اسكريبت ايه حمام
_إيه الحبوب دي
كنت في المطبخ وهو دخل عليا يسألني كدا لفيت له وبصيت لل في إيده وفضلت ساكتة أفكر خايفة أكذب يعرف هو وتبقى النهاية وحشة وبرضه خايفة أقول الصراحة ف تكون النهاية أوحش!
_ساكتة ومش بتجاوبي ليه
_خايفة!
قولت كدا بدموع غسلت إيدي وطفيت البوتاجاز وخرجت قعدت على الكنبة ف جه ورايا ووقف قصادي ورفع وشي وسألني
_دي حبوب منع الحمل
هزيت راسي ب أها ف فضل باصص لي شوية قبل ما يبتسم بوجع ويرمي شريط الحبوب على الترابيزة ويتكلم
_يعني طول السنة دي أنا دماغي هتشت من كتر التفكير في الأمر دا وخايف أكلمك فيه أبقا بجرحك والنهاية تبقى كدا أنت ال رافضة أطفال مني
_لاء مش كدا
_أومال إيه أفسر بإيه الوضع دا
سأل سؤاله بنبرة عالية شوية ف دموعي ظهرت وأنا بتكلم بهمس
_كنت خايفة!
_هو إيه ال خايفة كل ما أسأل حاجة تقولي خايفة هو أنت مغصوبة عليا أنت عايزة تجننيني
_طب ممكن تهدى
_مش ههدى غير لما أعرف معنى ال عملتيه دا.
_طب ممكن تستنى لآخر اليوم لحد ما أهلنا ييجوا ويمشوا
بص لي شوية وحسيت إنه بيحاول يتحكم في غضبه وسابني ودخل الأوضة ف مسكت شريط البرشام وأخدته معايا خبيته في المطبخ وكملت تجهيز الأكل وأنا بحاول أهدي نفسي وأتحكم في دموعي ساعة والعيلة جت ف خرج يستقبلهم لحد ما أغير هدومي.
_منورين يا ماما.
_بنوركم يا حبيبتي.
_ثواني والأكل يجهز..
دخلت أغرف الأكل ف دخلت ورايا ماما واتكلمت بصوت واطي
_لسة محملتيش
_لاء.
_ومكشفتيش
_هو فيه إيه يا ماما
_لازم تربطي جوزك كفاية دلع لحد كدا ولازم تفكري في مستقبلك.
_ممكن تحطي طبق الشوربة دا على السفرة يا ماما
خرجت وأنا استغفرت لما حسيت بضيق من كلامها ف رجعت أكمل لكن مامته هي كمان دخلت ف حاولت أهدى وأنا بسمع لها.
_مفيش أخبار حلوة يا آية
_أزاي يا عمتو فيه طبعا.
_إحلفي
_أيوا طبعا عملت لك البامية بالطريقة ال بتحبيها وعملت لك حلو بسبوسة.
_والله هي دي الأخبار الحلوة
_أومال قصدك إيه
_قصدي على الحمل يا حبيبة عمتك.
_لاء لسة.
_طب إتجدعني يا حبيبتي لو عايزة جوزك يفضل جنبك إتجدعني وهاتي حتة عيل له.
قالت كلامها وخرجت ف فضلت واقفة أحاول أتحكم في أعصابي من كل الكلام ال بسمعه ضغط أنا عايشة فيه ومحدش حاسس بيا غسلت وشي وخرجت باقي الصحون وبدأنا ناكل.
_نورتونا..
نزلوا وأنا دخلت على المطبخ علطول أروقه وبعدين رتبت السفرة والرسيبشن بتوه وقت بحاول فيه أرتب كلامي ومبرراتي!
خلصت وغيرت هدومي ودخلت الأوضة لقيته قاعد على السرير ف قعدت جنبه وحسيت إني نسيت كل الكلام ف بصيت له شوية وملقتش حاجة أقولها غير
_أنا بحبك أوي.
_متأكدة
_الشيء الوحيد ال متأكدة منه هو حبي ليك!
_أومال أفسر بإيه رفضك للموضوع دا فيه واحدة بتحب واحد تبقى مش عايزة منه أطفال
_أنا محكيتش كدا أنا محكيتش حاجة.
_طب إتفضلي إحكي!
_غيث أنا عارفة إن ال عملته غلط بس مكنتش لاقية حل تاني أنا هتكلم ومتقاطعنيش..
