قصة ناريمان 3
أسبوع عيوني مبتشوفش النوم
ولا حتى بقيت قادرة انزل من البيت بسبب القطة
وصحيت في يوم على رسالة من وردة اخت ناريمان بتقولي شهيرة مفيش جديد ناحيتك احنا بنموت كل يوم ومش عارفين نعمل إيه تاني
اتكلمت معاها شوية وأحنا فاقدين الأمل وكل واحد فينا حاسس بالعجز والقهر
لحد وسط كلامنا خطر في بالي فكرة عادية
لأ هي فكرة عادية جدا
لكن محسبتش عواقبها !!
قولت لوردة ما تيجي نروح شقة ناريمان نفتش هدومها وكل ركن في البيت يمكن نوصل لحاجة
كنت بقول الاقتراح ده من باب قلة الحيلة وأننا بنعمل كل ال نقدر عليه
وقالتلي وردة ماشي هخلص شغل البيت وننزل بعد العصر كده نروح سوا
مفاتش نص ساعة ولقيت رسالة من رقم غريب على واتساب مكتوب فيها شهيرة أنا ناريمان متدوريش عليا ولا تقلقي أنا كويسة ومع جوزي في سفرية وراجعة قريب هحكيلك لما أرجع ها
دي عمرها ما كانت اسلوب ناريمان في الرسايل
حتى الرقم مش بتاعها!!
إيه ال بيحصل
دوامة كبيرة مقدرش فيها غير أني ادعي القوة واصبر نفسي بقوله تعالى قل لن يصيبنا إلا ما كتب الله لنا
فكرت اقول الرسالة دي لوردة أختها
لكن حسيت لو نقلتها أنهم هيكذبوني ويصدقوا وممكن يتهموني بأني ادعيت اخبار كاذبة عن بنتهم وقلقتهم على الفاضي
قررت اداري الرسالة دي واعمل نفسي مشوفتهاش رغم
وهنا أنا كنت قاصدة اوصل رسالة ل عبد العظيم إنه مستحيل يخدعني
بعد العصر اتصلت بيا وردة بتقولي شهيرة يلا بينا نتحرك دلوقتي علشان نلحق نرجع بدري في النور
فتحت باب الشقة علشان أنزل ودورت بعيني على القطة السودا ال اختفت الحمد لله ومبقتش موجودة
قابلت وردة تحت عمارة ناريمان
وطلعنا سوا علشان نتصدم أن الباب مبيفتحش بالمفتاح ال معانا نهائي
وبعد شوية محاولات ومعافرة مع الباب
نسمع صوت ناريمان من جوا بتقول ايوا جاية مين على الباب!!
قلوبنا حرفيا وقفت!!
الزمن والوقت مبيتحركوش
أنا ووردة وقفنا مذهولين
ناريمان فتحت الباب وهي بتضحك وبتقولنا يولاااد الايه عرفتوا منين إني نزلت من السفر دانا كنت هعملكوا مفاجأة
وردة جريت عليها حضنتها
وانا واقفة مكاني حاسة بغصة في قلبي
ال بيحصل ده مستحيل!!
أنا مش مجنونة علشان اتوهم اختفاء صحبتي
كان واضح عليا التعب بشكل مبالغ
لدرجة أن أيدي كانت بتترعش وعيوني بتنزف في دموع بغير إرادتي
ناريمان سندتني وقعدت جنبي تقولي شهيرة حصل إيه انتي تعبانة انزلك للدكتور طيب ايه جابك وانتي في الحالة دي
وردة اتصلت بأهلها قالتلهم أن ناريمان رجعت
وناريمان اتصدمت بخبر اختفاءها لأهلها وقعدت تسأل إزاي
ووجهتلي سؤال وقالتلي ثم يا شهيرة انا مش بعتالك رسالة الصبح من رقم غريب عرفتك اني مسافرة ليه مطمنتيش أهلي
وردة بدأت تبصلي بغضب وتقولي يعني انتي كان عندك اخبار عندها وداريتي يا شهيرة حرام عليكي دانا قولتلك بابا وماما بيموتوا من القلق
كنت لابسة تهمة مش عارفة أرد وأقول إيه قدامهم
اشرحلهم إزاي أن الرسالة دي مش بأسلوب ناريمان
وأنها في آخر زيارة ليا هنا في البيت ده ناريمان اختفت مسافرتش!!
اعتذرت وقولتلها معلش أنا تعبانة وعايزة اروح دلوقتي
ناريمان صممت إننا هنتغدا ونقعد معاها لحد ما عبد العظيم يرجع من الشغل
وردة لأن أهلها تعبانين قالتلها أنا مش هقدر إطلاقا النهاردة وهجيلك يوم تاني نكون لوحدنا افضل كانت بتبصلي بلوم وزعل وده حقها لأنها مش فهماني ولا عمرها هتصدقني وتكذب أختها ال قصاد عينها
وقفنا نسلم على وردة ونودعها
وقبل ما ناريمان تقفل الباب وراها حسيت بصوت رجلين بتتحرك جوا الشقة!!
هي مش قالت إن عبد العظيم في شغله
ثم إزاي هما لسه راجعين من السفر وعبد العظيم راح شغله في وقت متأخر زي ده
مسكت الباب قبل ما يتقفل وقولت لناريمان معلش أنا كمان هنزل افتكرت حاجة ضروري ولازم أمشي
عيون ناريمان كانت بتلمع ونن عيونها اتقلب بالطول زي عيون القطط وقالتلي ماشي يا حبيبتي هنتظرك قريب نقعد
طلبت الاسانسير ووقفت رجلي بتترعش
دخلت جواه مستعجلة ودوست الدور الأرضي وصوابع أيدي بتترعش
مخدتش بالي نهائي من ال معايا في الاسانسير!!
مخدتش بالي أن القطة السودة واقفة على رجلها وراها وبتضحك بنفس الأسنان ال قولتلكوا عليها
مجرد ما شوفت صرخت
صرخة أعتقد أنها وصلت للشارع كله من قوتها
لكن
لكن مجرد ما صرخت الدنيا اسودت قدامي
ومشوفتش ولا حسيت بحاجة
القطة هج مت عليا وفقدت الوعي
وصحيت لقيت نفسي نايمة على سرير ناريمان
صرخت بأعلى صوتي ولكن لقيت أن صوتي مش طالع
ودموعي نزلت وحسيت نبضات قلبي زادت بسرعه
ومش قادرة اخد نفسي وانا شايفه ناريمان
وفجأة وفي عز الرعب والخوف اللي انا حاسه بيه
سمعت صوت خطوات والباب انفتح
عشان اكتشف اني في شقة عبدالعظيم وهو داخل عليا
وقالي
عاجبك كدا اللي حصل لصاحبتك بسبب عمايلك
انت اللي قتلتها يا مجرم
انا هوديك في داهية
ضحك بخبث وقال ومين قال انها ماتت اصلا
وفجأة دخلت ناريمان ومعاها صينيه في ايديها
ولكن لا صدمت لما لقيتها داخله بدون دما غ
وعبد العظيم بيضحك ويقولها يلا قدمي الواجب لصاحبتك
وهي ماسكه الصينيه
وعليها طبق متغطي بطبق اكبر شالت الغطا من عليه
ووصوت عبدالعظيم بيضحك بصوت مرعب
فصرخت
لقيت ماما جايه جري عليا حضنتني وهي بتقول
بسم
