انتقام صعيدي بقلم اسماء ابراهيم
أنا بس عملت كيف ما انتي رايدة وبعدين احنا اخوات واكيد مقصدش اتغير عليكي
ليل قربت خطوة وبصتله من غير ما تتكلم وعينيها لوحدها كانت بتحكي ألف كلمة بس شفايفها نطقت كلة واحدة بس بصوت حزين
اختك
أدهم وهو بيتنفس بصوت وبيبعد عنيه تاني
ادخلي يا ليل مينفعش تفضلي واجفة برة الدار اكده
ليل سابت المكان وهي حزينة وحاسة ان كل اللي كانت مفكرة انه موجود بينها وبين ادهم كان وهم وهي اللي عيشت نفسها فيه ودلوقتي بتدفع تمن ده مسحت دموعها لما دخلت لبدرية المطبخ
بدرية بلهفة
مالك يا ليل ادهم ضايجك تاني ولا ايه
ليل باندفاع ودموعها بتنزل
هو ليه بيعاملني اكده بيعاقبني علي ايه المفروض يعذرني ويهون عليا ويجف جاري مش يحاربني ويعاملني عفش عشان قرار اخدته في لحظة ضعف
بدرية بابتسامة وحنان
طيب اهدي بس كدة و روقي انتي عشان لسة متعرفيش زين لكن انا عارفاه وخابرة انه مضايج وزهجان وبعدين هو مش بيعاقبك ده بيعاقب نفسه عشان لقاها متعلجة بيكي لساتك مش مصدجة امك برضه
ليل بحزن
انا مبجتش خابرة حاجة اما بدرية انا عاوزة امشي احب علي يدك خليني ابعد عن اهنه اقنعي عمي شهاب يهملني ارجع اعيش في بيت ابوي
بدرية بعتاب
اخس عليكي يا ليل رايظة تهملي امك وتخليني احزن عليكي ده انا اتعلجت بيكي وبجيتي بتي اللي مخلفتهاش
بدرية بقت تواسيها بكلامها وصوتها الحنين
بدرية بحنان
ايوة كدة استهدي بالله يا بتي ومتجلجيش كله في اوانه يا نور عيني
كانت ليل قاعدة على السفرة جنب بدرية وأدهم قصادها ساكت ووشه مافيهوش أي تعبير وشهاب قاعد علي راس السفرة بياكل بهدوء هو كمان
بدرية فجأة وبدون مقدمات
صحيح انتو رايحين تقروا الفاتحة انهاردة يا حج شهاب مش كده
ليل رفعت راسها بسرعة وقلبها دق وبصت لأدهم بصدمة أما هو فبصلها وعنيه بتحكي كلام كتير
شهاب وهو بيحاول يساير بدرية وكأنه فاهم قصدها
أيوه أدهم خلاص جال قراره هنروح نطلب يد نجلاء بنت عمه
ليل عينيها دمعت وهي باصة لأدهم اللي كان باصص ليها ونظراته متلخبطة كأن بينكر اللي بيحصل بس ساكت أما بدرية فمكملة الخطة
بدرية بفرحة مصطنعة
طيب زين تبجي الفرحة فرحتين أصل ليل كمان جالها عريس ولد ناس ورايدها جوي وشيع أمه طلبتها
أدهم ضغط على كف إيده جامد ونظراته ل ليل اتحولت للغضب وهي وقتها بصت في طبقها بتوتر
شهاب وهو بيبتسم وبيوجه كلامه ليها
زين يا بتي أهو اطمنت عليكي وارتحت منك ومن أدهم بس أهم حاجة رأيك إنتي عشان إنتي اللي هتتجوزي مش إحنا
قبل ما ليل ترد أدهم فجأة قام من مكانه بعصبية وليل رفعت عينيها ليه و قلبها بيخبط
أدهم وهو بيقرب من ليل بغضب جومي تعالي معايا
ليل بخضة
فيه إيه يا ادهم
ماستناش ردها و مد إيده وسحبها من إيدها وطلع بيها فوق وساب الكل مذهول وبدرية على وشها ابتسامة فيها انتصار و بصت لشهاب بثقة
بدرية بنبرة واثقة
مش جولتلك عاشجها ده مستحملش يجيلها عريس
