اسكريبت مراد ولبنى جميع الفصول بقلم إسراء ابراهيم

الأربعاء 30/يوليو/2025 - 02:51 م

اسكربت
انا مش عارفة يا بابا انت ليه صممت اني احضر الخطوبة دي انت عارف اني مبطقش البت بنت اخوك دي وكمان مليش في جو الافراح دي
رياض بجدية اولا اسمها شرين وتبقي بنت عمك ازاي بقي متحضريش خطوبتها وثانيا بقي وده الاهم انك هنا عشان تختاري عريس يا لبني وياريت بسرعة عشان مش هتخرجي من باب القاعة دي الا وانتي مخطوبة
لبني پصدمة عريس بابا انت بتقول ايه انت بتتكلم بجد
رياض بجدية ومن امتي وانا بهزر معاكي وبعدين انا قولتلك قبل ما تسيبي هشام ان دي اخر مرة هتتخطبي فيها وان اللي بعديها كتب كتاب علطول مصدقتنيش ودي اخرتها
لبني پصدمة وانفعال بابا حضرتك اكيد بتهزر وانا ذنبي ايه اني اتخكبت تلات مرات ومكنتش برتاح وبيطلعو هما مش زي ما انا عاوزة بتعاقبني وتخليني اتجوز بالطريقة دي
رياض بتجاهل انا قولت كلامي وهيتنفذ يلا اختاري عريس
لبني بعصبية خفيفة انا لا يمكن هتجوز بالطريقة دي يا بابا وبعدين هو انا سمعت كلامك و اخترت اي شاب حضرتك هتروح تقوله تعالي اتجوز بنتي انا مش مصدقة بجد
رياض ببرود وماله المثل بيقول اخطب لبنتك وانتي زي القمر يبقي ليه لا
لبني بعصبية انا مش بيعة وشروة عشان حضرتك تجوزني بالطريقة دي انا لا يمكن هعمل كدة واختار
رياض بجدية تمام براحتك يبقي اختار انا
لبني كانت مصډومة وهي شايفة ابوها بيدور بعنيه علي العريس فكانت مصډومة وهي بصاله
لبني پصدمة وخوف بابا هو حضرتك بتتكلم بجد انت هتجوزني بالطريقة دي ارجوك قول انك بتخوفني بس
رياض بلا مبالاه واخوفك ليه هو مش انتي اللي كل ما تتخطبي لواحد تطلعي فيه القطط الفاطسة وتسيبيه خلاص سيبيني بقي اختارلك انا يمكن يطلع كويس
لبني بسرعة بابا خلاص لو سمحت ارجوك اقولك انا مش هعمل كدة تاني والله ومش هطفش عرسان تاني بس ارجوك متعملش كدة
رياض باصرار لا يا لبني وزي ما قولتلك قبل كدة هتختاري عريس وهيبقي كتب كتاب علطول
لني شدت في شعرها پصدمة وعصبية وهي بتقف وبعدين فكرت شوية وبصت لابوها بسخرية
تمام يا بابا يعني لو اخترت اي راجل حضرتك هتوافق عليه مهما كان هو مين
رياض بغموض ده كلامي اتفضلي اختاري
لبني بتوعد تمام يا بابا بعد اذنك بقي هروح اختار براحتي
مشيت لبني وكان متابعها رياض

