أغلى من حياتي
ومن قدامي آيه وهي نفسها في باروكة وبتلعب وفرحانة وسط صحابها ومن الناحية التانية الموقف اللي عملته وجزائي عند ربنا والفلوس تتعوض
لا آسف مش هقدر أقبل حاجة زي دي وألف سلامة علي الوالدة.
لفيت وسايبه وماشي علشان أكمل ساعتين الليل قبل ما النهار يطلع لاقيته بيقول
بس مش غريبة تخرج تشتغل الساعة ٣ الفجر يعني
هو الشغل عيب!
لا طبعا مش عيب بس أقصد إن أي حد بيشتغل في وقت زي ده بيكون عنده مصاريف وعاوز يجمع فلوس.
دي حقيقي أنا بنتي تعبانة وأنا بضغط نفسي في الشغل علشان أجيبلها حاجة كدة.
حاجة ايه
بصيت للأرض
باروكة.
هي عندها سرطان
وأنت عرفت منين!!
أصل الكيماوي هو اللي بيوقع الشعر.
ربنا يشفيهالي يارب.
ممكن طيب أشوفها
بس الوقت اتأخر وعاوز ألحق اشتغل.
مش هكمل خمس دقايق والله واعتبر إني زبون وعاوزك توصلني وهحاسبك فماتكسفنيش بالله عليك.
تمام يا أستاذ يلا.
ماعرفش ليه وافقت مع إن شغلي هيضيع بسببه بس ماحبتش أكسفه دخلت البيت وهو مستني قدام الباب لحد ما صحيت آية وقولتلها فيه حد عاوز يشوفك وخليت مراتي تعملنا شاي وبعد كدة دخلنا علي أوضة آية أنا وهو.
تعرفي يا آية إنك جميلة أوي وبابا ده شخص عظيم أوي!
أنت مين
أنا واحد بابا ساعد مامته وجاي علشان أسلم عليكي.
أنت عندك بنت
اه عندي بنت.
وعندها شعر
وعندها شعر.
أنا عاوزة شعر زيها.
أنا بقي هجيبلك
ازاي
ومرة واحدة مراتي داخلة بالشاي وأول ما شافت الراجل اللي معايا ايدها ارتعشت والكوبايات وقعت منها وصوتت وقالت
دكتور سعيد منتصر أكبر جراح أورام في ألمانيا واللي بحاول أوصل لرقمه بقالي سنتين علشان يتبني الحالة بتاعتنا قاعد قدام بنتي
ولو هيضيع عمره كله عليها هيفضل جمبها لحد ما تخف.
ساعتها بابا بص للسما وكانت دي أول مرة أشوفه بيعيط وراح ساجد وقايل ماكسفتنيش يارب ماكسفتنيش يارب
فماتكسفنيش بقي يا حاج وخد الفلوس دي هاتلها باروكة وأول ما تخف ابقي رجعلي الفلوس تاني.
يعني يا بنتي أنتي حكيتيلي كل ده علشان تقنعيني آخد منك فلوس الباروكة
لا علشان أديك أمل في بكرة وأقولك
حضرتك الدكتورة آية اللي جايلها من أسوان للقاهرة سفر ١٢ ساعة علي أمل بس إنها تشوف بنتي!!
آية مصطفي اللي لسه جاية وحاضنة بنتي وقايلالها انتي جميلة أوي وعنيكي حلوة وأحسن من كل البنات
حقك عليا يابنتي والله فكرتك من بساطة لبسك إنك شغالة هنا.
رحت ضاحكة وبايسة راسه وقايله
بنتك زيي في التفاصيل كل أملها شعر طويل
فبحق آيات الله لتاخد مني الفلوس وخليك مؤمن جدا برحمة رب النفوس.
وخدها نصيحة غالية من بنت سواق