شهاب وهو بيهز راسه
الواد قلبه واجعه بس العند اللي سايجه وأنا جولتله من بدري الحب في الجلب مش في العادات
بدرية بتأكيد
بس دلوقتي هيعرف إن اللي هو سابه في لحظة غضب ممكن يضيع من إيده ووقتها هو الخسران
فوق أدهم دخل الأوضة بسرعة وساب الباب مفتوحو ليل كانت وراه بتتنفس بصعوبة مش فاهمة إيه اللي بيحصل
ليل بخوف
ادهم مالك فيه إيه
أدهم وهو بيبصلها بنار
هو انتي بجد موافجة عليه العريس ده انطجي
ليل بصدمة وتهتهة
انت قصدك علي مين
أدهم وهو بيقرب منها
انتي فاهمة زين يا ليل الراجل اللي جالك اللي امي شايفاه مناسب ليكي مبسوطة بيه عاجبك يعني عاجبك إنك تتجوزيه
ليل بعصبية
وأنت مالك! مش انت هملتني وبجيت تكرهني
أدهم وهو بيقاطعها انا مالي واكرهك انا عمري ما كرهتك يا ليل ولو عالعند فانا راسي انشف من الحجر ومفيش جواز يا ليل انتي هتفضلي اكده ومن الاخر لو مش هتبجي ليا مش هتبجي لغيري
ليل اتصدمت وهي باصة لادهم وكانت من جواها فرحانة اوي بكلامه
ليل بحيرة
يعني رايدني افضل جارك و انت تتجوز نجلاء بت عمك مش اكده يعني انت تشوف حالك وانا افضل موجفاه عليك انت كيف اناني اكده
أدهم وهو بيتنفس بعصبية
أنا وافجت بالعند لما لجيتك مش شايفاني غير اخوكي مش ده كلامك يا ليل انتي اللي حطيتي حدود بينا
ليل وهي بتقرب خطوة وصوتها مهزوز
وانا جولت اكده لما لقيتك عاشج بت عمك وصحبتك اللي جالت بنفسها لما لجيتك كدبت عليا وجولتلي
أدهم اتفاجأ بكلام ليل فقرب منها وهو بيهمس
أنتي مش فاهمة حاجة يا ليل أنتي لو كنتي تعبتي نفسك وسألتيني من غير ما تحكمي عليا كنتي فهمتي ووفرتي علينا حجات كتير وعموما انا هجولك انا لما اتحدت مع فريحة عن بت عمي كان علي رفضي لجوازنا وان ابوي وجتها كان رايد نروح نتجدم وانا اتحججت بالجامعة لاني مش رايد اتجوزها لكن حديتي مكنش عشان عاشجها ولا اي حاجة من دي ابدا
ليل بابتسامة تلقائية
انت بتتحدت بجد يا ادهم ده انا افتكرت انك عاشجها واتوجعت لانك كدبت عليا وان اللي حسيته منك كان وهم
أدهم بصوت جذاب
مكنتش اعرف اني فارج معاكي جوي اكده وانك عاشجاني يا ليل
ليل بتوتر وخجل وهي بتحاول تبعد بعينيها
لا انا مجبتش سيرة العشج يا ادهم اصلا
أدهم وهو بيبتسم بخفة و بيقرب أكتر
كدابة عنيكي فاضحينك يا ليل
ليل وهي بتهمس بدموع
مش هتتجوزها يا ادهم مش اكده
أدهم وهو بيقرب منها أكتر
مش هتجوزها يا ليل بس جوليها وريحي جلبي
ليل بنظرة كلها عشق
عشان اللي في جلبي مش هينفع يكون لحد غيرك ايوة عاشجاك يا ادهم اديني جولتلها
أدهم وقتها قلبه دقاته ذادت وعرف إنها بتحبه زي ما هو بيحبها اتنهد براحة وهو بيبتسم بسعادة
أدهم بنبرة ناعمة كلها عشق وتعلق
وانا بحبك يا ليل من وجت ما عيني وجعت عليكي وانا حسيت بحاجة ناحيتك شدتني وخلتني اتوكد اني مش هكون لحد غيرك ولا هتكوني لغيري يا ليلي
ليل بسعادة