بغموض وهو بيحرك راسه بهدوء
............................
لبنى كانت ماشية في القاعة و عينها بتلف و بتدور على أي حد ينفع تهرب بيه من اللي ابوها عاوز يعمله. كانت عارفة إنه مش هيتراجع غير لو العريس اللي هتختاره يكون مستحيل يوافق عليه قلبت عينيها في القاعة بسرعة لحد ما وقعت على حد قاعد لوحده في جنب بعيد. شاب وسيم ملامحه جامدة مش مبسوط ولا متضايق بس واضح إنه مش فارق معاه اللي بيحصل حواليه. كان قاعد على كرسي وماسك كوباية العصير بايده وعينه بتراقب المكان بهدوء
لبنى عرفت إن ده الشخص اللي هي لازم تختاره لان أكيد ابوها مستحيل يوافق عليه. قربت منه بخطوات واثقة وقبل ما ينطق أو يستغرب سحبت كرسي وقعدت قدامه وهو رفع عينه ليها بنظرة جامدة
مراد باستغراب في حاجة
لبنى بابتسامة هادية وبصوت مليان مكر انت متجوز
مراد بسخرية على أساس إنك أمي وجايبالي عروسة وكده
لبنى بسخرية لا.. العروسة بنفسها هي اللي جاية تخطبك إيه رأيك بقى
مراد بجمود قومي من هنا انا مش عارف ايه اللي جرا للبنات
لبنى بسرعة اسمعني بس الأول يا عم المحموق .. أنا جاية اعمل معاك صفقة.
مراد بصلها بنفاد صبر بس فضوله خلاه ما يبعدش عينه عنه صفقة ويا تري أي نوع الصفقات العجيبة دي
لبنى بسرعة وإلحاح بسيطة..انت بس تيجي معايا لحد الترابيزة اللي هناك وتقابل بابا
مراد ربع ايديه وهو بيبصلها بحيرة و ملامحه متغيرة كأنه بيحاول يفهم هي بتعمل كده ليه
مراد بحيرة ويا تري ايه سر المقابلة دي منا لازم افهم
لبني بتردد مفيش انا طفشت تلات خطاب بس يعني اخري شهرين وبقلب بس بابا بقي جابني هنا وصمم اطلع بعريس وقال ايه هيبقي كتب كتاب وجواز علطول وانا بقي سمعت كلامه وقومت دورت
مراد بسخرية وطبعا انتي جيتيلي عشان لقتيني عاجز وعشان متأكدة انه هيرفض مش كدة
لبني بتهرب لا مش كدة بالظبط بس يعني انا قولت انت هتساعدني
مراد ببرود والمقابل ايه
لبنى بتكشيرة كله بحسابه.. شوف عاوز كام
مراد بصلها شوية وبعد لحظة قصيرة من التفكير ابتسامة غامضة ظهرت على وشه
مراد بغموض وتفكير أنا هحضر المقابلة مع أبوكي.. وبعدها هقولك المقابل إيه.
لبنى فرحت انه وافق ومفكرتش لحظة قبل ما تمد إيدها ليه وهي بتبتسم بسعادة
لبنى

بحماس تمام.. اتفقنا
مراد بص لإيدها الممدودة وبعد لحظة صمت مد إيده و سلم عليها وعينه بتلمع بغموض كأنه عارف إن اللي جاي مش هيكون سهل
..............................
لبني كانت ماشية جنب مراد وهي بتحاول تمسك أعصابها قلبها بيدق بسرعة ومكنتش مصدقة إنها فعلا بتعمل كده. فقربت من ترابيزة ابوها اللي كان قاعد بيتكلم مع حد من الضيوف بس أول ما شافها مع مراد ساب اللي بيكلمه ورفع حاجبه باهتمام.
رياض ببرود ايه اخترتي يا لبني
لبني بابتسامة كلها خبث وثقة أيوه يا بابا.. اخترت اقدملك مراد
رياض ضيق عينه وهو بيبصلها بتركيز وبعدين نقل نظره لمراد اللي كان قاعد علي كرسيه بملامح هادية بس في شړ خفي في عيونه.
رياض وهو بيتمتم بسخرية
اهلا يا مراد يابني
لبني بتحدي مش هتسألني اخترت مين يا بابا
رياض وهو بيحرك كوباية العصير في إيده طالما جبتيه معاكب يبقى واضح ان هو مش
لبني بثقة تمام عندك حق.. هو فعلا مراد.
رياض رفع حاجبه وهو بيبص لمراد اللي كان ثابت مكانه وعينه مش متهزتش لحظة.
رياض بابتسامة باردة يا ترى عرفتيه إننا هنكتب الكتاب علطول ولا أقوله أنا
لبني وهي بتحاول تستوعب اللي سمعته يعني..يعني حضرتك موافق!
رياض ضحك وهو بيبصلها ضحكة مليانة تحدي واستمتاع بالموقف موافق طبعا.. طالما ده اختيارك يبقى مبروك عليكي
لبني حست إن الأرض بتتهز تحت رجليها كانت متأكدة إنه مستحيل يوافق! فبصت لمراد بسرعة لقته هادي جدا وابتسامته الغامضة لسه على وشه وده زود چنونها أكتر وخصوصا اما شافته بيمد ايديه لابوها
مراد بثقة أنا بقول نتفق يا رياض بيه على التفاصيل.
رياض بهدوء قولي يا مراد ناوي تتجوز بنتي ازاي
مراد بابتسامة باردة زي ما حضرتك تقول انا احب اقدملك نفسي الاول انا مراد الالفي صاحب مصانع الالفي جروب
رياض بابتسامة جانبية غني عن التعريف اهلا بيك وأنا كمان راجل بحب الأمور تتعمل بطريقة واضحة.. فهنتفق على كل حاجة من دلوقتي.
لبني كانت واقفة مش قادرة تتكلم شايفاهم وهما بيتفقوا وكأنها مش موجودة عقلها مش مستوعب إن خطتها فشلت بالشكل ده! فقربت منهم بسرعة.
لبني بارتباك بابا.. استنى لحظة.. انت متأكد أقصد يعني.. مش شايف إن.. إننا مستعجلين شوية
رياض وهو

