قصة الخدعه للكاتب حماده هيكل
من فترة وانا مش لاقي شغل
والعيشة بقت صعبة جدا
كلمت كذا حد من صحابي ومعارفي
على اي شغلانه ..وأمجد صاحبي كلمني إمبارح
وقالي جمعتلك تاكس تشتغل عليه بالليل
من ١٠ بالليل لحد الفجر
وماله مفيش مشكله ع البركه
قابلته وروحنا سوا لصاحب التاكس قعدنا
على القهوة اللي قدام بيته
اهو يا معلم ..عمرو صاحبي ...معاه رخصة وسواق شاطر
ومش بيشرب سجاير ومحترم وابن اصول
من غير ما تقول سيماهم على وجوههم يا أستاذ امجد
وان شاء الله ربنا يفك العقدة على إيديه
عقدة ايه ياحج لمؤاخذة
ها..لا مفيش ربنا يكرمك يابني ..انا عايزك تحافظ على التاكس وتصون لقمة العيش كأنه بتاعك بالظبط
طبعا يا معلم من غير ما تقول ..متقلقش
طيب يا معلم أستأذن انا بقى وانت يا عمرو
عايزك تبيض وشي مع المعلم ..وانا واثق انك هتعمر
معاه والامور هتبقى تمام
متقلقش يا صاحبي ...خليها على الله
مشي صاحبي وصاحب التاكس قالي
تشرب ايه
لا ملوش لزوم
عيب عليك انت ضيفي واول مرة تيجي هنا
طيب ممكن شاي ياريت
طلب شاي وقالي التاكس زمانه على وصول
ابني هو اللي بيسوق وردية النهار
تمام يوصل بالسلامه
بس انت من شوية قولت ربنا يفك العقدة على ايديك
يعني ايه ممكن أفهم
مش عارف اقولك ايه والله انا نفسي محتار
ايه الموضوع بالظبط
هقولك ..انا كان عندي عربيتين مش واحده
واحده شغال عليها انا والتانية راكبها ابني
من كام شهر التاكسي
اللي انا كنت راكبه عملت بيه حاډثة
والركاب اللي معايا ماتوا ..وانا دخلت المستشفى
ورجلي اتبترت
_لا حول ولا قوة الا بالله
الحمدلله على كل حال انا راجل مؤمن وراضي بقضاء ربنا
بس أضطرينا نبيع التاكسي التاني ..عشان مصاريف
والمستشفى والباقي صرفناه في تصليح التاكسي اللي عملت
بيه الحاډثه
ومن وقتها وابني راكب التاكسي دا
وانا زي مانت شايف مش هعرف اسوق تاني
وعشان نعوض الدخل من التاكسي اللي بعمله
قررت أخلي التاكسي اللي فاضل يشتغل ورديتين
ربنا يعوضك خير ياحج ..والحمدلله قضا أخف من قضا
ونعم بالله ..بس الغريب أن التاكسي
مش بيجيب همه خالص وخصوصا في وردية الليل
طب ليه
معرفش ..في 3 سواقين قبل منك ركبوا التاكسي
وكل واحد منهم بيرجع لي الصبح بربع الأيراد بكتيره
ربع الإيراد بس !
طب ايه رأيك انه في ايام مكنش بيجيب اي إيراد خالص
غريبة دي
اه طبعا وعشان كدا بدل ع التاكسي دا 3 سواقين
الواحد منهم لما مبيلاقيش لقمة عيش
من ورا التاكس بيسيبه ويشوف غيره
فهمت بقى انا ليه بقول ربنا يفك العقدة على إيدك
والتاكسي يرجع يشتغل زي الاول
ربنا ييسر يا حج ...دعواتك
ربنا معاك ..اهو عاصم وصل هناك اهو
نزل خالد ابن صاحب التاكسي سلم عليا
ومد لي مفاتيح التاكسي
أخدته وتوكلت على الله
التاكس واضح انه اتشد من تاني بعد الحاډثه
العفش جديد وحالته مش بطالة
فضلت أكتر من ساعه بلف في الشوارع
ومفيش ولا زبون شاور لي
كنت مستغرب بصراحه ..يمكن صدفه
لفيت كمان ساعه وبرضو ولا زبون عبرني
رغم ان التاكسيات كلها شغالة ..اشمعنا التاكسي دا !!
حسيت ان
صاحب التاكسي هيدور على سواق خامس
بعد ما هرجع له واسلمه المفاتيح ..ويشوف غيري
لاني بجد أبتديت أتشائم ..بعد شوية
نزلت عند كولدير مايه على جنب عشان اشرب منه
واول ما رجعت لقيت بنت ركبت في الكرسي الامامي
معقول النحس أتفك وفي زبون ركب العربية !!
كانت بنت جميلة وبشعرها
ركبت التاكسي وهي كانت شارده
على فين يا آنسه
...
يا آنسه
نعم !
على فين أن شاء الله
اي حته اي حته
يعني ايه
يا سيدي اطلع انت مش ليك أجرتك
طيب زي ما تحبي !
اتحركت بالتاكسي وفضلت الف بيها
كانت ساكته وحزينه ..شعرها بيتطاير على وشها
وكانت بترفعه بصوابعها من وقت للتاني
بعد نص ساعه من الصمت ..سألتها
حضرتك زعلانه من حاجه
بصت لي وقالت
انت اسمك ايه
انا !!
