حارس المقابر قصة حماده هيكل
كاملة
ستي الله يرحمها ...بقى لها كام ليلة بتجيلي في المنام هي اتوفت من 7 سنين والغريبة انها اول مرة تزورني من وقتها
كل ليلة بتحذرني من شخص ما ..بس فعلا انا مش فاهمه
رسايل غامضة ومحتاجه تفسير
في مرة قالت لي
متقربيش منه ..عمره ما هيكون ليكي
هو مين يا تيته
كررت الجملة وابتدت تختفي بالتدريج
الليلة اللي بعدها كانت رسالة تانية
قلبك مش هيتحمل ..البعد أفضل
يا تيته ارجوكي وضحي ..تقصدي مين
ليلة ورا ليلة وحلم ورا حلم
ورسائل من نفس النوع كلها تحذير من الاقتراب منه
منه دا يطلع مين!!
انا مش مختلطة بحد..وبطبعي شخصية أنطوائية لحد كبير
الحقيقة انا مكنتش كدا ..انا كانت شخصيتي مرحه جدا
وكان اي مكان ببقى فيه بيكون كله بهجه وسعادة
بس مع كتر الصدمات والأزمات اللي مريت بيها
والاشخاص اللي كانوا بيقعوا ورا كل ازمة وازمة
لما يبان معدنهم الحقيقي ..روحي المبهجه دي انطفت
وبقيت حد تاني ..مش عاجب حد من اللي حوليا
ولا حتى عاجبه نفسي
انا معرفش حد ممكن أحبه واتعلق بيه
قافله على قلبي واكتفيت من كتر الجراح
لظروف شغل والدي ..اتنقلنا من البلد اللي كنا فيها
وروحنا عشنا في قرية ..العيشه
اهدى وافضل كتير لحد زيي بيكره صخب المدينة
وخنقتها وزحامها ..هنا هدوء وسكينة وبراااح
ودا كان اكتر شئ انا مفتقداه ..عايشين في بيت
بسيط مكون من طابقين ..في وشنا ترعه
وحوليها مساحة أراضي زراعية كبيرة
الترعه كان الفلاحين بيسقوا منها زرعهم
هواء نقي ومنظر الخضار يرد الروح
كنت بقعد مع نفسي كتير واسرح
زي اي وحده في احلام وخيالات حلوه
بحد يحبني واحبه ونعيش سوا باقي حياتنا في سعاده
بس كنت بفتكر المواقف اللي حصلت معايا
وحسيت أني عمري ما هلاقي الحد دا
كمان رسايل جدتي ليا بقت بتخوفني
اني أقرب من حد ..واقفل على قلبي أحسن لي
البلد هنا كانت هادية جدا ..لكن الهدوء دا أتحول فجأة
لما في يوم من الايام حصلت حادثه غريبة
عم عبدالعال حارس المقابر في القرية كان سهران في ليلة في أوضته المبنية عند أول المقابر ..
لما سمع صوت حد بيصرخ وبيتألم ..خرج بسرعه
من أوضته وجري ناحية مصدر الصوت
كان بره سور المقابر ..لقى ست لابسه اسود
واقعه على الأرض وبتشيل تراب وبتحطه على دماغها
مالك يا ست ..كفى الله الشر !!
ولاد الكلب اتهجموا عليا ..عشان ست وحدانية
وحاولوا
في البيت. .ولما ملقوش حاجه ..خطفوا ابني من حضني
وهربوا بيه بعد ما ضربوني على راسي
حاولت احصلهم مقدرتش ..هربوا وخدوا مني ضنايا
لا حول ولا قوة الا بالله !! مين دول اللي عملوا كدا
انتي شوفتيهم
ياريت ..بس كانوا مخبيين وشوشهم ومعرفتش ألمح
حد منهم ولا اعرف راحوا بابني على فين
معلش انا هموت من العطش ..ممكن شوية مايه
حاضر ..ثواني هجيبلك وجاي
دخل عم عبدالعال ولما رجع بالمياه كانت الست أختفت
غريبة ..راحت فين الست دي!!
وقف شوية يبص على الطريق ..وبعدها رجع تاني لأوضته
كان قاعد مشغل الراديو على اذاعة القراءان الكريم
لكنه حس أن في حركة في المكان ..
بسرعه خرج وهو ماسك الكلوب وابتدا
يمر على المقابر يشوف فين مصدر الصوت
ولما قرب لمقبرة لست لسه مدفونه اليوم من كام ساعه
شاف خيال كام شخص بيحاولوا يفتحوا باب المقبرة الحديد
ويطلعوا الجثة .. واجههم ولكنهم ضربوه
بقوة فوق رأسه وفضل ينزف لحد ما فقد الوعي
الحكومه والعمده وشيخ البلد وناس كتير من اهل البلد
اتلموا الصبح ..ونقلوا عم عبدالعال للمستشفى بين الحياة والموت ..ولما فاق بعد
واتضح أن الست اللي قالت أن أبنها اتخطف كانت معاهم
وحاولت تشغله لحد ما يخلصوا اللي وراهم
وكمان محدش بلغ بخطف اطفال في القرية من وقتها
عم عبدالعال كان عنده ابن اسمه حسن استلم الشغل
مكان والده لحد ما يسترد عافيته ويرجع لحراسة المقابر من تاني
حسن كان بيعدي من قدام بيتنا وهو رايح للمقابر وهو راجع ..لان دا طريقه
كان لازم يمر من شارعنا ..اول ما عيني وقعت عليه
وانا واقفه في شباك اوضتي كالعادة .. أتشديت ليه
معرفش ليه ..ملامحه كانت جميلة ..أسمر وطويل
شعره ناعم ..عيونه واسعه وجميلة ..والأهم اني حسيت
براحه عجيبة اما شوفته
بقيت بستناه كل يوم ..وعرفت مواعيده_بالظبط
كان شاب في أواخر العشرينيات ..واضح انه شاب جدع
قرر يتحمل مسئولية زي دي ..ويستلم مكان والده
ومخافش ..رغم أن كتير بيخافوا من مجرد سماع
اسم المقابر بس ...لكن الحقيقة هو كان غير اي حد
كان عندي رغبة شديدة اني اعرفه اكتر
أقرب منه ..معرفش ليه ..كان كل يوم تعلقي بيه
يزيد عن اليوم اللي قبله ..أختي لاحظت تغيري
وحست انه في حاجه ..سألتني
ايه مالك متغيرة الفترة الأخيرة دي
انا !!
أومال
حكيت لها عن حسن ..حذرتني وقالت بلاش
انتي خارجه من تجربة
- جسم
- خضار
- شين
- مقبرة
- غريب
- تجربة
- أزمة
- المدينة
- بشر
- كرة
- مستقبل
- متحف
- كلب
- ما هي
- كرة
- ظروف
- حادثة
- الموت
- الحب
- رأس
- هيكل
- ما هي
- مادة
- اتنا
- الحب
- كان
- الصوت
- النوم
- نوع
- حسب
- المد
- بطل
- القلب
- رجل
- العالم
- عمر
- رسائل
- قوة
- نسبة
- شخصي
- البلد
- جيلي
- حماده هيكل
- مدى
- برج
- حاجز
- مرح
- قرب
- ساعات
- مختلطة
- ليل
- احلام
- قصة
- متحف
- قرية
- عمل
- حصل
- أمل
- روح
- صوت
- خطر
