حكاية عاليا

مخلصه ليا في حبها
وفضلنا نتكلم انا وكريم طول الرحله بس مش عارفه ليه مكونتش حاسه اني مرتاحه للكلام معاه.. نظراته ليا وضحكته مش مريحين خالص وحسيت انه زيه زي اي راجل بيحكم علي البنت من اللبس والميك اب بتاعها من قبل ميعرفها .. واخيرا الطياره وصلت وكل واحد منا مشي في طريق
خلصت الاجراءات واخدت شنطتي ووقف ادور علي تاكسي وفجاه لقيت كريم وقف بعربيته قدامي وقال لي اتفضلي يا انسه علياء اوصلك في طريقي ومستناش ردي واخد شنطتي حطها في عربيته الفخمه الي كانت واقفه وقال لي اتفضلي اركبي.. ركبت العربيه وهو لف يحط الشنطه في شنطه العربيه لقيت جواز السفر بتاعه قدامي فتحته لقيت مكتوب فيه انه متجوز وعنده طفلين .. الاستاذ كريم طلع كذاب وياتري كذب عليا في ايه كمان 
حطيت جواز السفر مكانه قبل ميركب العربيه واول مركب سالني تحبي تروحي فين قولت له عايزه اروح اتمشي علي النيل شويه لو مكانش يضايقك لقيته فرح جدا وبدا يتكلم معايا ببساطه كانه يعرفني من سنين.. عرمني علي العشاء بالليل وقبل العشاء ندخل سينما وكنت بوافق علي كل طلباته.. حاولت اداري عنه مشاعري الحقيقيه اني كشفته وشوفته علي حقيقته ذئب بشري كذاب ومنافق...وركن العربيه ونزلنا نتمشي علي التيل .. بصيت له وسالته انت عايز مني ايه خليك صريح وبلاش لف ودوران.. بص لي وهو مستغرب .. كملت كلامي وقولت له انت بتكذب عليا من اول متكلمت معايا انت متجوز وعندك اطفال كمان .. قال لي عرفتي منين قولت له من جواز السفر بتاعك الي نسيت تشيله قبل مركب عربيتك..انا هقول لك انت عايز ايه.. انت لقيت بنت متحرره ومسافره لوحدها وبتتكلم معاك ببساطه وكمان مقطوعه من شجره قولت فرصه قال لي انتي فهمتيني غلط انا كان قصدي اقف جنبك واساعدك تخرجي من الحاله الي انتي فيها .. وانا عارف ان البنات الي زيك مفيش عندها مشكله ده انا حتي قريت ان خطيبك كان متجوز قبل ميخطبك يعني انتي متعوده علي كده بلاش تعملي فيها ضحيه ومخدوعه وانا ياستي كشفت لك ورقي كله ولو تحبي نقضي وقت لطيف مع بعض انا موجود ولو مش عايزه خلاص كل واحد يروح لحاله وكاننا متقابلناش .. قربت منه شويه رقولت له مشكلتكم يارجاله انكم فاكرين انكم لوحدكم اليي بتعرفو تكذبو .. وان اي بنت ساذجه هتصدق كذبكم بسهوله
قربت منه اوي وطلعت الصاعق الكهربي من شنطتي وقربته من رقبته اتنفض ووقع علي الارض .. قولت له انا كمان كذبت عليك يا استاذ كريم. انا مجرد واحده بشوف شغلي 
نسيت اقول لك ان انا الي قتلت خطيبي بالاتفاق مع مراته علشان تورثه .. مهو انا قصاد زوج  بقتله باخد ربع ثروته الي مراته وولاده بيورثوها.. ومراتك اتفقت معايا نفس الاتفاق وهي الي حجزت لي الكرسي الي جنبك في الطياره
وهي دلوقتي عند والدتك في البيت هي وولادك علشان محدش يشك لحظه ان لها يد في موتك.. متخافش يا استاذ كريم كلها لحظات وكل حاجه هتنتهي ومش هتحس بحاجه خالص.. وفعلا بعد خمس دقايق كان قابل وجه رب كريم .. وفتحت الموبايل بتاعي وكتبت علي الجروب تمت المهمه رقم ٩بنجاح .. وسبته واخدت العربيه وبسرعه علي
المطار علشان الحق المهمه رقم ١٠ مستنياني علي الكرسي الي جنبي في الطياره الي رايحه اسوان
نصيحه لكل شاب بلاش تنحدع في اي بنت متحرره وبتتكلم معاك بسهوله وتفتكرها صيد سهل يمكن تكون انت بالنسبه لها الفريسه .. 
ونصيحه لكل راجل متجوز خلي بالك ممكن دي تكون الاخيره
وعلي راي المثل. تيجي تصيده يصيدك
..........................................
............. ........