ايوه اومال حد غيرك معانا
لأ..انا اسمي عمرو
اه عمرو ..بتشتغل سواق من امتى
الحقيقة انا اشتغلت كذا شغلانه ..وكنت سائق تاكسي
من مدة ..وسبته والليلة دي اول مرة اشتغل فيها ع التاكسي دا ..ليه حضرتك
ممكن اعرف انت ليه مش حاطط حزام الامان
ليه هو احنا داخلين على لجنة
وهو لازم يعني ..مش المفروض حزام الامان دا
يكون عليك طول الوقت حماية ليك
ولكل الركاب الي معاك
اه فعلا ..عندك حق ..حاضر هلبسه أهو
انتي مين بقى وايه حكايتك
لازم تعرف يعني
لو مش هيدايقك يعني
طب مش تعرفني بيك الأول
ماشي ياستي انا عمرو عبدالله
ابويا ماټ من عشر سنين ومن يومها وانا بقيت المسئول عن بيتنا.. عندي اخت واحده الحمدلله ربنا قدرني وسترتها
واتجوزت من سنتين ودلوقتي عايش انا وامي لوحدنا
وليه متجوزتش لدلوقت
مفيش
مفيش ايه
مفيش فلوس ولا شقه.. معاش ابويا الله يرحمه يادوب مكفي علاج امي
وانا اهو بتنقل من شغلانه لشغلانه.. عشان الاحق ع الأكل والشرب وفواتير الغاز والميه والكهربا.. زي مانتي شايفه الدنيا ولعت
طب ومامتك مش نفسها تشوفك عريس!!
طبعا دايما تقولي منى عيني تتجوز واشيل عيالك قبل ما اموت ..وانا من كتر الضغط عليا
خطبت
وبعدين حصل ايه
الموضوع مكملش.. اهل العروسه مش عايزين بنتهم تعيش مع امي
وانا مش هقدر اتأجر
ولا اقدر اسيب امي لوحدها
ربنا يبارك لها فيك ويخليكم لبعض
ربنا يخليكي.. وانتي بقى !
انا يا سيدي كنت متجوزه
بس أنفصلنا قبل الحاډثه بكام شهر
حاډثة ايه
هو انا مقولتلكش
على ايه
في يوم كنت راكبه تاكسي
ورايحه ازور خالتي والعربيه
اتقلبت بينا
وكل اللي فيها ماتوا ما عدا السواق
نعم! ..ازاي يعني
ماهو انا مش بني ادمه
حضرتك بتهزري صح
واهزر ليه.. انت شوفتني وقفتك ولا لقيتني قدامك كدا جوا التاكسي
يا سلام اقتنعت انا كدا !
طب اقولك..انت السواق الرابع
لان التاكسي مش شغال.. وصاحب التاكسي رجله مبتوره
دوست فرامل مره واحده
وقولتلها.. انتي عرفتي المعلومات دي كلها ازاي
خدت نفس عميق وقالت بحزن
ماهو انا كنت ضمن الناس اللي ماټت في حاډثة التاكسي دا
ومن ساعتها وانا مبقليش مكان غيره خصوصا بعد ۏفاة امي من زعلها عليا وانا مليش
حد.. اعتبرت التاكسي دا هو بيتي وحياتي كلها
انتي بتتكلمي جد يا انسه !!
مدام حضرتك انا مدام
وبعدين بقى.. في اللخبطه دي
جاني اتصال من أمي بتطمن عليا
ايوه يا ماما.. انا تمام
والشغل
اه الشغل تمام الحمدلله
طيب يابني الحمدلله ربنا عوض صبرك خير
قفلت معاها.. وببص جنبي
لقيتها اختفت
هي راحت فين دي
لقيت ورقه مكانها ع الكرسي مكتوب عليها
انا أعجبت بيك ومش هطفشك من التاكسي زي اللي قبلك ولا اوقف حالك
ودا تمن التوصيله عشان ميبقاش ليك جميله عليا
ولقيتها سابت لي 250 جنيه
شكلهم جداد كأنهم طالعين من المطبعه النهارده..توقعت انهم مزورين. بس دققت فيهم واتأكدت انهم فلوس حقيقيه
كنت محتار وانا
معقول دي عفريته!!
طب ازاي.. وايه عجبها فيا
وليه عرفتني الحقيقه وليه ..
قطع تفكيري صوت راجل بيقول
فاضي يا اسطى
اتفضل يا باشا ..على فين بأذن الله
التاكسي
- آبل
- طبخ
- عمل
- الأمان
- حزن
- عار
- علم
- قلق
- اموال
- علاج
- ألواح
- الشارع
- قسم
- شعر
- قلق
- الأم
- صوت
- قابل
- كشف
- صاحب
- قمة
- مادة
- قلق
- أسس
- أبل
- عمر
- ملك
- بنز
- آبل
- علاج
- لعبة
- معلومات
- خطط
- قهوة
- عملة
- شعر
- تفوق
- عروس
- كلام
- ناس
- راكب
- عبر
- واما
- قصة
- رجل
- شهر
- السل
- الغاز
- الأرض
- طال
- آبل
- لعب
- عمل
- أبل
- طبخ
- الحب
- قضاء
- روح
- إكس
- صوت
- علاج
- قوة
- ابل
- آبل
- قيم
- الليل
- الام
- علاج
- شعر
- مشكلة
- العمل
- علاج
- العمل
- المعلومات
- حوار
- الحب
- المطبخ
- قوة
- أرض
- معلم
- دول
- قلم
- عم ان
- أول
- ابل
- نوم
- بقول
- صحي
- سموم
- القهوة
- آبل
- حزن
- ضار
- القهوة
- مطبخ
- هيكل
- راي
- العمل
- الناس
- رحم
- رجل
- وقت
- كوب
- السل
- العرب
- علاج
- سحب
- تطلب
- رهف
- فجر
- إبل
- راب
- سائق
- روما
- حقن
- الغاز
- الارض
- سمك
