اصعب احساس
وعن كلامنا سوا كانت تحكيلي عن خالتها وأنا أحكيلها عن طليقتي ونضحك بصوت عالي الراجل بتاع السوبر ماركت اللي تحت البيت كان دايما بيبصلنا ب استغراب وإحنا ماشيين سوا من كتر ضحكنا وكله كوم وبتاع الأيس كريم كوم تاني كنت أشتري منه وأدي نانسي يبصلي ويضحك هو يعني الأيس كريم حرام للعواجيز اللي زيي! الحياة أبسط من كدة يا جماعة.
لحد ما في يوم نعيم الجنة إتحول لأسفل منزلة فى جهنم.
صحيت من النوم مالقيتش نانسي قلبت عليها البيت كله مالقيتهاش فضلت مستني ساعات طويلة جدا بس مارجعتش كلمت السكرتيرة وطلبت منها تروح العيادة وبسرعة كنت هناك ولاقيتها مستنياني.
أنا مش لاقي نانسي صحيت من النوم لاقيتها مختفية خايف تكون رجعت لخالتها تاني دي ست قلبها قاسي وممكن تعمل فيها حاجة عاوزك تفكري معايا
حطت إيدها علي كتفي وأنا قاعد علي الكرسي
نانسي مين يا دكتور!
البنت اللي كانت قاعدة معايا يوم ما أنت جبتيلي الإتنين عصير لمون.
سمعت صوت ريقها وهي بتبلعه
بس أنا يوم ما جيبتلك اللمون أنت ماكنش معاك حد واستغربت إنك طلبت إتنين!
جسمي إتنفض ونبضات قلبي زادت
وقفت مكاني بسرعة.
إيه!!
أنت بخير يا دكتور!
حطيت إيدي علي رأسي وحسيت بصداع شديد أوي
خرجت الموبايل من جيبي ووريتها صورنا سوا.
البنت دي أنتي ماشوفتيهاش!!
حطت إيدها علي بؤها وبدأت تعيط
حضرتك لازم ترتاح يا دكتور.
نزلت من العيادة جري لحد ما وصلت للراجل بتاع السوبر ماركت اللي تحت البيت وقولتله
عاوز اسألك سؤال يا يوسف وتجاوبي بكل صراحة.
إتفضل يا دكتور.
هو أنا لما كنت بكون ماشي من قدام
علشان ماتعودتش أشوفك ماشي لوحدك وبتضحك بصوت عالي كدة.
ماشي لوحدي!!
أيوة يا دكتور هو فيه حاجة ولا إيه!!!
وزي المجنون طلعت أجري علي محل الأيس كريم ومش مصدق اللي بيحصل ولا فاهم حاجة
وأول ما شوفت صاحب محل الأيس كريم اللي كان بيضحك عليا قربت منه بعصبية وأول ما شافني ضحك وقال للولد اللي شغال معاه
إتنين أيس كريم يابني واحد للأستاذ والتاني للأرض.
وشي إحمر
يعني إيه!!
ضحك بصوت عالي
يعني أنا أول مرة في حياتي أشوف واحد بيشتري إتنين أيس وياكل واحد ويبص جمبه ويفضل يكلم في الهوا وهو فرحان ويقوم رامي التاني وماشي.
وصوت ضحكه بقي أعلي أكتر
فى
اللحظة دي ماحستش بنفسي غير وأنا نازل فيه ضرب والدم نازل من كل حتة فى وشه وصوت عربية
أنت بتتكلم صح الصور فيها إتنين فعلا أنت والهوا.
ومرة واحدة الراجل خلص حكايته وبص في عينيا وقال
عرفت إن أصعب نوع خيانة لما تخونك صحتك يا دكتور أنت وهو علي العموم أهلا بيكم في جراحة المخ والأعصاب.
وبنظرة ماليها القهر
أنا مظلوم يا ولادي وكل اللي حصل ماليش ذنب فيه.
وفجأة جاله تشنجات ومناخيره بدأت تنزف دم والإتنين دكاترة مسكوه وكتفوه وبسرعة الممرضة اللي كانت ورا الكواليس جت ودخلت الحقنة في الوريد الرئيسي فى رقبته لحد ما نام وبدأوا يحركوه وهو علي الكرسي.
وفي وسط كل اللي إحنا فيه ماحستش بنفسي غير وأنا في الشارع وقدامي يافطة مكتوب عليا
مستشفي العباسية للصحة النفسية
وجملة الراجل مش مفارقة عقلي
أصعب نوع خيانة لما تخونك صحتك.