بيقلب العصير في الكوباية لا مش شايف طالما انتي اخترتي يبقى خلاص ماينفعش نرجع في كلامنا
مراد وهو بيبصلها بسخرية واضحة أنا بصراحة مبسوط إنك اخترتيني شرف كبير ليا
لبني حست بكلامه
كأنه بيستهزأ بيها و ماقدرتش
ترد
بس عينيها كانت مليانة صدمة.
رياض وهو بيكمل كلامه طيب.. خلينا نتفق بقى.. هنقرا الفاتحة دلوقتي و الفرح بعد أسبوعين يعني الجواز هيكون بأسرع وقت انا عاوز اطمن علي لبني
مراد برزانة أنا ماعنديش مانع في أي حاجة بس لازم العروسة تكون مقتنعة.
لبني بصتله بسرعة وكأنها لاقت طوق النجاة.
لبني بسرعة أيوه! وأنا.. محتاجة وقت أفكر!
رياض وهو بيهز راسه ببرود لا تفكير ولا حاجة.. أنتي خلاص اخترتي.
مراد بابتسامة غامضة تمام.. يبقى على خير.
رياض بابتسامة علي خيرة الله يا ولاد مبروك
..............................
كانت لبني قاعدة هتتجنن وتتكلم مع مراد لوحديهم عشان تفهم منه ليه وافق وماصدقت ابوها قام عشان يقول للناس في الميكرفون ان بنته هيتقري فاتحتها دلوقتي وخصوصا ان العيلة كلها متجمعة في خطوبة بنت اخوه
واول ما رياض قام لبنى بصت بحدة لمراد وهي مش قادرة تصدق إنه بيتعامل معاها كأنها مجرد صفقة .
لبنى بحدة انت ازاي وافقت كده! انت حتى متعرفنيش! طب أنا عملت كده عشان بابا يرفض مش عشان تتفقوا على الجواز في لحظة!
مراد ببرود والله انا جيت معاكي وانا عارف ان ابوكي هيرفض بس هو وافق نعمل ايه بقي نصيبك
لبنى بحدة يبقي المفروض انت كنت ترفض
مراد برفعة حاجب وليه أرفض أنا كسبت صفقة كويسة.
لبنى بغيظ صفقة انت مچنون يابني هي بيعة وشروة وبعدين انت هتستفاد ايه مش فاهمة
مراد قرب منها خطوة صوته بقى أكتر برود
آه صفقة انتي اللي بدأتي اللعبة فمتستغربيش لما حد يلعبها أحسن منك يا شاطرة
لبنى حاولت ترد بس عقلها كان بيحاول يفسر كلماته هل هو عارف إنها كانت بتدور علي حد ولا عنده سبب تاني للموافقة
لبنى بشك انت ليه وافقت بسرعة كده
مراد ضحك ضحكة صغيرة بس كانت مليانة معاني.
مراد بصراحة عجبني التحدي في عيونك وعجبني أكتر إنك كنتي متأكدة إن أبوكي مش هيوافق عليا.. بس للأسف طلعتي غلطانة اهو انا بقي عشان كدة وافقت عشان انتي جيتيلي لاني عاجز واستهزئتي وقليتي بيا

لانك قولتي اكيد بابا هيرفضه عشان علي كرسي متحرك انا بقي هتجوزك عند فيكي واخليكي مربوطة بيا