على سلامتك على حبيبتي أنت كويسة
_بنتي..!
_بخير يا حبيبة عيني شوية وهيجيبوها الحمدلله إنكم بخير.
مش عارفة فترة الحمل عدت إمتى وإزاي واللحظة دي وصلت لها إزاي بس الحمدلله ال راضى قلبي بيها وبسلامتها.
_ليل تعبانة أوي يا غيث وأنا مش عارفة أتصرف.
_طب ممكن تهدي ومتعيطيش
_خايفة أوي.
_إلبسي وجهزيها وأنا نص ساعة وهكون عندك إن شاء الله.
قفلت معاه وبدأت أعمل ال قاله ليا لكن دموعي لسة مستمرة وأنا شايفاها بتعيط وبتتوجع كدا.. لسة مكملتش السنة كل مرة بتتعب فيها وأبقا مش فاهمة سبب وجعها بحس إني فاشلة أوي ببقا مش عايزاها تتعب أبدا عايزاها دايما تكون بخير ومعايا.

_طمنيني هي كويسة
_متقلقيش مجرد نزلة ومع العلاج هتروق إن شاء الله.
بعد ما الدكتور طمنتني انتفست براحة ف مسك إيدي يطمني هو كمان.
_هنزل أجيب العلاج محتاجة حاجة تاني من تحت
_لا يا حبيبي سلامتك.
قعدت على السرير وهي بين إيدي بعد ما نزل ليا قبل ما تنام بعد شوية كان جه وقرب أخدها مني حطها في سريرها وقرب قعد قصادي واتكلم بعد ما رفع إيدي
_ممكن تهدي أكتر حبيبتي طبيعي تتعب كدا أنت مش مهملة ولا فاشلة.
_بحبها أوي يا غيث مش عايزة أشوفها بتتألم أبدا.
_حبك ليها منطقي لكن رغبتك في إنها متتوجعش أبدا دي ال مش منطقية.. بعدين إحنا لسة في البداية يعني لازم تجمدي شوية ومش بقصد إنك تبقي قاسية ويبقى عندك لا مبالاة أنا بس عايزك متتضعفيش جامد.
_خليك معايا وقويني ونبهني دايما.
_ليا مكان غير أروحه يعني
_لاء.
_يبقى مش متحرك من جنبك.
مسكت كف إيده قبل ماوأنام وأنا بفكر إزاي هو كل مرة قادر يطمن قلبي وياخد عني كل مخاوفي كدا بس الإجابة بتكون في إنه غيث! هو حالة خاصة مجاش ولا هييجي زيها وحقيقي يعني يا بختي إن أنا ال فوزت بيه!
ولما سكنت القلب لم يبق موضع بجسمي إلا ود لو أنه قلب!

الحاجري.
_تمت.
آية_حمام.
روايات_واسكريبتات_مميزة.