انا فرحانة جوي يا ادهم بس عمؤ شهاب مش هيزعل عشان انت مش هتاخد بت عمك
ادهم بهيام وهو باصص في عيون ليل
انا مش فارج معايا اي حاجة غير انك تفضلي ويايا وجتها مستعد اجف قدام الدنيا كلها واواجهم
ليل ابتسمت بخجل وادهم مسك ايديها بحب واخدها ونزلو وكانت هي ماشية معاه بسعادة بس خايفة سعادتها متكملش وشهاب يرفض فكانت خايفة تبعد عن ادهم
كان نازل أدهم سلالم البيت وإيده ماسكة إيد ليل اللي كانت بتترعش بس هو ماسكها بقوة وامان وكانو قاعدين مستنينهم شهاب وبدري بقلق و أول ما شافوهم نازلين ابتسمو لبعض بفرحة
أدهم بصوت واضح وهو ماسك إيد ليل قدام الكل
أني اخدت قراري يا اما وبعد
بدرية اتفاجئت وشهاب رفع حاجبه بتمثيل
طب والله
زين انك جولتلنا يا ولدي عشان نعنل حسابنا
أدهم بثقة
أنا رايد ليل يا ابوي واني بحبها وهتجوزها وانت اكيد مش هتكسر جلبي عشان العادات والتجاليد
ليل كانت بتبص في الأرض وقلبها بيدق جامد خايفة من رد فعل شهاب و شهاب قام من مكانه بجدية
شهاب بنبرة هادية وفيها لمعة فرح
تعرف اني كنت مستني اليوم ده من بدري يا أدهم
ليل رفعت وشها بسرعة وصدمة وبصتله وهي مش مصدقة اللي قاله وبدرية كمان ابتسمت ومسحت بإيدها على وشها كأنها بتداري دموع فرحتها
شهاب وهو بيقرب منهم
أنا كنت خابر يا ولدي إن قلبك ميال ليها بس كنت مستني تعترف لنفسك قبل ما تعترف لينا واني أكتر واحد هيبجي فرحان ان ولدي يتجوز بنت صديق عمري بنت مصطفي الملاح
ليل اتفاجئت أكتر وعنيها دمعت وسابت إيد أدهم وجريت على شهاب وعينيها مليانة دموع فرح
ليل بصوت مهزوز شكرا شكرا يا عمي شهاب شكرا إنك وافجت
شهاب بحنية وبص لأدهم وهو بيضحك بخفة خد بالك منها يا ولدي ليل غالية عندي
أدهم كان واقف مكانه وابتسم ابتسامة خفيفة بانت على وشه وراح عليهم ومد إيده وسحب ليل وهو بيهزر
إيه يا ليل ده أنا نفسي مش عارف أعملها ماشي يا ليل بس استني يتكتب كتابنا وأنا هوريكي
ليل اتكسفت ووشها احمر وبدأت تضحك وهي بتبص في الأرض بخجل وأدهم قرب منها وهمس في ودنها
بحبك وعمري ما كنت هسيبك لحد ولا هقبل تكوني لحد تاني غيري
ليل وهي بتبص في عينيه وبصوت واطي خجول
وأنا كمان بحبك يا ادهم انت الامان بالنسبالي
بدرية بفرحة وهي بتداري دمعتها
الف مبروك يا حبايبي ربنا يسعدكم
قالت كدة بدرية وزغرطت والبيت كله اتملي فرحة وأدهم شبك ايده
بايد ليل اللي بصتله بحب وسعادة فاخدها وراحو بعيد شوية وقعدو سوا قدام بعض
ليل بهمس
جريب اوي هتكوني ليا وعلي اسمي يا ليل ومحدش وجتها هيجدر يبعدك عني
ليل بخجل
وانا حاسة كأني بحلم لما جيت اهنه كنت جاية انتجم وكانت حياتي متوجفة علي الانتجام بس لما شوفتك وعشت معاكم اهنه عرفت ان ربنا كان رايدلي اني اعيش سعيدة اللي باجي من عمري وحجيجي انا عشجتك يا ادهم
ادهم بسعادة وهو متبت في ايديها
اوعدك ان اللي باجي من عمري هعيشه عشان اسعدك يا ليلي
تمت