أخدت نفس عميق وبدأت أحكي له كل شيء
_أنت كنت شايف حياتنا قبل الجواز وشايف المشاكل وطريقة التربية وإن ماما مكملة مع بابا علشان بس وجودي أنا وأخواتي شوفت إزاي بنات العيلة فيه منهم ال إتطلقت بأطفالها ومتبهدلة شوفت حتى مامتك بتشتغل وبتصرف علشان مش تتذل لباباك..
_قصدك إيه
_قصدي إني خوفت غصب عني عايشة في بيئة مش مستقرة بيئة كل حاجة فيها غلط.. بيئة فيها ست بتتعامل مع الرجل ند بند بيئة فيها بنات لسة في العشرين من عمرهم وبيوتهم باظت وكل واحدة معاها طفل واتنين وتلاتة..
خوفت أبقا زيهم خوفت نوصل لكدا!
_بس..
_عارفة عارفة إنك بتحبني طول عمرك ومستحيل توجعني أو تعمل فيا زي غيري بس أنا كنت مضغوطة يا غيث أهلنا فاكرين إني لازم أخلف منك علشان أخليك جنبي ميعرفوش إننا عايزين نخلف علشان نشوف بذرة حبنا علشان نجيب ذرية صالحة تدخلنا الجنة علشان يبقى فيه نسخة مننا تزيد من
_وأنت ليه متكلمتيش معايا كدا من الأول ليه إختارتي تعيش في الخوف والضغط دا لوحدك كنت فاكرة إني مش هفهمك
_حسيت إن كل دا هواجس ولازم أكون عاقلة أكتر..
_أنت مراتي يعني لو مش أنا ال كل أفكارك ومخاوفك هتنكشف قدامه هتعملي كدا قدام مين
_أنا آسفة!
_مش عاوز أسف عاوز وعد بإن كل شيء أكون أنا أول واحد أعرفه كلمة خوفك مني دي وجعتني أكتر من أي حاجة تانية يا آية.. لو مش هكون مصدر أمانك وطمأنيتك يبقى مستاهلش!
_أنت كل حياتي والله.
وإتكلم
_مش لازم نعيش حياة غيرنا مش لازم فشل التانيين يتكرر في حياتنا إحنا أها كبرنا في بيئة مش سليمة بس إتعلمنا وهنتفادى كل دا إحنا عايشين بنرضي بعض بنية رضا ربنا علينا.. طبيعي يحصل بيينا مشاكل وخلافات بس بكلمة منك أو مني بينتهي الأمر.. عمري نيمتك زعلانة مني
_لاء.
_يبقى تتأكدي إن عمر ما وجعك يهون على قلبي أنا بحبك وأنت بتحبيني ومحدش فينا بيهون على التاني يبقا نتوكل على الله ونستودعه حياتنا ومش نفضل خايفين من الجاي وال فات ونخنق نفسنا بإيدنا.
هزيت راسي بموافقة لكلامه وقربت وأنا بشكره إنه نصيبي.
_غيث..
_عيونه.
_ممكن نروح للدكتور بكرة
_أنت تعبانة
_شوية بس متقلقش أنا بس حاسة إني..
_إنك إيه متقلقنيش عليك.
_
بقالي شهرين حاسة بأعراض
- فضة
- سعادة
- راحة
- قلق
- عام
- لعلاج
- وقف
- رفع
- علاج
- ساعة
- نهاية
- مطبخ
- طبق
- عمل
- علاج
- آلام
- كشف
- طفل
- طفل
- علاج
- القلق
- طول
- كان
- علاج
- كان
- راب
- القلق
- بابا
- عام
- السر
- سعادة
- راي
- القلق
- قلب
- سلام
- نور
- غسل
- تطلق
- فترة
- اختبار
- تطلق
- حالة
- العلاج
- سحب
- جر ب
- العلاج
- طفل
- الخوف
- بابا
- الجبن
- حمل
- عام
- قلب
- اتنا
- تعامل
- كرة
- بقول
- أول
- الحب
- العلاج
- سحب
- اطفال
- راي
- مطبخ
- كرة
- طفل
- تجمد
- اليوم
- عمل
- اختبار
- التفكير
- أطفال
- الجبن
- منع الحمل
- ساعة
- عمل
- المطبخ
- خلافات
- دكتور
- اليوم
- ساعة
- وقت
- دكتور
- جن ة
- طفل
- راحة
